| | كرسى الاعتراف "معانا العضوه المميزه D&H" |  |
|
+109only_you osama mar3e n0ha mika_music22 عاشقة الرومانسية شهر زاد همسـ@ أمل أمير الحب why not عاشقه العشق H@M@D@_FOX يويو cabbo Ahmed Ayuob دهب نظرة تدبر حاملة الحق *sondos* دمعة حائرة sadek2000 Hannah Montana DoDi_2010 jopiter MenO A_A angle hamsa_hwh Sab3awy moonface2002 ROMA_MMA m.d.sabry noor_ahmed جلال 2008 M@7mOuD كابر74 محمد فهمي haysam amraouf Ahmed_zaher اسلام نت منه الله فتحى midokasset love28 nouralhaya darkline fox3650474 sare محمود فتحي bondaa lzuz_7up يامى يوجى lenen777 Mr-Hero Empty Heart تيتو الكنج123 اسرار الحياة yaccopian maramero mr.titos2010 amr tones smart-cafe الامبراطور hamo00 اميرة الحب NoOoDi moon_light yn16 ramo16 سما said_m2581 محمودشعبان temoon حسن حسن phantom r love h POP اميرة الرومانسية هـــاله jolian ShoW TiMe سلمى جميل الشرنوبى A7med Nafe3 general1 EnG__EsLaM love_voice62 soso512 3aqedat al eslam اصعب حب Hany_Dawood2010 Raouf Aziz Saad Aziz masse المـشاكـس ELKaBaBGY bent.masr M.I.D.O bone_elmasry ScoField T.I.T.O future derstar free2months soma* ننوسة MODEY CAZLO heroahmed هيثوووووم MaNoS Ranoon وعد العيييون 113 مشترك |
|
| كاتب الموضوع | رسالة |
|---|
اسرار الحياة
مانوسى سوبر عضو
المشاركات : 1815
العمر : 41
منساوى ولا منساوية ! : 
السٌّمعَة : 0
نقاط : 4
تاريخ التسجيل : 04/06/2007
| موضوع: رد: كرسى الاعتراف "معانا العضوه المميزه D&H"  الأحد 23 مارس 2008 - 12:01 | |
|
منورة الكرسي ياسمكة
اهلا بيكي
انا هسالك كام سؤال كدة مش هطول عليكي
1-ايه اكتر اكله بتحبيها ؟
2-انتي اهلاوية ولا زملكاوية ؟
3-هل تؤمني بالحب من النظرة الاولي ؟
4-لو بتلعبي رياضة تحبي تكون رياضة ايه ؟
5-لما بتكوني مضايقة اوووي بتحكي لمين ؟
كفاية كدة دلوقتي ولنا لقاء اخر
| |
|
 | |
fox3650474
مانوسى مبدع
المشاركات : 888
العمر : 42
السٌّمعَة : 0
نقاط : 0
تاريخ التسجيل : 11/12/2007
| | موضوع: رد: كرسى الاعتراف "معانا العضوه المميزه D&H" الأحد 23 مارس 2008 - 13:48 | |
| بعد السلام عليكم
انا لسة جي من السفر و عشان كدة بقاللي فترة مش موجود
بس لما شوفت كرسي الاعتراف و كمان علي مين سمكة تتوس قلت لازم اجي و اسئل كمان
1 درجة قربك من الله
2 اية اكتر حاجة بتعجبك و بتحبيها في الحياة
3 اكتر وقت بتحتاجي تكوني لوحدك بعيد عن كل الناس
4 اكتر وقت بتكوني سعيدة انا الناس حواليكي و بيحبوكي
5 بتفكري في اية دلوقتي | |
|
| | |
هيثوووووم
ادارة منتدى مانوس
المشاركات : 5590
العمر : 36
ساكن فين؟ : رشيد
بتشتغل اية؟ : طالب
السٌّمعَة : 4
نقاط : 26
تاريخ التسجيل : 10/01/2007
| | موضوع: رد: كرسى الاعتراف "معانا العضوه المميزه D&H" الإثنين 24 مارس 2008 - 13:42 | |
|
فين سمكه يا جماعه ياريت لو حد يعرفها يبلغها انها ضيفه الاسبوع والمفروض تخش ترد
| |
|
| | |
hamo00
مانوسى رهيب
المشاركات : 672
العمر : 36
ساكن فين؟ : فى بيتنا
بتشتغل اية؟ : طالب
السٌّمعَة : 2
نقاط : 94
تاريخ التسجيل : 17/02/2007
| | موضوع: رد: كرسى الاعتراف "معانا العضوه المميزه D&H" الإثنين 24 مارس 2008 - 14:30 | |
|
سمكه اكيد فى البحر ههههههههههه
اوعى تزعلى نا بهزر
المهم الاسئله ومنين متيجى ابقى جوبى عليهم ولا شكلك عرف ان انت ضيفة الاسبوع وزوغتى
1- ليه اخترتى اسم سمكه تتوس ؟
والبطاقة السخصيه طبعا ؟
2- ايه المقياس الى بتحكمى بيه على الناس الى معاكى ؟
3 - ايه اكتر صفة بتحبيها فى نفسك والى بتكرهيها ؟
4 - لو عندك امنيه واحده حتتحقق تختريها ايه ؟
5 - لو انت الى اخترتى اسمك وشكل وحياتك تختريها ازاى ؟
6 - موقف محرج حصالك "وموقف حسيتى فيه بالغباء "وكنت فين طول المده دى والناس الى قبلى كلها جات تسالك ومفيش اجابة
سلالالالالالالالالالالالالالالالالالام نلتقى بعد الفاصل
| |
|
| | |
زائر
زائر
| | موضوع: رد: كرسى الاعتراف "معانا العضوه المميزه D&H" الثلاثاء 25 مارس 2008 - 14:52 | |
| 1 - أكتر حاجه بتحبيها وأكتر حاجه بتكرهيها
2 - أكبر مشكلة تسببتي في وقوعها
3 - أكثر موقف حسيتي إنك إتظلمتي في
4 - أكتر موقف حسيتي إنك ظلمتي في
5 - عرفتي منديات مانوس إزاي
6 - كفايه كده |
|
| | |
هيثوووووم
ادارة منتدى مانوس
المشاركات : 5590
العمر : 36
ساكن فين؟ : رشيد
بتشتغل اية؟ : طالب
السٌّمعَة : 4
نقاط : 26
تاريخ التسجيل : 10/01/2007
| | موضوع: رد: كرسى الاعتراف "معانا العضوه المميزه D&H" الثلاثاء 25 مارس 2008 - 15:59 | |
|
خلاص يا جماعه سمكه كده مش موجوده اكيد عندها ظروف تمنعها من دخول المنتدى احنا كده هنعمل تصويت تانى من انهارده ليوم الجمعه واللى هنختاره هيبقا ضيف الاسبوع الجاى
| |
|
| | |
darkline
مانوسى جديد
المشاركات : 25
العمر : 34
السٌّمعَة : 0
نقاط : 0
تاريخ التسجيل : 24/04/2007
| |
| | |
nouralhaya
مانوسى سوبر عضو
المشاركات : 1027
العمر : 36
ساكن فين؟ : فى الدنيا
بتشتغل اية؟ : بشتغل من دماغى
منساوى ولا منساوية ! :
السٌّمعَة : 1
نقاط : 241
تاريخ التسجيل : 04/01/2008
| | موضوع: رد: كرسى الاعتراف "معانا العضوه المميزه D&H" الثلاثاء 25 مارس 2008 - 18:45 | |
| فكرة جميله ورائعه ان الانسان يعترف بكل امانه بس ممكن الانسان فعلا يعترف بكل شىء؟؟؟؟؟؟ | |
