--- يوم فى حياة عضو ---

يوم فى حياة عضــــــــــــــــو

--- يوم فى حياة عضو --- 28

موضوع جميل وخفيف وياريت الجميع يشارك فيه

الفكره لقيتها فى منتدى تانى فعجبتني وحبيت اطبقها في منتدانا المتألق...

هنقوم باستضافه عضو يحكيلنا مسار يومه

من ساعه ما يصحى من النوم لحد ما ييجى ينام

يتكلم بحريه وباسلوب عفوى وياريت لو يضيف

المرح والانطلاق من غير قيود المواضيع الروتينيه

وبعد ما ينتهي يقوم هو شخصياً بأختيار عضو آخر

ليحكي لنا عن تفاصيل يومه وكيف يقضيه...

طبعاً ياريت لوكان يوم عادى مش اجازه او براحتكم برده

واذكروا التفاصيل علشان يكون الموضوع ممتع...

طبعاً كل عضو نختاره ويتكلم عن نفسه بعد ما ينتهي

يختار هو العضو الذي يليه وهكذا....

وأول من يرد على الموضوع هو أول عضوو يحكى لناا يوومه

~[ اتمنـى التفآآعل من الأعضـاء ]~

Soma

--- يوم فى حياة عضو --- 7847_1164287658

جميل يا سوما يا قمر

انتى اول واحده يا سوسو

تحكيلنا يوم من حياتك وبالتفصيل لحد متيجى تنامى

وبعد ما تخلصى تختارى حد بعدك

توبيك جميل قووووى ياسوما تسلم ايدك ياقمر

موضوع جميل اوى فى فكرتة يا سومة

نايش يا سومة

توبيك رووووووعة

Naice Topic

Soma*

wae4

اولا ازيك يا سوما

ثانيا الموضوع دة خطير بجد

ثالثا

انا بصحى من النوم

بقيد الجهاز..

ولغاية ما الجهاز يفتح

بغسل وشى واظبط نفسى كدة واصلى الصبح

وبعدين افتح الايمال واكيد مانوس

وشغل الاغانى ... وعليها اوى اوى

واروح البس..

هدوم المدرسة

الاقى فانتوم فتح

نعد نرغى مع بعض شوية

وبعدين اروح المدرسة

دايما بهرب من الحصص واروح البرلمان

نعد نضحك نغنى ونظبط نفسنا كدة انا واصحابى واصلى الظهر والعصر

وبعدين نرجع من المدرسة اصلى المغرب

اروح الدرس..

ارجع من الدرس .. اصلى العشاء

اذاكر على الماشى كدة

وبعدين اروح الدرس التانى

وبعدين ارجع

اعد على الجهاز

وبعدين اذاكر شوية واكتب الوجبات وبعدين انااااااااااااااام

ممكن اكون نسيت حجات

بس تتعوض بقى

احب اختار اللى بعدى.. ويكون فانتوم

الاول احب اشكرك ياسوما على موضوعك
وده مش غريب عليكى
لان بصراحه كل مواضيعك جامده اوى من الاخر
تروبيكل توبيكـ

وميرسى ليكى ياسوسو علشان دخلتينى الموضوع الحلو ده

انا بقى ايامى ملخبطه
علشان مواعيد شغلى
اسبوع من 7 للساعه3
واسبوع من 3 للساعه 11
واسبوع من 11 للساعه 7
والاسبوع الرابع فى الشهر ده عيشه بقى الاجازه بتاعتى
انا بقى يومى فى الشغل بيكون كله قريب من بعضه
يعنى بحضر نفسى للشغل و ااتوكل على الله
اخلص شغل اروح ااقعد على الكمبيوتر
بس الحمد لله
انا مقولتش بصلى وكدا علشان الصلاه حاجه
لازمه تكون فى حياتنا يعنى ثابته ومش بحب اقول صليت وكدا فيها شئ من الرياء

