كرسى الاعتراف "معانا العضوه المميزه D&ampH"

ماكنش يومك يا هانى يا اخويا انا عارف مين الايدى الخفية اللى ورا الموضوع دة وليه زنقة
هههههههه بس ولا يهمك شدة وتزول

اللى هيسأل هانى سوال كدة ولا كدة هبهدله فى الالعاب التانية انتوا حريين وقد اعزر من انظر REY3W

soso512 كتب:: اهلا اهلا اهلا
هاني علي الكرسي يامراحب يامراحب
اية النور دة اكيد مبسوط ياهاني بالكرسي
ان شاء الله هنحضرلك اسئلة بس اية تمام

تنورى يا سوسو
حضرى انتى بس الاسئلة وانا مستعد
ومذاكر من كراسة الاول وسلاح التلميذ

show time كتب:: ماكنش يومك يا هانى يا اخويا انا عارف مين الايدى الخفية اللى ورا الموضوع دة وليه زنقة
هههههههه بس ولا يهمك شدة وتزول

اللى هيسأل هانى سوال كدة ولا كدة هبهدله فى الالعاب التانية انتوا حريين وقد اعزر من انظر

مش كدا برضو يا وسام
انا عارف انت قصدك مين بالايدي الخفية
وفيه ناس غيره
على العموم انا مستعد ابعت لك شوية بنزين وكبريت ودودى
وظبطوه يا رجالة لحد ما اقابله قريب ان شاء الله sdrtaeQF

هاااانى حبيبى ازيك يا باشا يا اهلا بيك على الكرسى

خد كام سؤال فى السريع مش حطول عليك هما 41 سؤال بس

1:السؤال الى كان نفسك تتساله ؟ وطبعا الجواب؟

2: انت راضي عن حياتك دلوقتى وليه؟

3: طبعا البطاقة الشخصيه بتاعتك؟

4: ايه الصفات الحلوة فيك وايه الصفات الى نفسك تسيبها ؟

:5ايه اكتر صفة تكرهها في حياتك وتتعب نفسيتك؟

:6امته حسيت بالظلم ؟وليه وايه رد فعلك؟

:7لو معاك امنيه واحده حتتحقق تختارها ايه ؟

:8امته اتمنيت شر لغيرك وليه ؟ او مش شر قوى بس كرهته لدرجه وحشه وليه ؟

:9ايه السؤال الى متحبش الاجابه عليه؟

:10وفى الاخر راضى عن مشاركتك فى المنتدى ومبسوط فيه ولا بتضيع وقت؟

:11 ايه اسعد لحظه في حياتك؟

: 12ايه الحاجه الى لما بتفكر فيها بتحس بسعادة؟

: 13 لو انت مكان الى بيسأل هتساليه فى ايه ؟

:14انت عامل ايه؟

:15ايه السؤال الى انتى تكره تساله والاجابه ؟

:16مين الشخص الى نفسك يحتاجلك وليه ( يعنى تساعده "ولا تعلمه الادب)؟

:17مين الشخص الى نفسك يقعد على الكرسى ؟

:18انت شايف ايه من اعضاء المنتدى انهم بيمثلوا على بعض وكل واحد عايز يبقى في اجمل صوره وتلاقى فيه عيوب

وطبعا مفيش حد من غير عيوب ؟

ولا كل واحد على طبيعته ؟

:19مين العضو الى خانئق وعايز يهدى شويه ويبطل رخامه ؟

فاصل ونواصل

اى حاجه بربع جنيه صلى على رسول الله

حمص ولب وسودانى بربع جنيه مشط وقلم بربع جنيه

20:مــــن انـــــــت ؟

21:كلمة واحد تعبر بيها عن حبك لولدك وولدتك ؟

22:كلمة واحد توجهها للي بتحبة؟

23:هل تشعر بالحب الفتره دي ؟ وهل هى حاسه بحبك لو فيه حب ؟ مقتنع بيه ولا حبك ليها أثر صدمة ما ؟

24:تنصح حبيبتك بإيه ؟ وإيه الحاجات إللي بتحبها فيها وإللي بتكرهها فيها؟

25:ورده لمن تهديها ؟؟

26:اسوأ خبر سمعته؟

27:أحلي خبر سمعته ؟ ومن مين ؟ وأحسن خبر تحب تسمعه دائما ؟

28:سمعت كلمة بحبك من حبيبتك ؟

29:أفضل يوم ؟ وأحسن ساعه ؟

30:أغنية واحده لحبيبتك؟

31:شخص لاترفض له طلبا ؟

31:رأيك في حبيبتك بصراحه؟

33:ماهو الشئ التي تتمنى تكراره ؟

34:من هو توأم روحك ؟ ومن الأكثر حبيبتك ولا أصدقائك ؟

35:كلمة واحده لحبيبتك ؟

36:مالذي يشعرك بأكثر قدر من الحرج ؟

37:كم مره سمعت كلمة بحبك ومن من وكم مره قولتيها وحسيت بيها ومقتنع بيها؟

38:قلم صغير وصبورة صغير ما تكتب عليها وماذا ترسم ؟

39:هل شخصيتك في المنتدي مخالفه للواقع ولا متفقه؟

40:كلمه اخيره تحب تقولها ولمين؟

41:ما رأيك فى الكلمات التاليه

(الحب - الغدر - الخيانه)

كفايه كده عليك عشان الحق افكرلك فى كام سؤال تانى

ازيك ياهاني منور الكرسي كان نفسي ابقي اول واحدة اسالك
بس جت كدة نبدا الاسئلة

1-دراستك اية ياهاني ؟
2-هل ليك اخوات؟ترتيبك اية بينهم؟
3-مين ااقرب ليك مامتك وباباك؟ جاوب انا عارفة انك بتحبهم الاتنين؟
4- اوصفلي اول ما بتقوم من النوم بتعمل اية؟
5- بتنام كام ساعة في اليوم؟
6-مين اكتر الاعضاء بتحبهم هما في المنتدي وبتنتظر ردهم علي مواضيعك؟
7-اكتر اكلة بتحبها؟
8-هل هاني من النوع الي بيفكر بعقلة بس ؟ ولا بيفكر بعقلة وقلبة؟
9-نوع موبيلك اية؟ غيرتة كام مرة؟ وبتشحن بكام؟ ومعاك دلوقتي رصيد قد اية؟
بتصلي ؟هل انت منتظم في الصلاة ؟ ختمت القراءن كام مرة؟
لما هاني بيكون مخنوق بتعمل اية هل بتروح لحد معين تتكلم معاة ولا بتفضل تقعد لوحدك؟وهل بتروح لمكان تقعد فية لوحدك؟

نغير شوية
نتكلم عن القلب شوية

10- هل هاني في حالة حب دلوئتي؟
11- حبيت كام مرة ؟ وهل اتجرحت قبل كدة من حبيبتك؟
12- هل بتؤمن بالحب من النظرة الاولي ؟
13- اية رائيك في حب النت ؟ وهل ممكن تحب كدة؟
14- اغنية ليها ذكري حلوة عندك؟
15-لو حد خانك سواء حبيبتك او صديقك تسامحة ولا تقول الي يخون مرة يخون تاني وتالت؟

كفاية عليك ياهاني كدة عشان اسيب شوية اسئلة لباقي الاعضاء
اسئلة سهلة وسلسلة من جوة المقرر
علي فكرة الاسئلة اختيارية

لا طبعا انت صدقت كلة اجباري شوف انا ديمقراطية ازاي

فاصل ونتواصل

ASW4

T.I.T.O كتب:: هاااانى حبيبى ازيك يا باشا يا اهلا بيك على الكرسى

خد كام سؤال فى السريع مش حطول عليك هما 41 سؤال بس

ازيك يا تيتو
اخبارك ايه واخبار المذاكرة
ودا وقته يا راجل تدخل تسأل
روح ذاكر لك كلمتين احسن

وايه ياعمنا الاسئلة دي
هوا انا بيني وبينك تار ولا حاجة

يلا نبدأ

اقتباس :: 1:السؤال الى كان نفسك تتساله ؟ وطبعا الجواب؟

السؤال يا سيدي اللى نفسي اتسأله بتشجع نادى ايه عشان ارد عليك واقولك الزمالك كرسى الاعتراف "معانا العضوه المميزه D&ampH" - صفحة 14 Goal

اقتباس :: 2: انت راضي عن حياتك دلوقتى وليه؟

لا مش راضي عن حياتي دلوقت للاسف كرسى الاعتراف "معانا العضوه المميزه D&ampH" - صفحة 14 Ranting

والله يا تيتو عشان لسه ورايا احلام كتير ومش عارف احقق ولا حلم منها لحد اللحظة دى وعلى راي عمرو دياب اهى ايام وبنعيشها

اقتباس :: 3: طبعا البطاقة الشخصيه بتاعتك؟

هانى داود
البحيرة
20-1-1985
كلية تربية قسم لغة عربية تقدير جيد
دبلومة دراسات عليا تقدير جيد جدا
لاعب باسكت بول
هوايتي كرة القدم والباسكت
بشجع الزمالك

اظن مش حارمك من حاجة اهو
لو عاوز مقاس جزمتى بالمرة
فأنا بلبس كوتشيات وبس مقاس 45

اقتباس :: 4: ايه الصفات الحلوة فيك وايه الصفات الى نفسك تسيبها ؟

الصفات الحلوة في هانى يا تيتو انه احيانا بيبقى هادى جدا وقت اللزوم بجانب طبعا الهزار والرخامة والتأنى في اتخاذ القرارات المهمة كرسى الاعتراف "معانا العضوه المميزه D&ampH" - صفحة 14 Wink_smile

كرسى الاعتراف "معانا العضوه المميزه D&ampH" - صفحة 14 Wink_smile

اما الصفات بقى اللى في هانى ونفسي اسيبها العصبية واحيانا بفقد الثقة في نفسي و السلبية احيانا في بعض المواقف كرسى الاعتراف "معانا العضوه المميزه D&ampH" - صفحة 14 Ranting

اقتباس :: :5ايه اكتر صفة تكرهها في حياتك وتتعب نفسيتك؟

اكتر صفة اكرهها في حياتى وتتعبني كرسى الاعتراف "معانا العضوه المميزه D&ampH" - صفحة 14 Knight

لما يبقى قدامى شخص لحوح في طلب حاجة مستغلا طيبتك ولما يحتاج منك حاجة بقى يفضل يقلب دماغك ليل نهارويفضل يزن على دماغك لدرجة انه ممكن يتصل بيك على تليفون البيت الساعة 4 الفجر عشان يشوفك عملت له ايه في موضوعه وفي الاخر تطلع حاجة خايبة اصلا وهوا مكبرها وخلاص >> عشان كدا انا بحب اخدم الناس من نفسي

اقتباس :: :6امته حسيت بالظلم ؟وليه وايه رد فعلك؟

الحمد لله عمرى ما حسيت بالظلم لحد دلوقت بس انظلمت كتير في نتائج الامتحانات .. يعني ابقى طالع حالل فل الفل ويسألونى في البيت عملت ايه اقول يا سلام باذن الله على الاقل جيد جدا والاقي نفسي جايب مقبول اد الدنيا كرسى الاعتراف "معانا العضوه المميزه D&ampH" - صفحة 14 Chair

كرسى الاعتراف "معانا العضوه المميزه D&ampH" - صفحة 14 Chair

وتصرفي بقى ساعتها بدعي على الدكاترة بصراحة لدرجة انى مرة في سنة اولى كلية شلت مادة يستحيل اشيلها انا ونص الدفعة وفي التيرم التانى كانت الدكتورة في رحمة الله تعالى بس والله مش انا السبب في موتها كرسى الاعتراف "معانا العضوه المميزه D&ampH" - صفحة 14 Evil

كرسى الاعتراف "معانا العضوه المميزه D&ampH" - صفحة 14 Evil

.

