سؤال خاص للبنات

ندخل فى الموضوع علطول..

اقتباس :

- هل تقبلي زوج غير موظف ومازال يكمل دراستة الجامعية؟ولماذا؟

ما اقبلش طبعا..لانه ببساطه هيكون لسه اهله اللى بيصرفو عليه..فازاى يعنى اهله هيصرفو علينا احنا الاتنين يعنى

وكمان الله اعلم هيشتغل ايه لما يتخرج..ما احنا فى بلدنا الشغل مش مقطع بعضه يعنى والحياه العمليه مش فاتحه ايديها الاتنين للشباب..يعنى الواحد ممكن يتخرج ويفضل كذا سنه من غير شغل اصلا

اقتباس :

هل تقبلي زوج أكبر منك بينك وبينة 15 سنة او عشر سنوات؟ولماذا؟

هوه فرق السن الكبير ده مش حلو..لان معنى كده ان هيبقى فيه فرق جيل كامل بين الزوج والزوجه..وده هيخلق اختلاف فى التفكير واختلاف فى النضج العقلى بينهم

يعنى تخيل مثلا زوجه عندها 20 سنه وزوج 35 سنه..... هتكون الزوجه لسه تفكيرها ايه عن الدنيا والحياه غير انها فسح وخروجات وسهرات وكده..لكن الزوج هيبقى ميال اكتر للاستقرار وفاهم الخروج ده على انه لعب عيال ومش ليه لازمه..على الرغم انه لو رجع بذاكرته لنفس عمرها هيلاقى ان اكيد وقتها تفكيره كان كده

ده كمثال يعنى..

اقتباس :

هل تقبلي زوج مطلق بدون معرفة سبب طلاقة؟

استحاااااله طبعا...لازم اعرف السبب لان اللى يقدر يطلق مرة ممكن يطلق تانى..طبعا كل شىء نصيب بس برضه لازم ناخد بالاسباب

اقتباس :

هل تقبلي بزوج موظف بسيط لايتجاوز راتبة 200 ولماذا؟

هيا المشكله دلوقتى ان ال200 جنيه دول مبقوش بيعملو حاجه خالص دلووقتى.. بس لو هوه عنده طموح..بمعنى انه مش خلاص راضى بال200 ج دول ويروح يقعد يتفرج عالتلفزيون وينام..لا بالعكس بيحاول يحسن دخله بانه يشتعغل ف حاجه تانيه وكده ،،وكمان لو كانت اخلاقه كويسه وائتمنه على نفسى وعلى حياتى معاه..يبقى ممكن

اقتباس :

هل تقبلي بزوج وظيفتة بشكل مستمر كل يوم في بلد يعني يوم عندك ويومين خارج البيت؟

والله طالما شغله كده هعمله ايه يعنى

اقتباس :

هل تقبلين ان يكون مهرك 30 الف جنية ؟وهل يقبل اهلك بذالك؟

هوه انا بس مستغربه اشمعنى 30 الف بالذات..بس ده مهر كويس وفى بلدنا تقريبا ده متوسط المهر الى بيندفع

اقتباس :

هل تؤايدين أن يكون زوجك من خارج العائلة؟أو من العائلة؟ ولماذا؟

مش هتفرق..بس انا مش بحب جواز القرايب اصلااا

اقتباس :

من وجهة نظرك ماهو العمر المناسب بالنسبة للبنت للزواج؟ولماذا؟

انا رايى اللى ممكن بنات كتير ما توافقش عليه يعنى ان انسب عمر هوه فوق 25سنه..لان البنت بيكون تفكيرها العقلى نضج بشكل كافى انها تفهم يعنى ايه جواز ومسئوليه..لان فى عمر اقل من كده بيكون دايما كلهم باصين للزواج على انه زفه وفرح وفستان وبس

وبعد كده بيفوجئو بالمسئوليات وكده وتفضل تلعن اليوم اللى فكرت تتجوز فيه اصلا..وده حقيقى وواقعى جدا واسالو اى بنت اتجوز خصوصا لو كان عمرها من 18-23 سنه

اقتباس :

إذا تقدم لكِ شخص أحببته هل توافقي عليه؟ ولماذا؟ وهل سيقبل أهلك بذلك؟

هوه انا اكيد طالما بحبه ولقيته اتقدملى يبقى هوافق عليه..بس طبعا موافقه اهلى عليه ههتوقف على مدى قدرته انه يفتح بيت والشقه والمهر والكلام ده طبعا يعنى

اقتباس :

هل تخافي ان يفوتك قطار الزواج؟ ولماذا؟

لا مش خايفه..لان كل شىء نصيب اصلا خصوصا الجواز ده

وفيه مثل بيقول(قعده الخزانه ولا جوازة الندامه)..::بمعنى ان مش لازم الواحد يتسرع ويتجوز اى جوازة وخلاص لمجرد انه خايف قطر الجواز يفوته لان ممكن ده يخليه يختار اختيار سىء يتدم عليه طول عمره

وفى الاول والاخر اصلا محدش بياخد غير نصيبه

اقتباس :

ماهي شروطك لزوج المستقبل بصراحة؟وهل تتنازلي عن بعضها؟

هيه فيه شروط اساسيه استحاله اتنازل عنها لو حتى ما اتجوزتش اصلا

انه يكون محترم ومتدين ويخاف من ربنا ويتقيه وقبل ما يفكر يعمل اى حاجه يكون بيسال نفسه دى حلال ولا حرام
وانه طبعا يكون مش بيشرب سجاير

وانه يكون بار بابوه وامه..لان لو علاقته باهله كويسه يبقى اكيد هيعامنلنى كويس

دى الشروط الاساسيه وطبعا يكون عنده قدرة انه يفتح بيت ويصرف عليه..ماهو مش انا اللى هصرف عليه بقى

بس كده

نايس توبيك يا هيرو

واتمنى من الكل المشاركه...

