كرسى الاعتراف "معانا العضوه المميزه D&ampH"

phantom كتب:: مش حرام اللى انتا عامله فينا ده

مش هقدر أقووووووووووول غير هههههههههههههههه
ده يا جماعة طبعاً نتيجة سوء الهزار
ودى يا جماعة بستعرض عضلاتى على أعز أصحابى
وعلى فكرة الصورة دى من سنة

phantom كتب:: حبيبى انتا عارف اللى انا بهزر معاك

هقوووووووووووول إيه دى صور شخصية جداً بس طول عمرك بتحب الهزار وعلى فكرة أنا كنت مصورك إنت وإنت محطوط فى البوكس لو عايز تعرضها إعرضها

smart-cafe كتب:: صبح صبح يا دودي
انا عارف ان كل الناس هرت اسئلة يا يعني عليك !
و انته عارف انى مش بحب الكلام الكتير
عشان كده أنا هسالك سؤال واحد بس
بس لازم ترد عليه
السؤال هو :
هل انت صادق مع نفسك ؟
و تكرم سيدي

والله يا كيكو مش على طول أنا بحاول أكون صادق مع نفسى وأعتير دلوقتى صادق مع نفسى إلى حد ما

الموضوع رائع يا منوس

باشا انا قلت اجيلك بعد ما الناس تخلص اسئلة عشان نبقى براحتنا

خد كدة كام سؤال فى السريع

بتنام كام ساعة فى اليوم؟

مين اللى مش لما بتسمع صوتة بتقوم علطول من اخواتك؟

لسة مامتك بتصحيك من النوم؟

بتخاف تنام فى الضلمة و لا لا؟

بتحب حد ينام جنبك على السرير؟

اخر مرة بيت فيها برة البيت كانت امتى؟

و كان سببها اية؟

اممممممممممممممم كفاية نوم بقى

نسال فى حاجة تانية

الكلية دخلتها عشان انت بتحبها و لا عشان المجموع؟

اكتر مادة كرهتها فى حياتك فى الكلية؟

عمرك فى الكلية جبت تقدير امتياز فى اى مادة؟

كفاية بلاش السيرة دى

نسال فى الحب شويتين

اول بنت حبتها كانت مين

كلمتها؟ و لا اتحرجت؟

طبعا كلمتها فى التليفون قلتلها اية؟

كفاية احراج؟

انت راضي عن نفسك كدة؟

ناوى تعمل اية الفترة الجاية؟

حاجة كنت ناوى تعملها بس الظروف متسمحش؟

اخر سؤال بقى عشان نختم بية

اثناء محاربة احمس للهكسوس تاهت منة قافلة عسكرية فى الصحراء الغربية و لم يعشر عليها حتى الان

اذكر بالتحديد مكان القافلة فى الصحراء

gut

يالا بقى و يارب مكنش تقلت عليك

EnG__EsLaM كتب:: باشا
باشا باشا ده إنت اللى باشا والله

انا قلت اجيلك بعد ما الناس تخلص اسئلة عشان نبقى براحتنا
طول عمرك بتعزنى ولازم نبقى براحتنا

خد كدة كام سؤال فى السريع
يا عم عادى السريع ده صحراوى ولا زراعى لو زراعى مش ناقصى قرف خليك فى الصحراوى عشان أحيك

بتنام كام ساعة فى اليوم؟
والله على حسب النوم مش متظبط معايا أبدا لما يبقى المود وحش من 2-4 ساعات لو المود حلو ممكن من 5-7 ومبنمشى أكتر من كده غير لما أبقى تعبان ممكن نت 8-10 عادى يعنى.

مين اللى مش لما بتسمع صوتة بتقوم علطول من اخواتك؟
هانى أكيد يعنى لكن الباقى بعمل نفسى نايم حتى لو صحيت عشان دول أكيد عايزينى صاحى

لسة مامتك بتصحيك من النوم؟
لا الكلام ده خلص من زمان ممكن تصحينى فى حالة واحدة لو مفيش حد غيرها فى البيت وحد عايزنى على التليفون أو حد جالى البيت من صحابى.

بتخاف تنام فى الضلمة و لا لا؟
يا عم بذمتك واحد بالشكل ده لسه بيخاف من الضلمة يا بنى ده لو طلعلى عفريت حيخاف منى

بتحب حد ينام جنبك على السرير؟
لا طبعاً أنا زى الفريك مبيحبش فريك.

اخر مرة بيت فيها برة البيت كانت امتى؟
كانت من حوالى 3 شهور
و كان سببها اية؟
كنت سهران فى رشيد ليلة العيد كان نفسى أقضى ليلة العيد هناك.

اممممممممممممممم كفاية نوم بقى
اه والله أنا زهقت من كتر النوم عايز اصحى بقى.

نسال فى حاجة تانية
أيون كده هو ده الكلام اللى كنت مستنيه

الكلية دخلتها عشان انت بتحبها و لا عشان المجموع؟
عشان المجموع وقف معايا على نص درجة وكنت دخلت ألسن أنا كنت بنام وأصحى أحلم بالألسن.