اقتباس :: :7لو معاك امنيه واحده حتتحقق تختارها ايه ؟

انى اعيش سعيد مبسوط وسط اهلى وارتبط بانسانة فيها كل الصفات اللى انا بتمناها

اقتباس :: :8امته اتمنيت شر لغيرك وليه ؟ او مش شر قوى بس كرهته لدرجه وحشه وليه ؟

بصراحة عمرى ما اتمنيت شر لغيري ابدا بس فاكر في مرة اتمنيت لمدرس شر بصراحة الموقف بقى كان دودى ( سكووفييلد حاليا ) كنا مع بعض في المدرسة الاعدادية وكنت انا في 3 اعدادى وهوا لسه في سنة اولى وكان محمد ايامها طيب جدا وانا بقى المفروض ان 3 اعدادى زعماء المدرسة .. المهم .. عيال من سنة 2 اعدادى راحوا يضربوه وانا جنبه >> مش عارفين انه اخويا >> انا فاكر اول ما واحد منهم فكر يضربه انا فاكر انى طرت عليه في الهوا من على بعد مترين كدا ونزلت بيه على الارض في الحوش واديته علقة مش هينساها .. طبعا اصحابه حاولوا يتدخلوا لكن اصحابي قاموا بالواجب معاهم .. قام مدرس جه من بعيد ومن غير ما يعرف السبب ضربني على طول كدا بصراحة انا اتمنيت ان الراجل دا ايده تتكسر عشان ضربني من غير ما يعرف السبب .. بس الحمد لله ربنا اخد لى حقى منه .

اقتباس :: :9ايه السؤال الى متحبش الاجابه عليه؟

اى سؤال محرج اكيد مش هحب اجاوب عليه خصوصا اذا كان السؤال دا مرتبط انى هكتب اسماء اشخاص.

اقتباس :: :10وفى الاخر راضى عن مشاركتك فى المنتدى ومبسوط فيه ولا بتضيع وقت؟

الحمد لله المنتدى دا بصراحة فيه مجموعة افراد عمرى ما شفتهم في اي منتدى تانى اهم مميزاتهم دمهم خفيف جدا جدا وتحس بجد وانت في المنتدى انك وسط ناس تعرفهم من زمان اوى وراضي عن مشاركاتي طبعا .

اقتباس :: :11 ايه اسعد لحظه في حياتك؟

ساعة ما اخلص حاجة كانت ورايا وابذل فيها مجهود جبار وتتم باحسن صورة ساعتها بحس بالمجهود المبذول بس اسعد لحظة في حياتى هى نفسها اتعس لحظة في حياتى >> لما خلصت الدراسة نهائي والنتيجة ظهرت.

اقتباس :: : 12ايه الحاجه الى لما بتفكر فيها بتحس بسعادة؟

لما بفكر في ايام الكلية وايام الثانوية العامة كانت ايام ممتعة جدا بصراحة

اقتباس :: : 13 لو انت مكان الى بيسأل هتساله فى ايه ؟

هسأله في ماتش الاهلى والزمالك اللى فات كرسى الاعتراف "معانا العضوه المميزه D&ampH" - صفحة 14 1

اقتباس :: :14انت عامل ايه؟

الحمد لله بخير بس تعبان بصراحة من كتر ما بلعب كورة

اقتباس :: :15ايه السؤال الى انت تكره تساله والاجابه ؟

ان واحد يسألك انت بتحب ولا لا >> والاجابة لا لان انا دلوقت في مرحلة اعجاب

اقتباس :: :16مين الشخص الى نفسك يحتاجلك وليه ( يعنى تساعده "ولا تعلمه الادب)؟

لا ياعمنا من تواضع لله رفعه وكما تدين تدان
يمكن اذل واحد ولا حاجة او اعلمه الادب يقوم يجي اليوم اللى احتاج له يقوم يرد عليا بنفس الرد اللى رديته عليه
بس اى حد بيحتاجني بحاول اساعده على اد ما اقدر.

اقتباس :: :17مين الشخص الى نفسك يقعد على الكرسى ؟

كان نفسي مون لايت وهيثوم وغموض ودودى وخلاص قعدوا بس دلوقت نفسي اسلام وميدو وبنت مصر واسرار الحياة ورنون وايهاب وسوسو وسلمي وشو تايم وسمكة توتوس وننوسة ونووووووودى طبعااااااااااااااااااااا

اقتباس :: :18انت شايف ايه من اعضاء المنتدى انهم بيمثلوا على بعض وكل واحد عايز يبقى في اجمل صوره وتلاقى فيه عيوب وطبعا مفيش حد من غير عيوب ؟ولا كل واحد على طبيعته ؟

انا اتحداك انك تجيب لى واحد من اعضاء المنتدى بيحاول يمثل على التانى .. كل واحد هنا بطبيعته جدا جدا جدا ودا بيبان اكتر في قسم الالعااب.

اقتباس :: :19مين العضو الى خانقك وعايز يهدى شويه ويبطل رخامه ؟

مفيش عضو هنا خانقني اصلا ومفيش ولا عضو هنا رخم

اقتباس :: فاصل ونواصل

ياريت يا باشا اعلان هيفاء وهبي بتاع بوس الواوا sdrtaeQF

اقتباس :: اى حاجه بربع جنيه صلى على رسول الله

حمص ولب وسودانى بربع جنيه مشط وقلم بربع جنيه

عليه الصلاة والسلام
ايه يا عم مفيش برايات ولا ايه
بس الحق اجري بسرعة عشان شرطة المرافق

اقتباس :: 20:مــــن انـــــــت ؟

انسان بسيط زى كل البشر

اقتباس :: 21:كلمة واحد تعبر بيها عن حبك لولدك وولدتك ؟

اعتقد انه مفيش كلمة واحدة في القاموس تقدر تعبر عن شعورى نحوهم
بس لو كلمة واحدة بس
بموت فيكم

اقتباس :: 22:كلمة واحدة توجهها للي بتحبه؟

بحبك كل يوم اكتر

اقتباس :: 23:هل تشعر بالحب الفتره دي ؟ وهل هى حاسه بحبك لو فيه حب ؟ مقتنع بيه ولا حبك ليها أثر صدمة ما ؟

حاليا قلبي مغلق للصيانة .. انا دلوقت لسه في مرحلة اعجاب

اقتباس :: 24:تنصح حبيبتك بإيه ؟ وإيه الحاجات إللي بتحبها فيها وإللي بتكرهها فيها؟

تاخد بالها من نفسها يا سيدي
ما قلنا بقي مش بحب دلوقت
السؤال دا شكله هيتكرر كتير في المنهج

اقتباس :: 25:ورده لمن تهديها ؟؟

لبابا وماما

اقتباس :: 26:اسوأ خبر سمعته؟

كل الاخبار اللى بتتعلق بالوفاة خصوصا لو كان شخص عزيز عليا
بس اسوأ خبر لما شيلت مادتين في اول تيم في حياتي في الكلية

اقتباس :: 27:أحلي خبر سمعته ؟ ومن مين ؟ وأحسن خبر تحب تسمعه دائما ؟

المشكلة الحقيقية ان الاخبار السعيدة الواحد بينساها بسرعة بس يا سيدي احسن خبر سمعته لما خالتى جابت ولد على تلات بنات بصراحة كنت مبسوط جدا وسمعت الخبر دا من ستو.
واحسن خير احب اسمعه دائما ان كل الناس بخير خصوصا الناس اللى اانا بحبهم وليهم معزة خاصة جوه قلبي

اقتباس :: 28:سمعت كلمة بحبك من حبيبتك ؟

مرة واحدة بس

اقتباس :: 29:أفضل يوم ؟ وأحسن ساعه ؟

افضل يوم لما نزلت اسكندرية اتفرج على فيلم الجزيرة
واحسن ساعة لما ببقى بلعب كورة

اقتباس :: 30:أغنية واحده لحبيبتك؟

بحلم بيك >> سامو زين

اقتباس :: 31:شخص لاترفض له طلبا ؟

دودى ( سكوفيلد حاليا )

اقتباس :: 31:رأيك في حبيبتك بصراحه؟

مفيش كلمة اقدر اعبر بيها عنها
perfect girl

اقتباس :: 33:ماهو الشئ التي تتمنى تكراره ؟

انى افضل سعيد دايما واحاول اسعد الناس اللى حواليا باستمرار ولو عن طريق بسمة على شفاههم

اقتباس :: 34:من هو توأم روحك ؟ ومن الأكثر حبيبتك ولا أصدقائك ؟

توأم روحى وائل ومحمد اصحابي و دودى اخويا
وهما نمرة واحد عندى

اقتباس :: 35:كلمة واحده لحبيبتك ؟

No Comment

اقتباس :: 36:مالذي يشعرك بأكثر قدر من الحرج ؟

لما الاقي حد محتاج مساعدتى وانا مش قادر اساعده

اقتباس :: 37:كم مره سمعت كلمة بحبك ومن من وكم مره قولتها وحسيت بيها ومقتنع بيها؟

سمعت كلمة بحبك كتير خصوصا من امى طبعا وابويا
وقلتها كتير طبعا ليهم برضو
ومقتنع بيها طبعا

