كرسى الاعتراف "معانا العضوه المميزه D&ampH"

هااااااااااااااااااااااااااااااااااااااااااااااااااااااااانى





حبيب الملايين





انا مش داخلة اسالك





اطمن يا باشا





بس داخلة















اهنيك علي صراحتك المتناهية

واقولك بجد

انت تمااااااااااااااااااااااااااااااااااااااام

NoOoDi كتب:

على فكرة مش عاجبني ردك على اسئلتي و فيه تحايل و تزوير للحقائق

ازيك يا ندى الاول
ويلكم باك يا قمر

وثانيا بقى ايه اللى مش عاجبك
السؤال اللى مش عاجباكي اجابته هاتيه وانا افهمهولك

ومكنش فيه بقى ولا تزوير
انا قبل ما اقعد على الكرسي حالف اليمين

والكداب بيروح النار

اقتباس :

بس مش مهم مش هشردك

شرديني براحتك يا ندى
وانا بقى ساعتها هقول مين السبب في تدمير برج التجارة العالمى

اقتباس :

أظن انك مستمتع عالكرسي حاسة بيك

راحة ما بعدها راحة
صوابعي مكسرة
عيني مققت
الكيبورد اتمسحت
مية مية يعني

اقتباس :

المهم شوي اسئلة بسيطة عالماشي

اتفضلي يا ندى
هوا احنا عندنا كام ندى
هى واحدة بس ومن المغرب كمان

اقتباس :

يا ترى عندك طموح في كرة السلة و الا بتلعبها هواية

والله يا ندى ما اقدرش اكدب عليكي
السن الوحيد عشان يبقى عندك طموح في الرياضة هو 20 سنة
بعد كدا انسي انك تنتقل من نادى لاخر
وانا كنت باديء اللعبة طموح
ولكن دلوقت انا 23 سنة
فاتحولت لهواية خلاص

اقتباس :

يا ترى ليه بتشجع الزمالك مع انة والدك بيشجع الاهلي

شفتى بقى يا ندي
اهو انا كدا هزعل منك والله
عشان انتى عارفة ان والدى بيشجع الزمالك
وان محمد اخويا هوا اللى بيشجع الاهلى
احرجتك كدا
صح

اقتباس :

من امتا ابتديت تشجع الزمالك يعني اول مرة شجعتة فيها ؟

ابتديت تشجيع الزمالك يا ست ندى
سنة 1992
بالتحديد بعد ان استطاع الزمالك ان يقهر الاهلى ويحصل على سوبر افريقيا منه
بهدف ايمن منصور في احمد شوبير

اقتباس :

ايه رايك في اداء الاهلي مش احسن من الزمالك ؟ و الا انت شايف العكس؟

انتى بتحاولى تغيظيني بقى يا ندى والسلام
عموما انا عارف المخطط دا
هههههههههههههههههه

اه الاهلى اداؤه احسن من اداء الزمالك في السنوات الاخيرة
بس برضو الزمالك محتاج شوية حظ بس

اقتباس :

في نظرك ليه المغرب خرج من الدور الاول في منافسات كأس الأمم ؟ يا ريت مش تشتم

انا من وجهة نظرى بقى ان المغرب خرج من الدور الاول
عشان انتى مغربية
ههههههههههههههههه
بهزر طبعا
السبب اكيد ان حارس مرماكم كان مستواه تعبان اوى
واصابة سفيان العلودى
وهنرى ميشيل كان بيخرف برضو

اقتباس :

تفتكر انة اداء منتخب مصر الرائع هيستمر كثير و الا زيطة و هتزول؟

الله اعلم
دا اللى الايام الجاية هتوريهولنا

اقتباس :

كفاية رياضة شكلك تعبت و العرق على جبينك

لا متخافيش
انا قلبي حديد

اقتباس :

في رأيك ليه امريكا بضحي بجنودها في العراق ؟

لانهم ماشيين بمبدا الغاية تبرر الوسيلة
يبقى من اجل النفط
لابد من شوية تضحيات او شوية ارواح

اقتباس :

يا ترى ليه الجنود الامريكية بتموت في العراق و هي مش بدافع عن قضية ؟

لانهم لا مؤاخذة يعني حمير
فاكرين انهم ملائكة الله في الارض
وانهم يؤمنوا بحرية الشعوب

اقتباس :

