كرسى الاعتراف "معانا العضوه المميزه D&ampH"

سلمى كتب:

هانى باشا علي الكرسي
لالالا
مش مصدقة

لا صدقي يا سلمي
خلاص الزمن دا بقى مش زمنا
ولا البلد دى بقت بلدنا
الحكومة حطتنى في دماغها خلاص



طبعا الحكومة هما عارفين نفسهم

اقتباس :

يلا نبتدى يا باشا

اتفضلي يا سلمي
ونورتى
بس بلاش باشا دى
الا الحكومة لغيت الالقاب من زمان
واحسن يفتكروا انى عاوز اقلب نظام الحكم ولا حاجة
واروح بسببك ورا الشمس

اقتباس :

1_ من انت ؟

انسان بسيط عادى

اقتباس :

2__ كم شخص عندك على المسنجر ؟

عندى اميل عليه 690 شخص ودا مش بفتحه اصلا
وعندى اميلي الاساسي بقى ودا عليه حاليا 89 فرد

اقتباس :

3_هل فعلا انت مرتاح فى تواجدك فى المنتدى ومع الاعضاء ؟

مرتاح جدا بصراحة

اقتباس :

4
_عضو يستحق الصداقة مين؟

كل اعضاء المنتدى بصراحة

اقتباس :

5_عضو شخصيتة مثل شخصيتك ؟

اكيد دودى سابقا ( سكوفيلد حاليا )
دا اخويا ومتربيين في بيت واحد
وصوتنا شبه بعض في التليفون كمان
وفي البيت بيتلخبطوا بيننا في التليفون
واصحابنا برضو

اقتباس :

6_عضو تعجبك شخصيتة ؟

مون لايت بلماضتها وحسن تعاملها مع المواقف وتفكيرها السليم و بنت مصر بطيبتها ودماغها وايمانها ودودى بكسله وميدو واسلام باجرامهم في الالعاب وفانتوم بصدقه وسلمي وسومة وغموض بالرومانسية و رنون ووعد بجنانهم و حمو بعضلاته وهيثوم بذوقه وايهاب بشفافيته وشو تايم بخفة دمه وننوسة واسرار تحس انهم طيبين اوى ومفتريين برضو ويويو طبعا بصدقها
ومانووووووس بكفاحه ونوووووودى حونينة اوى ربنا يشفيها يارب
يارب اكون منسيتش حد

اقتباس :

7_عضو شفتة ؟ وعضو تتمنى ان تشوفة ؟

مفيش عضو مشهور في المنتدى ومقابلتوش ( قصدي على الشباب طبعا )
دودى 24 ساعة في وشي
مانوس- ايهاب - هيثوم - العصابة ( ميدو واسلام ) - فري تو مانسث - شو تايم - فانتوم - حمو - احمد نافع -
اللى نفسي اشوفه كل اللى عمرى ما شفتهمش
وتيتو طبعا واحد منهم

اقتباس :

8_اذا كنت متضايق اية اول حاجة بتفكر تعملها ؟

بفكر اشوف انا متضايق ليه وادور على اسباب الضيق
ولو معرفتش اوصل لحد
بخرج

اقتباس :

9_ اية احلى ذكرى فى حياتك ومستحيل تنساها ؟

يوم مانزلت اسكندرية اتفرج على فيلم الجزيرة
ويوم خطوبة اخواتى الكبار

اقتباس :

10_باقة ورد لمن تهديـــها.....؟

لكل اهلى والناس اللى بحبهم واصقائي واعضاء مانوس

اقتباس :

11_باقة شوك لمــن تهديـــها......؟

لكل اللى بيكرهونى

اقتباس :

12_جريمة تتمنى ارتكابهــــــا.......؟

انى اقتل دودى بصراحة
وهوا عارف ليه



مش بيتبل احيانا في بقه فولة
وهوا عارف ليه برضو

والجريمة التانية انى اخطف قلب اللى بحبها

اقتباس :

13_قطعة فحم صغيرة وجدار نظيف ماذا سترسم عليه وماذا ستكتب تحت الصورة ؟

هكتب وومن لم يحلم بصعود الجبال يعيش ابد الدهر بين الحفر
وهرسم قلب كبيييييييير

اقتباس :

14_ ما هو احساسك وانت معصور علي الكرسي دلوقتى ؟

احساس مية مية بصراحة
نفسي تجربيه
بس المشكلة ان مفيش عصير كرم ضيافة يعني

اقتباس :

15_ بتفكر فى ايه دلوقتى حالالالا ؟

بفكر يا تري السؤال الجاى ايه

اقتباس :

16_ بتقول ايه لما بيصيبك الملل ؟

باخد نفس طووووووويل وعميييييييق
وبنفخه تانى

اقتباس :

17_ عاوزة اهداء منك لاى عضو انت تحبه ؟

المشكة انى بحب كل اعضاء مانوس
وبقول لهم منورين المنتدى

اقتباس :

18_ عاوزة كلمة اخيرة منك ؟

منورة يا سلمي
وزاكرى
وركزى في مستقبلك عشان دا بيترتب عليه شكل حياتك في المستقبل
واتعبي اليومين دول عشان ترتاحى طول العمر
واحجزيلك مكان في كلية كويسة
وبعد كدا اعملى كل حاجة في نفسك

شرفتى يا سلمي

ننوسة كتب:

انا جيت
عارفة هتقولى نورتى

شاطرة يا ننوسة والله
انك توقعتى الرد
عشان كدا نويت اغير
ضلمتي يا ننوسة المكان اللى بتمشي منه
وتنورى المكان اللى بتروحيه

اقتباس :

انا بصراحة قلت ادخل اسلم بكذا سؤال كدة

يعني بدل ما تدخلى عليا بكوباية عصير ولا كيس فاكهة
تدخلى عليا بشوية اسئلة

اقتباس :

اصل بابا علمنى ان اكرام الضيف واجب وداه واجب الضيافة ياهانى

بابا دا بيفهم طبعا
انما بنته مش بتعرف تقدم واجب الضيافة صح

اقتباس :

هتفضل اسال

وانتى محتاجة اذن يا ست ننوسة
انى اسألي على طول
حتى لو غصب عنى
انا متأكد انك من اكتر الشخصيات اللى مبسوطة فيا

اقتباس :

1-ماهو اول انطباع الناس بتخدوا عنك

انى خجول جدا
ومش باخد على حد بسرعة
لازم يبقى فيه تعامل كتير بيني وبينه عشان على الاقل ابدأ اتعامل معاه كويس

اقتباس :

2-متى تشعر بالسعادة

لما اكون وسط اهلى والناس اللى بحبها وبيخافوا عليا وبخاف عليهم

اقتباس :

3-متى تشعر بالامان

لما اكون في بيتنا طبعا

اقتباس :

4-ماهو اسعد خبر سمعتة فى حياتك

خبر ان اخواتى هيخطبوا
ولما خالتى جابت واد على 3 بنات

اقتباس :

5-اكتر مكان بتحبه

نمرة واحد البيت
بعديه الملعب

اقتباس :

6-هتجيب لمامتك اية هدية بمناسبة عيد الام

ايه الاحراج دا بس
هوا عموما الهدية بقيمتها المعنوية مش بتمنها
يعني لو وردة يبقى كفاية
خصوصا ان اليومين دول العملية مأشفرة شوية
وممكن برضو اضحك عليها بكلمتين وبوسة على راسها
لان اصلا بابا مش مخليها محتاجة حاجة
وهوا اللى بيكع اغلى هدية

اقتباس :

7-رسالة تود ارسالها لشخص عزيز على قلبك ما مضمونها

خلى بالك من نفسك

اقتباس :

8-ماهو رد فعلك اتجاه الناس الذين اساءوا لك

التجاهل

اقتباس :

9-مامعنى هذه الكلمات بالنسبة لك

اهوا دا من اكتر الاسئلة اللى بكرهها

اقتباس :

الفشل

اسوأ شيء في الوجود
وبيجيب لى احباط بصراحة
خصوصا ان الفرق بينه وبين النجاح كبير اوى
ولو كل واحد عمل اللى عليه بذمة وضمير
عمره ما هيبقى فاشل

اقتباس :

الظلم

بقى موجود كتير اليومين دول
وبيحسسك ان الدنيا مفيهاش خير

اقتباس :

النجاح

شيء عظيم جدا
ويدل على التفوق والمجهود الضخم المبذول

اقتباس :

الشهرة

بستمتع بيها
بس من غير غرور طبعا

اقتباس :

الغرور

بيحسسني ان اللى قدامى دا مغفل كبير
الثقة في النفس احسن منه بمراحل

اقتباس :

السلطة

قوة

اقتباس :

ياالا نسال شوية فى الحب

يلا بينا يعني هوا السؤال بفلوس
مفيش فاصل اعلانى
ولا ايه

اقتباس :

10-رايك فى هذه المصطلحات المرتبتة بالحب يعنى قول لنا عنها حاجة بسيطة

ربنا يسهل

اقتباس :

حب المراهق

لابد منه - بس بيبقى غالبا لعب عيال

اقتباس :

الحب الاول

صعب يتنسي طول العمر
وبيفضل مرتبطط بيك طول عمرك
وتفكر فيه دايما

اقتباس :

الحب المعذب

يارب محدش يتعرض له

اقتباس :

الحب الحقيقى

بيعيش طول العمر

اقتباس :

الحب الفطرى

دا مستحيل حد ينكره
خصوصا حب الام والاب لابنهم

اقتباس :

نسيب الحب لناسه احسن ونغير الموضوع

الحمد لله
يلا بينا

اقتباس :

شوية اسئلة مختلفة لاننا نختلف عن الاخرين خالص وعايزة اجابة صريحة اياك تعمل زى محمد هنيدى فى وش اجرام للكمبيوتر يفرقع فى وشكك

طبعا لازم تختلفي عن الاخرين
مع ننوسة مش هتقدر تغمض عنيك
ومش هعمل زى هنيدي في وش اجرام
هعمل زيه في فيلم جاءنا البيان التالى

اقتباس :

11-تقول ايه عن شباب اليومين دول

ربنا معانا يارب
الظروف زى الزفت
وفيهم شباب رجالة طبعا
وشباب لا مؤاخذة يعني .....

اقتباس :

12-وبنات اليومين دول

والله فيهم بنات طيبين جدا
بس عيبهم الوحيد بقي
التقليد الاعمي

اقتباس :

13-رؤساء اليومين دول

ربنا لو حب يبتلي قوم بمصيبة يسلط عليهم ناس يعقدوهم في حياتهم
واكيد ربنا بيعافبنا
طبعا بعد الاجابة دي
ابقى زوريني في المعتقل وزودى الحلاوة

اقتباس :

14- اخبار اليومين دول

كلها اخبار تسد النفس
مصرع - قتل - استشهاد - انفجار
حتى هزيمة الزمالك امام الاهلى

اقتباس :

15-مدرسين اليومين دول

فيهم نا بصراحة بتتقي الله في نفسها
وفيهم ناس ولاد ستين ...........

