سؤال للبنات وسؤال للولاد

احب اسالكم سؤالين ... سؤال للبنات .. وسؤال للشباب

1) سؤال البنات :::: هل تفضلين الزوج صاحب المال والثراء ام الزوج صاحب الحب والحنان حتي ولو كان فقيرا ؟؟؟
________________________
2) سؤال الشباب ::: من تتمنى الزواج منها --- صاحبة القلب الحنون و
الحب الجارف ام صاحبة الوجه الجميل الفاتن ؟؟؟

اولا انا بشكرك يا قمر على التوبيك الجميل ده

الرد بقى على سؤالك 000000

انا عاوزه واحد يحبنى ويحافظ عليا واحس معاه بالامان

ميهمنيش هعيش معاه فين ولا ازاى

بس مين اللى هيوافق على كدا

الاهل دايما بيدوروا على اللى يعيشنى فى مستواى

مفكرين انها لو عاشت فى اقل من مستواها مش هتقدر تتكيف معاه

بس شخصيه البنت بتقدر تفرض عليهم رايها باقناعهم مش بعقوقهم

ياريت اكون قدرت اوصلك رايى ميرسى مره تانيه

انت صح ياسومة الاهل بتيص ده حيقدر يسعد بنتى ويعيشها فى المستوى الى هيا فيه او أعلى على طول يفقوا ولو مستوى أقل يرفضوا

نسوا ان فى حاجة اسمها التوافق بين الزوجين وحاجة أسمها حب
بس سعات بلاقى أن عندهم حق لأنهم شايفين هية ده الوسيلة لأاسعاد بنتهم مش عايزنها تتعب فى حياتها

واكيد انا بفضل الى بيحبنى لأن الحب و الحنان أغلى من أى مال ونادر أنى ألقيهم مع اى حد

اكيد طبعا اى انسان يتمنى يلاقى نصه التانى واكيد برضه يتمنى انها تكون بتحبه وتكون صاحبه قلب حنون لانها بذالك ستعطيه كل حبها وتسعده وهو كمان يسعدها

لان الحب عمله نادرة فى الزمن ده

ومشكوره جدا يا a_aعلى الموضوع الجامد ده

) سؤال الشباب ::: من تتمنى الزواج منها --- صاحبة القلب الحنون و
الحب الجارف ام صاحبة الوجه الجميل الفاتن ؟؟؟

والله سؤال صعب حبتين !!!!!!!!!!

انا والله اهم عندى الاخلاق وحنية القلب لان دي اللى هتقدر تعيش مبسوطة معايا وانا ابقى مبسوط معاها وبعدين عشق الجسد فانى يعني ممكن اتجوز واحدة حلوة تقوم تتحكم فيا وفي اللى جابونى وتذلنى بجمالها كل شوية وممكن تانى يوم لا قدر الله جمالها يختفى او يحصل حادث لكن لو طيبة وحنونة هافضل طول عمرى احبها حتى لو كانت اوحش واحدة في العالم

الرسول قال ( صلى الله عليه وسلم ) : < تنكح المرأة لاربع لمالها ولجمهالها ولحسبها ونسبها , فاظفر بذات الدين تربت يداك > صدق رسولنا الكريم

تنكح يعني تتزوج .
أظن الرد كدا وصل

طبعا المال مش كل حاجه واحتمااااال ما يدومش او يكون نقمه مش نعمه

ممكن كمان يكون غنى بس بخيل دى ناحيه
كمان الحب والحنان لواحدهم مش كفايه لانهم مع الفقر والعيشه الصعبه ها يبهت لونهم
لازم حاجات تانيه تسندهم زى الامان والدخل المعقول والرضا والامل فى مستقبل احسن
ولازم طبعا تكون اخلاقه كويسه ويتقى ربنا فيها
شكرااااا على الموضوع الجميل ده