اكتر مادة كرهتها فى حياتك فى الكلية؟
كل المواد بس أنا طبيعتى بكره النحو ومواد علم النفس والتربية يعنى من الأخر بنجح عشان بحفظلى شوية وخلاص.

عمرك فى الكلية جبت تقدير امتياز فى اى مادة؟
اه والله جبته مرة واحدة فى ماده إسمها العروض وده مش لإنى كنت متميز انا متميز فى كل الأسئلة لكن الدكتور اللى بيصححر اجل محترم بيدى كل واحد حقد يعنى لو كل المواد بيعلمها الدكتور ده أنا أجيب إمتياز على طول.

كفاية بلاش السيرة دى
يا عم والله كانت سيرة حلو المهم غير الموضوع مرتين تلاتة ما إنت لقيت اللى يطاوعك وغصب عنه

نسال فى الحب شويتين
ليه يا عم السييرة الهباب دى ما إحنا كنا فل وعال اوى أوى والمزاج عالى

اول بنت حبتها كانت مين
كانت من المحمودية

كلمتها؟ و لا اتحرجت؟
كلمتها طبعاً عادى يعنى أنا بتحرج فى حاجات حاجات
طبعا كلمتها فى التليفون قلتلها اية؟
لا مش فى التليفون دى كانت من نفس الشارع وبعدين يابنى فى الوقت اللى حبيت فيه كان اللى عنده تليفون فى البيت كان يبقى عمدة

كفاية احراج؟
اه كويس إنك فهمت لوحدك مش ناقصة كفاية كده

انت راضي عن نفسك كدة؟
اه الحمد لله أنا مستقر حاليا وراضى عن نفسى

ناوى تعمل اية الفترة الجاية؟
والله مش عارف بس كل اللى بفكر فيه أخلص الكلية وأنتبه للشغل اللى تحت إيديا عشان أبقى متميز وكان عشان أفكر فى الخطوبة والجواز بقى اللى بيحلم بيهم كل شاب.

حاجة كنت ناوى تعملها بس الظروف متسمحش؟
والله لو عدتلك مش حنلاقى وقت ولا مكان
بس أكترها
كنت ناوى أسافر لدول تانية واشوف الحياة هناك عاملة إزاى بس إنتوا طبعاً فاهمين طالب.

اخر سؤال بقى عشان نختم بية

اثناء محاربة احمس للهكسوس تاهت منة قافلة عسكرية فى الصحراء الغربية و لم يعشر عليها حتى الان

اذكر بالتحديد مكان القافلة فى الصحراء.

والله يا إسلام الحمد لله نجحت بفضل المخابرات الوصول حديثا للمكان اللى تاهت فيه القافلة وهيا تاهت على 110 دائرة طول و 125 دائرة عرض حسب توزيع دوائر الطول والعرض لخريطة جمهورية مصر العربية وتم نهب الكنز كمان بواسطتى

يالا بقى و يارب مكنش تقلت عليك
لا والله يا إسلام ولا تقلت ولا حاجة والاسئلة ودمك زى العسل

انا بقى عليا الدور اسالك يا عم دودى

اولا انتا عامل ايه وايه اخبارك ؟

ثانيا ايه اكتر حاجه كان نفسك تعملها فى 2007 ومقدرتش وناوى تحققها فى 2008 ؟

ثالثا ماذا يعنى الحب بالنسبه لك ؟ وهل تشعر بالحب الحقيقى ام لا ؟

رابعا ايه اكتر حاجه ضايقتك فى حياتك ؟

خامسا ماذا تعنى لك الكلمات التاليه

الصداقه

الخيانه

الغدر

الانسانيه

سادسا ايه اكتر حاجه انتا مش راضى عنها فى شخصيتك؟

سابعا ايه رايك فى الناس دى

مانوس

هانى

هيثوم

انا

عمرو بن عصام هههههههه

السؤال الاخير ايه توقعاتك لمركز شباب دروط فى الدورى العام؟

احلى سلام

السلام عليكم

ازيك يا دودى باشا اخبارك ايه

هما سؤالين وبس

1:اسمك وسنك وعنوانك ومقاس جزمتك؟

2:هل انت بتحب حاليا ولو مش بتحب هل انت فكرت انك تجب قريب؟

سلام يا عسل

ياخبر ابيض معقول اللي حصل دا الاسبوع كله ملحقتكش
حظك حلو اني كنت مشغوله
بس مش مشكله هسالك برضه
سيبك من كلام الحب والكلام العبيط دا وخلينا في الجد شويه
س1:اكتر مره حسيت فيها انك عاوز تعيط بس اتحرجت عشان عيب الراجل يعيط؟
س2:البحر بيمثلك ايه ((البحر اللي فيه سمك ))؟
س3:اكتر مره اتخنقت من هاني وحبيت تخلص منه ومتقولش مفيش ولا مره؟
كفايه كدا عشان تلحق ترد بقي

