احلى بنوتة ضيفة هذا الأسبوع moon_light

السلام عليكم و رحمة الله تعالى و بركاته

احلى أعضاء مانوس انا اسفة جدا لانقطاع برنامج ضيف الاسبوع لفترة و لتغيبي الكثير على المنتدى و لكن لظروف طبعا

و المنتدى دايما في قلبنا و ربنا يخليه و يكبرو كمان و كمان

عشان مش اطول عليكم اليوم اخترت ضيفة جميلة هتشرف البرنامج الاسبوع دة

نظرا لمجهودها في المنتدى و خفة دمها و حب كل الاعضاء ليها اكيد الكل يحب يتعرف عليها اكثر و يقرب منها اكثر

الضيفة هي moon-light :lol!:

و احلى سلام لضيفتني العزيزة :cheers:

منورانا يا احلى ضيفة

الكل يخش و يسأل

موون لايت انتي اسمك ايه

ميرسى اوى اوى يا ندى على كلامك الرقيق ده احلى بنوتة ضيفة هذا الأسبوع moon_light Icon_wink

ويارب اكون ضيفه خفيفه عليكم

وارد على اول سؤال::

اسمى مروة

بصى بقى يا مون لايت

انا مش هغلس عليكي دلوقت

بس ياريت كدا

1- تعرفينا بطاقتك الشخصية ؟

2-هواياتك ؟

3-اكلتك المفضلة ؟

4- لونك المفضل؟

5- ايه رأيك في المنتدى ؟

6- عرفتى المنتدى منين ؟

منور يا هانى احلى بنوتة ضيفة هذا الأسبوع moon_light Icon_bounce

وكتر خيرك والله انك مش هتغلس عليا دلوقتى

ودلوقتى ننتقل للرد عالاسئله بتاعتك:::::
1-بطاقتى الشخصيه:
مروة عز الدين
1/10/1983
دمنهور
انسه
مسلمه
وكفايه كده ولا هتعوز رقم البطاقه كمان؟؟؟؟؟

2-هواياتى::

بحب السفر والرحلات جدا جدا وبحب اعمل سيرش عالنت فى اى حاجه وكل حاجه

3-اكلتى المفضله::

بموت فى البيتزا والمكرونة جداااا ( بس البيتزا فى الاول )

4-لونى المفضل::
الوردى والنبيتى

5-رأيى فى المنتدى انه ناجح جدا.. وفيه مواضيع كويسه جدا ومغطى تقريبا كل المجالات
وتقريبا بحس ان كل المشرفين والاعضاء متواصلين مع بعضهم اوى كاننا فى مكان واحد مع بعض

6-المنتدى عرفته من السيرش
كنت بدور على فيلم اجنبى رعب وبعدين دخلت وماطلعتش تانى منه

بس كده.. تمام يا فندم
فاصل ونعود

اهلاً بكى مون لايت

شكرا يا مون لايت انك جاوبتي على اسئلتى

بس خلاص كدا دا كان تسخين بس

دلوقتى ندخل على الغلاسة اللى انا طبعا مشهور بيها هههههههه

خصوصا في حلقات ضيف الاسبوع

1- مطربك المفضل ؟مطربتك المفضلة ؟ممثلك المفضل؟ممثلتك المفضلة؟
2- اغنية بتحبيها وليه؟
3- عندك اخوات؟
4- بتكرهى ايه؟ وبتحبى ايه؟
5- بتحبى يوم ايه؟
6- اذا اردتى ان تبكي الان , فعلى من تبكي؟
7- من ستختارى ليمسح دموعك ؟
8- من يسكن قلبك؟
9- هل تعتقدى ان حظك سيئ؟
10- ايه اكتر موقف محرج قابلتيه في حياتك ؟

واطمنى انا راجع تانى

أهلا بموووووووووووووون لايت اللى كان نفسى أتعرف عليها من زمان

أهلا وسهلا بيكى مووووووون

يلا نبتدى بالأسئلة

هل سبق ان شاركتى في منتديات اخرى ؟
هل مازلت تشربين الحليب قبل ان تنامى ؟
ماهي الطائرة المفضلة لديكى؟
اذكرى لنا بعض اسماء الطائرات ؟
بماذ تفكر هذه التواريخ " 1967.1973.
كم تحفظى من القران ؟
كم تحفظى من الاحاديث ؟
هل تصلي الفجر في المسجد؟
إذكرى : موقف طريف حصل لك.
إذكرى : ماهو عملك الحالي ؟
اين كنتى تجلسين في الفصل ايام المدرسة ؟ في الامام حيث المجتهدون ام في الخلف مع اصحاب المشاكل ؟
اذا اتصل بكى شخصا لا تعرفيه و هددك بقتلك عند خروجك من المنزل هل ستخرجين ؟
شخص لا تريدينه و اتصل بكى و لم تريدى ثم اتصل بكى بعده مباشرة برقم آخر وأجبتى ما موقفك ؟