اقتباس :

16-طلاب اليومين دول

مستهترين
وهما اللى ادوا فرصة للمدرسين انهم يبقوا كدا

اقتباس :

17-مطربين اليومين دول

مفيش مطربين اليومين دول

اقتباس :

18-مغنيين اليومين دول

فيهم ناس محافظة على القمة
زى الضهبة عمرو دياب واصالة وشيرين
وفيهم ناس بتظهر مرة واحدة وتختفي وتتنسي للابد
الغناء اصبح مهنة من لا مهنة له

اقتباس :

19-عرب اليومين دول

نو كومينت

اقتباس :

20-اصدر قرار بتعينك رئيس للجمهورية معروف انك هتركب العربية ومعاك الحراس وتلف فى امكان معينة فى البلد وهتستقبال تهانى واتصالات الزعماء كل داه معروف السؤال بقى

والله ما هعمل ولا حاجة من دول
هبقى بسيط جدا
اكيد الكري هيغرني في الاول
بس اكيد يعني
انا من الشعب وللشعب

اقتباس :

ماهو اول قرار هتفكر بانك تلغيه

الاستيراد والتصدير الا للضرورة
لحد ما البلد تقف على رجلها
ماهو حرام اصدر البطاطس بره
وسعرها هنا اخر مرة كانت 2 جنيه يعني

اقتباس :

واية اول قرار هتتخذه

رفع مستوى معيشة المواطن المحدود الدخل وحل مشاكل الشباب
طبعا هتقولى انت من اولها بدأت الفشر اهو

اقتباس :

21-فى نهاية حوارنا معاك عايزينك تقول كلمة لشباب مانوس

كل واحد يخلى باله من نفسه
ويعمل اللى عليه في حياته
وربنا معانا في الايام الجاية
وكل واحد يحقق حلمه

اقتباس :

كفاية كده وعلى فكرة دى اسهل اسئلة عندى مش عارفة لوضغطت عليك شوية فى الاسئلة هيحصل ايه

لا اضغطى براحتك يا ننوسة
عشان لو وقعتى تحت ايدي مش هرحمك بصراحة
هوا انا يعني هقعد على الكرسي كام مرة في حياتى
فرصة واغتنميها بقى

اقتباس :

ممكن ارجع تانى عارفة هتقولى هنور ماالبيت بيتنا كلنا

لا المرة دى المنتدى منتداكي

اقتباس :

سلام دلوقتى

سلام يا ننوسة
وربنا يحقق لك كل احلامك يارب
واللى نفسك فيه

دعوة ببلاش اهو

معاك يا عم المستحيل

اقتباس :

دراسة بقى عشان خاطري

ماشي يا عمنا


المجموعة الحادية عشرة في الدراسة

اقتباس :

* كنت شاطر في المدرسة ؟ وهل انضربت قبل كده ؟

كنت شاطر جدا
بالرغم من انى بقعد في الديسك الاخير
وانضربت مرة واحدة بسبب الواجب
بقيت المرات اللى انضربت عليها بتبقى بسبب اللماضة

اقتباس :

* كنت بتفضل تصاحب مين الاولاد والا البنات ؟ ( يامدوخ السمكة في مايتها )

الولاد طبعا
ولن انكر ان جت فترة كنت بحب اصاحب البنات
بس خلاص زمن وانتهى

اقتباس :

* إزاي ممكن توصف أيام دراستك أيام المدرسة والكلية وتدريسك للطلبة دلوقت ؟

المدرسة كانت ايام جميلة
خصوصا الثانوية وبداية الانحراف
والكلية دى الانحراف كله
انما دلوقت بقى
بصفتى خبرة في المقالب والمواقف دي
بقيت بعرف اتعامل مع التلاميذ نفسيا

اقتباس :

* إعرب ذهب خالد إلى السوق ؟

ذهب : فعل ماضي مبني على الفتح لانه لم يتصل به شيء
خالد: فاعل مرفوع وعلامة رفعه الضمة الظاهرة
الى : حرف جر مبني لا محل له من الاعراب
السوق: اسم مجرور بالي وعلامة جره الكسرة الظاهرة
وشبه الجملة مبنية في محل نصب مفعول به

والله خايف اكون غلطت

اقتباس :

إيه رأيك في إعراب جملة مات الرجل اللي على النحو التالي :
مات : فعل ماضي مبني على النعش .
الرجل : فاعل مرفوع متوقف على حفر القبر .

