هل تقبل الزواج من فتاه اغتصبت

السلام عليكم ورحمة الله وبركاتة
احب اطرح واناقش معاكم موضوع زى ده مهم اوى
_______________________________
الموضوع هوة
ان احنا اكيد كلنا بنسمع عن حالات الاغتصاب اللى بتتعرض ليها البنات يوميا
ولو انت حبيت انسانة وبعد محبيتها اغتصبها واحد
ياترى ممكن تتجوزها وخلاص ولا هترفض
ولو خطبت بنت وقالتلك انها اغتصبت من زمان من قبلك ياترى هتقبل تتجوزها
سؤااااااااااااااااااااااااااااااال مهم اوى للمناقشة
واكيد ده سؤال للشباب واحب برضو البنات يضيفو ارائهم

لا طبعااايا سلمى لان الواحد فى مصر وعموماا فى الشرق الاوسط ما ينفعش ان حبيبته يحصل فيها كده وبعدين بنات الناس كتييييير ويعيش حياته

بصى انا اول مرة اكتب فى الموضوع وفى المنتدى دة

ازيك الاول
لو انا حبيت واحدة واغتصبت واحنا مع بعض اكيد ممكن اسامح علشان انا عارفها هى على اية على اساس انها موش بيتعمل حاجة تخلى السباب يعملوا كدة غصب عنهم ولو غير كدة يعنى بيتعمل حاجات تخلى السباب بيتبصلها وانا قلتلها كدة لاء وموش عارفه تغير نفسها يبقى مينفعش اسامحها علشان موش سمعت الكلام من الاول (دية الحالة الاولى )
ولو انا حبيت واحدة وقالتلى انها اغتصبت قبل ما تقبلنى مينفعش اسامحها علشان انا مكنتش اعرف هى كانت عاملة ازاى او هى على اية ممكن تكون كانت بيتعمل حاجة زى ما قولتلك بيتعمل حاجات تخلى يعملوا كدة غصب عنهم وبعد ما حصل اللى حصل تتغير بس برضة انا مقدرش اسامح (ودية الحالة التانية )
اسف لو كنت ضايقت حد ومعلش طولت عليكوا

بصراحه هو موقف صعب ،يعني ربنا يبعدنا عنه
لو بعد م خطبتها قالتلي طبعا مش هوافق اني اكمل لانها مقلتش من الاول يعني
انما لو بحبها ودا حصل بصراحه مش عارف بقي لانه موقف صعب بصراحه مقدرش افكر هيبقي ايه شعور او تفكيري ساعتها علي حسب درجة حبي للبنت دي
وفي الاخر برده ربنا يبعدنا ويحفظنا عن كل ده (وبيقولوا برده مفيش حاجه اسمها اغتصاب ،، شفتي فيلم احمد زكي لما كان محامي وانبوبة الحبر .... وصلت )
ومشكورة جدا يا سلمي علي الموضوع المميز ده

شكرا لمروركم
wae4

بصراحه هقفل لان ده حاجه غصب عنها والمهم هيا معايا عامله ايه وسواء قالت في الاول او قالت بعد ما ارتبطت بيها ده حاجه بتاعتها هيا والمفروض ان حياة البنت بتدا اول ما بتقابلني والمهم انها تحترمني وتصوني ولو عملت غير كده يبقى بجد هكون انا والزمن عليها وده حرام وخصوصا لو هيا انسانه كويسه وبتحبني بجد
وشكرا على التوبك الجامد ده wae4

كويس والله ان فى موضوع من مواضيعى عجبتك

العموم شكرا لمرورك

الموضوع دا هايل يا سلمي بصراحة وبحييكي عليه

انا مش هتكلم او اعلق على رد اى عضو من اللى سبقونى في الرد لان دى وجهة نظر وحرية شخصية لكل عضو مع انى بقول ان ايهاب غلطان بصراحة

المشكلة اننا في مجتمع شرقي وانتى عارفة العادات والتقاليد
المكشلة الرئيسية هنا يا سلمي مش مشكلة واحدة
لا هما مشكلتين بالظبط

اول واحدة نظرة الناس ليها وكلام الناس عليها وطبعا كلامهم عليا ودا طبعا حاجة مش مهمة اصلا ولا بيهمنى كلام الناس طالما الحب موجود

تانى مشكلة والاهم طبعا هي هتبقى حاسة بايه ..... طبعا اى كلمة ولو من غير قصد ممكن تعتبرها تلميح او انى مش عاوزها ودا طبعا هيجرح من كرامتها جدا ومش هيتوفر لها الهدوء النفسي في حياتها او في حياتنا احنا الاتنين وهتبقى عايشة دائما في حالة قلق دائم وخوف

بس عموما يعني ردي النهائي في الموضوع دا انها لو كانت متدينة وكان بيننا حب اكيد هوافق انى اتجوزها طبعا بس بشرط انها متبقاش متضررة نفسيا لان قضية الاغتصاب دي ممكن تحصل لاى واحدة قريبتي او اى واحدة عموما

ربنا يحفظنا من شرور انفسنا

نايس توبيك يا سلمي

ردك يا هانى صح جدااااااااااااااااا

بس رد ايهاب وجهه نظر مش اكتر

ربنا يحفظنا
خصوصا البنات
الولاد مش مهم
3W4

الف شكر ياهانى عشان رديت علي الموضوع
نورت الموضوع والله

wae4

والله الموضوع كويس وممكن يحصل يعنى مش مستبعد نظراً للظروف الاجتماعيه
المهم بما اننا عايشين فى مجتمع شرقى دينه الاسلام فالمفروض يوجد سماحه يعنى انا بحب بنت وناوى على ارتباط او مرتبط بيها وحصل معاها كده هى مش مذنبه واكيد كان غصب عنها مش لازم اكون انا كمان عليها واظلمها يعنى كفايه الظلم اللى اتعرضت ليه وعا شت فيه
ومشكوره على موضوعك

شكرا يافانتوم لمرورك

نورت الموضوع

» هل تقبل الزواج بفتاة اكبر منك؟
» هل تقبل الزواج من فتاة تكتب بالمنتديات..؟ للمناقشة
» هل تقبل الزواج من فتاة لا تنجب ؟؟ ونفس السؤال للبنات
» هل الزواج عن حب أنجح ام الزواج التقليدي ؟؟
» قبل الزواج.... وبعد الزواج