ماذا يعني - لكى - هذا الاسم moon_light ؟
كيف ترين الصداقة ؟
هل ترين اختلافا بين الاقناع واعطاء الرأي ؟
هل يمكن أن تجدى الجهل والمعرفة في مكان واحد ، أم ، إن حضر أحدهما ، غاب الاخر ؟ أم أن لديكى كلاما آخر ..
هل تعطين دون أن تأخذ ؟
هل للثقة في النفس حدود جغرافية ؟

منورة يا مون

بالراحة عليها ايه كل الاسئلة دي

انا مكسوفة اسأل عشان الاسئلة كثيرؤ بس لازم اسأل اعمل ايه بقا اسأل صح

يالا نبتدي

1- عمرك كرهت حد من قلبك

2- عمرك صرخت في وش مامتك

3- عمرك صرختي في وش باباكي

4- بتتحكمي في اعصابك و الا الغضب بيسيطر عليكي

5- هادية و الا لأ

كفاية كدة دلوقت لنا عودة

ياه اهلا بيكى يا مون لايت ومنور حلقه ضيف الاسبوع

وانا هسيبك تردى على الاسئله ديت الاول وبعدين اسئلك
والله يكون فى عونك من الاسئله ديت
محمد وهانى ونودى كفايه عليكى هيهروكى اسئله

ياخبر كل دى اسئله:shock:

بس انا هاجاوب برضه.. عادى يعنى:::lol:
نبدا مع استاذ هانى اللى بيقول انه مشهور بالغلاسه
بس عارف انا لو كنت موجودة فى المنتدا وقت ما كنت انت ضيف الاسبوع كنت هتعرف معنى كلمه غلاسه بجد:evil:

ماعلينا نبدا بقى::
1-مطربى المفضل:: عمرو دياب اكيد يعنى
مطربتى المفضله:: بحب شيرين واصاله وجنات
ممثلى المفضل::احمد حلمى واحمد السقا
ممثلتى المفضله :: مى عز الدين ومنى زكى

2-اغنيه بحبها ::اغنيه واحده بس؟؟
ماشى:: اغنيه الليلادى عمرو دياب
والسبب :: علشان هيا اغنيه جامده جدا هو فيه حد مابيحبهاش؟؟:lol:

3-عندى 3 اخوات وانا الكبيرة طبعا وفيه بعدى ولد وبعدين بنت وبعدين ولد.. يعنى فريقين 2 بنات و2 ولاد
والصدف الغريبه انكل ولد وبنت مولودين فى شهر
يعنى انا واخويا الصغير خالص مواليد اكتوبر
والاتنين اللى فى الوسط مواليد ابريل..حاجه غريبه:shock:

4-بكره الغباء اوى والغرور وعدم التقدير من الاخرين خصوصا لما تكون عامل مجهود معاهم
وبحب الصدق والتلقائيه فى التعامل

5-بحب جدا يوم الخميس من وانا صغيرى علشان كنا بنخرج فيه كلنا

6-انا عامه مش من طبعى انى ابكى على اى حاجه ضاعت
بس ببكى لما افتكر بنت خالتى مكنتش شفتها من اكتر من سنتين علشان كانت مسافرة ولما رجعت غرقت هيا وباباها ومامتها فى حادثه.. بتوحشنى اوى وكل ما افتكرهم لام الدمع تخرج غصب عنى

7-انا مش بحب ابكى قدام حد ونا اللى بمسح دموع نفسى

8-من يسكن قلبى؟؟

مفيش طبعا بس لما يبقى فيه اكيد هقول

9-هوه مش دايما حظى سىء ومش دايما حلو
بس عامه الحمد لله حظى كويس

10-لا المواقف المحرجه دى مفيش اكتر منها بيحصلى بس المشكله انى مش فاكره دلوقتى غبرموقف واحد. كنت فى القاهرة وراكبه المترو وان الحند لله الاتزان عندى زيرو مش بعرف امسك نفسى خالص وانا راكبه المترو ده بالذات
المهم كان بيتحرك بسرعه ورحت انا عاوزة امسك فى اى حاجه علشان مش اقع .. رحت شاده اللى بخته خلاه قدامى .. وللاسف شديته من كم القميص راح الكم مقطع ... بقيت هموت من الكسوف والاحراج