اسبوع الراحه بقى بيكون خروجات تقضية مشاوير

لف مع اصحابى يعنى من الاخر مش بقعد فى البيت

يارب اكون عرفت ااقول كويس
اللى بعدى

سوما

قولى بقى انتى يومك بتقضيه ازاى

نايس توبيك يا قمر

انتى دايما متميزة يا سومه

تحياتى ليكى

موضوع جميل اوي و تسلم افكارك و يلا مستنينين العضو الي بعده

phantom كتب:: اللى بعدى

سوما

قولى بقى انتى يومك بتقضيه ازاى

دا مسار طبيعى ليومى , بس مش الاجازه

الصبح اول ما الموبايل يرن بقوم اغسل وشى ولو مصلتش الفجر بصلى الصبح

وبعدين اغير هدومى وانزل اوقف التاكسى واروح الكليه

اول ما اوصل اتصل بالعيال زمايلى اشوفهم فين وبعدين نشوف علينا محاضرات ايه

بحضر اول محاضره .. وغالبا بتكون تكمله للنوم علشان صاحيه بدرى

وبعدين اروح انا وهما على الكافيتريا علشان نفطر ..

المحاضره اللى بعدها بنحلى بقى علشان لسه واكلين هههه

بس لو محاضرات تخصص ببقى منتبهه علشان كلنا 40 طالب

اى تصرف الدكتور هيشوفنا

غالبا مبنحضرش اكتر من محاضرتين تلاته

خلنصا الكليه وتمام .. نروح بقى على المول نقعد فى الكافيتريا اللى هناك نشرب حاجه

ونلفلف شويه وندخل المحلات كلها وفى الاخر نطلع من غير حاجه " كالعاده "

اه نسيت .. لازم نشترى ايس كريم واحنا خرجين

اروح بقى على المدينه .. اغير هدومى واصلى وانام

وبعد ما اصحى اروح المطعم اتغدى

وبعدين اطلع اوضتى اشوف ورايا ابحاث ولا شيتات ولا حاجه ولما اخلص

انزل الف التراك وبعدين نلعب كوره طايره او سله ونتمشى فى الجونينه

على الساعه واحده كده اطلع اخد دش بعد الهده دى ,

ونقعد نرغى بقى انا واصحابى وما ادراكو بقى بقعدة البنات والنم اللى فيها

الساعه 2 كده نقوم نصلى قيام الليل وبعدين نزاكر لحد لما الفجر يأذن

نصلى ونام ,,,, ويتكرر اليوم زى كل يوم

7

7

اختار بعدى . . . احمد ايوب

ميرسى اوى يا سوما

.

.

.

بسم الله

انا باصحى الساعة 7 الصبح

اغسل وشى واتوضاء

وبعدين اصلى الصبح عشان مش بلحق الفجر

بعدين اقعد بالضبط ربع ساعة اعمل شعرى

اصل انتوا متعرفوش شعرى كبير ازاى . . .

بعدين البس واروح المدرسة

ويااااااااااااااااااااه ع المشوار بالضبط والله مش كدب

نصف ساعة مشى

واحد يقولى ما تركب مواصلات

اقول له المدرسة فى منطقة بعيدة جدا ملهاش مواصلات

لكن بقيت زمايلى قريبين من المدرسة

ما علينا . . . . . . . .

