كرسى الاعتراف "معانا العضوه المميزه D&ampH"

اقتباس :

انا جيت

اهلا وسهلا يا اسلام..ايه النور ده

اقتباس :

منورة الكرسي يا مون بجد

ماشى يا سيدى ده نورك انت



عقبال ما اشوفك منور عليه

اقتباس :

يااة الواحد عايز يسال كتير نوع من الفرااااااااااااغ برضة

فراااغ..اممممم

اقتباس :

تليفزنك خط و لا كارت؟

خط

اقتباس :

معاك رصيد كام حاليا؟

مش عارفه بالضبط بس اكتر من 5 جنيه علشان لسه ماقلتليش اوشك علىالنفاذ

اقتباس :

بتشحنى كل قد اية؟و بكام

لما بشحن 25 ممكن يقعد معايا 10 ايام او اسبوعين



بس لما بشحن ب 10 هما بالكتير 3 او 4 ايام

اقتباس :

تليفونك نوعة اية؟

نوكيا 7610

اقتباس :

اتسرق منك تليفونات قبل كدة؟

الحمد لله محصلش..ربنا يستر

اقتباس :

و عملتى اية لو كان اتسرق

هاعمل ايه يعنى...هاكشف راسى وادعى عليه ساعه الفجر لا يكسب ولا يربح ابدا

وكنت احوش واجيب غيره بقى

اقتباس :

شخص متسجل عندك اول ما بتشوفى رقمة اول بتفرحى جدا؟

احم احم..شخص ما يعنى

اقتباس :

و مين الشخص اللى متسجل عندك اول ما بتشوفى رقمة بتبقى عايزة تقفلى التليفون؟

واحد رخم اوى ومعندوش دم كان زميلى ايام الشركه القديمه..اووووف

اقتباس :

كفاية تليفونات

ماشى براحتك

اقتباس :

اية رايك فى الحب من اول نظرة؟ وقعتى فى الحب دة؟

انا مش بسميه حب من اول نظرة..هوه بس ممكن يكون اعجاب



وماجربتوش قبل كده

اقتباس :

و الحب اللى عن طريق النت؟

سمعت عنه واعرف كذا حد جربه..وساعات بيبقى حقيقى بس مش دايما

اقتباس :

ممكن تحبى حد من النت؟

دلوقتى..لا

اقتباس :

بتعرفى تطبخى؟

ايه الاحراج ده..مش اوى يعنى

اقتباس :

اية احلى اكلة بتعمليها؟

الاسباجيتى بالحمه المفرومه

اقتباس :

اية الاكلة اللى عملتيها و فشلتى فشل زريع؟

الرز دايما مابيتظبتش معايا

اقتباس :

انا جعت بصراحة بلاش اكل نغير الموضوع

الصراحه ونا كمان جعت

اقتباس :

المنتدى مين اكتر شخص مقرب ليكى فية؟

هانى وسلمى واسرار الحياه

اقتباس :

الاسماء دى اية رايك فيها بصراحة



هانى و دودى و ميدو و انا بالمرة بقى و سوما و بنت مصرو نودى

هيا الصفه المشتركه بينكم الصراحه خفه الدم جداااا وده واضح طبعا فى التعليقات والردود



سومه بحسها رومانسيه اوى

ونوودى عاقله اوى



بنت مصر برضو دمها خفيف

اقتباس :

موقف محرج حصلك فى المنتدى؟

لسه محصلش

اقتباس :

بتحبى الكمبيوتر؟

ايوه..جداااااا

اقتباس :

كام ساعة تقريبا فى اليوم بتقعدى؟

مش بلحق غير 3 او 4 ساعات

اقتباس :

مين اللى علمك الكمبيوتر و النت؟

كنت باخد كورس عند مهندس كان اسمه خليل من زمان اوى تقريبا اول ما خلصت ثانوى..وهوه اللى علمنى كل حاجه

اقتباس :

بتعرفى تسطبى ويندوز و لا بتودية لمهندس الصيانة؟

مش بعرف واخويا مهندس هوه اللى بيسطبه وبيتحايل عليا انى اتعلم بس بكسل بقى

اقتباس :

لو قالوا ان النت هيبقى ب 500 جنية فى الشهر هتشتركى؟

الصراحه لا..ده افترا



هقضيها سيبرات وخلاص

اقتباس :

بلاش كمبيوتر



نتكلم فى اية تانى



اممممممممممممم

اللى انت عاوزة اى حاجه

اقتباس :

بتسمعى اغانى؟ نفسك تبطليها و مش عارفة ؟؟

ايوه

اقتباس :

اية اكتر اغنية اثرت فيكى؟ و فكرتك باية؟

اواخر الشتا..وفكرتنى بايام حلوة

اقتباس :

كفاية بقى احسن بيتهيالى تقلت عليكى

لالالا ابدا خالص يا اسلام انت تؤمر

اقتباس :

اه اخر سؤال



بنى الاسكندر الاكبر مدينة الاسكندرية و قام بتزينها و تشطيبها و تسلمها على المفتاح لوكس؟

اذكر اسم مقاول البناء و نوع السيراميك المستخدم؟؟

السؤال ده من بره المنهج



انا هاروح للاسكندر شخصيا واساله وابقى اقولك..