|
| | |
love28
مانوسى جديد
المشاركات : 9
العمر : 35
منساوى ولا منساوية ! :
السٌّمعَة : 0
نقاط : 0
تاريخ التسجيل : 15/03/2008
| | موضوع: رد: كرسى الاعتراف "معانا العضوه المميزه D&H" الجمعة 28 مارس 2008 - 3:47 | |
| | |
|
| | |
love28
مانوسى جديد
المشاركات : 9
العمر : 35
منساوى ولا منساوية ! :
السٌّمعَة : 0
نقاط : 0
تاريخ التسجيل : 15/03/2008
| | موضوع: رد: كرسى الاعتراف "معانا العضوه المميزه D&H" الجمعة 28 مارس 2008 - 3:50 | |
| | |
|
| | |
هيثوووووم
ادارة منتدى مانوس
المشاركات : 5590
العمر : 36
ساكن فين؟ : رشيد
بتشتغل اية؟ : طالب
السٌّمعَة : 4
نقاط : 26
تاريخ التسجيل : 10/01/2007
| | موضوع: رد: كرسى الاعتراف "معانا العضوه المميزه D&H" السبت 29 مارس 2008 - 1:59 | |
|
حبيب قلبى ميدو ضيف هذا الاسبوع
عايزكم تطحنوه اسئله عايزين نتعرف عليه من قريب
انا طبعا اعرفه كويس اوى
ولكن المنتدى كله لازم يعرفه هههههههههههههههههه
اطحنووووووووه
يله عايز الدم للركب
هتنور يا ميدو اكيد الاسبوع والله يكون فى عونك على الكرسى
واول سوال هقولك ايه شعورك وانتا على الكرسى ؟
هرجعلك تانى يا ميدو يا غالى
| |
|
| | |
M.I.D.O
مشرف
المشاركات : 4852
العمر : 37
ساكن فين؟ : ((((( الاسكندريه )))))
بتشتغل اية؟ : Accountant
السٌّمعَة : 0
نقاط : 0
تاريخ التسجيل : 16/09/2006
| | موضوع: رد: كرسى الاعتراف "معانا العضوه المميزه D&H" السبت 29 مارس 2008 - 3:13 | |
|
هههههههههههههههههههههه
ميرسى يا هيثم على ترحبيك الجميل ربنا يكرمنى واردهولك
وبالنسبه لسؤالك عن شعورى وانا قاعد على الكرسى ؟
انا ياعم قاعد ومستنى الاسئله بكل ثقه وهدوء
احلى سلام
| |
|
| | |
زائر
زائر
| | موضوع: رد: كرسى الاعتراف "معانا العضوه المميزه D&H" السبت 29 مارس 2008 - 14:17 | |
|
يسعدني أنا أكون أول من يطحن
تحب أطحنك في إيه
بس مش هطول عليك
علشان تعرف أنا بحبك أد إيه
بس هسألك أسئة بااااايخه
1 إنتى في كلية إيه
2 وجبت كام
3 وليه دخلت الكليه دي
4 ويتحبها ولا لاء
5 موقف محرج مع دكتور
6 وماهي علاقتك بوالديك
|
|
| | |
M.I.D.O
مشرف
المشاركات : 4852
العمر : 37
ساكن فين؟ : ((((( الاسكندريه )))))
بتشتغل اية؟ : Accountant
السٌّمعَة : 0
نقاط : 0
تاريخ التسجيل : 16/09/2006
| | موضوع: رد: كرسى الاعتراف "معانا العضوه المميزه D&H" السبت 29 مارس 2008 - 18:58 | |
| - lil_T2 كتب:
يسعدني أنا أكون أول من يطحن
تحب أطحنك في إيه
بس مش هطول عليك
علشان تعرف أنا بحبك أد إيه
بس هسألك أسئة بااااايخه
يا عمنا اسال براحتك ولا يهمك
1 إنت في كلية إيه
كليه التجاره
2 وجبت كام
قصدك يعنى فى الثانويه انا تقريبا جبت 83.5%
3 وليه دخلت الكليه دي
عشان بحب الحسابات وبكره النظرى
4 ويتحبها ولا لاء
بحبها جدا
5 موقف محرج مع دكتور
محصلش الحمد لله اى موقف محرج مع اى دكتور
6 وماهي علاقتك بوالديك
جيده الى حد ما وبعيده عن التوتر
| |
|
| | |
اسرار الحياة
مانوسى سوبر عضو
المشاركات : 1815
العمر : 41
منساوى ولا منساوية ! :
السٌّمعَة : 0
نقاط : 4
تاريخ التسجيل : 04/06/2007
| | موضوع: رد: كرسى الاعتراف "معانا العضوه المميزه D&H" السبت 29 مارس 2008 - 19:54 | |
|
اهلا ياميدو منور والله الكرسي عقبال باقي العصابة لما تنور الكرسي زيك كدة
هسالك كام سؤال كدة علي السريع
ايه الاكله المفضلة عندك ؟
بتعرف تضبخ ولو بتعرف بتساعد والدتك في الاكل وشغل البيت ؟
لما تتجوز ان شاء الله قريب كدة هتساعد مراتك في شغل البيت ؟
ايه رايك في الحب وهل الصداقة ممكن تنقلب لحب ؟
ايه رايك في الارتباط عن طريق النت ؟ هل هو صح ولا غلط ؟
ايه مواصفات فتاة اخلامك ؟ وهل هي موجودة ولا لا ؟
مين اكتر عضو بتحبه في المنتدي من الشباب واكتر عضوة من البنات ؟
ومين اكتر واحد مش بترتحله حتي لو انا قول ميهمكش ؟
كفاية كدة دلوقتي مع اني كل مرة اقول راجعة تاني وعقبال مبرجع بيبقي قعد حد تاني علي الكرسي
يالا احلي سلام لاحلي ميدو
| |
|
| | |
M.I.D.O
مشرف
المشاركات : 4852
العمر : 37
ساكن فين؟ : ((((( الاسكندريه )))))
بتشتغل اية؟ : Accountant
السٌّمعَة : 0
نقاط : 0
تاريخ التسجيل : 16/09/2006
| | موضوع: رد: كرسى الاعتراف "معانا العضوه المميزه D&H" السبت 29 مارس 2008 - 20:34 | |
| - اسرار الحياة كتب:
اهلا ياميدو منور والله الكرسي عقبال باقي العصابة لما تنور الكرسي زيك كدة
ده نورك يا اسرار وعقبال انتى ما تشرفى ع الكرسى
هسالك كام سؤال كدة علي السريع
براحتك يا ستى
ايه الاكله المفضلة عندك ؟
الجمبرى والباميه
بتعرف تطبخ ولو بتعرف بتساعد والدتك في الاكل وشغل البيت ؟
لا انا مليش فى حكايه الطبخ دى وممكن اروق اوضتى وانتهينا
لما تتجوز ان شاء الله قريب كدة هتساعد مراتك في شغل البيت ؟
هههههههه ربنا يسهل بس فى الغالب ممكن اساعدها
ايه رايك في الحب وهل الصداقة ممكن تنقلب لحب ؟
الحب علاقه متبادله بين طرفين يجمعه صفات وسمات مشتركه وهوه مش مجرد كلمه ده احساس نابع من القلب
والصداقه اساسا نوع من انواع الحب
بس انا فاهم قصدك اه ممكن تنقلب لحب وحب جامد كمان
ايه رايك في الارتباط عن طريق النت ؟ هل هو صح ولا غلط ؟
الارتباط عن طريق النت هوه مش ارتباط ده تعارف انقلب لاعجاب
وهوه صح احيانا لو الشخصين اتقابلوا واتعرفوا على بعض كويس وبيبقى لعنه لو العمليه مجرد تسليه وخلاص