اقتباس :: 38:قلم صغير وصبورة صغير ما تكتب عليها وماذا ترسم ؟

هكتب
ومن لا يحب صعود الجبال يعش ابد الدهر بين الحفر

وهرسم
قلب كبير

اقتباس :: 39:هل شخصيتك في المنتدي مخالفه للواقع ولا متفقه؟

متفقة في حاجات كتيييييييييير جدا

اقتباس :: 40:كلمه اخيره تحب تقولها ولمين؟

اللهم اهدى كل عاص
وبهديها لاي حد في الدنيا بيعمل حاجة غلط

اقتباس :: 41:ما رأيك فى الكلمات التاليه
(الحب - الغدر - الخيانه)

كرسى الاعتراف "معانا العضوه المميزه D&ampH" - صفحة 14 Heart-2

الحب >> جنون وتضحية وكرامة
كرسى الاعتراف "معانا العضوه المميزه D&ampH" - صفحة 14 11azy

الغدر >> بيضيع الوفاء والاخلاص
كرسى الاعتراف "معانا العضوه المميزه D&ampH" - صفحة 14 Angry_smile

الخيانة >> يارب تتمحى من الوجود لانها بتيجي من ناس انت مش متوقعها منهم

اقتباس :: كفايه كده عليك عشان الحق افكرلك فى كام سؤال تانى

تعالى يا عم براحتك
البيت بيتك برضو
انت مش وراك مذاكرة ولا ايه
يا ميدووووووو ابعد الواد دا عنى
والا هيبات في عنبر الكسور
هههههههههه

soso512 كتب:: ازيك ياهاني منور الكرسي

دا نورك يا سوسو
وانا بقول الكرسي منور ليه اتارى سوسو عندنا

كان نفسي ابقي اول واحدة اسالك بس جت كدة نبدا الاسئلة

فيكي الخير طول عمرك
مسيرك تقعدى على الكرسي ونهريكي اسئلة

اقتباس :: 1-دراستك اية ياهاني ؟

كلية تربية عام

اقتباس :: 2-هل ليك اخوات؟ترتيبك اية بينهم؟

ايون
ليا 3 اخوات صبيان
ترتيبي التالت

اقتباس :: 3-مين ااقرب ليك مامتك وباباك؟ جاوب انا عارفة انك بتحبهم الاتنين؟

بحب بابا عشان دا مثلي الاعلى
وبشفق على ماما عشان مليش اخوات بنات وبيطلع عينها في كل حاجة

اقتباس :: 4- اوصفلي اول ما بتقوم من النوم بتعمل اية؟

اول حاجة بصحي وبروح اغسل وشي
وافطر واصلي واشوف برنامج اليوم هيمشي ازاى

اقتباس :: 5- بتنام كام ساعة في اليوم؟

من 6 الى 10 ساعات يوميا

اقتباس :: 6-مين اكتر الاعضاء بتحبهم هما في المنتدي وبتنتظر ردهم علي مواضيعك؟

كل اعضاء مانوس
خصوصا
مون لايت - بنت مصر - ميدو - اسلام - شو تايم - اسرار الحياة - هيثوم - دودى - سوسو - غموض - رنون - ننوسة - مانوس - ايهاب عادل - سمكة توتوس
يارب اكون مش ناسي حد

اقتباس :: 7-اكتر اكلة بتحبها؟

اقتباس :: 8-هل هاني من النوع الي بيفكر بعقلة بس ؟ ولا بيفكر بعقلة وقلبة؟

للاسف بحسب كل الامور بعقلي في الاول
ولو لقيت العملية مش مظبوطة
بضطر احكم بقلبي ساعتها

اقتباس :: 9-نوع موبيلك اية؟ غيرتة كام مرة؟ وبتشحن بكام؟ ومعاك دلوقتي رصيد قد اية؟

samsung x660
بشحن يا اما كارت ب5 يا اما ب 10 جنيه
رصيدي دلوقتى 2.80 جنيه

اقتباس :: بتصلي ؟هل انت منتظم في الصلاة ؟ ختمت القراءن كام مرة؟

الحمد لله
الصلاة عماد الدين من اقامها فقد اقام الدين
واول ما يحاسب علي العبد عند دخول القبر الصلاة
الحمد لله بختم القرآن في رمضان كل سنة

اقتباس :: لما هاني بيكون مخنوق بتعمل اية هل بتروح لحد معين تتكلم معاة ولا بتفضل تقعد لوحدك؟وهل بتروح لمكان تقعد فية لوحدك؟

عمرى ما ابقى مخنوق واعرف اتكلم مع حد ابدا
اول ما اتخنق بقوم اخرج لوحدى وافضل امشي لحد ما اروح مكان هادى
واقعد افكر بقى في المشكلة دي
لو مفيش حل بذطر استشير اقرب الناس ليا

اقتباس :: نغير شوية
نتكلم عن القلب شوية

يادى وجع القلب
هيبقى انتى والزمالك يا سوسو
عموما يلا بينا

اقتباس :: 10- هل هاني في حالة حب دلوئتي؟

لا هانى دلوقت في حالة اعجاب

اقتباس :: 11- حبيت كام مرة ؟ وهل اتجرحت قبل كدة من حبيبتك؟

حبيت مرة واحدة بس
واتجرحت لحد ما تعبت بس مش بسببها بسبب ناس تانية

اقتباس :: 12- هل بتؤمن بالحب من النظرة الاولي ؟

طبعا
بس بشرط ان النظرتين يتلاقوا مع بعض
ويفكروا مع بعض نفس التفكير
بس دا في بدايته بيبقى اسمه اعجاب
ثم
يتطور ليصبح حب

اقتباس :: 13- اية رائيك في حب النت ؟ وهل ممكن تحب كدة؟

والله الحب عن طريق النت موجود ما اقدرش انكر
وشفت حالات كتير ناجحة منه
وشفت حالات كتير فاشلة منه
خصوصا ان الطرفين بيبقوا مستخبيين ورا شاشة وسلكة
وكل واحد على اد مايقدر بيرز ميزاته ويخفي عيوبه
ولو النت فصل شهرين بقي
يبقى قصة الحب دى اكيد انتهت

انما لو توافرت عوامل مساعدة مثل الصدق والاخلاص والوفاء اكيد هيبقى ناجح

اقتباس :: 14- اغنية ليها ذكري حلوة عندك؟

اغنية
على بالي >> شيرين

[quote]15-لو حد خانك سواء حبيبتك او صديقك تسامحة ولا تقول الي يخون مرة يخون تاني وتالت؟[/quote]

لا هسامحه ولا اسيبه برضو في نفس الوقت
انما هقعد معاه او معاها واعرف اسباب الخيانة دى كانت ليه
وعلى حسب مبرراته وردوده
هصدر حكمى عليه
بس اكيد المعاملة مش هتبقى زى الاول برضو

اقتباس :: كفاية عليك ياهاني كدة عشان اسيب شوية اسئلة لباقي الاعضاء

انتى شايفة كدا يعني انك سبتي اسئلة للاعضاء
طول عمرك حونينة اوى بصراحة

اقتباس :: اسئلة سهلة وسلسلة من جوة المقرر

واللى من بره المقرر برضو كنت مذاكره
من ملخص سلاح التلميذ

اقتباس :: علي فكرة الاسئلة اختيارية

ربنا يخليكي للغلابة يا سوسو
طول عمرك ديمقراطية

اقتباس :: لا طبعا انت صدقت كلة اجباري شوف انا ديمقراطية ازاي

طول عمرك ديكتاتورية

اقتباس :: فاصل ونتواصل

ماشي يا كابتن سوسو
ياريت الفقرة الاعلانية بقى

ASW4

هانى على الكرسى
داه خبر جنان

هانى

هانى

منور ياجميل

اية اخبار الكرسى ياريت يكون مريح ولو مش مريح مش مهم ماانت خلاص قاعدت ودبست

ياريت تجاوب بك صراحة لان الصراحة راحة

يالة جهز القلم والاستيكة وسطر الورقة

استعد ورقة الاسئلة قادمة

اجب على كل من الاسئلة الاتية

1-عمرك صحيت من النوم بدرى عن الموعد المعتاد
2-ماهو الحلم اللى دايما بتحلم به
3-شايف نفسك شخصية منضبطة ولا لتعرف الانضباط
4-بتعرف تخطط لمستقبلك ولا بكرة لايعنى لك شيئ
5-ماهو اكتر شيئ ممكن انه ينرفزك
6-من هو اقرب شخص لك

7-عمرك ندمت على حاجة عملتها

8-ماذا تفعل لكى تكون قريب ممن تحب

يالة نتكلم عن حاجة تانية اية رايك نتكلم عن الكدب شوية

وبلاش بفى تقول انا عمرى ماكدبت والكلام داه

9-اكبر كدبه كدبتها فى حياتك اية هى

10-اخر كدبه كدبتها كانت امتى واية هى

11-عمر كدبتك ضرت حد

12-هل تضطر احيانا للكدب

13-فاذا كدبت ماهو لون كدبك

14-لو اكتشفت ان حد عزيز عليك كدب فى شيئ ماكانش ينفع انه يكدب عليك فيه هتعمل اية

15-هل كدبت مرة لكى تصل لمن تحب

كفاية كلام عن الكدب نغير شوية

16-تقول اية فى هذه الكلمات

الحب

الوضوح

الصداقة

الخيانة

الغد

الوطن

يالة نتكلم شوية عن المنتدى

17-اية رايك فى منتدى مانوس

18-اية رايك فى كل اعضاء مانوس

19-قول لنا اسم عضو فى كلا من الاتى(بدون خجل قول)

من هو العضو الحنون من وجهة نظر هانى

من هو العضو الجرئ

من هو العضو المجنون

من هو العضو الصريح

من هو العضو المتالق

من هو العضو الممل

من هو العضو النشيط

من هو العضو المميز

من هو العضو الودود

من هو العضو الواضح

من هو العضو المساعد

من هو العضو الرومانسى

من هو العضو الصادق

من هو العضو المناكف

من هو العضو اللى على القمة

كفاية كدة يالة الواحد يسيب فرصة لباقى الاعضاء علشان يسلقوق قصدى يسالوك

سلام بس اكيد راجعة لك تانى اصلها فرصة ياهانى

انك تتسلق سلام مؤقتنا sdrtaeQF

ربناااااااااااااااااا يعينك على الاسئله

بس عاوزين الاجاباات صريحه ومن غير دبلوماسيه

هانى حبيبى والله انا عمرى ما ادخل لاعز منك وانت عارف
المهم فيه اسئله كتير بس انا حسألك اول حاجه تيجى على بالى
طبعا مش البطاقه الشخصيه علشان انا معايا صوره منها
حبك الاول @انت انسان :ملتزم@عِندى@شجاع @ذكى@طيب@شرير@
افكر ومحتمل ارجع سلام

