--- يوم فى حياة عضو ---

التو بيك رأئع جدا يا سوما والله الموضوع جامد

بسم الله الرحمن الرحيم

اولا : شكراااا جدااا على الموضوع الجميل دا فعلا مواضيعك كلها جميلة جداا يا سوما كالعادة

انا بقى يوم الاجازة زى الدراسة بالظبط مفيش اختلاف كتير انا بصحى الساعة 1 الظهر لو فى الدراسة بصحى على صويت الموبيل من الساعة 12 لحد 1 صحابى عايزين يشفونى لانى باختصار بنزل الجامعة فى الاسبوع مرة وممكن فى الاسبوعين مرة واحدة لانى انا وابن عمى اخويا الكبير و مثلى الاعلى فاتحين محل كمبيوتر وصيانة وطبعا العبئ علينا كبير جداا علشان نوقفه على رجليه فابنزل اقعد معاهم ساعة بالكتير و امشى وطبعا لابحضر ولا اى حاجة ولو فى محاضرة مهمة جدااا بروح قبل المحاضرة اسلم على صحابى الى معايا فى القسم وامشى اول ما الدكتور مايدخل اخرج من المدرج اروح اقعد مع صحابى التانيين الى مش معايا فى القسم لحد ما المحاضرة ما تخلص ارجع لصاحبى الى فى القسم اخد منهم الحاجات المهمة وامشى وطبعا بقضيها ملازم فى الامتحانات ياعنى يصراحة مقضيها هههههههههههههههههه وارجع افتح المحل


فى الاجازة زى النهاردة بفتح المحل من 2 الظهر اظبطه واشوف الاجهزة الى محتاجة صيانه و اصلحها ولو مفيش بقراء قرأن و بعد كدا ادخل النت مانوس طبعا وافتح الاميل وطبعا ببقى مكسوف جدااا من اصحابى لما بكون بكلمهم ويجيلى جهاز صيانة و اضطر انى اقفل الشات لحد الساعة 4 يكون محمد ابن عمى موجود اسيبه انا و اروح الجيم لحد الساعة 6 اروح البيت اخد شاور و اقرأ قرأن لحد اذان المغرب افطر وانزل المحل واكمل شغلى وصيانة الاجهزة وطبعا الوقت بيجرى و مبحسش بيه وانا شغال لحد الساعة 12 بليل اخرج شوية مع صحابى لحد الساعة 2 بليل ارجع البيت اتفرج على 3 مسلسلات بيجو ورا بعد ماينفعش مااتفرجش عليهم ( افراح ابليس - ماتخافوش - حرب الجواسيس ) و اتسحر وانا بتفرج عليهم بعد كدا ادخل البلكونة واقفل على نفسى العب جيم لحد الساعة 6 الصبح و ساعات لما حد من صحابى يتصل بيا لانهم عارفين انى مبنمش دلوقتى بنفض للجيم وانزل معاهم لحد برضو 6 الصبح او اشغل الكمبيوتر اتفرج على فيلم وبعد كدا انام وهكذا كل يوم

وانا ان شاء الله هنفتح محل تانى يوم 20 رمضان ادعولى
وشكراااا جدااا ليكى يا سوما فعلا مواضيعك كلها جميلة جداااا
معلش انا طولت عليكم جااااااااااااامد بس هو دا يومى وانا اختار شهر زاد تحكى يومها

على فكرة انا المحل تحت البيت بالظبط لانه بيت عيله احنا و عمى ومتربين سوا يعتبر مش ابن عمى لا اخويا بالظبط و كمان بيوفروا عليا المصاريف لانى طول ما انا فى المحل الشاى و القهوة و النسكافيه او اى عصير على طول بينزلى فى اى وقت اطلبه فيه هههههههههههههههههه و المحل التانى موجود برضو فى المنطقة بيتاعتنا بس بعيد شوية ربنا يسهل بس الافتتاح بيتاعه هيبقى يوم 20 رمضان ان شاء الله
وشكراا جدااا ليكى يا سوما فعلا انتى انسانة محترمة جدااا ويسعدنى انى اكون احد اصدقائك وياريت تجمعنا فرصة نتكلم سوا على الشات بيتاع مانوس

شكرااا جداا ليك يا محمد ( حبيب قلبى و عسل النتدى )ربنا يخليك ليا يا باشا وشكرااا جدااا ليكى يا سوما