ايه مواصفات فتاة اخلامك ؟ وهل هي موجودة ولا لا ؟
فتاه احلامى فتاه عاديه كل الى انا اطلبه فيها انها تكون بنت حلال وعارفه ربها كويس واطمن على اولادى معاها
مين اكتر عضو بتحبه في المنتدي من الشباب واكتر عضوة من البنات ؟
مينفعش احدد لان كل اعضاء المنتدى بحبهم بجد ومش عايز انسى حد
ومين اكتر واحد مش بترتحله حتي لو انا قول ميهمكش ؟
ههههه لا اسرار مش انتى هوه كان فى عضو اسمه فوكس كان بيخنقنى كان بيدخل يرد على كل المواضيع وخلاص
يدخل ويقول مشكور وانتهينا وقلب الموضوعات فى المنتدى من تحت لفوق كان بيعصبنى
كفاية كدة دلوقتي مع اني كل مرة اقول راجعة تاني وعقبال مبرجع بيبقي قعد حد تاني علي الكرسي
ههههههههههههههههههههه عموما انا موجود كل يوم بعد الضهر البيت بيتك
يالا احلي سلام لاحلي ميدو
احلى سلام يا غاليه
| |
|
| | |
زائر
زائر
| | موضوع: رد: كرسى الاعتراف "معانا العضوه المميزه D&H" السبت 29 مارس 2008 - 21:52 | |
|
الأسئلة الدينيه :
1 إيه أكتر حاجة ممكن تحببك بشخص وأكتر حاجة ممكن تكرهك في ؟
2 هل تؤيد مقاطعت المنتجات الدنماركية ؟ أم أن هناك طريقة أفضل في التعامل مع هذا الموقف ؟ وضح إجابتك بالمعادلات الرياضية ؟ ( مش إنت بتحب المحاسبه إشرب )
3 ما هي الأعياد التي تحتفل بها ؟
4 قيم نفسك في الثقافة الدينية
5 مدى قربك من الله ؟ ومحافظتك على الصلاة ؟
الدرجة النهائية من 0
كم تتوقع أديلك
سلام يا قمر قصدي يا خسوف القمر ( في حالة إذا كنت أسود) |
|
| | |
M.I.D.O
مشرف
المشاركات : 4852
العمر : 37
ساكن فين؟ : ((((( الاسكندريه )))))
بتشتغل اية؟ : Accountant
السٌّمعَة : 0
نقاط : 0
تاريخ التسجيل : 16/09/2006
| | موضوع: رد: كرسى الاعتراف "معانا العضوه المميزه D&H" السبت 29 مارس 2008 - 22:26 | |
| - lil_T2 كتب:
الأسئلة الدينيه :
1 إيه أكتر حاجة ممكن تحببك بشخص وأكتر حاجة ممكن تكرهك في ؟
اكتر حاجه تعجبنى فى الانسان لما احس انه راجل فى تصرفاته وجدع
واكتر حاجه تخنقنى فى الانسان لما يقول كلام وميطلعش قده او يتكلم على حد من وراه
2 هل تؤيد مقاطعت المنتجات الدنماركية ؟
طبعا مش محتاجه سؤال يعنى
أم أن هناك طريقة أفضل في التعامل مع هذا الموقف ؟
انا من رايى مواجهه العالم دى بالمنطق والحوار احسن من المظاهرات
ونحاول نوضح وجهه نظرنا من خلال وسائل الاعلام بتاعتهم
هما سلاحهم الاعلام ولازم ده يبقى سلاحنا احنا كمان
وضح إجابتك بالمعادلات الرياضية ؟ ( مش إنت بتحب المحاسبه إشرب )
هههههههههههههههههه انتا شكلك من اعداء الرياضيات او ليك حب فزيع للفيزيا
3 ما هي الأعياد التي تحتفل بها ؟
عيد الفطر وعيد الاضحى بس
4 قيم نفسك في الثقافة الدينية
الى حد ما عارف حاجات فى الدين بس مش شيخ يعنى
5 مدى قربك من الله ؟
الحمد لله على قدر ما اقدر بحاول اكون قريب من ربنا وابعد عن نواهيه
ومحافظتك على الصلاة ؟
الحمد لله محافظ على صلاتى بانتظام
الدرجة النهائية من 0
كم تتوقع أديلك
براحتك يا عم هوه احنا حنفاصل
سلام يا قمر
قصدي يا خسوف القمر ( في حالة إذا كنت أسود)
سلام
| |
|
| | |
3aqedat al eslam
مانوسى سوبر عضو
المشاركات : 8510
العمر : 39
ساكن فين؟ : في رحاب الله
بتشتغل اية؟ : داعي إلى الله
السٌّمعَة : 0
نقاط : 0
تاريخ التسجيل : 22/01/2008
| | موضوع: رد: كرسى الاعتراف "معانا العضوه المميزه D&H" الأحد 30 مارس 2008 - 2:40 | |
| وسع وسع يا عم الحج
ده أنا المستحيل بذاته صاحب أجدع واجب مع الأعضاء وتحديدا الشباب اللذيذ
مين اللي أنا شايفه ده معقووووووووووولة
لالالالالالالالالالالالالالالالالالالالا
مش معقووووووووول ده أنا مش مصدق يا جماعة
ميدو بذات نفسه أنا مش مصدق عيني
مش معقولة يعني تبقى على الكرسي وما اعملش الواجب معاك ده أنا حتى واخد اجازة
أول ما عرفت فتحت نت على طووووووول وقلت لازم نكرموك يا قمر
الـــــمـــــــهـــــــــم
ميدو يا ميدو
حبيب قلبي والله من جوه جوه مش من بره بره
واحشني والله يا غالي .... أخبارك إيه يا قمر ... بجد إنت مش منور الكرسي بس
ده إنت بنورك قاطع الكهربا عن جمهورية مصر كلها .... منور يا باشا
أنا قلت مش معقولة يعني ميدو على الكرسي وما اعملش الواجب معاه
ده حتى تبقى عيبة في حقي يا راجل
المهم يا غالي يا ابن الغالي أنا هبدأ في الواجب على طوووول
مذاكر طبعا ..
يالله نقووووووول
بسم الله الرحمن الرحيم
السلام عليكم ورحمة الله وبركاته
طبعا معاك أخوك المستحيل من القناة الإخبارية ... ونظام أسئلتي يا جميل هيا عبارة عن
مجموعات لذيذة ودمها خفيف زي قلبك بالظبط .. بس قلبك الأجمل
إحكيلي بقى بس ما تخلينيش أنام
المجموعة الأولى : البطاقة الشخصية
* اسمك ؟
* سنك ؟
* عنوانك ؟
* طولك ؟
* كنيتك ؟ ( اسم الدلع يا غالي )
* وزنك ؟
* شغلك ؟
* كليتك ؟
* نوع موبايلك ؟
* معاك رصيد قد إيه ؟
* مقاس جزمتك ؟
( ماتقولش هفصل واحد شبهك قموووووووور )
ماعلينا
أنا عايز أسمع حكايتك وأنت في البيت ومين الشخصيات اللي فيه
يعني اللي جاية هتكون فين ؟؟؟؟؟؟؟؟؟؟؟؟؟
المجموعة التانية : المنزل
* أخبار بابا وماما إيه ؟ وأخوك عامل إيه بيذاكر والا مطنش ؟ ( يا ويله مني لما ارجعله )
* إنت مع مين أكتر بابا والا ماما ؟
* أوضتك شكلها عامل إزاي ؟
* بتحب تزور اهلك ؟ ومين أكتر الأشخاص قرباً ( ولاد العم ـ ولاد الخال ) وليه يا فالح ؟
* تيتو ــ تيتو ؟ ما هي علاقتك به خارج عن نطاق الأخوة ؟ وياريت شخصيته .