لو طلبت منك تدعيلي هتدعيلي بإيه ؟؟؟؟ وخلي بالك تدعيلي ما تدعيش عليا

وخلاص يا باشا كفاية عليك كده

وأخر الكلام هو السلام

[/size]

يا خبر...ياخبر

اخيرا تحقق الحلم واتدبست فى الكرسى ياهانى

بس عمال تقوللىانا معايا واسطه ومش هاقعد عالكرسى

اديك قعدت يا حلو وشرفت

استعنا عالشقا بالله بقى

ونبتدى الاسئله

""ده احنا هنريحوكى يا شابه""

كم سؤال خفيف فىالاول( تسخين بس كده)

ايه اكلتك المفضله؟؟

ايه مشروبك المفضل؟

بتعرف تطبخ؟؟

ايه الاكله اللى بتعرف تطبخها..غير البيض المسلوق يعنى؟؟؟

بتاكل كم مرة فى اليوم؟؟

بما انك مالكش اخوات بنات..هل بتساعد مامتك فى البيت؟؟؟

هل انت شايف ان الرجل لو ساعد فى شغل البيت ده ينقص من رجولته؟؟؟

ناوى تساعد مراتك فى شغل البيت وكده ولا هتخلى كل حاجه على دماغها؟؟؟

من وجهه نظرك..ايه دور الزوج فى الاسرة وايه دور الزوجه؟؟؟

طبعا دور االاولاد معروف..انهم بيطلعو عين باباهم ومامتهم ..علشان كده مش هسالك..شفت بقى انا حونينه ازاى

نكمل بقى

ايه اخبارك مع السجاير..الشيشه..الدماغ والذى منه؟؟؟

مطربك المفضل

مطربتك المفضله

الممثل والممثله المفضلين

اكتر فيلم عربى عاجبك وبتحب تسمعه..قصدى تشوفه يعنى

اكتر فيلم اجنبى برضه بتحبه

بتحب مين من الشعراء..

بتحب يوم ايه..وبتكره يوم ايه

قوللى بقى يا هانى بسرعه كده

اكتر موقف محرج قابلك فى حياتك كلها؟؟؟

اكتر موقف كوميدى حصللك وكل ماتفتكره تقع من الضحك..والنبى ياريت ماتقوليش مش فاكر دلوقتى

اكتر موقف حصل خنقك اوى وكل ماتفتكره تتخنق

موقف ضايقك اوى وايه هوه وضايقك ليه؟؟؟

مين الشخص اللى انت ضعيف قصاده؟؟

مين الشخص اللى ماتقدرش ترفضله طلب....غير بابا وماما واخواتك وصحابك؟؟

امتى هانى ممكن يبكى؟؟؟؟

وامتى اخر مرة بكيت؟؟

ومين الشخص اللى مايتكسفش منه لو شاف دموعه دى؟؟؟

امتى هانى يضحك من قلبه؟؟؟

نرجع بقى كده شويه ايام الدراسه

كنت بتقعد قدام مع الشاطرين ولا ورا مع ال......

ايه رايك فى الصداقه..وفى مقوله الصديق وقت الضيق؟؟وهل فعلا بتاجا لصديقك وقت الضيق ولا بتلجا لحد تانى؟؟

هل انت واثق فى نفسك؟؟؟؟

هل انت مغرور؟؟؟وفى رايك بقى الغرور ده حاجه كويسه ولا وحشه؟؟

وامتى هانى يكون مغرور بقى؟؟؟

لو حد طلب رايك فى حاجه...وبعدين انت شايف ان رايك صح...هتعرف تقنعه بيه زلا هتقوله وخلاص وهوه حر يختار اللى يريحه حتى لو كان غلط؟؟؟

هل انت مندفع ولا متأنى؟؟؟

امتى هانى مايتحكمش فى اعصابه؟؟؟

مين الشخص اللى لما بتشوفه بتقول استر يارب وبتتوقع مصيبه؟؟؟

مين توام روحك؟؟؟

قوللى صحيح..انت ليه بتشجع الزمالك؟؟

وناوى امتى تسيبك منه بقى؟؟؟

امتى هانى يحس انه وحيييييييد؟؟؟

وبتعمل ايه لما تحس بكده بقى؟؟؟؟؟

ايه الحاجه اللى ندمت جدا انك عملتها ونفسك الزمن يرجع بيك تانى علشان ماتعملهاش؟؟؟؟؟

ايه حلم حياتك اللى اتحقق؟؟؟

وايه الحلم اللى لسه ما تحققش؟؟؟

ايه هدفك فىالحياه؟؟؟

مين مثلك الاعلى ..غير بابا وماما؟؟؟

نفسك تبقى زى مين فى مصر؟؟؟

ايه الصفه اللى نفسك تبقى موجودة فى شخصيتك؟؟؟

لما تتجوز نفسك تجيب كم بنت وكم ولد واساميهم ايه؟؟؟

دلوقتى حالا...نفسك فى ايه؟؟؟

دلوقتى حالا برضه...بتفكر فى ايه؟؟؟

قوللى يا هانى..لو حبيت يبقى اسمك حاجه تانيه غير هانى تحب يبقى اسمك ايه؟؟؟

ايه اغلس سؤال اتسالته لحد دلوقتى؟؟؟؟

ايه اكتر قسم بتحبه فى المنتدى واول لما بتدخل بتدخل عليه وتهتم انك ترد فيه؟؟؟

ايه رايك فى البنات؟؟؟

وهل فعلا زى ما بيقولو دلوقتى ان الزمن ده زمن البنات؟؟؟

الدنيا من غير بنات ايه رايك فيها...تقدر تعيش فيها؟؟؟؟

ايه هيا الكلمه اللى علطول بتكررها فى كلامك(لازمة يعنى)؟؟

ايه حكمتك فىالحياه؟؟

قوللى ياهانى

بتقعد كم ساعه عالنت كل يوم؟؟؟؟

وايه اكتر مواقع بتدخلها؟؟

مين الشخص اللى انت حاسس انك غلطان فى حقه ونفسك تعتذرله بس للاسف ماقابلتوش تانى علشان تعتدر له؟؟

لما بتغلط ياهانى هل بتعترف بالغلط ده عادى يعنى ولا بتكابر؟؟

لخصلى بقى شريط حياتك فى سطرين كده...

هانى هانى..انت شايف ان حظك حلو ولا وحش؟؟؟

هل فيه حاجه اسمها صداقه بين الرجل والمرأة؟؟؟قوللى رايك بقى بصراحه

وهل ممكن تكون ليك صديقه تثق فيها بنفس درجه ثقتك فى اصدقائك الشباب..وهل ممكن الثقه فيها تكون اكتر من صحابك كمان؟

هل ممكن الصداقه دى تتحول لحب؟؟

وفى رايك الحب فى الحاله دى هيبقى ناجح ولا فاشل؟؟؟

هل انت بتفكر كتير..مدمن تفكير يعنى ولا سايبها على الله؟؟

مين اكتر شخص بتفكر فيه؟؟؟

الانطباع الاول اللى بتاخده عن حد...بتحدده على اساس ايه؟؟

لما تبقى بابا هانى...هتبقى اب متحكم فى عيالك ولا هتسيبلهم مساحه حريه

كفايه عليك كده دلوقتى بقى

شويه وراجعالك

اه نسيت

استتنى

كلمة توجهالى فى الاخر بعد الاسئله الخفيفه دى؟؟؟؟

ننوسة كتب:

اقتباس :: هانى على الكرسى
داه خبر جنان

هانى

هانى

منور ياجميل

دا نورك يا ننوسة يا قمر
عقبال ما اشوفك هنا
واقوم معاكي بالواجب

اقتباس :: اية اخبار الكرسى ياريت يكون مريح ولو مش مريح مش مهم ماانت خلاص قاعدت ودبست

نفسي تجربي القعدة عليه
وانتى ساعتها اللى تقولى لي ايه رأيك

اقتباس :: ياريت تجاوب بك صراحة لان الصراحة راحة

طبعا الصراحة راحة على راي الست مروة بتاعة حاحا وتفاحة
بس انا طبعا بعرف sdrtaeQF

اقتباس :: يالة جهز القلم والاستيكة وسطر الورقة

استعد ورقة الاسئلة قادمة

يا تري الورقة دي بالعربي ولا بالانجليزي
وبتتمسك ازاى
اصل انا معايا شهادة محو الامية لسه
واول مرة ادخل امتحان
تصدقي كنت هنسي المطوة وازازة البيرة
sdrtaeQF

اقتباس :: اجب على كل من الاسئلة الاتية

يعني مفيش اختيارى
ربنا يسامحك

اقتباس :: 1-عمرك صحيت من النوم بدرى عن الموعد المعتاد

انا اصلا طول عمرى بتميز انى لو نمت متأخر اعرف اصحي بدري جدا وابقى رايق ولو نمت بدري جد ممكن برضو اصحي من النوم متأخر اوى لان نومى من النوع المتقلب خصوصا لما كنت شغال بالحصة التيرم الاول كان ممكن انام متأخر جدا واصحي لاساعة 7 الصبح ولا كأن فيه حاجة.