اهلا يا فانتوم

اقتباس :

والله انا مش ناوى اسال كتير علشان ربنا يسامحه كان بيجهز الاسله زى ما يكون حاسس

انا برضه عندى نفس الاحساس

اقتباس :

المهم لو جيتى تصححى الواجب اللى انتى عملتيه لحد دلوقتى فى حياتك تدى لنفسك تقدير ايه

ادى لنفسى جيد..عقبال الامتياز يا رب

لا طبعا متروحش لدكتور بره..بس احنا متفقناش عالاتعاب

عموما انا هاعتبرها استشاره واخليهالك مجانا..بس ماتتعودش على كده

السبب اكيد انكم مجوعين القطه المسكينه دى لما جيبتولها اكتئاب..ومش بعيد بكره تلاقيها انتحرت كمان

بلاش والنبى حد ياكل اكلها..اتقو ربنا بقى واشترولها اكل مخصوص من المستورد بتاع ويسكلس ده

بس كده

اهلا يا ميدوو

اقتباس :

اللهم صلى على النبى


مون لايت على الكرسى يا صلاه الزين ياصلاه الزين

اللهم صلى عالنبى..اايه الترحيب الحار ده

اقتباس :

طبعا وكعادتك يا مون منوره الكرسى

الله يخليك يا ميدو

اقتباس :

انا مش حكتر عليكى يعنى

ولا تكتر يا سيدى براحتك..البيت بيتك

اقتباس :

ايه المبدا الاساسى عندك فى الحياه ؟

"اسع يا عبدى وانا اسع معاك""



ده اهم مبدا..انى اعمل اللى عليا لحد اخر درجه واسيبها على ربنا وانا واثقه انه هيدينى على اد تعبى

اقتباس :

ايه الموقف الاكثر حزنا فى حياتك ؟

لما سمعت خبر وفاه 3 من اقاربنا فى حادثه..ربنا يجعلها اخر الاحزان

اقتباس :

ماذا تعنى الحياه بالنسبه لسعادتك ؟

حلوة سعادتك دى على فكره..عجبتنى



الحياه:وقت بنقضيه بنحاول نعمل فيه كل حاجه احنا عاوزينها ونوصل لاهدافنا

اقتباس :

ايهما تفضلى شخص غنى وجاهل ام متعلم ولكنه على الحديده ؟

لا طبعا مخدش حد جاهل..انا مبحبش الغباء والجهل وبتخنق منهم



واخد المتعلم طبعا حتى لو كان كمان من غير الحديده

اقتباس :

اكله بتحبيها غير البيتزا عشان انا عارفك ؟

هيا شهرتى مع البيتزا وصلت لحد عندك..ايه الفضايح دى

غير البيتزا مفيش بصراحه..بس ممكن البطاطس المحمرة، والمكرونه الاسباجيتى باللحمه المفرومه

اقتباس :

شخصيه اثرت فى حياتك جدا ( غير ماما وبابا طبعا ) ؟

مفيش الصراحه

اقتباس :

المطرب والمطربه المفضلين عندك ؟

عمرو دياب واليسا

اقتباس :

احلى فيلم شفتيه فى حياتك ؟

final distination ال3 اجزاء

اقتباس :

اخبار الصحه ايه ؟

الحمد لله..بس محدش ينق بس

اقتباس :

ايه رايك فى الى عمله الحضرى ؟

هوه انا مش معاه ومش ضده..يعنى انا شايفه ان من حقه يدور على عرض كويس خصوصا انه مش قدامه كتير فى الملاعب..بس الطريقه الى سافر بيها دى وحشه اوى فى حقه وسمحت لناس كتير انهم يتكلمو عليه كلام مش كويس وللاسف معظم الناس انقلبو ضده ونسيو كل اللى عمله للاهلى...ربنا معاه بجد

اقتباس :

ايه رايك فى مصر والى بيجرى فيها من حيث الاتى


الرياضه

والله انا مش متابعه اوى فى الرياضه..الحاجه الوحيده اللى شفتها الحادثه بتاعت فريق الباسكت اللى ضربو واحد بالشوم وولعو فيه..وطبعا دى مش محتاجه سؤال او حد يقولى رايك ايه..

اقتباس :

السياسه

اهى دى بقى الللى مش متابعه فيها اى حاجه ولا بسمع نشره الاخبار اصلااا

اقتباس :

المستوى الاخلاقى

يعنى ايه مستوى اخلاقى..الكلمه دى اتلغت من القاموس عندنا فى مصر اصلا

اقتباس :

استراحه ونعود ...................