هذا وقد تجول المستحيل في داخل المنزل ... حتى وصل إلى المطبخ
وإليكم المجموعة المفصلة عن التلاجة
الحكاية التالتة : المطبخ
* بتحب تفطر إيه ؟
* إيه أكتر أكلة بتحبها وماما بتبرع فيها ؟ ( ربنا يخليهالك ويحفظهالك هيا و والدك )
* البامية بتتعمل من إيه ؟
* إيه الصنف الحلو اللي بتحبه ؟
* بتحب تاكل جيلاتي ؟
* بتحب تشرب شاي والا قهوة ؟
أقولك سُك على الشاي وعليك بالليمون فاكره طبعا
إيه يا راجل أنا تخنت أوووووووي ..... ومتشكرين على واجب الضيافة ده
ويارب بيتك يبقى عامر كده على طووووووووووول
نروح بقى على النادي الرياضي بتاعك عشان ننزل الكام كيلوا دوووول
ممكن تلعب كوووورة معايا والا مشغول
غصباً عنك هتلعب هو بمزاجك
النشرة الرابعة : الرياضة
* إيه رأيك في ماتش الزمالك والجيش ؟ وكنت بتشجع مين ؟
* برأيك إيه أسباب خسارة منتخب مصر قدام الأرجنتين ؟
* إيه رأيك في اللي عمله الحضري ؟
* وأنت بتشجع الأهلي إيه شعورك ؟
* لو رشحوك تمسك النادي الأهلي إيه أبرز التغييرات اللي ممكن تعملها في النادي ؟
* بتشجع مين في الدوري الأوروبي ؟ ومين أمهر لاعب في نظرك في أوروبا غير أبو تريكة .
آآآآآآآآآآآآآآآآآآآآآآآآآآآآآه تعبت خلاص نفسي اتقطع
بذمتك يا راجل حد يلعب كورة بعد الأكل على طوووول ده حتى مش صحي خاااالص
ربنا يسامحك بقى
فاصل خفيف خفيف ... ناخد شاور على السريع كده عشان ورانا مشاورير تهد الحيل | |
|
| | |
3aqedat al eslam
مانوسى سوبر عضو
المشاركات : 8510
العمر : 39
ساكن فين؟ : في رحاب الله
بتشتغل اية؟ : داعي إلى الله
السٌّمعَة : 0
نقاط : 0
تاريخ التسجيل : 22/01/2008
| | موضوع: رد: كرسى الاعتراف "معانا العضوه المميزه D&H" الأحد 30 مارس 2008 - 2:41 | |
| انزل يا باشا
منور والله
أنزل كمان
ايوة هنا
ورجعت بعد الفاصل
ونروح على طوووووول على أول مشوار ..... هنزور أحبابك وأصحابك
الصداقة كنز لا يُفنى .... أنتيمي وحبيبي
المجموعة الخامسة : الأصدقاء
* شخصيات صحابك ممكن تقيمها إزاي ؟ ( مرحة ـ زعلانة ـ أصحاب مشاكل ـ ... الخ )
* على أي أساس بتختار صحابك ؟
* من هو الصديق اللي فعلا يستحق تقول عليه صديق ؟
* هل ممكن صاحبك يكون أخوك ؟
* بتفضل تصاحب الأولاد والا البنات ؟ سيبك من البنات لحسن ما يجيبوش غير المشاكل
كفااااااااااية أسئلة في الاصدقاء لحسن ده وراك مجموعات يااااااااااااااااااااما
انزل أنزل أنزل ....... أنت لسة شفت حاجة
طالما في الشارع لسة .....يبقى هنروح ندور في المدرسة
المجموعة السادسة : في المدرسة
* كنت بتقعد في الفصل قدام والا ورا ؟
* كنت شاطر في المدرسة ؟
* كنت بتصاحب البنات والا والولاد أكتر ؟
* كنت بتتضرب في المدرسة ؟ وكام مرة انضربت ؟
* كا مرة نسيت تحل الواجب ؟
* إزاي ممكن توصف أيام دراستك في المدرسة ؟ ودلوقتي في الكلية ؟
بلاش السيرة المقرفة دي أنا عارف إنك زهقت منها ...... يالله مش مشكلة
كله يهون عشان أنا اللي بسأل ........ صح ؟؟؟؟؟ والا عندك إعتراض
على العموم الإعتراض مرفوض مع المستحيل
بيقولوا أحلى سلام .. وأحلى كلام إتقال ما بين إتنين ... وبيقولوا كمان إنه عذاب ...
لدرجة غنولوا وقالوا إنت الحب اللي إتمنيته ........ أكيد عرفت المجموعة الجديدة
شاااااااااااااااااااااااااااااطر الله ينور عليك
المجموعة السابعة : الحب
* معنى الحب في نظرك ؟
* فسر الكلمة دي ( تحياتي لمن دمر حياتي ) وممكن تقولها لمين ؟
* أنا بحبك أكتر أها اها اها .. اغنية حلوة بتهديها لمين ؟
* هل لازم الواحد يضحي في الحب ؟
* هل ممكن تستغنى عن حبك لو مليت منه ؟
* بتحب مين ؟ ( أكيييييد يعني ومش محتاجة مفهومية بابا وماما والمستحيل )
هههههههههههههههههههههههههههههههه
ابسط يا عم ما فيش أحلى من كده
كفاااااااااااااااااااااية كلام في الحب قطعت قلبي
عارف إني أخرتي كده على نقالة ...... حاسس إنك هتتضربني
بس مافيش مشكلة ضرب الحبيب زي أكل الزبيب وماله اي حاجة منك حلوة
كمل يا خويا كمل
قال تعالى ( اليوم أكملت لكم دينكم وأتممت عليكم نعمتي ورضيت لكم الإسلام دينا )
يعني مجموعتنا المتألقة هتكون فييييييييييييين ؟؟
إييييييييييييييييييييييه مش سامع .....خلاص خلاص
أنا هسأل على طوووووول
المجموعة الثامنة: الدين
* كم عدد الصلوات المفروضة ؟ عددها يا شاطر
* ماهو تعريف الإيمان ؟
* أين ذكرت آية الكرسي ؟ ( في سورة إيه )
* عدد المذاهب الأربعة ؟ مع ذكر اسم الدولة اللي تتبع المذهب ؟
* صلي بقى على أشرف الخلق وخاتم النبيين ؟ اللهم صلي وسلم وبارك عليه
بارك الله فيك يا أخي
إيه ده إيه كل ده ليه يعني .....لالالالالالالالا ...... ما يصحش كده .....
يرضيك كده يا ميدو .. طبعا لا ... طب أنا عايز أخد رأيك في المجموعة دي
المجموعة التاسعة : يرضيك والا لا ؟
* يرضيك حد يعلقني ؟
* يرضيك حد يضربني ؟
* يرضيك أقعد مكانك ؟
* يرضيك أشجع الأهلي ؟
* يرضيك أشرب ليمون ؟
* يرضيك أزعل ؟
* يرضيك أبطل أسألك ؟ هههههههههههههههههههههههههههههههههههه
الإحساس بالآخرين شيء جميل
الدنيا حلوة للناس الحلوة .... الدنيا جميلة للناس الأجمل ... بس يا ترى الناس شكلها إزاي
المجموعة العاشرة : ناس وبس
* الناس في نظرك حالهم إيه دلوقت ؟
* الحالة المادية صعبة أووووي ؟ بتنصح الناس بإيه ؟
* الناس همومها كتيرة ومشاكلها أكتر , تقولهم إيه ؟
* الشباب عاطل اليومين دووول وخارج نطاق الخدمة بتقولوا إيه عشان يقوم بنفسه ؟
بس بقى ... مش عايز أسمع ولا كلمة عن الناس كفاية اللي الواحد فيه
خلينا نعيش ...