الله ينور ياباشا
100 100
اعرب لك كلمة ملوخية
فاعل مرفوع ع الطبلية وعلامة رفعه التقلية

اقتباس :

خلااااااااااااص بقى يا عم هاني انت صدقت إني عايز أخد دروس عربي

ومين قال انى هوافق اصلا
يا فاشل
يا
انا الفشل بذاته

اقتباس :

لا فوووووووووووووووق ده لسة فاضل مجموعات تانية

تعبت منك والله
اديني مستحمل

اقتباس :

أنزل وكمل وأوعى حسك عينك تدعي عليا لحسن أنا غلبان وما صدقت إنك قاعدت

والله يا باشا
بدعي عليك في سري




المجموعة الثانية عشرة في العامية


لوقالولك:

اقتباس :

*تعلم حد الغلاسة والرخامة هتختار مين ؟

هختار كل الناس اللى حواليا لانه بصراحة حرام ابقى انا لوحدى غلس واغلس على الناس من غير ما حد يغلس عليا
لازم كدا يبقى فيه تبادل للغلاسة

اقتباس :

* تضرب حد من أعضاء المنتدى ؟

هضرب دودى طبعااااااااااا
وهيثوم

اقتباس :

* تقول نكتة هتقول إيه ؟

مرة واحد صعيدي حب يطخ مشوار استناه في الضلمة

اقتباس :

* تعلم أحد الأعضاء الكلام الحلو هتختار مين ؟؟؟؟؟ يااااااارب أنا أصلي فاشل أوي

مش انت يا فااااااااااااشل
لانك مش بتتعلم
وبعبتني معاك مليون مرة
بس اكيد هعلم اى حد محتاج

اقتباس :

* مين يقعد بعدك على الكرسي ؟

اى حد دخل عمل الواجب معايا وسألني

اقتباس :

وبعد القيل والقال نروووووووووووووح للمجموعة المتميزة والأخيرة

الحمد لله
انا شامم ريحة الافراج
قرب

اقتباس :

واللي اسمها مجموعة المستحيل بذاته

طيب ياعم
فرحان بنفسك اوى
اتعلمت الغرور يا معلم

اقتباس :

* إزاي ممكن توصف معنى كلمة المستحيل ؟

زي ما انت وصفتها
يقال أن المستحيل هو من صعب إختراقه وأنه العجز عن تحقيق الأمنيات والأحلام فقد سئل المستحيل عن مكان إقامته فأجاب ؟! بأنه يعيش في أحلام العاجز ..
فليس لكل من قال بأنه المستحيل فهو حقاً مستحيل فلكل شيء مستحيل طريق لإجتيازه ولكن يبقى المستحيل كما هو صعب المنال فالمستحيل مستحيلٌ ولو كثرت طرقاته..
ولذلك فأنا أخترت مسمى أنا المستحيل بذاته ويصعب إجتيازه ومجاراته

بس يا باشا بقولها لك نصيحة

مفيش حاجة اسمها المستحيل



امام ارداة قوية وعزيمة صلبة

اقتباس :

* إزاي ممكن تحل مسألة مستحيلة الحل ؟ وماتحطش قوانين زيادة للطلبة في الرياضة

هطلب منه انه يحلها طبعا
ههههههههههههههه

اقتباس :

* إذا طار طائر بسرعة كبيرة جدا ... فإزاي ممكن تصنع صاروخ عشان تصطاده ؟

وانا اوجع دماغى ليه
فيه طريقتين
انى انصب له فخ واصطاده
او
اراقبه واعرف مكان عشه و اهجم عليه واخده اسيره بالليل
لا صورايخ بقى ولا وجع قلب

اقتباس :

بس بقى كده كفااااااااااااية أوووووووووووووووووي عليك

احمدك يااااااااااارب

اقتباس :

آآآآآآآآآه أخر طلب من أخوك المستحيل ربنا يرضى عليك

هوا لسه فيه طلبات



اتفضل ياعم

اقتباس :

إيه رأيك في الواجب اللي عملوا معاك اخوك المستحيل وأنت على الكرسي ؟

اجدع من الواجب الاسكندراني اللى بسمع عنه وعمرى ما جربته

اقتباس :

وخلاص يا باشا كفاية عليك كده

وأخر الكلام هو السلام

سلام يا عم مستحيل
عشان عاوزين نرش مية بقى قدام الكرسي
عشان الجو بقى حر

moon_light كتب:

ورجعتلك من تانى يا هانى

يا سلام يا مون لايت
دا انتى تشرفي هنا في اى وقت
لمدة دقيقة بس
وتخرجي بسرعة

اقتباس :

عارفه طبعا انى شرفت ونورت وان البيت بيتى

هي حركات اللماضة دى مش هتبطليها ابدا
طب بالعند فيكي بقى
البيت بيتك

اقتباس :

يا عينى عليك وانت مطحون عالكرسى

المشكلة انى مطحون بشكل غريب بصراحة
بس الحمد لله
دا بيبين ان فيه ناس كتير مهتمين بيا

اقتباس :

واضح ان كل الناس هنا بتعزك أوى

جدا جدا جدا
ومسيري اعمل معاهم واجب برضو

اقتباس :

والله من كتر الاسئله انا مكسوفه اسألك

مون لايت تتكسف في اللماضة
صعب بصراحة
بس اوعى تتلامضي بقى وتقولى ان دا معناه انه معندكيش دم

اقتباس :

بس عارفه مفيش بيننا كسوف واكيد انت فى بالك دلوقتى بتقوللى ماتتكسفيش وخدى راحتك
وأسألى

تصدقي بالله
دا اللى كنت ناوى اقوله
وكنت متوقع انك تردى الرد دا
بس اموت واعرف بتجيبي الاسئلة دى منين

اقتباس :

اوك يا هانى..وانا هاعمل زى مانت بتقول بالضبط

وهوا انا قلت حاجة
انتى بتتبلي عليا وخلاص

اقتباس :

نبتدى بقى وكفايه رغى....

