اوعى تسمع كلام الى يقول لك بطل سجاير دة يبقى واد توتو وما يعرفش فوايد التدخين..
التدخين يضف عليك مظهر الرجوله...
اذا كنت حاسس انك عيل..ومنظرك ما يجيبش راجل ابدا..امسك سيجارة وانفخ فى وش الخلق
حيفتكروك راجل على طول
التدخين ببط وبتركيز يعطى ايحاء باهميتك وعمق تفكيرك..
اذا كانو الناس مستهيفين شخصيتك ومنتش مش قادر تنظر فى عنيهم..ولع السيجارة ..واسحب كل نفس منها ببط
جدا وانفخة لفوق بعنطزه ..الناس حيفتكروا انك عقليه علميه فذة..وحيبقى شكلك ولا لاكى لوك فى زمانه
السجائر تقوم سلوكك وتحميك من الانزلاق فى الرذيله..
ما انت بس لو حاولت تقرب من واحدة حاتقرف من ريحة بقك وتهشك فورا
التدخين يحسن علاقتك بزوجتك..
انت بتفقد حاسة التذوق تدريجيا ..فمش حتاخد بالك من طعم العك الى مراتك بتطبخة وتوفر على نفسك البهدله
والتريق على طبيخها
التدخين يجمع البنات الحلوة حواليك...
ويحوطو سريرك كمان..!ويقعدو يتغلو فيك..ويقولو لبعض:يا سلام لو كل العيانين الى بيدخلو لنا قسم الامراض الصدريه شباب حلوين كدا
التدخين يحافظ على صحتك من الامراض المعديه...
طبعا..ما الدبان نفسه مش حيهوب ناحيتك وحيقرف من ريحة بقك
التدخين يحافظ على مظهرك ويحميك من مشاكل الشيخوخة..
ايوا..ما هو حايموتك بدرى قبل ما تلحق تشيب وتصلع
التدخين يجعلك شخصا مميز...
طبعا..ما هو دونا عن خلق الله انت الوحيد اللى بتطلع الغازات........من بقك
السيجارة تجعل منك رجلا ذو بصمة لا تمحى ذاكرة الناس...
اى حتة تدخلها مش ممكن ينسوا انك شرفتهم وحتى اللى دخلوا بعدك حيعرفو انك كنت موجود من الريحة
ال.....................!!
التدخين بضف عليك سما الوقار والهدوء...
لو انت بتدخن من زمان وحاولت تمشى بسرعة او تجرى وتنط السلم زى العيال حاتهنج ونفسك يتكرش
وحاتبقى حالتك تصعب على الكافر