ابسط بقى ياعم .. أنا بعمل معاك واجب ما اتعملش في حد قبل كده
هنروح الألعاب نغير جو شوية
أنزل
انزل
ما تتأخرش
للأسف يا ميدو مافيش فسح النهاردة .... أصلك جاي على أخر الشهر والجيوب منفضة
مرة تانية يا باشا ... بس ابقى فكرني من اول الشهر مع ساعة القبض
يقال كل نفس بذاتها مشرقة لامعة كلمعان النجوم في الليل ... ففيه تهدأ النفس البشرية
وترتاح لذاتها لتتكلم عما بها
أنا بدأت أكلم نفسي والا ايه ....... لالالالالا .... أسأل أحسن
المجموعة الحادية عشر : في الذات
* كيف ينظر ميدو لنفسه ؟
* أين تضع نفسك بين الناس ؟
* هوايتك إيه ؟ وإيه الصفة الحلوة اللي فيك ونفسك الناس تعرفها ؟
* لبسك شكله إيه ؟ و روتين حياتك اليومي إيه ؟
* مستوى ذكائك ممكن يوصل لفين ؟
* ليه إخترت اسم العقل المدبر ؟
بس كفاية كده في الذات .... لحسن تتجنن .. أصلي عايزاك لسة ما خلصتش
نروح على فين يا جميييييييييل .؟؟؟؟؟؟؟؟؟؟؟؟ انت قولي بقى تحب تروح فين ؟؟
إييييييييييييييييييييه ...... زهقت .........طييب .... براحتك
بس أنا ما زهقتش .... هسأل عام بقى ونقوووول هيكون مين ؟
المجموعة الثانية عشرة : مييييييييييييييييين سعيد الحظ
* تضرب ؟
* تصاحب ؟
* تعزم ؟
* تغلس ؟
* تنكت ؟
* تزعل ؟
* تسأل ؟
بس بقى يا عم ميدو أنا زهقت من الأسئلة دي
وهدخل على اللي بعده عشان مش عايز ألف وأدور عليك
المجموعة الثالثة عشرة : من حقك
* تسأل مين ؟ وإيه السؤال اللي ممكن تسأله ؟
* تأكل مين ؟ وإيه الأكلة اللي هتأكلهالوا؟
* تمشي مع مين ؟ وإيه المكان اللي هتمشي معاه فيه ؟
* تقولوا بحبك ؟ بس مش لازم تقول عليه ....ههههههههههههههههههههههههههههه
مش عايز اسيبك كده والله ......... أصلك صعبان عليا أوووووووووي
يالله يا ميدوووو .......هناخد فاصل وراجع تاني
جاءنا البيان التالي
لقد تم تغير المجموعات السابقة وأصبحت مجموعة الساسة الرابعة عشر
المجموعة الرابعة عشرة : السياسة
* برأيك ليه امريكا مش عايزة المسلمين يمتلكوا أسلحة نووية ؟
* إزاي هنقدر نخلص فلسطين من الصهاينة ؟
* إيه رأيك في موقف السلطة المصرية من حادثة قتل المواطن المصري على أرضه ؟
بس كده كفااااااااااااااااية ساسة لنروح في خبر كان
خد عندك
محشش بيسأل سؤال وبيقول : ماهو وجه الشبه بين الحمار والأرنب
قام قال ايه : الحمار باللغة الإنجليزية اسمه دونكي
وبالتالي إحذف ( دون ) هيفضل كي
وكي معناها بالعربي مفتاح
حط مفتاح في حكمة مفيدة ..... الصبر مفتاح الفرج
إحذف مفتاح الفرج .... هيفضل الصبر
حط الصبر في حكمة كمان ..... الصبر جميل
وطبعا في ممثل اسمه جميل راتب
شيل جميل وخلي راتب
واعكس الحرفين الاخيرة ( التاء والياء )
بقت رابت
و رابت بالعربي يعني أرنب
وهو المطلوب إثباته
ههههههههههههههههههههههههههههههههههههههههههههه
ما بتضحكش ليه ؟؟؟؟؟؟؟؟
والآن عزيزي العضو المشرف مع أحوال الطقس
المجموعة الخامسة عشرة : الطقس
* أخبار الجو في مصر اليومين دول ؟
* ماهي النصايح اللي ممكن تقولها في الجو ده ؟
* هل تؤيد الإستحمام اليومي ؟ بس دي خسارة
خلااااااااااااااااااااص والان مع المجموعة المتألقة واللي دايما بنختم بيها
مجموعة المستحيل بذاته
* إيه رأيك في المستحيل ؟
* إيه رأيك في الواجب اللي عمله معاك أخوك المستحيل ؟
* إزاي ممكن توصف المستحيل ؟
* عندما يسير صاروخ بسرعة كبيرة جدا .. وكان فيه صرصار على الأرض ...
فإزاي ممكن تصيده بالصاروخ ده ؟
بس كده كفاية عليك أوووووووي
لالالالالالالالالالالالالالا
طلب أخير
دعوة حلوة منك لأخوك المستحيل وبلاش تدعي عليه
لحسن انت غالي عليه أوي أوي أوي
وهو غلبان أوي أوي أوي
وأحلى الكلام سلام حلو على عيونك | |
|
| | |
M.I.D.O
مشرف
المشاركات : 4852
العمر : 37
ساكن فين؟ : ((((( الاسكندريه )))))
بتشتغل اية؟ : Accountant
السٌّمعَة : 0
نقاط : 0
تاريخ التسجيل : 16/09/2006
| | موضوع: رد: كرسى الاعتراف "معانا العضوه المميزه D&H" الأحد 30 مارس 2008 - 4:13 | |
| ] - أنا المستحيل بذاته كتب:
وسع وسع يا عم الحج
ده أنا المستحيل بذاته صاحب أجدع واجب مع الأعضاء وتحديدا الشباب اللذيذ
مين اللي أنا شايفه ده معقووووووووووولة
لالالالالالالالالالالالالالالالالالالالا
مش معقووووووووول ده أنا مش مصدق يا جماعة
ميدو بذات نفسه أنا مش مصدق عيني
لا صدق يا خويا
مش معقولة يعني تبقى على الكرسي وما اعملش الواجب معاك ده أنا حتى واخد اجازة
اعمل يا خويا الواجب براحتك
أول ما عرفت فتحت نت على طووووووول وقلت لازم نكرموك يا قمر
تسلم يا باشا
الـــــمـــــــهـــــــــم
ها
ميدو يا ميدو
يا نعم
حبيب قلبي والله من جوه جوه مش من بره بره
وانتا كمان من جوه جوه ومش من بره بره
واحشني والله يا غالي .... أخبارك إيه يا قمر ... بجد إنت مش منور الكرسي بس
انتا اكتر يا باشا انا الحمد لله ده نورك يا عمنا
ده إنت بنورك قاطع الكهربا عن جمهورية مصر كلها .... منور يا باشا
ما قلنا ده نورك يا عمنا
أنا قلت مش معقولة يعني ميدو على الكرسي وما اعملش الواجب معاه
اعمل براحتك
ده حتى تبقى عيبة في حقي يا راجل
جدا جدا
المهم يا غالي يا ابن الغالي أنا هبدأ في الواجب على طوووول
على بركه الله
مذاكر طبعا ..