احلى سلام

ايوه استريح براااحتك خالص



احلى سلام يا ميدو

دلوقتى مع اسئله yaccopian

اقتباس :

اولا انا سعيد انى بشترك فى اللعبه دى وبتمنى تكون حاجه حلوه لينا كلنا كأعضاء فى المنتدى... انا مش هطول عليكلى بس برحب بيكى فى الاول وبتمنى اكون خفيف جدا عليكى

انا كمان سعيده بمشاركتك معانا فى اللعبه وبرحب بيك معانا

اقتباس :

اولا بتحبى السينيما ؟ وايه اكتر فيلم عجبك فى الفتره الاخيره؟

ايوه بحب السينما ..بس مش لدرجه الادمان
والفيلم اللى عجبنى اوى الفتره الاخيره فيلم احلام حقيقيه بتاع حنان ترك

اقتباس :

مين النجم اللى بتحبى تتفرجى عليه فى التليفزيون؟

كريم عبد العزيزومصطفى شعبان وهانى سلامه

اقتباس :

مين المطرب المفضل؟ والمطربه المفضله؟

عمرو دياب واليسا

اقتباس :

ايه احسن جمله سينيمائيه عجبتك؟

الصراحه مش فاكره حاجه دلوقتى

اقتباس :

بشكرك قوى وبتمنى انى مكنش نرفزتك بأسألتى

لا ابدا والله ده حتى اسئله بسيطه وخفيفه..مش زى ناس

[/quote]]أنا جيت


أجى ولا أمشى

[/quote]

دودى تانى..انت لحقت تمشى اصلا علشان تيجى..ده انت تقريبا بايت جنب الكرسى

اقتباس :

جيت ما جيتشى رضضيتى ما رضيتيش مش فارقة معايا حسألك يعنى حسألك

هاعمل ايه طيب..امرى لله

اقتباس :

ماذا تري نفسك بعد عشر سنوات ؟؟

ارى نفسى انى مروة وعندى 34 سنه

اقتباس :

هل هناك حلم متكرر يراودك دائما ؟ ان كانت أاحلام يقظة او حلم او رؤية ؟؟

انا مش بفتكر اى حلم بحلم بيه اصلا

اقتباس :

هل تضعى خطة مستقبلية ان شاء الله ؟ وان كان فما هي وان لم يكن لماذا لم تضعيها ؟؟

عندى خطه مستقبليه ربنا يسهل فيها ان شاء الله وهيا انى اخلص الدبلومه واسيب الشغل اللى انا فيه ده واشتغل فى معمل واتجوز اللى بحبه واستقر بقى

اقتباس :

يوم تتمنى مووون أن يتكرر بكل ما فيه ؟؟

لسه مجاش اليوم ده اصلا لسه

اقتباس :

ما هو حلم موون الذي لم يتتحقق حتى الآن ؟؟

تكوين اسرتى

اقتباس :

ما هو حلم موون الذى تحقق ؟؟

انى اشتغلت

اقتباس :

كفاية أحلام بقى

إصحى بقى

اه ياريت علشان انا كده هنام منك ومش هنعرف نكمل

اقتباس :

ما هو أكثر دعاء تدعى الله به ؟؟

يديم عليا الستر والصحه ويسهلى كل امورى

اقتباس :

هل تعترفى بخطأك ؟؟ ومتى ؟؟ وكيف تتعاملى معه ؟؟

بعترف بغلطى لما بحس انى غلطت فعلا او انى قصرت فى حاجه...وبحاول انى اصحح الغلط ده او اعتذر للى غلطت فى حقه

اقتباس :

هل تثقى فى نفسك؟؟ وإلى أى حد ؟؟ ولماذا ؟؟

الحمد لله بثق فى نفسى جداا..من غير اى حدود خالص..ولماذا؟؟...كده وخلاص

اقتباس :

متى تقولى أنكى حققتى نفسك؟

اما اشوف اولادى وهما احسن ناس وفى احسن مناصب واحسن اخلاق

اقتباس :

هل تهتمى بآراء الآخرين ؟؟

لو اقتنعت بالاراء دى ممكن احطها فى اعتبارى

اقتباس :

هل تقبلى النصيحة ؟؟ وإلى أى مدى ؟؟

ساعات بقبلها بس لما بقتنع بيها بس..

اقتباس :

من الذى أثر فى موون ؟؟ بالإيجاب أو السلب مع التوضيح

مفيش حد معين

اقتباس :

جاءتك هدية قيمة ويجب عليك مقاسمتها مع آخر من يكون هذا الآخر ؟؟

اكيد يعنى نصى التانى

اقتباس :

بتحبى العدس؟؟ بما أنك بنت

ايه صله العدس بانى بنت اص يعنى..عموما انا بكرهه جدا اصلا

اقتباس :

أذكرى لنا أسماء 5 أطباق مختلفة تصنع من العدس ؟؟

معرفش غير الكشرى وشوربه العدس بس..لو تعرف الباقى قوللى

اقتباس :

ما الفارق بين البليلة والعاشورة ؟؟

البليله بتبقى سائب والعاشورا بتبقى صلبه

اقتباس :

هل أم 44 عندها 44 قدم فعلاً؟ والا عندها كام ؟؟

والله انا معدتهمش..بس غالبا عندها 44

اقتباس :

ـ ما هو اسم محمد على كلاى قبل إسلامه ؟؟

مش عارفه الصراحه..ياريت تقوللى

اقتباس :

ما هو اسم مايكل تايسون بعد اسلامه ؟؟

معنديش فكره الصراحه..هوه اسلم اصلا

اقتباس :

.أذكرى أسماء 5 موضوعات من المنتدى عامة عالقة بذهنك؟؟.
أذكرى أسماء 5 موضوعات من أطراف الحديث عالقة بذهنك ؟؟

ذهنى ابيض زى الفل ومفيش اى حاجه عالقه فيه..