لو جاتلك الفرصة انك تروح فلسطين و تحارب الاسرائليين هتروح ؟

اكيد طبعاااااا
وهوا الواحد يطول يموت شهيد

اقتباس :

كفاية سياسة عشان شكلك هتبات في معتقل سياسي

لا عادى ما انا متعود على كدا
دا انا حتى سمعت انهم هيودونى بعد كرسي الاعتراف لمعتقل جوانتانامو

اقتباس :

ما هي الرومانسية في نظر هاني ؟

الرومانسية هي الوجه الاخر للحب
الرومانسيه شعور واحساس وقدره على ضبط النفس في المواقف العاطفيه بطريقه معبره
حتى تصبح التصرفات عفويه ، وتسمو الروح فوق اللذات والرغبات رغم قدرة الوصول اليها.


الخلاصة : الرومانسية ان تفقد عقلك بسبب الحب

اقتباس :

ممكن تضحي من اجل واحدة بتحبها حب حقيقي يعني و الا هتكبر دماغك ؟

لو حب حقيقي جدا
يبقى اكيد هضحي
فالحب تضحيات طبعا

اقتباس :

ممكن تجوز واحدة من اختيار والدتك ؟

صعب جدا بصراحة
او بمعنى اصح دي اخر حاجة ممكن افكر فيها

اقتباس :

لو وقعت في حب من طرف واحد يا ترى هتنسى بسرعة و الا هتتعذب و ممكن مش تنسى؟

هنسي بسرعة طبعا
او بمعنى اصح هجبر نفسي انى انسي بسرعة

اقتباس :

كفاية حب عشان شكلك هتجوز الليلة

وسمعنى سلام النهاردة فرحى يا جدعان
عاوز كله يبقى تمام

اقتباس :

و كفاية عليك كدة عشان مش اكون تقيلة دة حتى وزني وزن الريشة

ماهى المشكلة يا ندى
ان وزنك زى الريشة بس بتاكلى اد الفيل
هههههههههههه

علىالعموم بقى
نورتى يا ندى
وحمد الله على سلامتك يارب
ويارب تشفي بسرعة

سلام يا اميرة المغرب

شكرا ليكي جدا يا سلمي

على شعورك الجميل دا بصراحة

وبتمنالك التوفيق في الدراسة

ننوسة كتب:

[center]رجعت تانى
ازيك ياجميل

منورة تانى يا ننوسة والله
ازيك انتى
مش عارف الواحد من غيرك كان حصل له ايه
اكيد كان حس انه وحيد على الكرسي

اقتباس :

ياحرام ياهانى بجد اتهرست اسثلة

دا اللى بيتهرس بيبقى ارحم منى
دا انا انطحنت واتفرمت

اقتباس :

واحلى واجب اللى قدمه لك المستحيل ودودى
بجد بشكرهم

ربنا يخلي دودى والمستحيل دول للشعب وللوطن
واشكريهم براحتك بقى
عشان لو وقعوا تحت ايدي
مش هرحمهم
هيباتوا في المشرحة
وبدل ما تشكريهم
هتقري لهم الفاتحة

اقتباس :

وعلشان متقلش انى معدومة الذوق فجبتلك عصير ومش اى عصير عارف تمنه كم داه

انا مقلتش انك معدومة الذوق
انا قلت انك المفروض يعني مش تدخلى بايدك فاضية

غير كدا بقى
انتى هتذليني بقى عشان جبتي عصير
امال لو جبتي اكل ولا حاجة
كان حصل ايه

اقتباس :

ياله علشان خاطر الأسئلة الكتيرة اللى اتسالتها دى
اتفضل ياعمنا العصير

مش عارف اشكرك ازاى
بس نسيتي تجيبي عصير قصب
مش مشكلة
ابعت انا اجيب بقى وامرى لله

اقتباس :

بعد مشربت اسال بقى
اكيد يعنى هسال ومتضايقش ياهانى من كتر الاسئلة خلاص ياعم بقيت شبه النجوم

لا مش هتضايق
اسألي براحتك
ان فرج الله قريب
والنهاردة الاربعاء
يعني قربنا من الافراج

اقتباس :

يالة شوية اسئلة تيك واى

انا مش بحب التيك اواى
ممكن اسئلة ديليفري

اقتباس :

عملت اية مع دودى بعد التسيح الفذيع اللى قدمه لك

بس ايه رأيك بصراحة
مش تحسي كدا اننا في عالم سمسم

اقتباس :