هى لعبة جميلة اوووى وبتعرفنا على بعض اكتر بس فى حاجة بقى مدام " وعد العيون " هى اللى قالت على اللعبة يبقى المفروض هى اللى تقعد على كرسى الاعتراف اول واحدة ولكم جزيل الشكر

M.I.D.O كتب:: انا بقى عليا الدور اسالك يا عم دودى
إسأل إنت بس يا عم وملكشى دعوة

اولا انتا عامل ايه وايه اخبارك ؟
الحمد لله شغال تمام والحياة زى الفل فى عهد الريس

ثانيا ايه اكتر حاجه كان نفسك تعملها فى 2007 ومقدرتش وناوى تحققها فى 2008 ؟
إنى أجيب تقدير فى الكلية وده اللى بفكر فيه فى 2008

ثالثا ماذا يعنى الحب بالنسبه لك ؟ وهل تشعر بالحب الحقيقى ام لا ؟
والله الحب هو إرتباط عاطفى وذهنى بين طرفين واشعر بالحب الحقيقى اليومين دول

رابعا ايه اكتر حاجه ضايقتك فى حياتك ؟
عملت حاجت مش من المفروض إن شخص زيي يعملها بس كلنا خطائون

خامسا ماذا تعنى لك الكلمات التاليه

الصداقه
الصداقة هى علاقة رائعة تجمع بين شخصين يجب ان يكون بينهم
التكافؤ فى الاهتمامات فى المستوى العلمى فى المستوى الاجتماعى ده التعريف الى
متعارف عليه اما تعرفى انا انك لما تتعب تلاقى حد يطبطب عليك يعنى يربت على ظهرك
باللغة العربية

الخيانه
الخيانة بتتطلب
أكثر من صفة سيئة عشان تكتمل (زي الكدب والنفاق وفقدان احترام
الذات).

الغدر
أسود شئ فى الحياة

الانسانيه
يا ريت كلنا نتحلى بيها

سادسا ايه اكتر حاجه انتا مش راضى عنها فى شخصيتك؟
التسرع فى إصدار الاحكام

سابعا ايه رايك فى الناس دى

مانوس
باذل مجهود كبير جداً فى المنتدى وربنا يخليه ويواصل حلمته لإعتراض مسيرة الدنمارك فى سب الرسول الكريم

هانى
يا عم ده سؤال يتسأل أخويا وحبيبى وكفاءة

هيثوم
مجهوده قل خالص والمنتدى محتاجه بجد

انا
أرق إنسان فى المنتدى ومن أظرف الشخصياتن اللى قابلتها فى حياتى

عمرو بن عصام هههههههه
يا عم ماله عمرو إنت اللى حاطط نقرك من نقره ده راجل زى الفل

السؤال الاخير ايه توقعاتك لمركز شباب دروط فى الدورى العام؟
حيسكب الزمالك ويطلعه من الكاس إن شاء الله

احلى سلام
وأحلى كلام يا عم الحج

T.I.T.O كتب:: السلام عليكم
وعليكم السلام ورحمة الله وبركاته

ازيك يا دودى باشا اخبارك ايه
الحمد لله
هما سؤالين وبس
الحمد للع
1:اسمك وسنك وعنوانك ومقاس جزمتك؟
محمد أبو داود
20.5
البحيرة
47 لو أسود 44 لو بنى
2:هل انت بتحب حاليا ولو مش بتحب هل انت فكرت انك تجب قريب؟
يا بنى السؤال ده انا رديت عليه 500 مرة
سلام يا عسل

Ranoon كتب:: ياخبر ابيض معقول اللي حصل دا الاسبوع كله ملحقتكش
حظك حلو اني كنت مشغوله
طب الحمد لله على إنك كنتى تشرفى وتنور

بس مش مشكله هسالك برضه
ولا يهمك

سيبك من كلام الحب والكلام العبيط دا وخلينا في الجد شويه
أيوه كده هو ده الكلام وإلا بلاش

س1:اكتر مره حسيت فيها انك عاوز تعيط بس اتحرجت عشان عيب الراجل يعيط؟
مش فاكر والله دلوقتى لما أفتكر حبقى أعدل الرد وأقولك

س2:البحر بيمثلك ايه ((البحر اللي فيه سمك ))؟
الشفافية

س3:اكتر مره اتخنقت من هاني وحبيت تخلص منه ومتقولش مفيش ولا مره؟
لو عديت أبقى عايز (...................... ملايين السنين والمواقف...........)