يا مسهل
يالله نقووووووول تحب اقول على السربسم الله الرحمن الرحيم السلام عليكم ورحمة الله وبركاته وعليكم السلام ورحمه الله وبركاته
طبعا معاك أخوك المستحيل من القناة الإخبارية ... ونظام أسئلتي يا جميل هيا عبارة عن مجموعات لذيذة ودمها خفيف زي قلبك بالظبط .. بس قلبك الأجمل الله يكرمكإحكيلي بقى بس ما تخلينيش أنام عنياالمجموعة الأولى : البطاقة الشخصية ماشى يا ريس* اسمك ؟ محمد* سنك ؟ 20 سنه ونص* عنوانك ؟ اسكندريه عند اول الشارع* طولك ؟ 190 بعد خصم الضريبه* كنيتك ؟ ( اسم الدلع يا غالي ) ميدو ومش ناقصه ذكاء* وزنك ؟ حوالى 80 الى 85 كيلو فى الحدود دى* شغلك ؟ طالب جامعى ومحاسب مستقبلا* كليتك ؟ كليه التجاره* نوع موبايلك ؟ n 70* معاك رصيد قد إيه ؟ حوالى 12 جنيه وبلاش حكايه الرصيد دى فين ال 100 جنيه الى عليك ها ( فاهمنى طبعا )
* مقاس جزمتك ؟ 45
( ماتقولش هفصل واحد شبهك قموووووووور ) وانتا تطول  ماعلينا ها
أنا عايز أسمع حكايتك وأنت في البيت ومين الشخصيات اللي فيه يعني اللي جاية هتكون فين ؟؟؟؟؟؟؟؟؟؟؟؟؟ المجموعة التانية : المنزل اتفضل انست وشرفت* أخبار بابا وماما إيه ؟ كويسين الحمد للهوأخوك عامل إيه بيذاكر والا مطنش ؟ ( يا ويله مني لما ارجعله ) مطنش* إنت مع مين أكتر بابا والا ماما ؟ بابا* أوضتك شكلها عامل إزاي ؟ عاديه فى كافه جوانبها الاساسيه* بتحب تزور اهلك ؟ طبعا دى صله رحم
ومين أكتر الأشخاص قرباً ( ولاد العم ـ ولاد الخال ) وليه يا فالح ؟ ولاد الخال لانهم اكتر قرب منى* تيتو ــ تيتو ؟ ما هي علاقتك به خارج عن نطاق الأخوة ؟ وياريت شخصيته . تيتو واد جدع ودماغه عاليه قوى وعلاقتى بيه زى علاقه اتنين اصحاب قوىهذا وقد تجول المستحيل في داخل المنزل ... حتى وصل إلى المطبخ وإليكم المجموعة المفصلة عن التلاجة الحكاية التالتة : المطبخ اوك يا مفجوع منا عارفك
* بتحب تفطر إيه ؟
مش بفطر فى الغالب
* إيه أكتر أكلة بتحبها وماما بتبرع فيها ؟ ( ربنا يخليهالك ويحفظهالك هيا و والدك )
امى تبرع فى جميع الاكلات الحمد لله ربنا يخليهالى
* البامية بتتعمل من إيه ؟
اعتقد من الباميه والطماطم واللحمه ( زكاءك خارق كالعاده )
* إيه الصنف الحلو اللي بتحبه ؟
ارز بميلك (بلبن )
* بتحب تاكل جيلاتي ؟
ايوه
* بتحب تشرب شاي والا قهوة ؟
لا حلبه هههههه انا اكتر حاجه بشربها النسكافيه
أقولك سُك على الشاي وعليك بالليمون فاكره طبعا
ياما شربتهولك ولا نسيت
إيه يا راجل أنا تخنت أوووووووي ..... ومتشكرين على واجب الضيافة ده
اى خدمه يا باشا
ويارب بيتك يبقى عامر كده على طووووووووووول
امين يارب العالمين
نروح بقى على النادي الرياضي بتاعك عشان ننزل الكام كيلوا دوووول
ع البركه
ممكن تلعب كوووورة معايا والا مشغول
غصباً عنك هتلعب هو بمزاجك
بمزاجى طبعا
النشرة الرابعة : الرياضة
* إيه رأيك في ماتش الزمالك والجيش ؟ وكنت بتشجع مين ؟
ما اتفرجتش ع الماتش وكنت بشجع الاهلى
* برأيك إيه أسباب خسارة منتخب مصر قدام الأرجنتين ؟
خساره متوقعه قدام المصنف الاول عالميا والخساره ترجع لان منتخبنا رغم تالقه فى بطوله الامم الافريقيه الا انه من يوم ما البطوله انتهت وهوه بيحتفل واول ماتش يلعبه كان قدام الارجنتين اول العالم
* إيه رأيك في اللي عمله الحضري ؟
تصرف اهوج من لاعب غلطته بالف
* وأنت بتشجع الأهلي إيه شعورك ؟
بحس انى فرحان جدا وفخور انى انتمى للنادى ده
* لو رشحوك تمسك النادي الأهلي إيه أبرز التغييرات اللي ممكن تعملها في النادي ؟
ساعتها حبقى افكر
* بتشجع مين في الدوري الأوروبي ؟ ومين أمهر لاعب في نظرك في أوروبا غير أبو تريكة .
انا بشجع مانسيتشر يونايتد والميلان وافضل لاعب عندى الواد كاكا
آآآآآآآآآآآآآآآآآآآآآآآآآآآآآه تعبت خلاص نفسي اتقطع
بذمتك يا راجل حد يلعب كورة بعد الأكل على طوووول ده حتى مش صحي خاااالص
ربنا يسامحك بقى يارب
فاصل خفيف خفيف ... ناخد شاور على السريع كده عشان ورانا مشاورير تهد الحيل
ماشى يا عمنا انا عامه متعبتش ومستنيك
| |
|
| | |
M.I.D.O
مشرف
المشاركات : 4852
العمر : 37
ساكن فين؟ : ((((( الاسكندريه )))))
بتشتغل اية؟ : Accountant
السٌّمعَة : 0
نقاط : 0
تاريخ التسجيل : 16/09/2006
| | موضوع: رد: كرسى الاعتراف "معانا العضوه المميزه D&H" الأحد 30 مارس 2008 - 5:56 | |
| - أنا المستحيل بذاته كتب:
- انزل يا باشا
منور والله
بنورك
أنزل كمان
ايوة هنا
ورجعت بعد الفاصل
ونروح على طوووووول على أول مشوار ..... هنزور أحبابك وأصحابك
الصداقة كنز لا يُفنى .... أنتيمي وحبيبي
المجموعة الخامسة : الأصدقاء
* شخصيات صحابك ممكن تقيمها إزاي ؟ ( مرحة ـ زعلانة ـ أصحاب مشاكل ـ ... الخ )
فى الغالب شخصيات مرحه
* على أي أساس بتختار صحابك ؟
يكونوا صحاب جدعان واقدر اعتمد عليهم فى اى وقت والاقيهم واقفين جنبى فى محنتى وفرحانين لفرحى
* من هو الصديق اللي فعلا يستحق تقول عليه صديق ؟
الصديق الى اعتمد عليه وتكون ثقتى فيه كبيره ويكون سند ليا فى كل الاوقات
* هل ممكن صاحبك يكون أخوك ؟
وليه لا فى ناس كتير اصحابها بيكونوا اكتر من الاخوات
* بتفضل تصاحب الأولاد والا البنات ؟ سيبك من البنات لحسن ما يجيبوش غير المشاكل
مفيش فرق بس الاولاد اسهل فى التعامل عشان بنشيل الفروق وبنتكلم براحتنا اكتر
وبعدين ملكش دعوه بالبنات يا مستحيل بدل ما اقول خليك فى حالك احسن
كفااااااااااية أسئلة في الاصدقاء لحسن ده وراك مجموعات يااااااااااااااااااااما
انزل أنزل أنزل ....... أنت لسة شفت حاجة
طالما في الشارع لسة .....يبقى هنروح ندور في المدرسة
المجموعة السادسة : في المدرسة
* كنت بتقعد في الفصل قدام والا ورا ؟
مره ومره ساعات كنت اقعد قدام وساعات كنت اقعد ورا
* كنت شاطر في المدرسة ؟
كنت من الطلاب الى فى النص لا شاطر قوى ولا خايب اوى
* كنت بتصاحب البنات والا والولاد أكتر ؟
الولاد اكتر
* كنت بتتضرب في المدرسة ؟ وكام مرة انضربت ؟
كذا مره انضربت وهوه ده السبب فى فكرى الاجرامى وخلانى اكون اول عصابه وانا فى ابتدائى
وبعد كده محدش قدر يكلمنى
* كا مرة نسيت تحل الواجب ؟
بالعبيط
* إزاي ممكن توصف أيام دراستك في المدرسة ؟ ودلوقتي في الكلية ؟
ايام المدرسه كانت احلى ايام كان الواحد اخره يحل الواجب وينام كانت راحه بال
انما الكليه وجع قلب و حرقه اعصاب بس ايام حلوه ومسيره تنتهى
بلاش السيرة المقرفة دي أنا عارف إنك زهقت منها ...... يالله مش مشكلة
كله يهون عشان أنا اللي بسأل ........ صح ؟؟؟؟؟ والا عندك إعتراض
وهوه انا اقدر
على العموم الإعتراض مرفوض مع المستحيل
بيقولوا أحلى سلام .. وأحلى كلام إتقال ما بين إتنين ... وبيقولوا كمان إنه عذاب ...