كيف تعبر عن غضبك اتجاه الافراد الذى كانوا السبب فى هذا الغضب

التجاهل التاااااااااام

اقتباس :

من هو الشخص اللى ندمت انك عرفته

الصديق الخائن

اقتباس :

من هو الشخص الذى يوجهك عندما تخطا

ضميري

اقتباس :

تحب تتاسف لمين دلوقتى

لاى حد غلطت في حقه

اقتباس :

تقول لمين بحبك

لكل اعضاء مانوس

اقتباس :

تقول لمين كفاية لحد كدة

لكل اللى بيتكلموا من ورا ضهري ويقولوا عليا كلام مش صحيح

اقتباس :

كم عدد الرسائل الموجودة فى موبيالك

28 رسالة

اقتباس :

ماهى اجمل رسالة جت لك وكانت من مين عايز تقول مضمونها قول مش عايز برضوا هتقول

اجمل رسالة بصراحة ومن غير كدب بقى
ولا مجاملة
كانت من ماما
يوم عيد ميلادى
بعتتها تقريبا الفجر وانا نايم
صحيت الصبح يومها
لقيت رسالة
عبارة عن

رسمة
ومكتوب تحتها

HappY Birth DaY

كانت مفاجأة غير متوقعة بصراحة

اقتباس :

ارخم رسالة كانت من مين ومضمونها اية

كانت من دودى باشا ( سكوفيلد حاليا )
بعد ماتش الاهلى والزمالك
طبعا انا عارف انه شمتان اوى
الرسالة كان فيها قلب
ومكتوب تحته

كلمة خاصة من قلبي
مبروك على الاداء

اقتباس :

اخر رسالة جت لك كانت من مين

كانت من خطيبة اخويا الكبير

اقتباس :

اخر رسالة بعتها لمين وما مضمونها

لا بصراحة مش فاكر يا ننوسة بقى
عشان انا ببعت رسايل كتير جدا
خصوصا لقرايبي

بس بكرة هبعت رسالة لامى
واقول لها
كل عيد ام وانتى طيبة يا ست الكل
والجنة تحت اقدام الامهات
ومهما الواحد عمل لك في حياته
يستحيل يديكي نص حقك

اقتباس :

خلاص كفاية اوى كده ولو قابلنى سؤال هدخل اساله ماانت ياهانى قاعد على كرسى الاعتراف مش كرسى هزاز فى دريم بارك

المفروض بصراحة الكرسي دا يبقى في دريم بارك
اهو الواحد منهاا يرفه عن نفسه شوية
بدل ماهو مزنوق الزنقة دي

اقتباس :

اكيد راجعة تانى اصل الرخمة صفة بشرية

مش هرد عليكي غير بكلمة واحدة
تشرفي وتنورى يا ننوسة
والمنتدى منتداكى

اقتباس :

سلام دلوقتى

سلام يا ننوسة
اسعد الله اوقاتك
وبالتوفيق
ويهنيكي في حياتك ان شاء الله

باااااااااااااااااااااااااااااااك يا هاني


بص بقى ياسيدي نظرا للمدح اللي أخدته من الأعضاء أنا وسكوفليد

في الواجب اللي عملناه معاك

أنا بقى

هبسطك على الآخر



لأني بصراحة كنت بشاور عقلي الفترة الأخيرة





وبعد المشاورة والخناقة مع عقلي







توصلت للآتي




















إنك شخص هايل بجد وبشهادة الجميع وده بناء


على


إجاباتك المتقنة والجميلة اللي شبهك


وحبيت أقولك


مشكوووووووووووووور يا قموووووووور على إجاباتك اللي كانت على السطووووور


جوه الكشكوووووووووووول




وربنا يوفقك ويجزيك كل خير

ازيك ياهاني
انا داخلة مش عشان اسال انا داخلة بس عشان اشكرك علي اجاباتك الجميلة
والي عرفتنا كتير عن شخصيتك الحلوة
وطبعا ياعيني ياهاني انت اتهريت اسئلة بس دة عشان انك شخصية محبوبة في المنتدي
اخر حاجة اقولها ربنا يوفقك في مستققبلك وتحقق الي انت بتتمناه

ومتشكرين ياهاني لتعاطفك مع البنات

ازيك يا مستحيل

منور الموضوع والله

وبحب اشكرك على مجاملتك الرقيقة جدا جدا دي

والحمد لله

انا مبسوط جدا عشان الناس كلها مبسوطين بصراحة

الحمد لله كمان مرة

واسعد الله اوقاتك

وربنا يحقق لك كل احلامك

ويسعدك في حياتك ويهنيك دايما

يلا سلام

ScoField كتب:

فعلا مشكور يا هانى يا حبيب قلبى على الاجابات الرائعة

ازيك يا كبير المنتدى

منور يا حبي

شفت بقى

اتحداك انك تقول ان هانى كدب في حاجة

او كان دبلوماسي

عشان انت حلفت انك هتشردنى

طبعا مش انت لوحدك اللى قلت انك هتشردنى

بس نعمل ايه بقى

الحمد لله ان الواحد فيه ناس كتير شكروه على اجابته

يلا يا ميدو ولا يا دودى ولا يا حمو ولا يا سكوفيلد

مش عارف اناديك بايه بصراحة

بس هقولك مع السلامة يا محمد

وياريت تركز بقى في التيرم التانى

عشان تخلص الكلية على خير كدا

واشوفك عااااااااطل اد الدنيا

سلام يا حبي

لا بصراحة بقى

انا مش عارف اشكرك يا سوسو خصوصا ازاى

ومش عارف اشكر كل الناس اللى جاملتني عموما

لان كل كلمات الشكر اللى عندى خلصتوها بصراحة

وانا والله عمرى ما توقعت ان دا هيحصل ابدا ابدا

بس بقولك يا سوسو

الف الف شكر على كلماتك الرائعة و مجاملتك اللطيفة جدا جدا

وبقول الحمد لله على حب الاعضاء ليا بصراحة

بس عندى تعقيب واحد

اقتباس :

ومتشكرين ياهاني لتعاطفك مع البنات

انا حاسس ان دي تريقة بقى مش عارف ليه

بس لو بتقولى كدا عشان اللى بنعمله في بعض في قسم الالعاب

فانا برد عليكي برضو وبقولك

متشكر لتعاطفك مع الولاد

بس هقولك كلمة اخيرة

انتى متأكد ان دا هزار وبس

وبيعمل روح من التحدى بين الولاد والبنات صح ولا لا



وفي الاخر كدا بقولك بقى نصيحة واحدة

ركزى في دراستك ومستقبلك

ولو في يوم حسيتي بملل من الدراسة

قولى لنفسك

فات الكتير ما بقى الا القليل

وانتى كمان شخصية جميلة جدا على المنتدى

وبتمنالك شخصيا التوفيق في حياتك الخاصة وحياتك العامة

وان ربنا يحقق لك كل احلامك

وتنجحي في الامتحانات وتخلصي دراستك

وبعد كدا طبعا يرزقك بزوج صالح فيه كل المواصفات اللى نفسك فيها طبعا

وذرية صالحة

واخر كلامى ليكي سلاااااااااااااااااااااااااام

ننوسة هنا

لا دا كدا كتير اوى بصراحة

انتى كدا احرجتيني اوى والله بكلماتك اللى نورت الكرسي دي

الواحد مش عارف بقى يجيب لكم كلام يشكركم بيه ازاى

بس بقولك يا ننوسة

ان المنتدى منور بوجودك وبتعلقاتك الممتعة بصراحة والجميلة اوى

والسؤال اللى كان هيستحيل اجاوب عليه هوا

انا انفصلت ليه عن الحب الاول

لان السؤال دا يستحيل اجاوبه اصلا ودودى عارف كدا كويس

الحمد لله مفيش حد سأله لان اجابته كان شخصية جدا جدا

وفي الاخر بقولك

ربنا يسعدك ويهنيكي وويرزقك بالزوج الصالح والذرية الصالحة

في أمان الله ورعايته يا ننوسة

الف شكر ليك على مرورك الجميل

وكلماتك الرقيقة

وبنرحب بيك معانا في اسرة مانوس

والله العظيم انت يا هانى صعبان عليا
بس اقولك انتا المفروض تكون مبسوط علشان فى ناس كتير مهتمين بيك وبمعرفتك وده اللى بيخليهم يسألوك بس انا معاك الاسئله دى حتى ملهاش حل فى سلاح التلميذ وربنا يوفقك ومعاك بروحى

عيب يا هيثوم احنا بتوع الواجب كله

استعنا ع الشقا بالله
اهلا اهلا يا سمكة نورتى الكرسى

بيتك ومطرحك يا شابة احنا هنظبطوكى

هظبط شوية اسئلة وراجعلك

زاكرى كويس