الحمد لله اسئلتك افقدتنى الذاكره اصلا

اقتباس :

لو توليتى المسئولية كاملةً عن المنتدى .. فما هى أول ثلاث قرارات أو إجراءات ستتخذها؟

مفيش حاجه معينه..المنتدى متظبط وتمام التمام

اقتباس :

أيهما تفضلين أكثر:

* الغابة أم الصحراء

بيتنا

اقتباس :

البحر أم النهر

البحر

اقتباس :

السفر أم الإستقرار

الاتنين

اقتباس :

الطائرة أم السفينة

لا دى ولا دى

اقتباس :

اللحوم أم الأسماك

الاسماك

اقتباس :

الشطرنج أم الطاولة

لادى ولا دى

اقتباس :

الشعر أم الرواية

الروايه

اقتباس :

السينما أم المسرح

السينما

اقتباس :

الشاى أم القهوة

الشاى

اقتباس :

كم عدد متوسط ساعات نومك يومياً ؟؟

فيه ايام بتبقى 5 او 6 ساغات وفيه ايام بتبقى 10

اقتباس :

كم عدد متوسط ساعات مشاركاتك فى المنتديات يومياً ؟؟

حوالى 2 او 3 ساعات

اقتباس :

اتغديتى ايه النهاردة؟

رز وطاجن خضار

اقتباس :

ماهو احلى موضوع قرأتيه فى أطراف الحديث ؟؟

مش فاهمه السؤال اصلا

اقتباس :

من من الاعضاء تنتظرى رده على مشاركتك؟

انت وهانى وهيثووم واسلام وسلمى ورانون وسومه وميدو ..دول اكتر اعضاء

اقتباس :

ما مدى ثقافتك الدينية ؟؟

ممكن نقول 60%

اقتباس :

هل تحتاجى أن تنميها أم ما تعلمه يكفى ؟؟

طبعا محتاجه انميها ولسه قدامى فيها مشوار طوييل

اقتباس :

من وجهة نظرك أليس من المفروض أن يتفقه كل مسلم فى دينه ؟؟

المفروض

اقتباس :

هل تتشبثى برأيك ولا تستمع للآخرين ؟؟

الصراحه ساعات..انا شايفه انى عنيده ودى صفه انا مش حاباها فى نفسى

اقتباس :

وإن استمعتى هل عندك إستعداد لفهم ما يقولون ؟؟ أم تسمعى لهم لتريحهم فقط ؟؟

ساعات..لو قتنعت برايهم ممكن افهم واسمع الكلام..ولو ما اقتنعتش بريحهم وبس

اقتباس :

هل تميلى لكثرة الجدل ؟؟

ايوه لحد ما يحصل حاجه من اتنين..يا اقنعهم يا يقنعونى

اقتباس :

عندما يجادلك أحد فى موضوع ما هل تقرأى رايه جيداً ؟؟ أم تدافع عن رأيك وحسب ؟؟

بقرا رايه وبعدين ادافع عن رايى

انا الصراحه مش بصلى الجمعه فى المسجد

ايه ده..الباشا هنى بذات نفسه جاى لحد الكرسى يسال

وليه تتعب نفسك..ما اخوك قام بكل الواجب

اقتباس :

على فكرة فاتورة كهرباء المنتدى الاسبوع دا هتبقى عليكي

الكمهربا بس..وليه ماتخليها فاتورة الميه والغاز والتليفون بالمرة...ومفيش مانع كمان اتدبس فى فاتورة النت

اقتباس :

المهم كدا اخبارك ايه

مستعدة للاسئلة

الحمد لله تمام..ومذاكره كويس

اقتباس :

طبعا هعاملك زى محمود سعد واقولك طب خدى بق عصير برتقال

لا انا هاخد بق شاى بقى فيه مانع؟؟

اقتباس :

ندخل بقى على الاسئلة

الله يسامحه دودى كان بينتقم منك وخلص كل الاسئلة

كل اللى يدخل يدعى دعوتين على دودى..والله قايمين بالواجب

اقتباس :

ما علينا

لا ..ما عليك لوحدك بقى

اقتباس :

وزنك اد ايه؟

من اولها كده تخبيط..انت محدش قالك قبل كده مينفعش تسال واحده وزنها اد ايه ولا عندها كم سنه...انت غريب يا هانى

عموما انا 65ك ..بس كلام فىسرك هاه

اقتباس :

ايه اكتر صفة بتحبيها في مروة ؟ واكتر صفة بتكرهيها ؟

اكتر صفه بحبها التفاؤل وتكبير الدماغ..واكتر صفه بكرهها فيا هما العصبيه والعند

اقتباس :