لدرجة غنولوا وقالوا إنت الحب اللي إتمنيته ........ أكيد عرفت المجموعة الجديدة
شاااااااااااااااااااااااااااااطر الله ينور عليك
المجموعة السابعة : الحب
* معنى الحب في نظرك ؟
الحب فى وجهه نظرى شعور بين طرفين تجمعهم سمات مشتركه وقدره على التفاهم وهوه مش مجرد كلمه
ده احساس نابع من القلب وهوه اكبر من انه يتوصف فى كلمات
* فسر الكلمة دي ( تحياتي لمن دمر حياتي ) وممكن تقولها لمين ؟
مش حقولها لحد لانى محدش دمر حياتى لحد دلوقتى
* أنا بحبك أكتر أها اها اها .. اغنية حلوة بتهديها لمين ؟
هانى واسلام
* هل لازم الواحد يضحي في الحب ؟
مش فى كل الاحيان بس لو الشخص يستاهل التضحيه يبقى ايوه
* هل ممكن تستغنى عن حبك لو مليت منه ؟
لو كنت حبيت بجد مكنتش مليت
* بتحب مين ؟ ( أكيييييد يعني ومش محتاجة مفهومية بابا وماما والمستحيل )
برافو عليك اجابه صحيحه كسبت معانا شبشب حمام
هههههههههههههههههههههههههههههههه
ابسط يا عم ما فيش أحلى من كده
كفاااااااااااااااااااااية كلام في الحب قطعت قلبي
عارف إني أخرتي كده على نقالة ...... حاسس إنك هتتضربني
بس مافيش مشكلة ضرب الحبيب زي أكل الزبيب وماله اي حاجة منك حلوة
المثل اتغير يا عمنا بس ضرب الحبيب زى شرب الحليب
كمل يا خويا كمل
قال تعالى ( اليوم أكملت لكم دينكم وأتممت عليكم نعمتي ورضيت لكم الإسلام دينا )
يعني مجموعتنا المتألقة هتكون فييييييييييييين ؟؟
إييييييييييييييييييييييه مش سامع .....خلاص خلاص
أنا هسأل على طوووووول
المجموعة الثامنة: الدين
* كم عدد الصلوات المفروضة ؟ عددها يا شاطر
الصلوات الخمس
* ماهو تعريف الإيمان ؟
ان تؤمن بالله وملائكته وكتبه ورسله واليوم الاخر وبالقدر خيره وشره والله اعلم
* أين ذكرت آية الكرسي ؟ ( في سورة إيه )
الايه 255 من سوره البقره
* عدد المذاهب الأربعة ؟ مع ذكر اسم الدولة اللي تتبع المذهب ؟
المذاهب هي الحنفيه نسبه الى ابو حنيفه النعمان وده فى العراق
المالكيه نسبه الى مالك ابن انس وده فى المدينه
الشافعيه نسبه الى الامام الشافعى وده تقريبا كان فى مصر
الحنبليه نسبه الى الامام احمد بن حنبل وده كان فى العراق
* صلي بقى على أشرف الخلق وخاتم النبيين ؟ اللهم صلي وسلم وبارك عليه
اللهم صلى وسلم وزد وبارك عليك سيدى يا رسول الله
بارك الله فيك يا أخي
وفيك يا اخى
إيه ده إيه كل ده ليه يعني .....لالالالالالالالا ...... ما يصحش كده .....
يرضيك كده يا ميدو .. طبعا لا ... طب أنا عايز أخد رأيك في المجموعة دي
المجموعة التاسعة : يرضيك والا لا ؟
* يرضيك حد يعلقني ؟
يرضينى
* يرضيك حد يضربني ؟
لا
* يرضيك أقعد مكانك ؟
جدااااااااااااااااا
* يرضيك أشجع الأهلي ؟
لا بلاش الاهلى مش ناقص يا عم الابيض
* يرضيك أشرب ليمون ؟
ياما شربتك ليمون يا معلمى
* يرضيك أزعل ؟
لا
* يرضيك أبطل أسألك ؟ هههههههههههههههههههههههههههههههههههه
لا
الإحساس بالآخرين شيء جميل
الدنيا حلوة للناس الحلوة .... الدنيا جميلة للناس الأجمل ... بس يا ترى الناس شكلها إزاي
المجموعة العاشرة : ناس وبس
* الناس في نظرك حالهم إيه دلوقت ؟
الناس مهمومه وحالتهها بؤس كل حاجه بقت صعب الحصول عليها حتى الرغيف والشعب خلاص فاض بيه الكيل
* الحالة المادية صعبة أووووي ؟ بتنصح الناس بإيه ؟
انصح الناس بالدعاء او يخلوا ولادهم لاعبيه كوره عشان يكسبوا من وراهم مستقبلا
* الناس همومها كتيرة ومشاكلها أكتر , تقولهم إيه ؟
فرجه قريب
* الشباب عاطل اليومين دووول وخارج نطاق الخدمة بتقولوا إيه عشان يقوم بنفسه ؟
اعرف قدراتك واسعى وربنا معاك
بس بقى ... مش عايز أسمع ولا كلمة عن الناس كفاية اللي الواحد فيه
خلينا نعيش ...