اروح طبعا مش بلحق الطابور

بطلع ع الفصل على طول

لو اول حصة فرنساوى

ممكن ميدخلنيش عشان المدرس ده رخم شوية

ما علينا بدخل واقعد فى الفصل

لو فى حصة مدرسها مجاش

بننزل نلعب كورة على طول

وفى الفسحة بنلعب كورة

وبعد ما نخلص الحصص ننزل على طول برده نلعب كورة

نلاعب سنة 3 او نلاعب الفصول التانية

ونلعب على فلوس عشان اللعب يسخن ويحلو

بس انا طبعا مش بدفع

بعد ما نلعب ونخلص

ياسلام على الهدوم وريحتها

نمشى بقى نلاقى الباب اتقفل

نطلع من فوق السور

بعد كده ارجع المشوار ده تانى مشى لوحدى

ارجع ع الساعة 3 كده 3 ونصف

بيكون ورايا درس الساعة 5

بلاقى اخويا قاعد على النت

فا مش بقعد

باخد دش واغير هدومى واكل لقمة

واروح الدرس

نرجع م الدرس نطلع على اى جمعية نروح نلعب بنج بونج

وممكن منلعبش ونروح على طول

بعد ما نخلص نروح ولو ذاكرت شوية يبقى كويس

بعد الهده بتاعت اليوم كله

بعد كده انزل ع الساعة 9 كده اجيب العشاء

بعد كده ناكل واخويا بيكون خرج هو وزمايله

واخويا الصغير بينام

و يبقى البيت فضى عليا لوحدى

تكون الساعة جت 11

اقعد ع النت شوية

تيجى الساعة 11.30

12

اروح انام وتصبحوا على خير

وهكذا اليوم بيتكرر

.

.

.

اختار بعدى

محمود فتحى

شكرا يا احمد

انا بصحى الصبح حوالي الساعة 8 اغسل وشي واقعد كده افكر شوية في اي موضوع لحد ما افوق
وبعد كده افتح الجهاز وافضل اشوف اخر الاخبار او اختراعات او شوية افلام انزلها كده ولا حاجة
وبعد كده تيجي الساعة 11 انزل اروح الشغل انا اصلي شغال في شركة نت
ادخل الشغل اعمل شاي وبعد ما اشرب الشاي اقوم اصلي الظهر وبعد كده ادخل مكتبي افضل قاعد على الجهاز شوية او اقرا كتاب علمي حلو كده لحد المغرب واقوم اصلي المغرب وبعد كده العشاء
بخلص الشغل الساعة 11 مساء اخرج من الشغل اروح البيت واسلم على بابا وماما واخواتي وبعد كده اتعشى او اتغدى وافتح الجهاز واشغل فيلم من اللي انا نزلتهم الصبح وانام قدامه بس كده

اختار اللي بعدي زهرة الربيع.........

موضوع اخر حلاوه يا سوما ودمتى فى هذا التفوق

مرسي محمود على اختياري

انا بقى بصحي الساعه خمسه و نص بصلي و البس هدومي

بعدين بروح المدرسه احضر التلات حصص الاولى و انا بفكر هفطر ايه ههههههه ببقى ميته من الجوع

اروح افطر و ارجه الفصل ينتهي اليوم الدراسي الساعه اتنين ارجع البيت صلي و انام

اصحى من النوم بالعافيه و اعد اعمل نفسي بذاكر ههههه و اخلص اعد شويا على النت

و بعدين انام بس و هكذا

هختار الي بعدي اول واحد يرد بعد ردي

بليز يا زهره لازم تختارى انتى عضو

-----

ميرسى شيكو على مرورك

اوك ولا يهمك هختار برنسيسه

ميرسي يا زهرة

أنا أول ما بصحى بغسل وشي وبعدين أصلي الفجر

وبعدين البس وأروح المدرسة ويبدأ بقى اليوم الدراسي...

وبعدين بقى أروح البيت بصلي الظهر وبعدين بتغدى وان كان ليا نفس بعد الغدى للمذاكرة أذاكر

وطبعا مينفعش الدلع ده لأن الامتحانات قربت (ادعو لنا)

ويارب يوفقنا كلنا

وبعدين بليل لما ابقى فاضية أعد شوية على النت

وبعديها ببقى خلاص انتهيت وأروح أناااااام

والسلام عليكم ورحمة الله وبركاته

ميرسي يا أحلى سوما على التوبيك
هختار النجمة اللامعة

اولا ميرسي ياسومة التوبيك اكتر من رائع

شكرا يابرنسيسة انك اخترتيني........

نبدأ بقى عشان احكي بعمل ايه في يومه ال زي الفل ده هههههههه يلا:::::

انا بصحي الساعة 5:10 الصبح .اروح اغسل وشي واتوضا واصلي.