هواياتك ايه ؟

كنت زمان بحب القراءه ..بس دلوقتى يادوب الوقت على اد النت والسيرشات عن اى حاجه وكل حاجه

اقتباس :

النت من وجهة نظر مون لايت سحر ام ادمان ؟

الاتنين

اقتباس :

في الفصل كنتى بتقعدى في الاول ولا في الاخر ؟

كنت بحب جدا اقعد قدام فى الفصل وكنت اول يوم اروح المدرسه من بدرى علشان الحق مكان...كانت ايام

اقتباس :

بتؤمنى بالابراج ؟ وليه ؟

يعنى مش اوى..بقراها تسالى بس

وليه؟؟لانى شايفه ان استحاله يعنىيحصل ان كل الناس يبقى ليهم نفس الحظ فى نفس اليوم

اقتباس :

متى تكره مون لايت المنتدى ؟

لو حد ضايقنى او قلل من اى حاجه بقدمها فيه..

اقتباس :

حسيتي انك ظلمتى حد قبل كدا ؟ وكان احساسك ايه ؟ واتصرفتي ازاى.

حصل قبل كده مرة..وكنت مخنوقه جدا من نفسى ومش عارفه اعمل ايه اصلا

اقتباس :

اوصفي حياتك الخاصة في كلمتين بس.

بعيش اليوم بيومه

اقتباس :

من وجهة نظر عدد المشاركات هي من تشكل العضو ام شخصيته ؟

لا اكيد شخصيته


..وشخصيته بتبان فى الردود بتاعته

اقتباس :

اكتر عضو نفسك يقعد على كرسي الاعتراف ؟

ودى محتاجه سؤال

العصابه كلها الصراحه..وانت اولهم

اقتباس :

ماهى المساحة التى تسمحين فيها لغيرك بالتدخل في حياتك؟

مش بسمح لحد يتدخل فى حياتى...ممكن بالنصيبحه بس

اقتباس :

بتعملى ايه لما بتترعبي ؟

ليه الاحراج ده ياهانى بقى..بتخض اكيد يعنى وساعات لو اترعبت جامد بصرخ وكده يعنى

اقتباس :

مااكتر حشرة تكرهيها في حياتك؟

كل الحشرات اللى فى الدنيا اصلا

اقتباس :

هتتصرفي ازاى لو هاجمتك الحشرة دي بقى ؟

هاختفى اكيد من قدامها يعنى

اقتباس :

ايه هيا احلامك فى المستقبل ؟ غير الزواج والاولاد والوظيفة السعيدة ؟

لما ابقى احقق دول ابقى افكر فى حاجه تانيه

اقتباس :

حب النسبه لمون لايت يعنى ايه ؟

يعنى سعاده واستقرار

اقتباس :

ماضى بالنسبه لمون لايت يعنى ايه ؟؟

ولاحاجه اصلا..اللى فات فات ومات واندفن اصلا

اقتباس :

شفتى اسئلة خفيفة اوى اهو
جاوبي على دول بقى
لحد ما افكر في اسئلة تانية وارجع لك

لا خفيفه خفيفه يعنى...وماتستعجلش وانت جاى يعنى تعالى بعد شهر بعد سنه..هيا الدنيا هتطير

اقتباس :

دا احنا هنريحوكى يا شابة

اه واضح راحه..ومش راجعه تانى

اقتباس :

سلام دلوقت

احلى سلاام على راى ميدو

مين عليه الدور.؟؟؟؟

هيثوووم

اهلا بيك يا هيثووم

اقتباس :

وبصراحه دودى خلص كل الاسئله
ومش لاقى حاجه اسئله

no comment

اقتباس :

فى رايك يا مون المنتدى عندنا ناقصه ايه علشان يبقا اكبر منتدى ؟

انا فيه حاجه شفتها فى منتدى تانى وبجد لو اتعملت عندنا هتبقى خطيررة جداا

الحاجه دى عباره عن جزء خاص للالعاب بس اونلاين بين الاعضاء وبعضهم..بس مش العاب زى اللى عندنا فى قسم الالعاب..لأ..العاب اللى كلنا بنلعبها مع صحابنا

لعبه الطاوله وكونكت فور وشطرنج وكذا حاجه من نفس النظام كده

وكان بيبقى فيه مسابقات فى معاد محدد فىيوم محدد بين مجموعه اعضاء بيبقو محددينهم

نظام فرق وكده ..بس كانت فكره جامده جدا

اقتباس :

شوفتى انا حنين ازاى هتلاقيكى بتقولى ياريت كل اللى يسال يبقا كده

يااه يا هيثووم..هوه انت فيه زيك

اقتباس :

واكيد هرجعلك تانى سلااااااااااااام

احلى سلام يا هيثووم

اقتباس :

اهلا اهلا مون منورة الكرسي يا قمر
انا سعيدة لانك هنا عارفة ليه ؟ لانك عضوة عزيزة عليا و بحبها و بحترمها

اهلا بيكى انتى يا نوودى..وبجد القلوب عند بعضها لانك من الناس اللى بعزها وبحترمها جدا