انا برضو اللى برغي

اقتباس :

مين اللى كل ما تفتكره بينك وبين نفسك تقوله مستحيل انساك؟؟؟

الحب الاولانى طبعا

اقتباس :

بعيدا بقى عن الشغل والباسكت والفوتبول والنت..بتعمل ايه تانى فى حياتك؟؟

بخرج واتفسح وارخم على خلق الله

اقتباس :

قوللى يا هانى...لو حبيت واحدة او اعجبت بيها هتروح تعترف لها على طول ولا تقضيها
نظرات مدة وتسبيل بقى والحوارات دى،،، وتعترف لها بعد فترة؟

المشكلة انى في الحاجات دي بتقضيها نظرات مدة وتسبيل بقى وحوارات وبعد مدة اكيد يعني هاخد حبايتين الشجاعة
واعترف لها
يارب الاقي بس حبوب شجاعة

اقتباس :

ولو هتستنى تستنى ليه؟وقد ايه؟

هستني لحد ما اتاكد انها برضو بتبادلنى نفس الشعور
وهستني مدة كبيرة لحد ما اتاكد
بس يارب بس متكونش اتخطبت

اقتباس :

لو حبيت واحدة برضه ولما اعترفتلها قالتلك بعتبرك زي اخوبا تعمل ايه؟وهتفكر بعدها ازاي؟

مش هعمل حاجة هحترم رغبتها .. بس المفروض اصلا ان انا ابقى متوقع الاجابة دى خصوصا ان البنات
بيبان عليهم الحاجات دي فمش هسأل اصلا لانى متوقع الرد
هفكر عادى جدا واحاول ابقى احسن اخ ليها في الدنيا كمان

اقتباس :

[size=18]لو حد قالك انت هتتنفى فى جزيره وهتاخد شخص واحد فقط معاك هتختار مين واشمعنه ؟؟[/size]

والله لو هتنفي يبقى مش عاوز اخد حد معايا اعكنن عليه
بس لو هاخد شخص واحد هيبقى الانسانة اللى هرتبط بيها طبعا عشان اضايقها و ارخم عليها براحتى بعيدا عن
حماتى وعشان برضو مش عاوز احس انى وحيد

وكمان مين اللى هينضف ويطبخ ويغسل

اقتباس :

عملت حاجه قبل كده تغضب ربنا اوووووى هى ايه و ليه و عبرت عن ندمك
ازاااى؟

اه عملت
امتنعت سنتين عن الصلاة في الجامع وصليت في البيت
لان بصراحة الحكومة مش عاوزة حد يصلي في مساجد عشان الاخوان وكدا يعني


[quote]ايه البلد الى نفسك تروحها و ليه؟؟؟؟
[/quote]

نفسي اروح دبي او فرنسا
عشان اتفرج على الطبيعة الجميلة
وبرضو الفلوس

اقتباس :

-ناوى تعمل ايه بعد ساعه من دوقتى-اسبوع من دوقتى-شهر من دوقتى-سنه من دوقتى-خمس اعوام من
دوقتى برضو يعنى ....

ساعة من دلوقتى هنام شوية
اسبوع من دلوقتى هبقى زى ما انا لسه
شهر من دلوقتي هتبقى الامتحانات قربت
سنة من دلوقتى ربنا يسهل بقى والواحد يبدا يشتغل صح
خمس سنوات من دلوقت ربنا يسهل واكون حققت معظم احلامى واكون بدات اكون اسرتي

اقتباس :

اتغديت ايه النهارده؟؟؟

سمك مشوى
رز
سلطة
بابا غنوج
مخللات
بذنجان مقلي

اقتباس :

ايه موقفك لما بتشوف موقف وحش فى الشارع (ناس بتتعارك على سبيل المثال) هل بتدخل
ولا بتقول الجرى نص الجدعنه وفكك....[/size]

بقف اتفرج وبس
لو عيال صغيرة بتدخل
لو ناس كبيرة باخد جنب واستمتع بالمعركة

اقتباس :

شايف انك شخصيه قياديه و الا انقياديه...مع التوضيح بمواقف من حياتك حصلت

الحمد لله شخصية قيادية
والدليل على كدا انى كابتن فريقي
كل اصحابي لازم ياخدوا بمشورتي في اي موقف

اقتباس :

ايه اكتر صفه الناس بتصفك بيها ويقولو هانى ده......؟؟

هانى دا دمااااااااااااااااااغ كبيرة
وفيه برضو
هانى دا طوييييييييل اوى
وفيه بقى غير كدا مكبر دماغه - طيب

اقتباس :

قوللى بقى بتحب اكتر الكوكا ولا البيبسى؟؟

سؤال لمض بصراحة
هاتى انتى اى حاجة من دول وانا هشرب اهو كلها مية غازية برضه بس على حسابك

بس بحب عصير المانجة اكتر

اقتباس :

بترتاح اكتر فى بيتكم ولا فى النادى مع صحابك؟؟؟

في البيت طبعاااااااا

اقتباس :

ايه هيا يا هانى نقطه ضعفك الوحيده؟؟؟

[center]انى كنت بفضل مصلحة الناس قبل كدا على مصلحتى
لكن دلوقت الحمد لله
اهم حاجة انا وبعدين الناس

اقتباس :

يوم مستنيه بفارغ الصبر...انهى يوم ده؟؟؟وليه؟؟؟

ان اخواتى يتجوزوا
عشان البيت يوسع كمان وكمان
والكمبيوتر بقى يبقى بتاعى لوحدى
وابرطع في الشقة براحتى