اقتباس :: 2-ماهو الحلم اللى دايما بتحلم به

انى اعيش مبسوط وسعيد وسط اهلى والناس اللى بحبها وتحبني وانى اتعين طبعا وابقى متفوق في عملى وارتبط بالانسانة اللى فيها على الاقل اغلب المواصفات اللى نفسي فيها واكون اسرة صغيرة سعيدة sdrtaeQF

اقتباس :: 3-شايف نفسك شخصية منضبطة ولا لتعرف الانضباط

انا شخصية منضبطة جدا جدا جدا جوه البيت
انما بره البيت سواء في النادى او مع اصحابي لو شفتيني عمرك ما تصدقي ان دا هانى اصلا اللى جوا البيت

اقتباس :: 4-بتعرف تخطط لمستقبلك ولا بكرة لايعنى لك شيئ

والله يا ننوسة من كتر التخطيط لمستقبلي وطبعا من كتر الكوسة اللى في البلد دي بقيت مش عارف اخطط اصلا ح لنفسي لانى كل ما اخطط تحصل حركة قرع على الماشي كدا تطيح بكل احلامى اللى بنيتها لكن انا الفترة دي بالذات سايبها على ربنا

اقتباس :: 5-ماهو اكتر شيئ ممكن انه ينرفزك

ان اللى قدامى يحسسني انه احسن منى في اى حاجة
والشخصيات اللحوحة في طلباتها
والبني ادم البارد

اقتباس :: 6-من هو اقرب شخص لك

اقرب واحد في الدنيا لهانى هوا بابا وبعديه ماما وبعديه دودى دا في الاسرة
في الاصحاب واحد اسمه وائل وواحد صاحبي اسمه محمد
وعلى النت اسلام وميدو وهيثوم ومون لايت وبنت مصر
وفي النادى واحد صاحبي اسمه محمد وواحد اسمه احمد

اظن اجابة نموذجية اهو
احسن من اللى كانت في سلاح التلميذ
sdrtaeQF

اقتباس :: 7-عمرك ندمت على حاجة عملتها

اهو دا بقى سؤال محرج بجد
لانى طول عمرى للاسف ندم على اي حاجة عملتها
خصوصا لو فيها غلط
حتى لو كان الغلط دا بنسبة صغيرة جدا
الا انى بندم عليه

اقتباس :: 8-ماذا تفعل لكى تكون قريب ممن تحب

اعامله معاملة كويسة تليق بيه
احسسه انى مهتم بيه
اعمل كل حاجة بيحبها
بمعنى اصح احسسه انى توام روحه

اقتباس :: يالة نتكلم عن حاجة تانية اية رايك نتكلم عن الكدب شوية

وبلاش بفى تقول انا عمرى ماكدبت والكلام داه

لا متخافيش الانكار مش هينفع

اقتباس :: 9-اكبر كدبه كدبتها فى حياتك اية هى

اكبر كدبة دى بقى كان عندى ماتش باسكت بعد المدرسة ايام الثانوى وكان الماتش بعد المدرسة على طول
وهما في البيت كانوا ممانعين انى اروح خصوصا ان دا معناه اننى هغيب عن الدروس
المهم بقى
قلت لهم انا عندى دروس كتير بعد المدرسة وهرجع متأخر
ورحت الماتش
المشكلة الحقيقية بقى
ان يومها واحد صاحبي كان متعود يفوت عليا واحنا رايحين الدروس عشان نروح مع بعض
نسي ان انا قلت له انى هعمل كدا
وللاسف راح البيت من غير قصد
فعرفوا على طول انى بلعب
ويومها اخدت علقة مووووت

اقتباس :: 10-اخر كدبه كدبتها كانت امتى واية هى

اخر كدبة دى كدبة كوميدية اصلا يعني كدبتها على سبيل الهزار
احنا السنة دي لحد دلوقت لعبنا 4 ماتشات باسكت ودية و7 في الدورى
ولحد دلوقت مكسبناش ولا ماتش
فكل ما ارجع من ماتش وقبل ما انزل الشنطة من على كتفي
بابا يسألني ويقوللى : ها سبع ولا ضبع
طبعا ايام الماتشات الودى كانت مش فارقة انى اخسر
لكن لما خسرت في الدورى بقى كل ماتش قبل ما ادخل يقوللى خسرت فرق نتيجة كبير ولا صغير
اخر مرة بقى اول ما دخلت بيقوللى اطحنتم المرة دى من فريق ايه
قلت له بالعند فيك بقى كسبنا 3W4

خرج يومها بالليل وقابل المدرب وعرف طبعا اننا خسرنا وانى كنت بهزر

اقتباس :: 11-عمر كدبتك ضرت حد

يستحيل يا ننوسة اكدب كدبة تضر حد
بل مستعد اكدب كدبة لو ممكن تنقذ واحد من مأزق بشرط انها مش تضر حد
بس مش طبعا انى اشهد زوور

اقتباس :: 12-هل تضطر احيانا للكدب

انا بكدب على سبيل الهزار بس والكلام دا في البيت وبس يعني على سبيل الرخامة

اقتباس :: 13-فاذا كدبت ماهو لون كدبك

كدبة بيضة جدا جدا وبتبقى كمان عشان اعمل موقف كوميدي في البيت
يعني احيانا اخلى محمد قاعد جنبي ومتغاظ منه ولا حاجة اقوم انادي بعلو صوتى على بابا واقول له يرضيك كدا محمد بيشتمنى 3W4

اقتباس :: 14-لو اكتشفت ان حد عزيز عليك كدب فى شيئ ماكانش ينفع انه يكدب عليك فيه هتعمل اية

هعرف منه هوا ليه كدب عليا وعلى حسب الموقف هحدد نظام معاملتى معاه
بس لو كدب عليا في حاجة بسيطة هزعل منه
لو حاجة جامدة جدا هخسره على طول
وحتى لو اتصالحنا هتبقي المعاملة مش زى الاول برضو

اقتباس :: 15-هل كدبت مرة لكى تصل لمن تحب

لا , لان الحب معناه الشفافية فازاى ابدأ حياتي اصلا بكدبة
وزى ما انا عمرى ما ارضي انها تكدب عليا
فانا كمان يستحيل اكدب عليها

اقتباس :: كفاية كلام عن الكدب نغير شوية

انا بقول كدا برضو
الله يسامحك رجعتيني لايام الاجرام
والكداب بيروح النار
sdrtaeQF

16-تقول اية فى هذه الكلمات

اقتباس :: الحب

جنووووون

اقتباس :: الوضوح

ياريت كلنا نبقى كدا وكل واحد يتعامل مع الناس بطبيعته من غير لف ولا دوران

اقتباس :: الصداقة

اسمي شيء في الوجود خصوصا لو كان صديقك فيه صفات كتير منك

اقتباس :: الخيانة

اعوذ بالله من الكلمة دى
الكلمة دى مرتبطة عندى بالالم
لانها بتبقى غير متوقعة

اقتباس :: الغدر

ربنا ما يحكم على حد ان انسان يتغدر بيه

اقتباس :: الوطن

والنبي بلاش الكلام في السيرة دي
كيلو الزيت ب 9 جنيه
وكيلو العدس بقى ب 10 جنيه
حسبي الله ونعم الوكيل

اقتباس :: يالة نتكلم شوية عن المنتدى

احلى كلام يلا بينا

اقتباس :: 17-اية رايك فى منتدى مانوس

انا عمرى ما شاركت في اى منتدى الا مانوس
وهوا بصراحة منتدى خفيف وممتاز
واكتر حاجة يتميز بيها ان اعضاؤه دمهم زى العسل وتحس انهم كلهم يعرفوا بعض
بس ناقصة حاجة واحدة بس
ان الناس تهتم ببقيت الاقسام
يعني فيه ناس كتير جدا بتدخل تحمل العاب واغانى وافلام من غير ما يشاركوا في بقية الاقسام

اقتباس :: 18-اية رايك فى كل اعضاء مانوس

اتحدى ان يبقي فيه اعضاء في اى منتدى تانى زى العضاء اللى في مانوس
لدرجة ان لما حد منهم بيغيب يومين ولا حاجة عن المنتدى تلاقي الكل بيسأل عليه
واشهر موقف حصل لما رنون غابت مرة عن المنتدى يومين
لقيت مون لايت بتسأل تقول يا تري ايه السبب
اظن مفيش اعضاء منتدى زى دا

اقتباس :: 19-قول لنا اسم عضو فى كلا من الاتى(بدون خجل قول)

انتى عارفة يا ننوسة ان دا بصراحة اصعب سؤال في الدنيا
وكان نفسي مفيش حد يساله
بس يارب نعرف نجاوب صح

اقتباس :: من هو العضو الحنون من وجهة نظر هانى

بنت مصر

اقتباس :: من هو العضو الجرئ

اسلام وميدو افراد العصابة وبدون منافس اصلا sdrtaeQF

اقتباس :: من هو العضو المجنون

رنون ووعد العيييون وبدون منافس 3W4

اقتباس :: من هو العضو الصريح

ايهاب عادل

اقتباس :: من هو العضو المتالق

مون لايت

اقتباس :: من هو العضو الممل

كان عضو اسمه فوكس تقريبا كانت كل ردوده في اى موضوع مشكور وبس وكان ممكن يرد في الموضوع خمس ست مرات بنفس الرد ومش هوا اللى حطط الموضوع كمان

اقتباس :: من هو العضو النشيط

ننوسة و سوسو

اقتباس :: من هو العضو المميز

مااااااااانوس بدون منازع

اقتباس :: من هو العضو الودود

نودى ويويو

اقتباس :: من هو العضو الواضح

هيثوم طبعا ويشاركه دودى ومعاهم فانتوم بصراحة قلبه طيب اوى

اقتباس :: من هو العضو المساعد

حمو و تيتو و شو تايم >> وسام حبيب قلبي

اقتباس :: من هو العضو الرومانسى

سومة وبدون منافس ويشاركها سلمي وغموض البحر

اقتباس :: من هو العضو الصادق

سمكة توتوس واسرار الحياة و sweet face

اقتباس :: من هو العضو المناكف

مون لايت طبعا قائدة الجيش ومعاها جيش البنات المكون من بنت مصر و رنون و ننوسة وسوسو وسلمي ويوويوو واسرار الحياة ووعد وغموض

اقتباس :: من هو العضو اللى على القمة

هانى داود طبعا ولا فيه مانع REY3W

كفاية كدة يالة الواحد يسيب فرصة لباقى الاعضاء علشان يسلقوك قصدى يسالوك
سلام بس اكيد راجعة لك تانى اصلها فرصة ياهانى
انك تتسلق سلام مؤقتنا sdrtaeQF

ياريت بس تسلقونى قصدي تسألونى على نار هادية
نورتى يا ننوسة ومستني رجوعك تانى اكيد
wae4

ايه يا جماعة هوا الدور على مين يكون فى كرسى الاعتراف اليوم

؟ e22

bent.masr كتب:: ربناااااااااااااااااا يعينك على الاسئله

بس عاوزين الاجاباات صريحه ومن غير دبلوماسيه

منورة يا بنت مصر

ربنا يخليكي والله

طول عمرك حونينة مش زى ناس ما صدقوا

اظن الاجابات صريحة جدا جدا جدا

شرفتى ونورتى يا بنت مصر

هانى داود على الكرسى
انا والله عارف ان فى ناس كتير كانوا مستنينك من زمان علشان كده اى حد اعرفه قولتله يخش يصوتلك والحمد لله قعدت على الكرسى يعنى يعتبر غصب عنك
هههههههههههههههههههههه
المهم اسلوقك بقى اصدى اسئلك
ايه رايك فى المنتخب فى بطوله الامم الافريقيه؟ وهل ممكن نوصل كاس عالم ولا لسه
وايه اللى نعمله علشان نحافظ على مستوانا ؟
ورايك فى الاهلى فى الفتره الاخيره ؟
ونفسك مين ينضم للزمالك ؟
بس كفايه كوره نخش على اى حاجه تانيه
ايه رايك فى نفسك وناوى على ايه ولقيت بنت الحلال ولا لسه بدور؟
ومواضفات فتاه احلامك ايه ؟
وامتى هتيجى بقى رشيد علشان اطحنك فى pes 2008 ؟
وكفايه عليك كده بس والله الكرسى منور بجد
سلام يا حبى