اقتباس :

و كنت عاوزة اعرف عنك حجات و طبعا عرفت حجات كثيرة و الناس بقا سألت كل الاسئلة و مش سابو حاجة
بس متخافيش قصدي خافي ههههههههه عشان هسألك بردة

مالحقتش اطمن

اقتباس :

1- مون بتشتغل ايه ؟

بشتغل فى شركه ادويه

اقتباس :

باباكي بيشتغل ايه ؟

مدرس تاريخ ..عالمعاش

اقتباس :

مامتك بتشتغل ايه ؟

فى الضرائب..بس للاسف مش بتطلع فى الاعلان

اقتباس :

اخترتي تدرسي بيطرة ليه ؟
5- هل كان اختيارك او حد فرضو عليكي ؟

انا ماخترتش والله..هوه المجموع بقى هعمل ايه

اقتباس :

عندك اخوات ؟

عندى 3 اصغر منى

اقتباس :

ايه علاقتك بيهم يعني بتحكيلهم عن خصوصياتك ؟

ممكن اختى بس علشان بنات مع بعض وكده..بس مش كل خصوصياتى

اقتباس :

ايه رايك في الكلمات دي
الحب

لو حب بجد يبقى احلى حاجه فى الدنيا اصلا

اقتباس :

الغنى

الغنى = الرضا



اللحظه اللى هترضى فيها باللى عندك حتحس انك اغنى حد اصلا

اقتباس :

الصداقة

بقيت نادرة اوى علشان مش فاهمينها صح

اقتباس :

الخيانة

اصعب احساس..ربنا يبعدها عننا

اقتباس :

الفقر

ربنا يقدر الناس عليه

اقتباس :

الطمع

مالوش نهايه والطماع عمره ما يشبع اصلا

اقتباس :

عزة النفس

اعتقد يعنى ماينفعش الانسان يعيش من غيرها اصلا

اقتباس :

قوة الارادة

لو موجودة يبقى مفيش اى حاجه صعبه

اقتباس :

الحزن

مش بحبه

اقتباس :

الفرح

احساس حلو جداا

اقتباس :

الحرب

ماساة..

اقتباس :

السلام

امتى يبقى موجود فى كل دول العالم العربى؟؟؟

اقتباس :

بتهمك نظرة الناس ليكي ؟

بصى فى الغالب لأ..لانى واثقه انى مش بعمل حاجه غلط..وكده او كده الناس اصلا مش بتسيب حد فى حاله..كبرى دماغك

اقتباس :

طبعا انتي بتحبي يا رب يدوم و يستمر ان شاء الله انا عاوزة اعرف ايه الي شدك لحبيبك ؟

طيبه قلبه

اقتباس :

و ختاما هدعي معاكي دعوة جميلة

ألهي يطعمك ما يحرمك

وينصرك ما يظلمك

ألهي لا يرقدلك جته

ولا يرقعلك جاكته

يا مون يا بنت حوا وادم

هههههههههه



ربنا يخليك يا نوودى..امين ليا انا وانتى يارب

اهلا تانى يا هانى

اقتباس :

انا جيت

طبعا نورت من غير ما تقولى

خلاص مش هاقول..ابقى خلى اللماضه تنفعك بقى

اقتباس :

انا جايب شوية اسئلة صغنين بقى

ماهو مش هعقول تبقى على كرسي الاعتراف

ومش نقوم بالواجب يعني

والله ياهانى الواجب بتاعك وصل خلاص

اقتباس :

ماهو رايك بشكل المنتدى الجديد ؟

طب هوه كان ايه الشكل القديم؟؟

اقتباس :

الى اي حد ممكن يوصل تسامحك ؟

لحد ما احس ان كرامتى هتنجرح..يبقى مفيش تسامح طبعا اصلا

اقتباس :

ايه السؤال اللي كنتى تتمنى ان محدش يسألهولك ؟

لسه مفيش

اقتباس :

ايه السؤال اللى توقعتى ان كله هيسألهولك وبالفعا اتسال ؟

انتى بتحبى؟؟

اقتباس :

طب ايه السؤال اللى توقعتى برضو ان كله هيسأله بس محدش سأله لسه ؟

هوه فيه بعد كل ده اسئله ممكن تكون لسه ما اتسالتش

اقتباس :

لو مكونتيش مصرية تتمنى تكونى ايه ؟

اسكندرانيه

اقتباس :

دموع مون لايت ممكن حد يشوفها غيرها ولا صعب ؟

والله هو زمان كان صعب..بس دلوقتى مبقاش فيه مستحيل ولا صعب

اقتباس :

طب مين الشخص اللي ماتخجليش لو شاف دموعك في اى وقت؟؟

صحبتى الانتيم

اقتباس :

اكتر شهر بتحبيه في السنة ؟

ابريل واكتوبر

اقتباس :

اكتر فصل بتحبيه في السنة برضو ؟

الخريف

اقتباس :

ايه العيب او الصفة اللي ماتقدريش تتحمليها في اللي قدامك؟؟

الخنقه والحساسيه الزياده عن اللزوم والغباء

اقتباس :