كفايه كدا عشان تلحق ترد بقي
ماشى لو كنتى عايزه تسألى كمان كان عادى يعنى

فكره حلوه اوووووووووووى ويارب نشوفها قريب يتتنفذ من غير ماحد يهزر ومايقولش الصراحه

انا جيت بقي يا عم دودى ومش هتقل عليك معلش اسئلتى من نوع خاص شوية
انا بحاول اسئلك اسئلة محدش سألها قبل كده

1_ معاك رصيد كام فى موبايلك دلوقتى

2_ طب ناوى تشحن امتى

3_ طب هتشحن بكام

من الواضح كده ان هانى يبقي اخوك

4_ كام مرة حولك رصيد

5_ طب حولك كام

6_ ولو محولكش خالص ....... طب ليه

7_ بما اننا فى اخر الشهر معاك كام دلوقتى فى جيبك

8_ ماهو رأيك فى

الحكومة المصرية

الريس حبيب الكل

9_ انت فى جامعة ايه او بمعنى اوضح بتدرس ايه

شوية حب بقي ووجع دماغ

10_ بتعترف بالحب من اول نظرة ؟؟؟؟؟؟؟؟؟؟؟

لو بتعترف بيه ............ طب ليه
ولو مش بتعترف بيه ............... برضة ليه

من الواضح انك بتحب دلوقتى

11 _ هل حبك للبنت دى صادق مية فى المية

12 _ هل انت مخلص ليها لدرجة لم يصدقها عقل

كفاية احراج بقي

سيبك من السيرة الهباب دى

ولا اقولك اسيبك دلوقتى خالص

رد بقي وبكل صراحة وخصوصا الاسئلة التى تميل للناحية المادية

سلام ...............................................سلــــــــــــــــــــــــــمى

سلمى كتب:: انا جيت بقي يا عم دودى ومش هتقل عليك معلش اسئلتى من نوع خاص شوية
انا بحاول اسئلك اسئلة محدش سألها قبل كده
ولا يهمك يا سلمى تشرفى وتنورى ويارب تكون جديدة

1_ معاك رصيد كام فى موبايلك دلوقتى
0.60 قرش فقط لا غير طبعاً ده أنا كنت فى البيت وعملت تليفون مع الحتة مفضلشى غير 60 قرش

2_ طب ناوى تشحن امتى
بكره الصبح الحمد لله

3_ طب هتشحن بكام
25 عشان فى عرض فى موبنيل دقايق مجانية

من الواضح كده ان هانى يبقي اخوك
أكيد إنتى شايفة غير كده

4_ كام مرة حولك رصيد
7 مرات

5_ طب حولك كام
5 جنيه كل مرة

6_ ولو محولكش خالص ....... طب ليه
عادى يحول ميحولشى براحته بس لما أبقى عايز رصيد ومكان مفيهوش سنترالات بعمله إشحنلى بيشحنلى

7_ بما اننا فى اخر الشهر معاك كام دلوقتى فى جيبك
ليه بس السؤال المحرج ده دلوقتى معايا حوالى 320 جنيه لو غمبارح كان معايا 3200 جنيه

8_ ماهو رأيك فى

الحكومة المصرية
حبيبة قلبى مدلعانا ومروشانا وموفرالنا كل حاجة بسعر رخيص فيه مواصلات وسكن بسهولة وأكل وشرب زى الفل حتى بصى للرغيف اللى شاله عادل إمام فى فيلم مرجان أحمد مرجان

الريس حبيب الكل
حبيب قلبى ونور عينيا هو اللى مدلعنا هو .. هو اللى مرقصنا هو (الحدق يفهم))

9_ انت فى جامعة ايه او بمعنى اوضح بتدرس ايه
كلية تربية عام قسم لغة عربية

شوية حب بقي ووجع دماغ
ياااااه ما كنا خلصنا من السيرة دى

10_ بتعترف بالحب من اول نظرة ؟؟؟؟؟؟؟؟؟؟؟
أكيد
لو بتعترف بيه ............ طب ليه
ووالله بعترف بليه عشان ده حصل معايا وحبيت من أول نظرة وده كان أول حب واصدق حب

ولو مش بتعترف بيه ............... برضة ليه
لا بعترف

من الواضح انك بتحب دلوقتى
أكيد

11 _ هل حبك للبنت دى صادق مية فى المية
أكيد والله وكل الناس اللى موجوده وعارفه تشهد بكده وتشهد إنى بحاول أعمل كل حاجة عشان أتقدم لها

12 _ هل انت مخلص ليها لدرجة لم يصدقها عقل
والله مش حقولك حاجة إسألى وإنتى تعرفى

كفاية احراج بقي
لا عادى لا إحراج ولا حاجة

سيبك من السيرة الهباب دى
ولا سيرة هباب ولا حاجة
ولا اقولك اسيبك دلوقتى خالص

رد بقي وبكل صراحة وخصوصا الاسئلة التى تميل للناحية المادية
اوك عادى يعنى
سلام ...............................................سلــــــــــــــــــــــــــمى
واحلى كلام يا سلمى