والله رئك جميل ومقنع مون لين
وفعلا رد جميل وعاقل الا حد كبيبر بس ياريت يكون حقيقي
تحياتي ومشكور علي مرورك وليا تعليق بس لما نخد رئي الجميع

هيرو

- هل تقبلي زوج غير موظف ومازال يكمل دراستة الجامعية؟ولماذا؟
اه اقبل انا خطيبى لسه بيدرس بس هو الى مش فى دماغه الكليه شويا كان اهم حاجة شغله قبل كدة لكن دلوقتى مطلوب منه الشغل والدراسه

ادعوله والنبى
2- هل تقبلي زوج أكبر منك بينك وبينة 15 سنة او عشر سنوات؟ولماذا؟
بصراحه لا
ايه هو انا هتجوز واحد اد ابويا لا طبعا مش يزيد الفرق عن 5 يعنى عشان يبقى العصر الى احنا عيشينه واحد لكن مش اتجوز واحد اكبر منى بعشرة او 15 ابقى انا بفكر فى الكمبيوتر وهو لسه مش وصل للموبيل
- هل تقبلي زوج مطلق بدون معرفة سبب طلاقة؟
لا طبعا انا مش هقبل بواحد مطلق اساسا لان كدة اكيد هو هيبقى اكبر منى بكتير اوىىىىىىىىىى اكيد الفرق هيبقى كبير وبعدين عمر الاب والام مهيوفقوا
هل تقبلي بزوج موظف بسيط لايتجاوز راتبة 200 ولماذا؟
اولا كل الشباب بقى كدة دلوقتى وبعدين هو اساسا عمرة مهيبقى ساكت على ال200 دول حتى قبل ميخطب او يفكر فى الموضوع ده كله بيشتغل عشان يكون نفسه بس انا عن نفسى بدال بحبه وهو بيحبنى وشارينى ممكن اعمل عشانه اى حاجة فى الدنيا
بس طبعا بتيقى مشكله جامدة عند الاب والام
هل تقبلي بزوج وظيفتة بشكل مستمر كل يوم في بلد يعني يوم عندك ويومين خارج البيت؟
هعمل ايه مهو شغله بقى كدة
بس طبعا هبقى لازم عارفه بيعمل ايه كل يوم مهو مش بعيد عن عنيا كدة وخلاص

هل تقبلين ان يكون مهرك 30 الف جنية ؟وهل يقبل اهلك بذالك؟
ليه ان شاء الله دة تحويشه عمرة كله مش هتبقى نصها الا ايزا كان عندة بقى مامى وبابى هما الى هيدفعوله
واكيد طبعا مش هوافق عليه
بص هقولك على حاجة الاهل دلوقتى بيبصوا لايه شبكه فلوس هيقدر يعيشها احسن من المستوى الى هيا عايشه فيه مش ادة كمان بيتهيقلى كل الاهالى بتفكر كدة من وجهت نظرهم بيحفظوا على بنتهم وبيضمنوا مستقبلها
هل تخافي ان يفوتك قطار الزواج؟ ولماذا؟
ههههههههههههههههههههههههههههه
لا عادى كل شئ فى الدنيا دى اسمه ونصيب اكيد
هل تؤايدين أن يكون زوجك من خارج العائلة؟أو من العائلة؟ ولماذا؟
لا عادى ممكن يكون من العيله بس مش برجح جواز الاقارب طبعا عشان المشاكل وكدة بيبقى مشاكله كتييييييييييييييييييير اوى
من وجهة نظرك ماهو العمر المناسب بالنسبة للبنت للزواج؟ولماذا؟
مش يقل عن 20 يعنى بعد متخلص الكليه بتعها
يعنى بيكون خلاص بقى العقل كبر وكدة وتكون فعلا مؤهله انها تكون مسؤله عن اسرة وزوج
وتقدر تتعامل مع الحياه لوحدها بعيد بقى عن اهلها وكدة يعنى مسؤليه
إذا تقدم لكِ شخص أحببته هل توافقي عليه؟ ولماذا؟ وهل سيقبل أهلك بذلك؟
هل اوافق عليه وهيا دى محتاجه سؤال امال بحبه ازاى
عشان بحبه
الاهل مش بتبص للحب والكلام دة دة من وجهت نظرهم هبل ومش بيعترفوا بيه مه انهم يعنى زمن عبد الحليم حافظ يعنى الحب كله بس نقول ايه بقى ابهات وامهات اخر زمن
ماهي شروطك لزوج المستقبل بصراحة؟وهل تتنازلي عن بعضها؟
اكيد اول حاجة انسان محترم عارف ربنا كويس
احس انه بجد الانسان الى اقدر اعتمد عليه
احساسى بالامان معاه
يكون بيحبنى بس بيحبنى حب بجد
مش متسرع فى قراراته وعقله ناضج