هانى حبيب قلبى وعينى وننى منور

أنا جيت بس أصبح

بس مش حسأل النهارده

بس حقولك إدخل نام عشان عايز أقعد على الكمبيوتر لما أرجع البيت

moon_light كتب:: يا خبر...ياخبر

اخيرا تحقق الحلم واتدبست فى الكرسى ياهانى

وانا بقول الكرسي نور ليه مرة واحدة كدا
اتارى مون لايت هنا
يا ويلكم يا ويلكم

moon_light كتب:: بس عمال تقوللىانا معايا واسطه ومش هاقعد عالكرسى

اديك قعدت يا حلو وشرفت

عشان تعرفي بس ان انا مواطن عادى زى عامة الشعب المانوسي
مش بحب استخدم سلطاتى ونفوذي
وابن الوزير في المنتدى هنا زى ابن الغفير
قصدي الادمن زيه زي العضو الجديد
كلنا سواسية

[center]

moon_light كتب:

استعنا عالشقا بالله بقى

ونبتدى الاسئله

يا مسهل الاحوال يارب

استرها يارب

اقتباس :: ""ده احنا هنريحوكى يا شابه""

حاسس انى في ريا وسكينة
ومتخافيش يا شابة
دا سي جسب الله جوزى
وحسرة عليها يا حسرة عليها

اقتباس :: كم سؤال خفيف ف الاول( تسخين بس كده)

تسخين ليه بس
هوا انا نازل العب ماتش
ماعلينا

اقتباس :: ايه اكلتك المفضله؟؟

المكرونة نمرة واحد في الدنيا عندى وبعدها البيتزا

اقتباس :: ايه مشروبك المفضل؟

عصير المانجو يا سلام عليه وهوا متلج كدا في عز الحر
وبعده طبعا عصير الفراولة

اقتباس :: بتعرف تطبخ؟؟

على ادي طبعا

اقتباس :: ايه الاكله اللى بتعرف تطبخها..غير البيض المسلوق يعنى؟؟؟

المكرونة طبعا والسمك برضو والرز
والسبب في كدا ان امى قعدت مدة بتعمل عمليات الغضروف
فالواحد اتعلم بقى
بدل ما حد ييجي يزله

اقتباس :: بتاكل كم مرة فى اليوم؟؟

المعدل الطبيعي 3 وجبات اساسية
و3 مرات تصبيرة

اقتباس :: بما انك مالكش اخوات بنات..هل بتساعد مامتك فى البيت؟؟؟

اكيد يعني
مش عيب

اقتباس :: هل انت شايف ان الرجل لو ساعد فى شغل البيت ده ينقص من رجولته؟؟؟

يعني ايه ينقص من رجوليته
هوا شغال في بيته يعني ولا شغال في بيت الجيران
وينقص رجوليته ازاى هيبقى ناقص ايد ولا رجل ولا دراع
لا طبعا
العملية دي عادى جدا
وعلى فكرة بتزود الترابط والعلاقة بين الزوج وزوجته
بس مش لدرجة غسيل الصحون والكلام اللى بشوفه في التليفزيون دا
انما ممكن مثلا لما يفتح درج يقفله اهى دي اعمال برضو ممكن يساعد بيها

اقتباس :: ناوى تساعد مراتك فى شغل البيت وكده ولا هتخلى كل حاجه على دماغها؟؟؟

هى ونصيبها بقي
اللى يحلق يدبح القطة للتانى هوا اللى هيكسب في الجوازة دي
بس اكيد هساعدها بس برضو في حدود

اقتباس :: من وجهه نظرك..ايه دور الزوج فى الاسرة وايه دور الزوجه؟؟؟

الزوج مسئول عن الفلوس والمساعدة في تربية الابناء وتوفير العائد المادى
الزوجة مسئولة عن كل شيء وبالخصوص توفير جو من الامن والاستقرار والحب والهدوء داخل البيت

اقتباس :: طبعا دور االاولاد معروف..انهم بيطلعو عين باباهم ومامتهم ..علشان كده مش هسالك..شفت بقى انا حونينه ازاى
نكمل بقى

مش عارف بصراحة من غير حنيتك دى كنا هنعمل ايه
برضو قلب الام دليلها
واهم حاجة حنان الام

اقتباس :: ايه اخبارك مع السجاير..الشيشه..الدماغ والذى منه؟؟؟

الحمد لله عمرى ما شربت سيجارة واحدة
الحاجة الوحيدة اللى بدخنها هي التدخين السلبي

اقتباس :: مطربك المفضل

عمرو دياااااااب

اقتباس :: مطربتك المفضله

اصالة وشيرين

اقتباس :: الممثل والممثله المفضلين

احمد السقا - عادل امام - منى زكى - احمد حلمى - احمد زكى - مى عز الدين - مصطفي شعبان

اقتباس :: اكتر فيلم عربى عاجبك وبتحب تسمعه..قصدى تشوفه يعنى

فيلم الجزيرة بصراحة فيلم خطييييييير

اقتباس :: اكتر فيلم اجنبى برضه بتحبه

فيلم City of Angels
نيكولاس كيدج وميج ريان

[quote]بتحب مين من الشعراء..[/quote]

مفيش شاعر محدد

اقتباس :: بتحب يوم ايه..وبتكره يوم ايه

كل ايام ربنا حلوة
بس بحب يوم الجمعة عشان اجازة
وبكره يوم الثلاثاء

اقتباس :: قوللى بقى يا هانى بسرعه كده

يا هانى بسرعة كدا sdrtaeQF

اقتباس :: اكتر موقف محرج قابلك فى حياتك كلها؟؟؟

كنت مرة في اسكندرية بشتري كوتشي
المهم دخلت محل عند سور نادى الترام
ولقيت كوتشيات تحفة
انا كنت ناوى اجيب واحد تقليد من ابو 90 جنيه
المهم دخلت لقيت جزمة شيك جدا ومكتوب عليها 75
قلت اجيب اتنين بقي
المهم بقول للراجل
انا عاوز من دى اسمر
وعاوز ازرق في ابيض
قاللى ماشي
وبيقوم يحضر الطلبية
وانا مطلع ال 150 جنيه
قاللى دا ايه دا
قلت له الفلوس
قال لى الكوتشي دا ب 750 جنيه
قمت مسكت الكوتشي حطيته على الارض
وقلت له على اساس بقى انه بيمشي لوحده
REY3W

اقتباس :: اكتر موقف كوميدى حصللك وكل ماتفتكره تقع من الضحك..والنبى ياريت ماتقوليش مش فاكر دلوقت

كنت مرة نايم في المحاضرة
وعددنا اصلا في الكلية 200 واحد
يعني سهل جدا ان اى حد يتشاف
الدكتور فضل ينادى عليا كتير
لحد ما فييييين بقى صحيت
قال لى طول ما فيه شباب زيك البلد دى عمرها ما هتتقدم
قلت له احمدك يارب اننا عرفنا سبب خراب البلد
sdrtaeQF

اقتباس :: اكتر موقف حصل خنقك اوى وكل ماتفتكره تتخنق

اكتر موقف بيخنقني اوى لما الزمالك يخسر والاهلاوية يفضلوا شمتانين فيك

اقتباس :: موقف ضايقك اوى وايه هوه وضايقك ليه؟؟؟

الموقف دا كان في سنة اولى كلية
نتيجة التيرم الاول ظهرت
وكنت فاشل التيرم دا بصراحة
وظهرت النتيجة ومفيش حد شال في لدفعة 3 مواد الا انا وواحد صاحبي
انا شايل ال3 مواد ضعيف
وهوا شال ال3 مواد ضعيف جدا
المهم وصلنا التيرم التانى لقيت نفسي ناجح ومعايا مادتين للسنة اللى بعدها
وببص على نتيجته لقيته ناجح نضيف

ساعتها قولت عمار يا مصر
ولو نهر النيل بقى صلصة مش هيكفي الكوسة اللى فيكي يا مصر

اقتباس :: مين الشخص اللى انت ضعيف قصاده؟؟

بابا وماما يستحيل ارفض لهم طلب

اقتباس :: مين الشخص اللى ماتقدرش ترفضله طلب....غير بابا وماما واخواتك وصحابك؟؟

هوا كدا فاضل ايه بقى
بنت خالتى طبعا مستحيل ارفض لها طلب
وفيه بنت خالى 3 سنين يستحيل برضو ارفض لها طلب
انتى اكيد قصدك على اصدقائي الالكترونيين بقي
يبقى يا ستي مقدرش ارفض طلب لمون لايت وبنت مصر

اقتباس :: امتى هانى ممكن يبكى؟؟؟؟

لما احس انى مظلوم بس ومش ببكي والله يا مون لايت
بس بفضل مخنوق يومين تلاتة ورا بعض
وكاره الدنيا

اقتباس :: وامتى اخر مرة بكيت؟؟

مش فاكر بصراحة

اقتباس :: ومين الشخص اللى مايتكسفش منه لو شاف دموعه دى؟؟؟

لا مش بحب حد يشوف دموعى اصلا
بس لو بكيت يعني الحد دا ممكن يكون بابا او ماما

اقتباس :: امتى هانى يضحك من قلبه؟؟؟

لما ابقى مبسوط وسعيد ووسط العالم اللمضة والعالم اللى بحب ارم عليهم ويرخموا عليا

اقتباس :: نرجع بقى كده شويه ايام الدراسه

يارب الايام دى ترجع تانى

اقتباس :: كنت بتقعد قدام مع الشاطرين ولا ورا مع ال......