يا جماعة دودى نجح المفروض بقى يجيب حلاوة النجاح للمنتدى كله 3W4

اللى إنت عايزه بقى يا شو

يا عم سيبك من على المنتدى معييش فلوس سلمى قلبتنى

حظبطك أنا وإنت لما تيجى إنت بس

مووووووووووووون لايت

على الكرسى
أهلا وسهلا
شرفتينا ونورتينا
ولازم أكون أول واحد يسألك ولازم أردلك الواجب اللى عملتيه معايا ((فاكره))
جود لاك مقدما يا مون
إبقى سلميلى على الكوابيس مقدما ده إنتى حيجيلك كوابيس ؟؟ sdrtaeQF

عرفينا عن نفسك من خلال البطاقة الشخصية ومتنسيش حاجة خالص

سؤال محرج ايه هو اكتر سؤال محرج اتسالتيه فى حياتك؟

ماذا تعني لكي الكلمات الآتية

العاطفة . الرحمة . العقلانية . موضحة إجاباتك بمواقف حدثت لكي

عندك كام صديقة ممكن تثقي فيها جدا لكي تطلعيها على أسرارك وكام صديق وياريت بالأسماء.
إيه أكتر موقف محرج حدث ليكي في الجامعه.
مين من الكتاب بتحبي تقرأي ليه ،إذا كنتي من هواة الأدب.
إيه أفضل بلد تحبي تعيشي فيها في جمهورية مصر العربية .

لديكى 3 باقات ورد لمن سوف تهديها
ماهو ترتيبك بالعائلة ؟
وماهى محصلتك الدراسية ؟ وإلى أين تريدى أن تصلى ؟

انتي عرفتي المنتدى منين....؟؟؟؟( سؤال مش محرج اوي)
اية اللي عجبك عندنا يعني في منتدانا (بجد واللهي مابغلس)
تحبي الكولا اكتر ولا البيبسي (بواخة بقى )
انا عارفة اني غلست عليكي اوي متحملاني لحد الوقتي ولا لأ...؟؟؟؟؟
انتي حبيتي ولا لأ ولا انتي بتحبي ده بجد سؤال محرج هههههه

قولي اكثر 3 اشياء بيديقوكي في حياتك؟

ايه مواصفات زوجك المستقبلى؟

ايه احلامك؟
كام مره حسيتى انك ملكيش لزمه فى الحياه؟
كااااااام مره مقدرتيش تكتمى دموعك؟
حطى 3 اهداف فى حياتك تحبى انهم يتحققوا فى المستقبل

هل سبق ان شاركتى في منتديات اخرى ؟
هل مازلت تشربى الحليب قبل ان تنامى ؟
كم تحفظى من القران ؟
كم تحفظى من الاحاديث ؟
هل تصلي الفجر في المسجد؟

هل ضربكى أحد امام الناس ؟ .. و لماذا ؟

هل تعتبرى نفسك مغرورة؟

كيف ترى الصداقة ؟
هل ترى اختلافا بين الاقناع واعطاء الرأي ؟
هل يمكن أن تجدى الجهل والمعرفة في مكان واحد ، أم ، إن حضر أحدهما ، غاب الاخر ؟ أم أن لديكى كلاما آخر ..
هل تعطي دون أن تأخذى ؟
هل للثقة في النفس حدود جغرافية ؟

ماذا تفعل لو كنت فى الصحراء وحيداً ؟؟
ما هو أول شىء تفكرى به عندما تكونى بأزمة ؟؟
من هو أول شخص تلجئين إليه بعد الله تعالى ؟؟
من هو أحب الأعضاء إليكى عضو واحد فقط ؟؟ وفيش حاجة إسمها كلكم أو مفيش ؟؟
هل تؤمنى بالمساواة ؟؟
ما هى الأسماء التى تحبى أن تسميها لأولادك ؟؟
هل أنتى سعيدة فى هذه الحياة ؟؟

منورة الكرسي يامون والله
وانت يادودي قلت كل الاسئلة طب كنت سيب لينا حاجة نقولها
بصي يامون انا هسال اسئلة بسيطة ومش محرجة يعني

1-كم مرة ندمتي علي حاجة عملتيها؟ ولو ممكن تقولي الموقف اية ؟ الجزء التاني اختياري
2-كم مرة حبيتي في حياتك ؟وهل انتي في حالة حب دلوقتي؟اختياري
3-اية رائيك في حب النت ؟هل بتشجعية او ضدة؟
4-اية اكتر اغنية بتحبيها ؟وبتهديها لمين؟
5-ختمتي القراءن كام مرة؟
6-هل انتي منتظمة في الصلاة؟

كفاية كدة عليكي يامون
هرجعلك تاني
لو في اسئلة مش عاوزة تجاوبي عليها عادي ودة معناها تجاوبي علي الاسئلة كلها

يا عينى عليكى يا موووووووون لايت

يارب اكفينا شر الكرسي ده

والصراحة كمان دودى متوصى علي الاخر

ربنا يعينك

ايه ده

هوه انا عالكرسى اصلا..بجد انا اتخضيت لما قريت اسمى

ربنا يعدى الاسبوع ده على خير بقى..علشان انا عارفه ان فيه ناس مستنيه الفرصه دى

واساسى طبعا ان دودى اللى يبدا الاسئله ومتوصى عالاخر اصلا..بتردلى الواجب يادودو

طب ده انا حتى مكنتش لحقت اعمل معاك الواجب

استعنا عالشقا بالله
كل دى اسئله اصلا..