ابسط بقى ياعم .. أنا بعمل معاك واجب ما اتعملش في حد قبل كده
هنروح الألعاب نغير جو شوية
أنزل
انزل
ما تتأخرش
للأسف يا ميدو مافيش فسح النهاردة .... أصلك جاي على أخر الشهر والجيوب منفضة
مرة تانية يا باشا ... بس ابقى فكرني من اول الشهر مع ساعة القبض
يقال كل نفس بذاتها مشرقة لامعة كلمعان النجوم في الليل ... ففيه تهدأ النفس البشرية
وترتاح لذاتها لتتكلم عما بها
أنا بدأت أكلم نفسي والا ايه ....... لالالالالا .... أسأل أحسن
المجموعة الحادية عشر : في الذات
* كيف ينظر ميدو لنفسه ؟
فى المرايه
* أين تضع نفسك بين الناس ؟
فى الطابور
* هوايتك إيه ؟ وإيه الصفة الحلوة اللي فيك ونفسك الناس تعرفها ؟
هواياتى الكوره والنت والاخبار والصفه الحلوه الى فيها معرفهاش ولو حد عرفها يقولى
* لبسك شكله إيه ؟ و روتين حياتك اليومي إيه ؟
انا نوعا ما لبسى كلاسيك وروتين حياتى انى بقوم بلبس بنزل برجع باكل النت انام وهكذا
* مستوى ذكائك ممكن يوصل لفين ؟
لحد باب الشقه
* ليه إخترت اسم العقل المدبر ؟
لان بخطط كويس ودماغى عاليه فى التفكير نوعا ما
بس كفاية كده في الذات .... لحسن تتجنن .. أصلي عايزاك لسة ما خلصتش
نروح على فين يا جميييييييييل .؟؟؟؟؟؟؟؟؟؟؟؟ انت قولي بقى تحب تروح فين ؟؟
إييييييييييييييييييييه ...... زهقت .........طييب .... براحتك
بس أنا ما زهقتش .... هسأل عام بقى ونقوووول هيكون مين ؟
المجموعة الثانية عشرة : مييييييييييييييييين سعيد الحظ
* تضرب ؟
المستحيل
* تصاحب ؟
اى حد كويس
* تعزم ؟
هانى واسلام
* تغلس ؟
اى حد رخم
* تنكت ؟
واحد بيحاول يبقى ظريف
* تزعل ؟
من اى يغلط فيا
* تسأل ؟
اى حد مش عارفه
بس بقى يا عم ميدو أنا زهقت من الأسئلة دي
وهدخل على اللي بعده عشان مش عايز ألف وأدور عليك
المجموعة الثالثة عشرة : من حقك
* تسأل مين ؟ وإيه السؤال اللي ممكن تسأله ؟
اسالك انتا واقولك حتغيب ليه ؟
* تأكل مين ؟ وإيه الأكلة اللي هتأكلهالوا؟
اكل هانى واسلام اى حاجه يطلبوها ورنون فراخ ومون لايت بيتزا
* تمشي مع مين ؟ وإيه المكان اللي هتمشي معاه فيه ؟
امشى مع ( شخص ما ههههههههههه يا شخص ما ) ونمشى على البحر
* تقولوا بحبك ؟ بس مش لازم تقول عليه ....ههههههههههههههههههههههههههههه
بحبك يا شخص ما هههههههههههههههه الكلمه دى حد فاهمها كويس
مش عايز اسيبك كده والله ......... أصلك صعبان عليا أوووووووووي
يالله يا ميدوووو .......هناخد فاصل وراجع تاني
جاءنا البيان التالي
لقد تم تغير المجموعات السابقة وأصبحت مجموعة الساسة الرابعة عشر
المجموعة الرابعة عشرة : السياسة
* برأيك ليه امريكا مش عايزة المسلمين يمتلكوا أسلحة نووية ؟
رخامه بعيد عنك وبعدين لو احنا معانا نووى اكيد حنحرر فلسطين يعنى
* إزاي هنقدر نخلص فلسطين من الصهاينة ؟
بالليمون علينا بالليمون
اكيد يعنى لو اتحدنا (العرب ) وكانت لينا كلمه وابتغينا العزه فى ربنا مش فى انفسنا
* إيه رأيك في موقف السلطة المصرية من حادثة قتل المواطن المصري على أرضه ؟
موقف متوقع ومش جديد على سياسه بلدنا يعنى
بس كده كفااااااااااااااااية ساسة لنروح في خبر كان
خد عندك
محشش بيسأل سؤال وبيقول : ماهو وجه الشبه بين الحمار والأرنب
قام قال ايه : الحمار باللغة الإنجليزية اسمه دونكي
وبالتالي إحذف ( دون ) هيفضل كي
وكي معناها بالعربي مفتاح
حط مفتاح في حكمة مفيدة ..... الصبر مفتاح الفرج
إحذف مفتاح الفرج .... هيفضل الصبر
حط الصبر في حكمة كمان ..... الصبر جميل
وطبعا في ممثل اسمه جميل راتب
شيل جميل وخلي راتب
واعكس الحرفين الاخيرة ( التاء والياء )
بقت رابت
و رابت بالعربي يعني أرنب
وهو المطلوب إثباته
ههههههههههههههههههههههههههههههههههههههههههههه
ما بتضحكش ليه ؟؟؟؟؟؟؟؟
ههههههههههههههههههههه ماشى يا عم المستحيل بدماغه
والآن عزيزي العضو المشرف مع أحوال الطقس
المجموعة الخامسة عشرة : الطقس
* أخبار الجو في مصر اليومين دول ؟
متقلب
* ماهي النصايح اللي ممكن تقولها في الجو ده ؟
عدم تخفيف الملابس بسرعه وعدم التعرض للهواء عشان الحساسيه
* هل تؤيد الإستحمام اليومي ؟ بس دي خسارة
لا طبعا الاستحمام كل يوم مفيد جدا وانصح كل الناس بكده
خلااااااااااااااااااااص والان مع المجموعة المتألقة واللي دايما بنختم بيها
مجموعة المستحيل بذاته
* إيه رأيك في المستحيل ؟
عضو ابن حلال وعارف ربه وربنا يديله على قد نيته ويرزقه بالى فى باله ها
* إيه رأيك في الواجب اللي عمله معاك أخوك المستحيل ؟
واجب بسيط بس عسل ومسيرك يوم تجيلى
* إزاي ممكن توصف المستحيل ؟
لا يمكن الوصول اليه
* عندما يسير صاروخ بسرعة كبيرة جدا .. وكان فيه صرصار على الأرض ...
فإزاي ممكن تصيده بالصاروخ ده ؟
اطير الصرصار ويصيبه الصاروخ فى الجو
بس كده كفاية عليك أوووووووي
لالالالالالالالالالالالالالا
طلب أخير
دعوة حلوة منك لأخوك المستحيل وبلاش تدعي عليه
لحسن انت غالي عليه أوي أوي أوي
وهو غلبان أوي أوي أوي
الهى يا مستحيل يابن الحاجه ام المستحيل ييرزقك بالى فى بالك ويسعدك ويهنيك وفى كل خطوه ربنا يهديك
امين
وأحلى الكلام سلام حلو على عيونك
الله يسلمك يا برنس | |
|
| | |
midokasset
مانوسى جديد
المشاركات : 42
العمر : 55
السٌّمعَة : 0
نقاط : 3
تاريخ التسجيل : 07/12/2007
| | موضوع: رد: كرسى الاعتراف "معانا العضوه المميزه D&H" الأحد 30 مارس 2008 - 15:16 | |
| yaret te3balony m3akm feel l3ba el lazezady..ana mido 39 sana..masry butlive inromania..bucharest | |
|
| | |
NoOoDi
مانوسى سوبر عضو
المشاركات : 2700
العمر : 38
ساكن فين؟ : المغرب
بتشتغل اية؟ : طالبة
منساوى ولا منساوية ! :
السٌّمعَة : 0
نقاط : 0
تاريخ التسجيل : 24/01/2007
| | موضوع: رد: كرسى الاعتراف "معانا العضوه المميزه D&H" الأحد 30 مارس 2008 - 17:14 | |
| | |
|
| | |
ننوسة
مانوسى سوبر عضو
المشاركات : 1694
العمر : 39
ساكن فين؟ : فى دنيا الاحلام
بتشتغل اية؟ : مريحة دماغى
منساوى ولا منساوية ! :
السٌّمعَة : 0
نقاط : 0
تاريخ التسجيل : 31/12/2007
| | موضوع: رد: كرسى الاعتراف "معانا العضوه المميزه D&H" الأحد 30 مارس 2008 - 19:24 | |
| ميدو على الكرسى منور ياجميل
المستحيل قام معك بواجب جامد
داه ماسبش للواحد حاجة يسالها
يالة نسال
ماهو اكتر شيئ ممكن ينرفز ميدو
من هو اقرب شخص لك
انت شخصية منضبطة ولا
بتعرف تخطط لمستقبلك ولا بكره لايعنى لك شيئ
كيف ترى مستقبلك شكله عامل ازاى
ماهو اول انطباع الناس بتخدوا عنك
ماهو اكتر مكان بتحبه
متى تشعر بالسعادة
متى تشعر بالامان
ماهو اصعب شيئ فى شخصيتك تود التخلص منه
مارد فعلك اتجاه الناس الذى اساءوا لك
ماهى الحكمة او المقولة التى تقتدى بها فى حياتك
من مثلك الاعلى
ماهى احلامك وهلل تحقق منها شيئ
رسالة تود ارسالها لشخص عزيز على قلبك ما مضونها
من هو الشخص الذى يوجهك عندما تخطا
تقول اية فى هذة الكلمات
الحب
الوضوح
الصداقة
الخيانة
الظلم
الفشل
النجاح
الغرور
السلطة
يالة ناخد فاصل وراجعة لك تانى
احلى سلام
| |
|
| | |
| | كرسى الاعتراف "معانا العضوه المميزه D&H" | |
|