اقتباس :

هل انت سهل ان حد يقنعك بحاجه..ولا دماغك ناشفه؟؟؟؟

ببقى سهل ان حد يقنعنى لما احس ان انا غلطان او لما ابقى متردد في عمل حاجة
ببقى دماغى ناشفة جدا لما حد يحاول يقنعنى بحاجة غلط او لما ابقى متاكد من اللى انا بعمله دا صح

اقتباس :

بتعمل ايه لما حد يسألك سؤال مانتش عارف اجابته؟؟؟

بفكر فيه واجاوب بتلقائية

اقتباس :

امتى يا هانى تكون محتار ومش عارف تتوصل لقرار؟؟؟

لما يبقى قدامى كذا حل وكلهم حلول صعبة
ساعتها بقى ببقى مخنوق جدا

اقتباس :

ايه احلى هديه جاتلك؟؟؟ومين اللى جابهالك؟؟

احلى هدية كانت ساعة كاسيو
بابا اللى جابهالى لما كان بيؤدي العمرة في السعودية

اقتباس :

بتسمع افلام كارتون؟؟؟

اكيد طبعااااااااا

اقتباس :

طب ايه اكتر فيلم كارتون عجبك؟؟

كابتن ماجد
مازنجر
جريندايزر

اقتباس :

بالنسبه بقى لعقلك وقلبك..ياترى متفقين ولا مختلفين؟؟؟

مختلفين في حاجات كتير

اقتباس :

هل انت شايف انك بتتكلم كتير ولا كلامك قليل..رغاى يعنى ولا عادى؟؟

بتكلم كتير وببقى رغاي مع الناس اللى بحبها وبقدرها

ويقل الكلام كلما قلت درجة القرابة او المعرفة

لحد ما توصل لدرجة الصمت التام

اقتباس :

وهل الرغى ده صفه مقتصرة عالبنات بس زى ما بيقولو؟؟

لا طبعا
فيه برضو ولاد رغايين اوى
بس البنات عموما رغايين اوى اوى اوى

اقتباس :

ورايك ايه فى البنت الرغايه؟؟ ..اللى هيا مش انا طبعا يعنى

نعم نعم
اللى هي مش مين
ماعلينا
يا ساتر يارب
بس بصراحة رغي عن رغي يفرق
فيه الرغى اللى هوا الكلام لمجرد الكلام وخلاص وساعتها بنقول على البنت دي انها مفرمة كلام
وفيه بقى الرغي اللى هوا استفاضة في الكلام
ودا بيبقى مقبول اوى

اقتباس :

قوللى بقى::امتى تقول الدنيا لسه بخير؟؟

لما الاقي حد بيعمل عمل خير في الزمن دا

اقتباس :

مين كاتم اسرارك؟؟؟؟

دودى
بس مش كل الاسرار طبعا

اقتباس :

[size=18]مش عاوزة اطول عليك اكتر من كده

لا طولى , وطولى اطول من كدا كمان

اقتباس :

الحق نفسى واخلع بالذوق بقى قبل ما تكرهنى

عيب يا مون تقولى كدا
هوا انا لسه مكرهتكيش
بهزر طبعا

اقتباس :

ويل بى باك ..حسب التساهيل

يبقى اكيد هترجعي تانى

اقتباس :

استنى بقى..قبل ما امشى

هااااااااااااااااا

اقتباس :

كلمه تقولهالى فى الاخر بعد ما خلصت؟؟؟؟

روحى يا مون لايت
يا بنت حوا وادم
ربنا يخليكي للغلابة
وتحققي كل احلامك
وتعملى كل اللى نفسك فيه
وتبطلي لماضة يارب
ونورتى يا مون لايت
وشكرا على الواجب دا

انا مش مصدقة هاني علي الكرسي ياهلا ياهلا
انا هدخل علي الاسئلة علي طول بعد اذنك ياهاني طبعا ............

1) ماهي نقطة ضعفك ؟
2) ايه اليوم اللي مستنيه بفارغ الصبر ؟
3) ايه الصفات اللي مش بتعجبك في نفسك ونفسك تغيرها ؟
4) الكلمات ديه بتمثل ليك ايه :
الخيانة
المراة
الصداقة
النميمة
النفاق
الحب
الحرية
الكوسة
5) ايه الصورة اللي متوقع اننا شيفينك فيها ؟
6) مين اقرب الاعضاء ليك في المنتدي ومتخفش محدش هيزعل قول بصراحة؟
7) ايه رايك في الحب عن طريق النت ؟
8) ايه اول هدية اتقدمت لك ؟ وايه اخر هدية اتقدمت لك ؟ ومن مين ؟
9) كلمة قاسية جدا سمعتها من شخص ما .... من يكون الشخص ده ؟
10) اجمل كلمة سمعتها من شخص ما ..... من يكون الشخص ده ؟
11) مين العضو اللي حاسس ان شخصيتك زي شخصيته ؟
12) ايه نوع موبيلك ؟ وخطك ؟
13) هل تختلف شخصيتك علي النت عن الحقيقة ؟
14) بتحب تقرأ ؟ وايه اخر كتاب قرأته ؟
كفاية كدة ياهاني جاوب علي دول الاول

1- بتحب مهنة التدريس ولا كان نفسك تبقى حاجة تانية , ويا ترى اية هي ؟

2-أكتر بلد بتحبها ونفسك ان شاء الله تتجوز فيها ؟

3-من وجهة نظرك انت شايف ان شخصيتك جادة ولا رومانسية واوعى تقولى الاتنين اكيد فى واحدة منهم بتغلب على التانية؟