هو اهم حاجه القلب الحنون من الوجه

اصل الوش مش كل حاجه

بس مش معني كده انها تبقي حنونه ووشها استغفر الله العظيم

بقلك ايه ممكن اخد الاتنين

ههههههههههههههههههههههههههههههههههههههه

موضوع جميل اوى وسال اجمل
بوصى هولازم يكون بيحبنى وحنين عشان اناكمان احبه وحكايت المال ده مش كل حاجه اهم حاجه الحب هواللى بيدوم امه الفلوس بتروح وتيجى .....بس بقه المهم بعدالحب ده ان الاهل يوفقم عليه حتى لوكان فقير وعلى قده

بسراحة الاثنان معا في البنت لان انا احب الوجة الحسن والاخلاق الحميدة

ومتكونش بتحب نفسها

سؤال للبنات وسؤال للولاد 5110

بصراحة اعتقد يكون حنون وطيب وبيحبنى علشان الرزق ده من عند ربنا وفعلا الفلوس بتروح وتيجى فا لو بنحب بعض وهو طيب هنساعد بعض لحد مانبقىحاجة كويسة لكن ممكن يكون معه فلوس وعلى راى بنت مصر يتطلع بخيل والموضوع حلو موت

بصراحه لازم الاتنين يكونوا مع بعض يعنى يكون طيب وحنين ويكون مستوااااااااااه معقول يعنى لازم يكون فى توازن بين الاتنين وميرسى على موضوعك الجميل دا

الفلوش مش كل حاجة فى الدنيا ما ممكن البنت تتجوز انسان غنى بس مش قادرة تعيش مش سعيدة يبقا كدة مستفدتش باى حاجة ولا حب ولا سعادة ...انما لو انسان مقدرها و بيحبها و خايف عليها اكيد هيعمل المستحيل علشان يسعدها حتى لو باقل تكاليف بس اكيد هيا هتكون سعيدة ...

انا أفضل الزواج من صاحبة الدين والخلق اما الجمال فانه لا يهم بقدر ما يهمني تمسكها بالدين الحنيف لان الجمال مع مرور الايام سيذبل كما تذبل الورود وشكرا على الموضوع

تاخدوهم فقراء يغنيهم الله لازم يكون بيحبنى وبحبه طظ فى المال الفلوس بتروح وتيجى وميرسى لموضوع الجميل دة يا a_a

انا افضل اللي يحبني واللي يقدر حبي ليه ومش مهم الفلوس لانها اخرتها هضيع بس الحب عمره مايموت

انتو خرجتو علي فكرة بره الموضوع

نرجع تاني بقي واسأل سؤال للبنات

هل تقدري تستني شخص بتحبيه وهو مثلا لسه ادامه مشوار عقبال لما يتقدم ليكي وفي نفس الوقت ده بيتقدمك شباب في نظر اهلك كويسين وفي نظرك انتي عادي بس انتي طبعا المفروض انك بتحبي واحد هل ممكن تضحي بجزاء من عمرك عشانه ؟ وكمان تقدري تخالفي اهلك

ياريت الرد يبقي رد واقعي ويعقل لو حد قرأه بعيد طبعا عن الخيال والافلام والمسلسلات

وانا عن نفسي بقول ان ده عمره ما هيصل او ربما يكون نادر والنادر طبعا لا يقاس عليه

بصى يا اكشن

انا ممكن استناه ولو لاخر لحظه فى عمرى

بس مش هخالف اهلى ولا حاجه

لو الانسان ده كويس وانا بحبه

ان شاء الله هقدر اقنع اهلى انهم يقفوا جنبى لحد ما حبيبى

يكون نفسه وييجى يتقدملى

واكيد لو انا مختاره الانسان الصح هقدر اقنعهم وبكل سهوله

اما بقى لو مختاره الانسان ده غلط مش هقدر اقنعهم بحبى ليه

وبكده يبقى حبى ده اصلا بدايته غلط

وهقولك على حاجه

انا لو مختاره انسان صح عمر ما اهلى هيرفضوه

علشان محدش بيتمنى لبنته غير كل خير

مهو يا سومة عشان هو بيحب لبنته الخير فا هو بيبقي رافض الانتظار وبيرتاح لما يتقدم عريس كويس لبنته ومترييش وجاهز مش من السهل انه يقبل الوضع بسهولة ولو قبله مش هيستني كتير صدقيني