كنت مدمن اقعد ورا طبعا
وكنت اروح مخصوص احجز اخر ديسك في الفصل
مش عشان فاشل والله
انما عشان اريح دماغى
ولما الموجهين يدخلوا الفصل
يبقوا يسألونى
وطبعا الاستاذ اللى عاجبني اشرفه قدام الموجه
واللى متغاظ منه ابعته ورا الشمس

اقتباس :: ايه رايك فى الصداقه..وفى مقوله الصديق وقت الضيق؟؟وهل فعلا بتاجا لصديقك وقت الضيق ولا بتلجا لحد تانى؟؟

الصداقة افضل شيء في الدنيا كلها
والصديق وقت الضيق
والصديق الحق هوا الذي لا يتخلى عن صاحبه ويكتم اسراره ويستر عيوبه
وبلجا لصحابي طبعا لما اكون مزنوق في حاجة

اقتباس :: هل انت واثق فى نفسك؟؟؟؟

احياانا بتبقى عندى ثقة عمياء في نفسي
واحيانا ممكن ابقى فاقد الثقة دى نهائي
يعني ثقتى بتبقي حسب مودى

اقتباس :: هل انت مغرور؟؟؟وفى رايك بقى الغرور ده حاجه كويسه ولا وحشه؟؟

الحمد لله مش مغرور
وفيه غرور مقبول اللى هوا الغرور العادى
وفيه غرور مش مقبول اصلا ويخليك تكره صاحبه

اقتباس :: وامتى هانى يكون مغرور بقى؟؟؟

هانى يكون مغرور بقى لما يكون واثق من نفسه جدا

اقتباس :: لو حد طلب رايك فى حاجه...وبعدين انت شايف ان رايك صح...هتعرف تقنعه بيه زلا هتقوله وخلاص وهوه حر يختار اللى يريحه حتى لو كان غلط؟؟؟

هفضل اقنع فيه على اد ما اقدر ولو لقيت مفيش فايدة
وان دماغه متربسة من الاخر
بسيبه بقى يتصرف براحته
بمعنى اصح
اللهم بلغت

اقتباس :: هل انت مندفع ولا متأنى؟؟؟

متأنى جدا وبحسب كل حاجة كويس جدا جدا
في التأنى السلامة وفي العجلة الندامة

اقتباس :: امتى هانى مايتحكمش فى اعصابه؟؟؟

لما الاقي واحد في موقف ضعيف بيحاول يعمل نفسه بطل على مصلحتى ساعتها بقى ممكن اتعصب عليه على الاخر

اقتباس :: مين الشخص اللى لما بتشوفه بتقول استر يارب وبتتوقع مصيبه؟؟؟

مفيش بصراحة

اقتباس :: مين توام روحك؟؟؟

دودى

اقتباس :: قوللى صحيح..انت ليه بتشجع الزمالك؟؟

عشان قلبي ابيض
وعشان انا بشجع الزمالك من سنة 1992 جون ايمن منصور في شوبير
السوبر االافريقي بقى
مدرسة الفن والهندسة
يستحيل اتحرم من فنها
احيانا والله يا مون اقعد اتفرج على ماتشات الاهلى واحس ان مفيهاش لعب اصلا
وانما ماتشات الزمالك حتى في كبوته وفضايحه انما برضو ليها طعم اخر
وزمان الاهلاوية بيقولوا كدا برضو ان الزمالك مش بيلعب وان الاهلى هوا الهندسة كلها

اقتباس :: وناوى امتى تسيبك منه بقى؟؟؟

يستحيل اسيب تشجيع الزمالك
نحن نشجع الزمالك لانه فريق محترم
عكس اغلبية جمهور الاهلى الذي يشجع الاهلى عشان بيكسب والسلام
ولو سالتيه من كابتن الاهلى هيقول لك ابو تريكة
sdrtaeQF

اقتباس :: امتى هانى يحس انه وحيييييييد؟؟؟

لما ابقى مش لاقي حد يفهمنى
او ابقى لوحدى في البيت او مش لاقي اصحابي

اقتباس :: وبتعمل ايه لما تحس بكده بقى؟؟؟؟؟

بقعد على النت او اتفرج على التليفزيون

اقتباس :: ايه الحاجه اللى ندمت جدا انك عملتها ونفسك الزمن يرجع بيك تانى علشان ماتعملهاش؟؟؟؟؟

انى دخلت كلية تربية

اقتباس :: ايه حلم حياتك اللى اتحقق؟؟؟

انى خلصت دراسة خلاص

اقتباس :: وايه الحلم اللى لسه ما تحققش؟؟؟

انى اشتغل بقي
واشوف مستقبلي

اقتباس :: ايه هدفك فى الحياه؟؟؟

تكوين اسرة صغيرة سعيدة
واكون متفوق جدا في مجال عملى

اقتباس :: مين مثلك الاعلى ..غير بابا وماما؟؟؟

طبعا قدوتنا كلنا رسول الله صلي الله عليه وسلم

اقتباس :: نفسك تبقى زى مين فى مصر؟؟؟

هوا مصر فيها حد فالح اصلا
بس نفسي ابقى زى سيادة الريس القائد القدوة الاب الحنون حسني مبارك طبعا
sdrtaeQF

اقتباس :: ايه الصفه اللى نفسك تبقى موجودة فى شخصيتك؟؟؟

انى اتعامل مع الناس بسهولة واهزر معاهم
لان من عيوبي انى مش باخد على حد بسهولة

اقتباس :: لما تتجوز نفسك تجيب كم بنت وكم ولد واساميهم ايه؟؟؟

هوا مولود واحد بس
يا ولد يا بنت
اللى يجيبه ربنا كويس
وامهم هى اللى تختار اسمه
عشان هى اللى حملت وشالت ورضعت وتربي وتغسل وتمسح
يبقى اقل حاجة من نصيبها انها تختار اسم ابنها

اقتباس :: دلوقتى حالا...نفسك فى ايه؟؟؟

نفسي انام والله
واتعشي بالمرة

اقتباس :: دلوقتى حالا برضه...بتفكر فى ايه؟؟؟

بفكر ادعي عليكي يا مون لايت sdrtaeQF

اقتباس :: قوللى يا هانى..لو حبيت يبقى اسمك حاجه تانيه غير هانى تحب يبقى اسمك ايه؟؟؟

اسم هانى حلو اوى بصراحة وعاجبني
بس لو حبيت اغير هيبقى مجد او المعتز بالله

[quote]ايه اغلس سؤال اتسالته لحد دلوقتى؟؟؟؟[/quote

السؤال اللى بيقول ادى لقب لكل عضو اللى ننوسة سألته

اقتباس :: ايه اكتر قسم بتحبه فى المنتدى واول لما بتدخل بتدخل عليه وتهتم انك ترد فيه؟؟؟

قسم الالعاب الترفيهية
لانه بقي مش العب ترفيهية
دا قلب حرووووب وتحدى

اقتباس :: ايه رايك فى البنات؟؟؟

البنات البنات احلى من سكر النبات
البنات البنات اجمل المخلوقات

اقتباس :: وهل فعلا زى ما بيقولو دلوقتى ان الزمن ده زمن البنات؟؟؟

طبعااااا
والدليل على كدا ان الولاد بقوا اقليه في الكليات
يعني احنا كنا 40 ولد و 160 بنت

اقتباس :: الدنيا من غير بنات ايه رايك فيها...تقدر تعيش فيها؟؟؟؟

يا نهار ابيض
دى تبقى كارثة طبعا
امال مين اللى يعمل جو في الشارع
ونغلس على مين
ونعاكس مين

اقتباس :: ايه هيا الكلمه اللى علطول بتكررها فى كلامك(لازمة يعنى)؟؟

اصلا

اقتباس :: ايه حكمتك فىالحياه؟؟

ستبدي لك الايام ما كنت جاهلا ... ويأتيك بالاخبار مالم يزود

اقتباس :: قوللى ياهانى

يا هانى

اقتباس :: بتقعد كم ساعه عالنت كل يوم؟؟؟؟

في حدود 2-4 سااعات يوميا

اقتباس :: وايه اكتر مواقع بتدخلها؟؟

مانوس

اقتباس :: مين الشخص اللى انت حاسس انك غلطان فى حقه ونفسك تعتذرله بس للاسف ماقابلتوش تانى علشان تعتدر له؟؟

محمد جمال صاحبي في الكلية
زعلنا مع بعض في اخر يوم في الامتحانات ولحد دلوقت ما اعتذرتلوش الا في التليفون

اقتباس :: لما بتغلط ياهانى هل بتعترف بالغلط ده عادى يعنى ولا بتكابر؟؟

انا اللى موديني في داهية اصلا انى اكتر واحد في الدنيا بيعترف بغلطه دا غير بقى ان ضميرى بيفضل يعذبني

اقتباس :: لخصلى بقى شريط حياتك فى سطرين كده...

هانى داود المفروض مدرس - شغال دروس دلوقت بس على ادى برضو - بلعب باسكت بول - هوايتي الفوتبول والنت - بحب الحياة بحب اهلى - بتمنى كل الناس اللى حواليا يبقوا سعدا - بحب اخدم كل الناس -
طموحاتى تقتصر على انى اعرف ابدا احلامى منين بس - ابتسم تبتسم لك الحياة

اقتباس :: هانى هانى..انت شايف ان حظك حلو ولا وحش؟؟؟

حظى وحش يا مون لايت

اقتباس :: هل فيه حاجه اسمها صداقه بين الرجل والمرأة؟؟؟قوللى رايك بقى بصراحه

اه فيه صداقة بين الراجل والمرأة بس في حدود الذوق والادب والاخلاق

اقتباس :: وهل ممكن تكون ليك صديقه تثق فيها بنفس درجه ثقتك فى اصدقائك الشباب..وهل ممكن الثقه فيها تكون اكتر من صحابك كمان؟

اه
ممكن تكون ليا صديقة اثق فيها جدا زى اصحابي الشباب والدليل على كدا ان
انتى وبنت مصر ونودى من اكتر الشخصيات اللى تعرف اغلب اسرارى

اه طبعا بثق فيهم جدا برضه ولو مكنتش واثق فيهم مكنتش كلمتهم من الاساس

اقتباس :: هل ممكن الصداقه دى تتحول لحب؟؟

السؤال دا محرج اوى بصراحة
بسالصداقة في االاول بتتحول لاعجاب
ولو حصلت ظروف معينة كدا
ممكن تتحول لحب

اقتباس :: وفى رايك الحب فى الحاله دى هيبقى ناجح ولا فاشل؟؟؟

هيبقى ناجح جدا طالما ان فيه تبادل اسرار وكل واحد فاتح قلبه للتانى وشايف انه بيلاقي فيه حاجات مميزة

اقتباس :: هل انت بتفكر كتير..مدمن تفكير يعنى ولا سايبها على الله؟؟

انا مدمن تفكير يا مون لايت
وممكن افضل افكر كذا مرة
خصوصا لما احضر ادرس
بفضل افكر مليون مرة اشرحه ازاى عشان يوصل بسرعة

اقتباس :: مين اكتر شخص بتفكر فيه؟؟؟

اكتر شخص بفكر فيه هوا انا

اقتباس :: الانطباع الاول اللى بتاخده عن حد...بتحدده على اساس ايه؟؟

على اساس طريقة الكلام والاسلوب
وطلعته البهية طبعا

[quote]لما تبقى بابا هانى...هتبقى اب متحكم فى عيالك ولا هتسيبلهم مساحه حريه[/quote]