اقتباس :

عرفينا عن نفسك من خلال البطاقة الشخصية ومتنسيش حاجة خالص

الاسم مروة عز الدين
السن 24 سنه
العنوان دمنهور

وبس..مش هما بيقولو اسمك وسنك وعنوانك

اقتباس :: ايه هو اكتر سؤال محرج اتسالتيه فى حياتك؟

لما حد من زمايلى الشباب مكنش قابلنى من فترة ولما نتقابل صدفه يسالنى انتى لسه ما اتخطبتيش..وليه ..معقول...طب ازاى..بتحرج اوى

اقتباس :: ماذا تعني لكي الكلمات الآتية
العاطفة . الرحمة . العقلانية . موضحة إجاباتك بمواقف حدثت لكي

العاطفه::دايما بحس ان معناها الحب

الرحمه::ضرورى اوى لما اتعامل مع حد صغير او ضعيف او مريض

العقلانيه بقى موجودة..بس مش دايما

اقتباس :: عندك كام صديقة ممكن تثقي فيها جدا لكي تطلعيها على أسرارك وكام صديق وياريت بالأسماء.

عندى اصدقاء كتير..بس هيا واحده بس اللى بثق فيها واقولها على كل اسرارى
وكام صديق...تقريبا 7...عاوز اسماء ليه؟؟هتعملهم بطايق؟؟.

اقتباس :: إيه أكتر موقف محرج حدث ليكي في الجامعه.

ايه الاحراج ده:المشكله انى مشفاكره اصلا اى حاجه من ايام الكليه دى

مره كنا فى محاضرة وكان دكتور رخم اوى بس كنا بنحضر علشان الغياب..ونمت فى المحاضرة فنادى عليا وقالى اتفضلى بره..بس كنت كتبت اسمى فى الغياب فمصلحه انى انطردت بس كان احراج بقى

[quote]مين من الكتاب بتحبي تقرأي ليه ،إذا كنتي من هواة الأدب.
[/quote]
انا مش بقرا حاجه فى الادب..بس زمان كنت بقرا ماوراء الطبيعه ورجل المستحيل وملف المستقبل ل نبيل فاروق

اقتباس :: إيه أفضل بلد تحبي تعيشي فيها في جمهورية مصر العربية .

اسكندريه طبعااااا

اقتباس :: لديكى 3 باقات ورد لمن سوف تهديها

لبابا وماما واخواتة واصحابى ولكل اعضاء المنتدى((انتو شوفو هما كم ورده ووزعوهم على بعض))

اقتباس :: ماهو ترتيبك بالعائلة ؟

رقم 1..انا اكبر اخواتى

اقتباس :: وماهى محصلتك الدراسية ؟ وإلى أين تريدى أن تصلى ؟

انا معايا بكالوريوس طب بيطرى 2005 وحاليا بحضر دبلومه تحاليل ميكروبيولوجيه

وعاوزة اوصل لنهايه الدبلومه دى وربنا يسهل بعد كده بقى

اقتباس :: انتي عرفتي المنتدى منين....؟؟؟؟( سؤال مش محرج اوي)

كنت بعمل سيرش على حاجه مش فاكراها الصراحه..ولقيت مانوس..ومن يومها مافترقناش

اقتباس :: اية اللي عجبك عندنا يعني في منتدانا (بجد واللهي مابغلس)

انا اول حاجه لفتت انتباهى اللون الاسود بصراحه..لان كل المنتديات بلاحظ ان الوانها فاتحه..فاستغربت من اللون وبعدين لقيت مواضيع كتير عجبتنى وحطيت كم موضوع..وبعدين لقيت مانوس عمل قسم منفصل للالعاب اللى كنت حاطاها..وبعد كده بقيت مشرفه فى وقت قصير..

اقتباس :: تحبي الكولا اكتر ولا البيبسي (بواخة بقى )

لو هنعزمنى يبقى بحب الاتنين..لو بتسال كده وخلاص يبقى
لا دى ولا دى (بواخه بقى)) بحب فيروز بس

اقتباس :: انا عارفة اني غلست عليكي اوي متحملاني لحد الوقتي ولا لأ...؟؟؟؟؟

لحد دلوقتى انا شايفه مفيش غلاسه,..علشان كده مستغربه

ولحد دلوقتى مستحمله

اقتباس :: انتي حبيتي ولا لأ ولا انتي بتحبي ده بجد سؤال محرج هههههه

سؤال محرج وبتضحك بعديها..دى شماته يعنى ولا ايه بقى؟؟

ايوه يا سيدى..انا بحب

اقتباس :: قولي اكثر 3 اشياء بيديقوكي في حياتك؟

الافتراء

الكدب

اللى بيشتكى كتيييير

اقتباس :: ايه مواصفات زوجك المستقبلى؟

اول حاجه انه يكون بيحبنى جدا طبعا،،ويكون متدين ومحترم وعينه مش زايغه..
ويكون بيحترم اهله ويكون طبعه زى طبعى..واهم حاجه ميكونش بيحب ياكل بط