وشكرا بجد علي ردك

بس صدقنى لو واحد اتقدم لوحد ومكنش مستعد للجواز

بس اهلها شايفين الشخص ده بيكافح علشان مستقبله

ومستعد يعمل كل حاجه علشانها

مظنش انهم هيرفضوه

سؤالى للشباب 0000

ليه بتتهموا ان البنات دموعها دموع تماسيح ؟؟؟؟

ههههههههههههههههههههههههههه

انا اللي قولت علي فكرة كدة في الموضوع اللي فات ومش قصدي البنات كلها بالعكس والله في بنات محترمة جدااا وكويسة جدااا بس والله انا معممتش خالص هي بتبقي حسب الموقف

انما بعض الناس بتقول كدة علي الانثي عامة عشان بتبقي فعلا ذكية في المكر والخداع والمكايد وبرضو مش كل البنات كدة في بنات طيبة جدا وبتبقي صادقة جداا ومش عشان واحد من الناس بيقول ان دموع البنت دموع تماسيح يبقي الناس كلها كدة

وصدقيني يا سومة انا كان قصدي ساعتها علي الموقف وجه كدة من باب الهزار

سؤالي انا بقي للبنات

ليه البنات بيظنو بالشباب ظن مش كويس او ظن غلط ؟

علشان معظم الشباب دلوقتي مش وراهم غير انهم يتسلوا بالبنت وبعدين يسيبها حتي ولو كانت مؤدبة وبتحبة بس هو مش عايز غير التسلية انا مش بقول علي الشباب ككل في وفي بس الكويس قليل اوي وكمان عشان هما الي عطوا الفكرة دي عن نفسهم بتهيئلي انت ادري مني في الحاجات دي لانك شاب وعارف الشباب بتعمل اية انا مش بقول علي كل الشباب في الكويس وفي الوحش
تحياتي ليك ولاعضاء المنتدي

يا بنتي والله في كل حاجة في الكويس والوحش يعني ذي ما انتي متخيلة ان في شباب وحشة عاوزك برضو تعرفي ان في بنات مش كويسة هي دي طبيعة الحياة وبرضو ذي ما في اولاد بتتسلي ببنات والله والله والله برضو في بنات بتتسلي اليومين دول مبقاش في حاجة مضمونة في زمانه ده

ربنا يلطف بينا يا رب

وعلي فكرة انتي نسيتي تسألي سؤالك للشباب

اسأل انا بقي شؤال للبنات

ايه الحاجة اللي تخليكي تبعدي عن واحد بتحبيه او وحدة بتحبيها ؟

2) سؤال الشباب ::: من تتمنى الزواج منها --- صاحبة القلب الحنون و
الحب الجارف ام صاحبة الوجه الجميل الفاتن ؟؟؟

طبعاً أنا حختار صاحبة القلب الحنون والحب الجارف وذات الدين وبعدين الجميلة

وأنا عارف كده إنى حدوخ على ما الأقى عروسة أصل البنت بالمواصفات دى بقت عملة نادره خلاص

سؤال البنات :::: هل تفضلين الزوج صاحب المال والثراء ام الزوج صاحب الحب والحنان حتي ولو كان فقيرا ؟؟؟

لا طبعا الزوج صاحب الحب والحنان لان من غير الحب والحنان في العشره متنفعش خالص العيشه

وشكرا بجد علي الموضوع ده[/b]

» سؤال خاص للبنات
» سؤال للبنات فقط
» سؤال شخصي للبنات ؟؟؟؟
» سؤال مهم, سؤال اتسئل لملكات الجمال 2005
» اختار صعب جدا للبنات ....!