هل تقبل الزواج من فتاة لا تنجب ؟؟ ونفس السؤال للبنات

بسم الله الرحمن الرحيم

يقوول الله عزوجل (المال و البنون زينةُ الحياة الدنيا)

فجميعنا نتمنى ان يرزق بأبناء ..

لكن لو وجدت البنت شاب لاينجب واخلاقه عالية ولكن عيبه الوحيد لاينجب

(( تقبلين الزواج منه ؟؟؟ ))

وكذلك السؤال موجه للشباب ...

(( هل تقبل الزواج بفتاة لاتنجب ؟؟؟ ))

واذا تزوجتم واكدت الفحوصات بأن احد الطرفين لاينجب فما هي ردة الفعل ؟؟؟؟

هل تهون عليكم العشرة طوال السنين التي قضيتموها مع بعض وتفترقا ؟؟؟؟؟

هل يهون عليكم الحب الذي تبادلتموه ؟؟؟

هل تختفي كل المعاني الجميلة بمجرد سماع هذا الخبر ؟؟؟

أم انك ايها الرجل تريد الزواج من امراة ثانية وبقاؤها على ذمتك
(( ام ماذا ؟؟؟ ))

وانت ايتها الإمرأة ماذا ستكون ردة فعلك ؟؟

هل ستطلبين الطلاق والانفصال او تبقين صابرة محبه ومتعاونة وتحاولين ان تنسيه همومه ... مستني الردود

اولا ميرسي علي الموضوع الهايل دة ياهاني
ثانيا بصراحةلو اكتشفت دة قبل الزواج مش هقدر اكمل معاة صعب اني اتحرم من نعمة اني ابقي ام ويبقي لية اولاد وموضوع انة شاب محترم وكويس مش هتغني عن الامومة
لكن لو اكتشفت دة بعد الزواج هيبقي قدري اني اكمل معاه مش هقدر انفصل عنة لان خلاص دي بقت حياتي ولازم ارضي بالامر الواقع وربنا يعوض علينا

وميرسي ليك ع الموضوع

اولا:بشكرك يا هانى على الموضوع الجامد ده ثانيا:راى انى بدل اتجوزت وطلعت ما بتخلفش هرضى بنصيبى واعيش معاه لان حط انتا نفسك فى الوضع المعاكس لانك لو عملت غير كده تبقى جرحتها وانا محبش اجرح حد.

هوه فعلا موضوع مهم جدا وماحدش عارف الزمن مخبى ايه

وانا رايى نفس راى سوسو انى لو عرفت من الاول يبقى مش هقدر اكمل

بس لو عرفت بعد الجواز خلاص يبقى نصيبى كده

وشكرا هانى عالموضوع

موضوع جميل اووووووووي ومفكرتش فيه قبل كدةبس انا شايفة لو عرفت قبل الجواز انا مش بيخلف افضل الانفصاللكن لو بعد الزواج عرفت استحالة اني اسبيةبس هو ياتري لو مكاني كان هيعمل ايه؟

عسى عامك سعاده وحب وتفرح بالهنا كله وكل الدنيا تضحك لك يالغالي
عسى لبسك السندس وعطرك المسك وشربك الكوثر وبيتك الجنة وعيد مبارك

رايي انها حاجه صعبه اوي ومحدش كتير بيفكر فيها بس انا لو في الموقف ده لو قبل الزواج وانا بحب البنت دي وعرفت كده هتجوزها عشان انا بحبها ولو سيبتها هجرحها ودي حاجه انا مقدرش استحملها عليها واكيد هكمل معاها بعد الزواج لو عرفت بردو

والله ياهانى موضوع جميل بس مدام فى حب مافتكرشى انه ممكن يأثر لا قبل الزواج ولا بعده ومش كل اللى بيتجوزو بيخلفو يعنى وبيبقو عايشين برضو وميرسى ياهانى على الموضوع

طالما ما أنا بحبه مش حتفرق حخلف ولا لأ لأن الخلفة دى حاجة بتاعة ربنا بس حزعل شوية من غير ماحسسه انى زعلانة

وبعدين سعتها كمان ححط نفسى فى مكانه

شكرا على مروركم وردودكم الرائعة

وانا بصراحة اكتر رأيين عجبونى رأي
سمكة توتوس و A_A

لان انا بصراحة مش متخيل انى احب واحدة واقوم اسيبها لسبب انها مش بتخلف مثلا
طبعا كل شيء قسمة ونصيب وربنا اللى بيقرر انا معاكم في كدا
بس مش يمكن لو اتجوزت واحدة تانية تطلع برضو مش بتخلف هي كمان
وساعتها هبقى خسرت خسارة كبيرة جدا
وهفضل طول حياتى ندمان
طبعا ممكن ابقى زعلان
وهى اى تصرف منى بحسن نية ممكن تفهمه غلط
دا غير كلام الناس طبعا والاقارب
بس هرجع واقول مستحيل حد يلاقي الحب الحقيقي ويضحي بيه لاى سبب مهما كان

شكرا على مروركم لانه بجد موضوع حساس جدا محدش بياخد باله منه

Hany_Dawood2010 كتب:: بس هرجع واقول مستحيل حد يلاقي الحب الحقيقي ويضحي بيه لاى سبب مهما كان

الله ينور عليك يا هانى

الجملة دي لخصت الكلام في الموضوع دا كله
موضوع هايل بجد
تسلم ايدك

lموضوع جميل
انا راى
انة مش كل اللى بيخلفو سعداء و لا كل اللى بيطلعوا سلام فى التحاليل بيخلفو
و الانسان لما بيتجوز بيختار انسانة او انسان يحبة بكل عيوبة و مميزاتة لان السعادة اصبحت صعبة هذة الايام

انا لو بحبه مش هسيبه سواء كنت اتجوزته او لسه

هضحى بامومتى علشان احافظ عليه معايا

وهو لو بيحبنى هيعوضنى بحبه ده عن اى شئ تانى

وربنا قادر على كل شئ

وميرسى يا هانى على الموضوع الجامد ده

وبجد كويس انك فكرت فى سؤال زى ده

مدام فى حب مافتكرشى انه ممكن يأثر لا قبل الزواج ولا بعده ومش كل اللى بيتجوزو بيخلفو يعنى وبيبقو عايشين برضو

و اهم حاجة الحب و اتقاء الله ي الطرف الاخر

» هل الزواج عن حب أنجح ام الزواج التقليدي ؟؟
» هل تقبل الزواج من فتاه اغتصبت
» هل تقبل الزواج بفتاة اكبر منك؟
» فتاة ترفض الزواج من الرجال وتتزوج كلب حقيقة
» حتعمل اية لو اتسألت السؤال دة رد بصراحة