4-الحاجة اللى انت شايفها ناقصة فى المنتدى وعايزها تبقى موجودة؟

5-سؤال انا ساعات بسأله لنفسى وحبيت اعرف رايك , امتى تحس فعلا انك تقدر تتجوز وتبقى مسئول عن زوجة واولاد ومصاريف فى ظل الظروف اللى احنا فيها وطبعا حط فى باللك انك مش مستعد فى يوم من الايام ان ابنك يقولك هاتلى حاجة معينة وانت تبقى مش قادر تعمل حاجة او فى يوم من الايام يقول انت خلفتنى لية عشان تعذبنى ؟
معلش يا حبى انا عارف انه سؤال رخم ولو مش عايز تجاوب عليه بلاش

اخر سؤال : بتحب فى قصة حب ؟ هههههههههههههههههههه
انت معفى من السؤال دة طبعا

ممكن بقى دعوة حلوة على زوقك

سلام يا حبى

NoOoDi كتب:

اهلا اهلا يا هاني
و الله شكلي لحقتك عشان كنت هزعل كثير لو لقيتك طلعت من الكرسي
ملحقتش اسأل غموض البحر

اقتباس :

اهلا اهلا يا هاني

لا لا لا
انا مش مصدق عيني
حد يجيب صاروخ ويفوقنى
نوودى اميرة المغرب هنا
لا دا كتير اوى عليا
وانتى عارفة ان قلبي ضعيف
ومش بيستحمل
مش تقولى انك هنا
عشان اعمل حسابي

ملحوظة : اول مرة تقولى يا هانى امال فين كلمة هنونة

اقتباس :

و الله شكلي لحقتك عشان كنت هزعل كثير لو لقيتك طلعت من الكرسي
ملحقتش اسأل غموض البحر

فيكي الخير يا ندى
بس اوعى رجلك تاخد على هنا

اقتباس :

المهم يا سيدي

المهم يا ست ندى

اقتباس :

اولا ازيك اخبارك ايه يا رب تكون بخير

الحمد الله بخير
ويارب دائما كل الناس تبقى بخير

اقتباس :

هاني مبيحبش ايه في الحياة ؟

مبحبش اى حاجة غلط

اقتباس :

بتحب تعيش ازاي غني و الا مستور ؟

ياريت اجمع بين الاتنين
انى اعيش غنى ومستور في نفس الوقت وبالي مرتاح
ومطمئن

اقتباس :

الجمال من مواصفات شريكة حياتك ؟

اه طبعا
بس احيانا يا ندى بنكتشف ان انت ممكن تحب انسان عشان شخصيته
او
عشان هوا كدا
وشدك ليه كدا
بغض النظر عن المظهر او الجمال
وفيه حالات كتير اوى شفتها كدا
بس برضو هرجع واقول ان الجمال فانى
يعني ممكن اتجوز اجمل واحدة في العالم وتانى يوم انبوبة البوتاجاز لا قدر الله تهب في وشها
ساعتها بقي ابقى اخدت بمبة كبيرة اوى
اهم حاجة جمال الروح

اقتباس :

في ردودك بتقول انك مش بتحب دلوقت و انا عندي اخبار انك مجوز و مخلف كمان ما مدى صحة هذه الاخبار ؟

مش ناقص بقى الا انك تقولى ان اسم الواد قرني

اقتباس :

فضحتك معلش

ما انا مش عاوز اسيح واقول ان انتى امه

اقتباس :

محمد اخوك ربنا يخليهولك بتحكيلة كل خصوصياتك و الا فيه حجات بتحتفظ بيها لنفسك ؟

فيه حاجات بحتفظ بيها لنفسي

اقتباس :

و اخيرا كفاية عليك كدة

لا بقى يا ندى
مش مصدق انك هتمشي بالساهل كدا
وقلبي حاسس ان فيه مفاجآت في الطريق

اقتباس :

حونينة طول عمري عارفة هتقولي كدة

طوووووووول عمرك حونينة يا ندى
وانتى عارفة كدا طبعا



سلام يا ندى
وعاوزين نشوفك

show time كتب:

يا عينى يا هانون
دول ما صدقوا يا اخى
دة انت اتسالت يجى 3 مليون سؤال لحد دلوقتى

شفت يا عم شو تايم
الزمن دا بقى غدار خلاص
وفيه ناس كانت واقفة بالسكاكين على طول
عشان تنزل دبح فيا



بس منور المكان يا شو تايم بصراحة

اقتباس :

بس طبعا انت قدها اسئلة اية دى اللى تقف مع هانى

انت بقيت بكاش كبير على فكرة
بس لما اشوفك بس

اقتباس :

انا قلت اعدى عليك واجيبلك كباية العصير دى
انا عارف زمان رقيك نشف
وعصير منجه كمان ابسط يا عم

ربنا يخليك يا حبي والله
ادى الناس اللى بتفهم في اصول الضيافة

بس مال الكوباية دى حجمها صغير اوى ومش هتستحمل
هبقى اطلب واحدة تانية بقى على حسابك برضو

اقتباس :

ودول شوية لب عشان تتسلى وانت بتجاوب

واااااااجب كبير بصراحة بقى
شكلها لعبت معاك ومعاك فلوس يا معلم


متخافش مش بقر عليك

اقتباس :