ايه العيب اللى شفتيه في نفسك وتقدري تصلحيه ؟

العند بس ماصلحتهوش

اقتباس :

طب ايه العيب اللى شفتيه في نفسك ومقدرتيش تصلحيه ؟

التلقائيه

اقتباس :

هل خسرتي صديقة قببل كدا ؟

ايوه

اقتباس :

لو حبيتي شخص مش حاسس بيكي يا تري هتعملى ايه ؟؟ غير انك تنفضي له طبعا ههههههه

هاخنقه

اقتباس :

مين اقربلك وبتحسي انه فاهمك اكتر والدك والا والدتك ؟؟؟

والله فيه مواقف بيكون بابا وفيه مواقف بتكون ماما

اقتباس :

لو اتحطيتي في اختيار بين حبيبك وصديقتك تختارى مين وتضحي بمين؟

لا ان شاء الله ماتحطش فى الاختيار ده
هختار الاتنين بقى

اقتباس :

لو انتى وصديقتك حبيتوا شخص في نفس الوقت وهو اتقدملك ياترى توافقي وتخسري صديقتك والا ترفضي وتخسري حبك؟ طب لو اتقدم لصديقتك هتعملى ايه غيرك انك هتسامحيهم وتتمنى لهم حياة سعيدة وتبعدى عنهم ؟

لو بيحبنى وبحبه واتقدملى هوافق..والمفروض صحبتى تفرحلنا

ولو العكس برضه هافرحلهم

اقتباس :

لو اصبحتى رجلا ليوم واحد دون ان يعرف احد بالامر فما الذي سوف تقومين به من ادوار الرجال التي لا تستطيعي القيام بها و انتي امرأة ؟؟

الصراحه مفيش حاجه.. بس ممكن اعمل دوجلاس

اقتباس :

ماهو شعورك عندما يطرح عليك سؤال تعجزين الرد عليه ؟

بحس بالعجز للحظه لحد ما الاقى الاجابه

اقتباس :

كفاية كدا عليكي بقى دلوقت

وبتمنى لك التوفيق

و متنسيش تجاوبي بصراحة ومش عاوز لف ودوران

سلام دلوقت

يااه اخيرا الاسئله خلصت

مفيش لف ولا دوران اهوه

اقتباس :

مون منوره والله

علي فكره انا بعزك وبحترمك جدااااااااا لان واضح انك شخصيه محترمه اووووي

ربنا يخليكى يا رنوون ده بس من ذوقك

اقتباس :

اولا ربنا يكون في عونك من الاسئله دي كلهاااااااااااااااااا
بس دا ميمنعش اني هسالك برضه
كم سؤال ع الماشي كدا
خفيف خفيف وهمشي

تنورى يا رنون وتسالى زى مانتى عاوزة

اقتباس :

يوم من عمر مون نفسها انه يتكرر تاني؟

لسه مجاش اليوم ده لسه

اقتباس :

شخص بيوحشك ؟

يعنى شخص ما

اقتباس :

ايه رايك في فكره السفر والعمل في الخارج؟

انا معاها جداا جداا

اقتباس :

هل ياتري لو جاتلك فرصه للسفر برا والشغل هناك هتقبلي ولا ؟

اكييد طبعا ودى حاجه محتاجه سؤال

اقتباس :

اكتر حد نفسك تشوفيه ع الحقيقه هنا في المنتدي؟

لا ناس كتير اوى

الصراحه عاوزة اشوفهم كلهم

اقتباس :

اكتر حد اثر في شخصيه مون؟

هوه ممكن فيه شويه تاثير من بابا وماما بس غير كده مفييش

اقتباس :

ايه اكتر حاجه بتلفت انتباهك في الشخص اللي قدامك وبنائا عليها بتحددي شخصيته؟

غالبا طريقه كلامه

اقتباس :

مون لايت قاعده على الكرسى يا
مرحبا يا مرحبا

اهلا بيك انت يا تيتو

اقتباس :

انا مش حطول عليكى فى الاسئله هما سؤالين فى السريع

براحتك يا تيتو انت تؤمر

اقتباس :

ايه هيا الامنيه الى اتمنتها واتحققت وايه هيا الامنيه الى نفسك تحققها ؟

انا جاوبت السؤال ده على فكره قبل كده


كنت بتمنى اشتغل والحمد لله حصل..ولسه بقى امنيه انى اكون اسرتى

اقتباس :

لو كان قدامك ورقه وقلم وقالولك اكتب حاجه تكتب ايه ؟

هاكتب ياعالم بكره يا حبيبى مخبيلنا ايه

اقتباس :

اهلا يا مون

والله والله منوره الكرسى

واجاباتك كلها جميله جدااااااااااااااااااااااااااا

واجمل ما فيكى انك متفائله -- يارب دايما

اهلا بيكى يا سوما ..ربنا يخليكى

اقتباس :

الله يكون فى عونك دودى بيسويكى على نار هاديه

استحملى يا قمر هو بس قايم من على كرسى

لسه الخضه ماثره عليه

ربنا يستر ويكون خلص اسئله وينسانى بقى

اقتباس :