وبعدين البس لبس المدرسة .وبعدين اقعد ادلع شوية قدام المراية عشان

اسرح شعري بطريقة حلوة وفي الاخر معرفش اعمل حاجة وبخليه باتسريحة

العادية....المهم اقعد شوية على بال مفكر هفطر ايه؟؟؟؟ : QAW

وبعد ماافطر بقى اروح ابدأ اصحي بابا عشان يقوم يوصلنا وطبعا بقى بقعد ازن عليه

لغاية مزهقه من السرير الي نايم عليه لغاية مايصحى..هههههه..وبعدين اروح

المدرسة احضر الطابور واتمنى لو اليوم ده يخلص ويعدي وبعد مايخلص اليوم واروح

البيت ...بروح الاقي الغدى جاهز بروح بقى اتغدى وكده واقعد ادام التيلفزيون......

وبعدين انام لغاية الساعة 5 وابدأ بقى اعمل نفسي بذاكر لغاية اما يأذن العشاء

بس طبعا لو عندي اختبار لازم اذاكره بجد ده اختبار مش لعب عيال.....المهم بعد

مخلص اروح افتح الكومبيوتر وادخل على احلى منتدى ..طبعا مانوس...واشوف ايه

الجديد وكده يعني..واقعد على الكومبيوتر لغاية الساعو 12 وبعدين بقى اطفيه

ويجي بقى دور التلفزيون ...اقعد اتفرج لغاية الساعة 1...وبعدين افكر بقى انانم..

sdrtaeQF

وكده يبقى اليوم خلص :azdg معلش لو كنت طولت عليكم

انا بختار الي بعدي T.I.T.O

اوكى ميرسى يا نجمه

طبعا انا بصحى الساعه 9 اخد شاور واتوضا واصلى

البس وانزل اروح الكليه احضر المحاضره الاولى اتكلم مع صحابى

(هوا حد فاهم حاجه)

تخلص المحاضره الف شويه وارجع للمحاضره التانيه واتمنى انها تخلص

تخلص المحاضره التانيه

اركب واروح

اصلى واتغدى وانام ساعتين اصحى الساعه 8 اذاكر شويه ونت للفجر

واصلى الفجر وانام

اصحى الساعه 9 تانى

اختار سوسو وبس

سوسو وبس حكت يومها مره

........

هنختار حد غيرها

~~ دمعه حائره ~~

نايس توبيك يا سومه

ناااااايس ياقمراية

اولا انا بحب اشكر المتميزة ونجمة المنتدى بجد علي موضيعها الجميلة اللي انا بجد باعجب بيها جدا وبوجهلها كل شكر وتقدير علي مجهودها الجميل اللي عملاة في المنتدى واكيد طبعا كلكم عرفتو مين هية من كلامى

هية

(سومااااااااا)معلش طولت عليكو احكيلكم بقي يومى

انا متعودة طبعا اصحى بدري الحمد الله بصحى اصلي الفجروبعد كدة
اخد المشروب اللي انا بحبة يعنى تقدرو تقولو انا مدنة شاي بحبة
المهم بعدة كدة بحب اقعد قدام التليفزيةن لانى بحب اسمع البرنامج اللي اسمة
جيم تيم البرنامج بيخلص الساعة 6 صبحا احب بقي بعد كدة اسمع الاغانى اللي هية اسمها دراما كليب اصل انا بحبها قوى وبعد مخلص بروق الليت واخلص كل حاجة وبعد كدة بقي البس ةاستنى صحبتى لما تيجى لية علشان نروح الكلية ناخد بعض طبعا ونروح نفطر الاول طبعا وبعد كدة نلف يعنى شوية وندخل بقي الكلية المحضرة اللي بتعجبنا بدخلها ولما نلاقي نفسنا زهقنا وفي الحر دى اصلا مكناش بنكمل اول محضرة وبعدين لما نخلص اروح البيت ممكن بقي انام وممكن احب اقعد اروق في البيت يعنى وكدة اتغدى بقي علي الساعى 6 وبعد كدة اققعد الجهاز شويتين تلاتة يعنى لحد مزهق وبعد كدة اقوم اقعد قدام التليفزيون لحد منام
وهكذا بقي الموضوع بيتكرر

» **حياة بلا حياة**
» حياة مسمار
» من حياة الصحايه
» *حياة بلا تدخين*
» يوم فى حياة صائم