خليكى جريئه وجميله 000 مع خبيره التجميل جيلان عاطف

تبدأ مفاجآتها لصيف 2007 مع..
"جيلان عاطف" خبيرة التجميل..
التي أصبح لها بصمة مميزة في عالم الماكياج...

تقدم أحدث تصميماتها لطُرح العرايس المحجبات وأفكار مختلفة لربطات الإيشارب تناسب كل الجميلات

خليكى جريئه وجميله 000 مع خبيره التجميل جيلان عاطف Kamar_01

ألوان صيف 2007؟

من وجهة نظري مافيش لون مش موضة، المهم اختيار درجة اللون المناسبة للون بشرتنا، لكن عامة الذهبي والفضي موضة جدا، وكمان الألوان الترابية أو بمعنى آخر الأخضر والبني والرمادي..

من الحاجات المميزة للصيف عودة ألوان الروج مرة تانية على عكس الصيف الماضي كان لون الروج قريب من لون الشفايف.

هل فيه خط مميز للماكياج... وازاي البنت تضع ماكياج ويكون شكلها حلو وبسيط في نفس الوقت؟

هدف الماكياج هو التجميل في الأساس بالإضافة إلى إخفاء العيوب... عشان كده بلاش الخطوط الواضحة والألوان الفاقعة، كل ما كان الماكياج بسيط كل ما كان أجمل...

الموضة والشياكة هي البساطة وإن الماكياج يكون قريب من الألوان الطبيعية وخاصة للبنات..

فيه حاجات بسيطة ممكن البنت تعملها وهي بتحط الماكياج، لأنها بتدي شكل حلو وخاصة وهي بترسم عينها... بعد ما تحط قلم الكحل الأسود بفرشاة صغيرة تسيّح الكحل باتجاه رسمة العين، وفوق الجفن ترسم بالقلم الأسود وبعد كده وبنفس الطريقة تسيّح الخط عشان تخفي شكل الخط الواضح وكمان بيكون شكل العين حلو قوي، وبعد كده تحط ماسكرا..

ازاي تهتم البنت بشكل العين مع وجود الهالات السوداء وصعوبة التغلب عليها؟

العين أهم حاجة نركز عليها، هي دي سر الجمال وأكتر حاجة بتلفت الانتباه، عشان كده لازم البنت تهتم بشكل عنيها وصحتها.. ونصيحتي الأساسية للتغلب على مشكلة المشاكل لأغلب البنات وهي "الهالات السوداء".. طبعا بعد التأكد من إن الهالات ليست بسبب مرض ما -لا قدّر الله- شرب المية بكميات كبيرة والاهتمام بالخضار جدا في الأكل وتجنب السهر مهم جدا، النوم بالليل بيدي للوجه نضارة وبيخفف من شكل الهالات... ومن الحاجات الطبيعية اللي بجد بتساعد في مشكلة الهالات هي وضع حلقات الخيار الطازج على العين.. المهم المداومة عليه كمان زيت اللوز الحلو مفيد جدا..

أما بالنسبة للرموش لو كانت خفيفة أو مقصفة ممكن نحط زيت الخروع يوميا قبل النوم عليها باستخدام ماسكرا قديمة... وبلاش نستخدم الماسكرا المضادة للميه الـ"water proof" عشان بتؤذي الرموش جدا..

في حالة الفشل في علاج الهالات ازاي ممكن نخفيها بالماكياج ويكون شكلها طبيعي؟

في الحالة دي نستخدم كونسيلر فاتح ونوزعه بـ"الإسفنجة" المخصوصة بالماكياج وتكون رطبة "شوية" وبعد كده نحط "لووس باودر" حول العين من خبرتي دي أكتر طريقة لإخفاء الهالات بالماكياج...

من الحاجات اللي بتخلي شكل العين حلو وخاصة العين الضيقة القلم الأبيض من جوه العين بيدي ضي جميل للعين.. وعلى فكرة الموضة هي استخدام ألوان تحت العين زي اللون الزيتي أو الكحلي أو البني المائل على الدهبي شوية والرمادي، المهم تسييح اللون بفرشاة صغيرة.... وبالنسبة للعين الواسعة تحدد من خارج العين علي خفيف وتقل الماسكرا شوية.

"جيلان" مشهورة جدا بربطات العرايس المحجبات إيه جديد صيف 2007؟

الجديد بالنسبة للعرايس المحجبات عودة موضة زمان في الطُرح..

التاج رجع موضة أو الإكسسوار اللي يشبه التاج، وكمان الطرحة المرتفعة شوية عن الرأس...

الموضة قوي "طوق الورد" و"السلاسل" و"الريش" و"الكريستال"... الطرحة البليسيه من الحاجات الجديدة الجميلة قوي... طرحة العروسة النهاردة رجعت مطرزة باللؤلؤ والفصوص والخرز، الطرحة كمان التل بيدخل فيها ألوان كتير زي الروز واللبني الفاتح.

بس الخامات المستخدمة شكلها مختلف وجرئ جدا....؟

معظم الخامات من فرنسا ولكني أقوم بإعادة تصميمها عشان تناسب ذوقنا في مصر، صحيح الخامات جريئة لكن ماشية مع طبيعة لبسنا وفيها ذوق وشياكة عالية جدا.

وإيه الجديد في ربطات المحجبات...؟

مهم جدا إن الحجاب يكون من ألوان اللبس، لأن ده بيدي شكل حلو جدا، وأعتقد إن ربطات الإيشارب الجريئة مستمرة في الصيف، ومن الخامات المفضلة في الصيف الحرير والأقطان والشيفون الخفيف والمكرمش، ومن الحاجات اللي رجعت موضة قماش النمر بألوانه الأزرق والبني.
-
-
-
اتمنى انى الحوار دا يكون نقل ليكوا افكار جديده

أكيد طبعا .. أفكار جميله رائع مدهش ... ميرسى جدا ع الموضوع الجميل ده

أكيد طبعا .. أفكار جميله رائع مدهش ... ميرسى جدا ع الموضوع الجميل ده

بس ممكن نعرف أخر صيحات تسريحات الشعر بالنسبة للأولاد

ميرسى على مروركم الجميل دا

وانتظر منى يا دودى التسريحات

شكراااااااعلى الموضوع
استفدنا منه اكيد