للاسف قام وملحقتش اساله

وخلصلنا الاسئله مش لاقيه حاجه اسالهالك

طب ايه رايك نخليه يقعد تانى بقى؟؟

اقتباس :

بس مينفعش اعدى ومسالش

جاوبى يا قمرتى

لا اسالى براحتك

اقتباس :

عقاب اتعقبتيه من والدك او ولدتك ومش هتنسيه؟

من اولها كده...اصلى المشكله انى مش بفتكر الحاجات اللى بتضايق دى فمش فاكره حاجه الصراحه خالص

اقتباس :

انتى من اللى بيعتقدوا ان الحب هو التملك00 يعنى عندك حب امتلاك ؟

لا انا رايى انه مش تملك..لان حب التملك ده بيخنق اوى الطرف التانى وبيخليه يحس انه مفيش ثقه فيه

اقتباس :

ممكن توصفى الماضى بتاعك فى قليل من الكلمات ؟؟

الماضى ايام حلوة وايام وحشه..اتعلمت حاجات واخدت خبرات وعرفت ناس كويسه وناس مش كويسه وكل ده باستفيد منه دلوتى وفى المستقبل كمان

اقتباس :

بتخافى من الضلمة و لا لاء؟.

لا خالص بتالعكس..بحبها جدا وبحس بالهدوء النفسى

اقتباس :

اختارى اغنيه بتاثر فيك 00 وبتفكرك بايه ؟

اغنيه اواخر الشتا..اليسا



وبتفكرنى بايام حلوة

اقتباس :

اخر كارثه عملتيها فى البيت ؟

عملت خناقه جامده جدا وقلت كلام اهبل جدا مكنش ينفع انه يتقال منى خالص وزعلو منى فى البيت فترة كده ..بس الحمد لله عدت على خير



بس غير كده انا فى حالى ومش بعمل كوارث

اقتباس :

لو الكرسى مش عاجبك قولى واحنا نغيرهولك

متخافيش مش على حاسبك كله تبع ميزانيه المنتدى

لا خلاص كلها يوم ولا اتنين..واللى يقعد بعدى يغيره بقى

اقتباس :

سلام يا قمر

احلى سلام يا سوما

اهلا يا حمو

اقتباس :

صراحه مش عارف اقول ايه حبايبك ياما جدا

والله ما يغلو عليك..اتفضل

اقتباس :

ايه السؤال الى كان نفسك تتساليه ؟ وطبعا الجواب

يااااه..هوه لسه فيه اسئله موجودة فى الدنيا اصلا

انت متخيل ان ممكن يكون فيه ربع سؤال اصلا ما اتسئلش..خلاص كله خلص

اقتباس :

انتى راضيه عن حياتك دوقتى وليه؟

الحمد لله راضيه عن معظمها بس ناقص تكه بس وتتظبط

اقتباس :

طبعا البطاقة الشخصيه بتاعتك؟

ياراجل..تانى..دى اول حاجه جاوبتها

مروة عز الدين
24 سنه
مواليد 1-10-1983

دمنهور

اقتباس :

ايه الصفات الحلوة فيك وايه الصفات الى نفسك تسبيها ؟

انا شايفه ان احسن صفه عندى هيا الحنان والمثابره..واوحش حاجه بقى العصبيه والعند

اقتباس :

ايه اكتر صفة تكرهيها في حياتك وتتعب نفسيتك؟

الغباء والافترا

اقتباس :

امته حسيتى بالظلم ؟وليه وايه رد فعلك؟

من فترة قريبه..تقريبا من شهر كده حصل موقف اتظلمت فيه جدا وقعدت اتكلم شويه بالعقل وشويه اتجنن لحد ما اخدت حقى او حسيت انى اخدت حقى شويه

اقتباس :

لو معاكى امنيه واحده حتتحقق تختاريها ايه ؟

اتجوز اللى بحبه

اقتباس :

امته اتمنيت شر لغيرك وليه ؟ او مش شر قوى بس كرهتيه لدرجه وحشه وليه ؟

مدير عندنا فى الشركه قليل الادب وعينه زايغه ومش محترم البنى ادمه اللى متجوزها..علشان اكتر حاجه اعرف انها بتتعب اوى هيا الخيانه

اقتباس :

ايه السؤال الى متحبيش الاجابه عليه؟

مش هقوله طبعا علشان محدش يساله

اقتباس :

وفى الاخر راضيه عن مشاركتك فى المنتدى ومبسوطه فيه ولا بتضيعى وقت ولو فى حاجه تانيه ممكن تسبيه عشانها ؟

طبعا انا بحب المنتدى جدا واول ما بفتح الجهاز بدخل عليه واى مواقع تانيه بدخلها بيبقى قليل اوى

اقتباس :

ايه اسعد لحظه في حياتك؟

اكيد لما اعمل اللى نفسى فيه

اقتباس :

ايه الحاجه الى لما بتفكرى فيها بتحسى بسعادة؟

لما بفتكر رحلات الكليه مع صحابى