هيبقى فيه حبل بيني وبينهم اهم حاجة انهم لو رخوه هبدأ اشده
واو شدوه هبدا ارخي
يعني حياتنا هتبقى سجال بيننا
وهحاول قبل ما يبقوا اولادى يبقوا اصدقائي ونتكلم مع بعض
ونلعب مع بعض كمان
ونشارك بعض اسرارنا
زى ماوالدى بيعمل معايا

اقتباس :: كفايه عليك كده دلوقتى بقى

شويه وراجعالك

انتى تشرفي وتنورى في اي وقت يا مون لايت
علما بانك عارفة اجابات كل الاسئلة دى

REY3W

phantom كتب:: هانى حبيبى والله انا عمرى ما ادخل لاعز منك وانت عارف

طبعا يا حبيبي وانا ليا مين غيرك طبعا يا محمد باشا

اقتباس :: المهم فيه اسئله كتير بس انا حسألك اول حاجه تيجى على بالى

يا راجل اسأل براحتك عادى يعني
ما كل واحد يدخل يسلقنى اسئلة

اقتباس :: طبعا مش البطاقه الشخصيه علشان انا معايا صوره منها

طب ما تنساش بقى تبقى تبعتلى صورة منها عشان ككسلان انزل اصورها

اقتباس :: انت انسان :ملتزم@عِندى@شجاع @ذكى@طيب@شرير@

كل دول في بعض
بس شيل شرير دي
عشان انا لا بحب اؤذي حد ولا حد يؤذيني

اقتباس :: افكر ومحتمل ارجع سلام

يا باشا البيت بيتك
تعالى براحتك

wae4

أنا المستحيل بذاته كتب:: لو طلبت منك تدعيلي هتدعيلي بإيه ؟؟؟؟ وخلي بالك تدعيلي ما تدعيش عليا

وخلاص يا باشا كفاية عليك كده

وأخر الكلام هو السلام

[/size]

هدعى واقول ربنا يحققلك كل احلامك واولهم الستر وراحة البال ويديك على اد ضميرك
وبس
كفاية الدعوة دى

سلام يا مستحيل

wae4

ScoField كتب:: هانى حبيب قلبى وعينى وننى منور

أنا جيت بس أصبح

بس مش حسأل النهارده

بس حقولك إدخل نام عشان عايز أقعد على الكمبيوتر لما أرجع البيت

منور يا حبي

ارجع انت بس كدا

والسكينه جنبي بقشر بيها برتقال

هغزك بيها والله

sdrtaeQF

هيثوووووم كتب:: هانى داود على الكرسى
انا والله عارف ان فى ناس كتير كانوا مستنينك من زمان علشان كده اى حد اعرفه قولتله يخش يصوتلك والحمد لله قعدت على الكرسى يعنى يعتبر غصب عنك
هههههههههههههههههههههه

والله يا هيثوم
اول ما شفت اسمي في مرسي الاعتراف
عرفت على طول انك هيبقى ليك يد في المشوار دا
وعارف انك السبب الرئيسي
تخليص حق طبعا
بس عموما انا هنا على الكرسي
ومن غير واسطة اهو
عشان محدش يقول انى ديكتاتور
واديني على الكرسي اهو يا عمنا
ومن غير سلاح
يعني اعزل
لما نشوف بقى هتعمل ايه
عشان كل دا بيتحوش لك بعدين

اقتباس :: المهم اسلوقك بقى اصدى اسئلك

اسلق قصدي اسأل براحتك
هوا السؤال بفلوس يعني ولا بفلوس

اقتباس :: ايه رايك فى المنتخب فى بطوله الامم الافريقيه؟ وهل ممكن نوصل كاس عالم ولا لسه

انا بصراحة يعني مكنتش متوقع ان دا منتخب مصر اصلا
ايه دا ياعمنا تقولش البرازيل بتلعب
خصوصا ماتش الافتتاح مع الكاميرون وماتش كوت دي فوار
والله انا قلت هنطلع بفضايح خصوصا قدام دروجبا وشلة الانس
لكن سبحان الله فيه واحد قال لى ان ربنا كبير
واننا هنغلب كوت دي فوار
وطبعا رجالة مصر عملوها واخدوا الكاس باداء هجومى مشرف من اول ماتش لاخر ماتش بصراحة

ودبسونى في عزومة

اقتباس :: وايه اللى نعمله علشان نحافظ على مستوانا ؟

اننا نسيب حسن شحاتة يتصرف في المنتخب
ونعمل له كل حاجة هوا عايزها
ونوفر له الاستقرار
وتوافر الروح والحماس
وطبعا دعوات كل المصريين

اقتباس :: ورايك فى الاهلى فى الفتره الاخيره ؟

بلاش كورة بقي
بس فيه جملة مشهورة اوي بحب اقولها في الموقف دا
الاهلى عامل زى الحزب الوطنى >> يستحيل يخسر ابدا

اقتباس :: ونفسك مين ينضم للزمالك ؟

اى لعيب عنده شوية دم
بس لو عاوز اسماء
يبقى حسني عبد ربه عمر جمال محمد ابراهيم لاعب انبي

اقتباس :: بس كفايه كوره نخش على اى حاجه تانيه

احسن برضو عشان الملل

اقتباس :: ايه رايك فى نفسك وناوى على ايه ولقيت بنت الحلال ولا لسه بدور؟

الحمد لله راضي عن نفسي
ناوى اشوف مستقبلي بس لسه رايا كام حاجة كدا
اخلصها الاول وابقى فاضي جدا وادور على نفسي بقى
لسه بصراحة مش لاقي بنت الحلال
ولما احب ادور هبقى اقولك عشان ترشح لي sdrtaeQF

اقتباس :: ومواضفات فتاه احلامك ايه ؟

اغلس سؤال في الدنيا بصراحة
المهم بقي
مسلمة
طيبة
اكون بحبها وتكون بتحبني
تكون فيه صفات مشتركة بيننا
تكون من النوع اللى بيهتم بنفسه طبعا
متجددة دائما
مبتسمة على طول
انما الصفات المظهرية مش مشكلة يا سيدي

اقتباس :: وامتى هتيجى بقى رشيد علشان اطحنك فى pes 2008 ؟

ربنا يسهل يوم الثلاثاء لو كنت فاضي
وحضر نفسك بقى
عشان هتتقطع يا معلم
انا في البلاي ستيشن مبهزرش
هطحنك يعني هطحنك

اقتباس :: وكفايه عليك كده بس والله الكرسى منور بجد

اه كفاية بقى
انت تشرف في اى وقت يا هيثوم
انت مش ناوى بقى تيجي عشان نلعب كورة يا معلم
ولا خفت وخلعت
sdrtaeQF

اقتباس :: سلام يا حبى

سلام يا حوبي
wae4

هانى باشا علي الكرسي
لالالا
مش مصدقة
يلا نبتدى يا باشا

1_ من انت ؟

2__ كم شخص عندك على المسنجر ؟

3_هل فعلا انت مرتاح فى تواجدك فى المنتدى ومع الاعضاء ؟

4_عضو يستحق الصداقة مين؟

5_عضو شخصيتة مثل شخصيتك ؟

6_عضو تعجبك شخصيتة ؟

7_عضو شفتة ؟ وعضو تتمنى ان تشوفة ؟

8_اذا كنت متضايق اية اول حاجة بتفكر تعملها ؟

9_ اية احلى ذكرى فى حياتك ومستحيل تنساها ؟

10_باقة ورد لمن تهديـــها.....؟

11_باقة شوك لمــن تهديـــها......؟

12_جريمة تتمنى ارتكابهــــــا.......؟

13_قطعة فحم صغيرة وجدار نظيف ماذا سترسم عليه وماذا ستكتب تحت الصورة ؟

14_ ما هو احساسك وانت معصور علي الكرسي دلوقتى ؟

15_ بتفكر فى ايه دلوقتى حالالالا ؟

16_ بتقول ايه لما بيصيبك الملل ؟

17_ عاوزة اهداء منك لاى عضو انت تحبه ؟

18_ عاوزة كلمة اخيرة منك ؟

انا جيت
عارفة هتقولى نورتى
انا بصراحة قلت ادخل اسلم بكذا سؤال كدة
اصل بابا علمنى ان اكرام الضيف واجب وداه واجب الضيافة ياهانى
هتفضل اسال

1-ماهو اول انطباع الناس بتخدوا عنك

2-متى تشعر بالسعادة

3-متى تشعر بالامان

4-ماهو اسعد خبر سمعتة فى حياتك

5-اكتر مكان بتحبه

6-هتجيب لمامتك اية هدية بمناسبة عيد الام

7-رسالة تود ارسالها لشخص عزيز على قلبك ما مضمونها

8-ماهو رد فعلك اتجاه الناس الذين اساءوا لك

9-مامعنى هذه الكلمات بالنسبة لك

الفشل

الظلم

النجاح

الشهرة

الغرور

السلطة

يالة نسال شوية فى الحب

10-رايك فى هذه المصطلحات المرتبتة بالحب يعنى قول لنا عنها حاجة بسيطة

حب المراهق

الحب الاول

الحب المعذب

الحب الحقيقى

الحب الفطرى

نسيب الحب لناسه احسن ونغير الموضوع

شوية اسئلة مختلفة لاننا نختلف عن الاخرين خالص وعايزة اجابة صريحة اياك تعمل زى محمد هنيدى فى وش اجرام للكمبيوتر يفرقع فى وشكك

11-تقول ايه عن شباب اليومين دول

12-وبنات اليومين دول

13-رؤساء اليومين دول

14- اخبار اليومين دول

15-مدرسين اليومين دول

16-طلاب اليومين دول

17-مطربين اليومين دول

18-مغنيين اليومين دول

19-عرب اليومين دول

20-اصدر قرار بتعينك رئيس للجمهورية معروف انك هتركب العربية ومعاك الحراس وتلف فى امكان معينة فى البلد وهتستقبال تهانى واتصالات الزعماء كل داه معروف السؤال بقى

ماهو اول قرار هتفكر بانك تلغيه

واية اول قرار هتتخذه

21-فى نهاية حوارنا معاك عايزينك تقول كلمة لشباب مانوس

كفاية كده وعلى فكرة دى اسهل اسئلة عندى مش عارفة لوضغطت عليك شوية فى الاسئلة هيحصل اية

ممكن ارجع تانى عارفة هتقولى هنور ماالبيت بيتنا كلنا

سلام دلوقتى

» مسابقة " بنوتة مانوس المميزه "
» برنامج " موبايلك معانا " ::: Only_you:::
» مســابقة الشعر " شارك معانا "
» كلمات اغنيه ازاى ضيعتك من حضنى """"(رامى صبرى)""""
» وحيد سيف بيهزق شعبان عبد الرحيم """" فيديو """"