اقتباس :: كام مره حسيتى انك ملكيش لزمه فى الحياه؟

الصراحه محصلش..ولما بتقلب ضلمه كده بحاول مطولش فى المود بتاع الكابه ده

اقتباس :: كااااااام مره مقدرتيش تكتمى دموعك؟

يااااه..كتيييير جدا خصوصا الشهر اللى فات ده

كنت عامله تعاقد مع الدمووع

اقتباس :: حطى 3 اهداف فى حياتك تحبى انهم يتحققوا فى المستقبل

اتجوز اللى بحبه

اربى اولادى كويس

انجح فى شغلى جداااا

اقتباس :: هل سبق ان شاركتى في منتديات اخرى ؟

ايوه فى كذا منتدى

اقتباس :: هل مازلت تشربى الحليب قبل ان تنامى ؟

لا..دلوقتى كبرت وبشربه الصبح اول ما اقوم من النوم

اقتباس :: كم تحفظى من القران ؟

جزئين

اقتباس :: كم تحفظى من الاحاديث ؟

الصراحه مش كتير..مش عارفه كم بالضبط

اقتباس :: هل تصلي الفجر في المسجد؟

وسعت منك دى يا دودى..انا ساعات بصليه فى المسجد بس فى رمضان بس فى العشرة الاواخر لكن غير كده لا

اقتباس :: هل ضربكى أحد امام الناس ؟ .. و لماذا ؟

ده ازاى يعنى..مين اللى يضربنى قدام الناس ولا مش قدام الناس اصلا

ولماذا ايه بالظبط..لماذا ماضربنيش؟؟؟

اقتباس :: هل تعتبرى نفسك مغرورة؟

والله نا شايفه انى مش مغرورة..بس فيه ناس بتقول عليا كده

انا بسميها ثقه فى النفس..وكل حد حر فى رايه..احنا فى بلد ديموقراطى

اقتباس :: كيف ترى الصداقة ؟

شايفه اناه بقيت حاجه نادرة اوى لان محدش فاهم معناها صح

اقتباس :: هل ترى اختلافا بين الاقناع واعطاء الرأي ؟

اه طبعا..

اعطاء الراى ده يعتبر مشاركه منك ..يعنى بتقول رايك ومايهمكش اللى قدامك ياخد بيه ولا لا

لكن الاقناع بقى ان تخلى اللى قدامك يقتنع برايك وينفذه كمان

اقتباس :: هل يمكن أن تجدى الجهل والمعرفة في مكان واحد ، أم ، إن حضر أحدهما ، غاب الاخر ؟ أم أن لديكى كلاما آخر ..

اكيد يعنى اذا حضر احدهما ذهب الاخر لانهم عكس بعض..بس عارف ممكن يكونو موجودين مع بعض

عارف ازاى؟؟لان محدش فينا عنده معرفه بكل حاجه..حتى اعظم واذكى العلماء بتلاقى معرفته محصوة فى مجال واحد....يعنى ممكن يكون عالم ذرة بس طبعا ميعرفش حاجه عن الطبيخ مثلا

صح ولا ايه رايك؟؟

اقتباس :: هل تعطي دون أن تأخذى ؟

انا مش بستنى اى حاجه من حد..بعطى وباستنى الخير من ربنا وبس

اقتباس :: هل للثقة في النفس حدود جغرافية ؟

الصراحه الصراحه..ملهاش اى حدود جغرافيه ولا تاريخيه

اقتباس :: ماذا تفعل لو كنت فى الصحراء وحيداً ؟؟

اشوف حته ظل اقعد فيها واحاول اكلم حد عالموبيل ييجى ياخدنى

اقتباس :: ما هو أول شىء تفكرى به عندما تكونى بأزمة ؟؟

بقول يا رب حلها من عندك

اقتباس :: من هو أول شخص تلجئين إليه بعد الله تعالى ؟؟

صحبتى الانتيم

اقتباس :: من هو أحب الأعضاء إليكى عضو واحد فقط ؟؟ وفيش حاجة إسمها كلكم أو مفيش ؟؟

هانى داوود

اقتباس :: هل تؤمنى بالمساواة ؟؟

يعنى مش اوى

اقتباس :: ما هى الأسماء التى تحبى أن تسميها لأولادك ؟؟

يوسف-منه-شروق

اقتباس :: هل أنتى سعيدة فى هذه الحياة ؟؟

الحمد لله

ادينى جاوبتلك كل اسئلتك يا دودى..