شوية اسئلة بقى يا هانى ع الماشى كدة
ومش هتقل عليك عشان انت حبيبى

تقل براحتك يا حبيبي
هوا انا عندي كام وسام في الدنيا
هوا واحد بس والله
ومن رشيد كمان

اقتباس :

1- بتحب مهنة التدريس ولا كان نفسك تبقى حاجة تانية , ويا ترى اية هي ؟

كنت الاول بكره مهنة التدريس كره العمى طبعا
ودخلت الكلية عشان كانت من اعلى كليات الادبي
ودا قدرنا بقى
لكن دلوقت الحمد لله بقيت مقتنع
بس المجال اللى كان نفسي اشتغل فيه اكتر
مجال البرمجة
وخصوصا برمجة الالعاب

اقتباس :

2-أكتر بلد بتحبها ونفسك ان شاء الله تتجوز فيها ؟

كل البلاد عندى واحدة
بس المهم بس انى الاقي واحدة احبها وتحبني
وساعتها هتتساوى معايا البحيرة زى النوبة

اقتباس :

3-من وجهة نظرك انت شايف ان شخصيتك جادة ولا رومانسية واوعى تقولى الاتنين اكيد فى واحدة منهم بتغلب على التانية؟

شخصية معتدلة يا وسام

اقتباس :

4-الحاجة اللى انت شايفها ناقصة فى المنتدى وعايزها تبقى موجودة؟

ان الناس بس تهتم بكل اقسام المنتدى
يعني فيه ناس بتدخل عشان اغانى والعاب بس
وناس بتدخل عشان القسم الاسلامى بس
وناس بتدخل الصور
وناس بتدخل الحوارات
وناس بتدخل الترفيه
ياريت كلنا نهتم بكل الاقسام بس
وبصراحة مانوس عامل الواجب وزيادة

اقتباس :

5-سؤال انا ساعات بسأله لنفسى وحبيت اعرف رايك , امتى تحس فعلا انك تقدر تتجوز وتبقى مسئول عن زوجة واولاد ومصاريف فى ظل الظروف اللى احنا فيها وطبعا حط فى باللك انك مش مستعد فى يوم من الايام ان ابنك يقولك هاتلى حاجة معينة وانت تبقى مش قادر تعمل حاجة او فى يوم من الايام يقول انت خلفتنى لية عشان تعذبنى ؟
معلش يا حبى انا عارف انه سؤال رخم ولو مش عايز تجاوب عليه بلاش

لا رخم ولا حاجة
الحل الوحيد بقى عشان ابدا افكر انى اتجوز
ان على الاقل يبقى عندى مصدر دخل مضمووووووون
وانا بقى بجانب المصدر دا ممكن احاول ازود دخلى بطرق تانية

اقتباس :

اخر سؤال : بتحب فى قصة حب ؟ هههههههههههههههههههه
انت معفى من السؤال دة طبعا

لا طبعا
انا معجب في قصة اعجاب
وابيض واسود كمان مش الوان

اقتباس :

ممكن بقى دعوة حلوة على زوقك

طبعا بدعيلك انك تعيش مستور ومرتاح
وتحقق كل احلامك اللى في الدنيا
بس ادعى انت لنفسك الدعاء دا




اللهم آتنا في الدنيا حسنة وفي الآخرة حسنة وقنا عذاب النار .
اللهم إني أعوذ بك من الفقر ، والقلة والذلة وأعوذ بك من ان أَظلِم أو أُظلَم .
يامقلب القلوب ثبت قلبي على دينك.
*********

اللهم إني أعوذ بك من العجز والكسل والجبن والهرم والبخل ، وأعوذ بك من عذاب القبر ومن فتنة المحيا والممات .
الله أهدني وسددني ، اللهم إني أسالك الهدى والسداد.
*********

اللهم إني أعوذ بك من منكرات الأخلاق ، والأعمال والأهواء. اللهم إني أعوذ بك من قلب لا يخشع ، ودعاء لا يُسمع ، ومن نفس لا تشبع ، ومن علم لا ينفع . أعوذ بك من هؤلاء الأربع .
*********

اللهم إني أعوذ بك من زوال نعمتك ، وتحول عافيتك ، وفجأة نقمتك ، وجميع سخطك .
اللهم إني أعوذ بك من جار السوء في الدار المقامة ، فإن جار البادية يتحول .
اللهم إني أسألك علماً نافعاً ورزقاً طيباً متقبلاً .
*********

اللهم إني أعوذ بك من شر ما عملت ومن شر ما لم أعمل .
اللهم إني أعوذ بك من يوم السوء ، ومن ليلة السوء ، ومن ساعة السوء ، ومن صاحب السوء ، ومن جار السوء في دار المقامة .
*********

اللهم أكثر مالي وولدي وبارك لي فيما أعطيتني .
اللهم إني أسألك يا الله بأنك الواحد الأحد الصمد الذي لم يلد ولم يولد ولم يكن له كفواً أحد أن تغفر لي ذنوبي إنك أنت الغفور الرحيم .
*********

لا إله إلا الله العظيم الحليم ، لا إله إلا الله رب العرش العظيم ، لا إله إلا الله رب السماوات ورب الأرض ورب العرش الكريم . اللهم إني أسألك الجنة وأستجير بك من النار .

اقتباس :

سلام يا حبى

سلام يا وسام يا حبيب قلبي
ومسيري اقابلك قريب اوى