ومع تانىعضوه معانا الليله::سوسو

اقتباس :: منورة الكرسي يامون والله

ميرسى يا سوسو وخايفه اقولك عقبالك

اقتباس :: وانت يادودي قلت كل الاسئلة طب كنت سيب لينا حاجة نقولها

مش كده..انا بقولكده برضه

اقتباس :: لو في اسئلة مش عاوزة تجاوبي عليها عادي ودة معناها تجاوبي علي الاسئلة كلها

هيا دى الديموقراطيه اللى بتكلم عليها..تحيا جمهوريه مصر العربيه

اقتباس :: -كم مرة ندمتي علي حاجة عملتيها؟ ولو ممكن تقولي الموقف اية ؟

بصى هوه اكيد اى حد ممكن يعمل حاجه ويندم عليها..بس انا بتخنق اوى لما بحس انى عملت حاجه ملهاش لازمه..علشان كده بحاول الاقى فيها اى مميزات واقنع نفسى بان كان ليها فايده وانى معكلتهاش عالفاضى علشان انا مش بحب اندم على حاجه

اقتباس :: كم مرة حبيتي في حياتك ؟وهل انتي في حالة حب دلوقتي؟

ايوه

اقتباس :: اية رائيك في حب النت ؟هل بتشجعية او ضدة؟

هوه موجود وبيحصل كتير..وانا لا بشجعه ولا ضده لان كل حاله مختلفه عن التانيه.

اقتباس :: اية اكتر اغنية بتحبيها ؟وبتهديها لمين؟

اغنيه يا بنت الايه وبحب اهديها لنفسى

اقتباس :: ختمتي القراءن كام مرة؟

هوه انا مش فاكره كم مرة بالضبط بس تقريبا 3 او 4 مرات ف السنه

اقتباس :: هل انتي منتظمة في الصلاة؟

الصراحه مش اوى لان طول اليوم بكون بره البيت وساعات مش بلاقى مكان اصلى فيه

اقتباس :: كفاية كدة عليكي يامون
هرجعلك تاني

تنورينى يا سوسو

اقتباس :: يا عينى عليكى يا موووووووون لايت

يارب اكفينا شر الكرسي ده

والصراحة كمان دودى متوصى علي الاخر

ربنا يعينك

تسلمى يا سلمى..دعواتك بقى الاسبوع ده

انا جيت

منورة الكرسي يا مون بجد

يااة الواحد عايز يسال كتير نوع من الفرااااااااااااغ برضة

تليفزنك خط و لا كارت؟

معاك رصيد كام حاليا؟

بتشحنى كل قد اية؟و بكام

تليفونك نوعة اية؟

اتسرق منك تليفونات قبل كدة؟

و عملتى اية لو كان اتسرق

شخص متسجل عندك اول ما بتشوفى رقمة اول بتفرحى جدا؟

و مين الشخص اللى متسجل عندك اول ما بتشوفى رقمة بتبقى عايزة تقفلى التليفون؟

كفاية تليفونات

اية رايك فى الحب من اول نظرة؟ وقعتى فى الحب دة؟

و الحب اللى عن طريق النت؟

ممكن تحبى حد من النت؟

بتعرفى تطبخى؟

اية احلى اكلة بتعمليها؟

اية الاكلة اللى عملتيها و فشلتى فشل زريع؟

انا جعت بصراحة بلاش اكل نغير الموضوع

المنتدى مين اكتر شخص مقرب ليكى فية؟

الاسماء دى اية رايك فيها بصراحة

هانى و دودى و ميدو و انا بالمرة بقى و سوما و بنت مصرو نودى

موقف محرج حصلك فى المنتدى؟

بتحبى الكمبيوتر؟

كام ساعة تقريبا فى اليوم بتقعدى؟

مين اللى علمك الكمبيوتر و النت؟

بتعرفى تسطبى ويندوز و لا بتودية لمهندس الصيانة؟

لو قالوا ان النت هيبقى ب 500 جنية فى الشهر هتشتركى؟

بلاش كمبيوتر

نتكلم فى اية تانى

اممممممممممممم

بتسمعى اغانى؟ نفسك تبطليها و مش عارفة ؟؟

اية اكتر اغنية اثرت فيكى؟ و فكرتك باية؟

كفاية بقى احسن بيتهيالى تقلت عليكى

اه اخر سؤال

بنى الاسكندر الاكبر مدينة الاسكندرية و قام بتزينها و تشطيبها و تسلمها على المفتاح لوكس؟

اذكر اسم مقاول البناء و نوع السيراميك المستخدم؟؟

gut

سلام بقى

» مسابقة " بنوتة مانوس المميزه "
» برنامج " موبايلك معانا " ::: Only_you:::
» مســابقة الشعر " شارك معانا "
» كلمات اغنيه ازاى ضيعتك من حضنى """"(رامى صبرى)""""
» وحيد سيف بيهزق شعبان عبد الرحيم """" فيديو """"