ادينى جاوبتلك عالاسئله ..و مستنياك انا قدها

هادخل تانى واجاوب على دودى ونودىى

سلام مؤقت

دلوقتى مع الاستاذ دودى

اهلا بيك انت ومش مستريحه لموضوع نفسى اعرفها من زمان ده.. ربنا يست:x ر

نبدا بقى:: 1- انا شاركت فى منتديات كتير بس مانوس هو المنتدى الوحيد اللى انا مواظبه فيه

2-لا.. ماما بتجرى ورايا بيالحليب الصبح علشان اشربه قبل ما انزل ..:lol:

3-انا ماعرفش فى انواع الطيارات اصلا ومش بحبها ومش بحب اركبها وربنا يستر وما اضطرش انى اركبها فى يوم من الايام

4-انا حاسه ان سؤال التاريخ ده فيه تريقه:suspect: .. مش عارفه ليه :: عموما اى عيل يعنى اكيد عارف ان 1967 ده تاريخ النكسه و1973 ده الانتصار بس انا مش عيل علشان كده ماعرفش;)

5- حافظه 3 اجزاء من القران وبعض السور

6-هوه انا حافظه احاديث بس ماعرفش كم بالضبط

7-انا بصلى الفجر بس فى البيت علشان مش ينفع انزل فى الوقت ده .. بس فى رمضان بنزل مع اخويا وماما واصليه فى المسجد

نكتفى بهذا القدر ومعلش ياجماعه هاكمل الرد بكره علشان عندى امتحان بكره وهاقوم اذاكر.
دعوااااااااااااااااااااتكم ليا:cheers:

رجعتلكم تانى.. وهاكمل مع دودى:bball:

كنا وقفنا لحد فين؟؟؟؟؟
اه..اذكرى موقف طريف حصللك؟؟
هوه فيه موقف كل ما افتكره بضحك اوى انا وصحباتى وبنقول لبعضنا والله احنا بلاوى مش بنبطل ضحك حتى فى اسوأ الظروف.....:D

كنا رايحين نزور واحده صحبتنا كانت عامله حادثه ومحجوزة فى العنايه المركزة..واحنا واقفين بره مستنين حد نعرفه علشان يدخلنا نشوفها وكده..واحنا واقفين بره لقيت واحد معدى جنبى وفى ايده (ايس بوكس ice box) فانا اترعبت وقلتلهم الحقوا.. اعضاء بشريه:affraid: ..هما ماكانوش فاهمين انى اقصد انها موجودة فى الايس بوكس .. تقريبا فهموا ان فيه اعضاء بشريه ماشيه لوحدها لانهم اتخضوا جامد اوى هههههههههه:lol: .. المهم عارفين فى الاخر طلع الايس بوكس فيه ايه؟؟؟؟

طلع فيه عنب..اه والله عنب تقريبا بيوزعوه على العيانين
وطبعا فضلنا نضحك على نفسنا زى المجانين ولا كأننا فى مستشفى ولا كاننا واقفين عند العنايه المركزة.. كان فاضل شويه والناس يحدفونا من الشباك...فعلا بلاوى:x
السؤال اللى بعد كده::
9-اذكرى ما هو عملك الحالى؟

انا حاليا بشتغل medical representative فى شركة ادويه

10-

اقتباس :: اين كنتى تجلسين في الفصل ايام المدرسة ؟ في الامام حيث المجتهدون ام في الخلف مع اصحاب المشاكل ؟

ايام المدرسه كنت بحب اوى اقعد قدام فى اول صف وكنت اول يوم فى المدرسه اروح المدرسه بدرى علشان الحق اقعد فى التخته الاولى وكنت ازعل اوى لو مالحقتهاش...وانا طول عمرى مش بتاعه مشاكل وفى حالى
بس لما كبرت مبقيتش فى حالى وبقيت بحب الغلاسه اوىىىى:twisted:

11-

اقتباس :: اذا اتصل بكى شخصا لا تعرفيه و هددك بقتلك عند خروجك من المنزل هل ستخرجين ؟

اكيد طبعا ..ده انا هاخرج مخصوص بالعند فيه علشان اخليه يفهم انى مش بتهدد ومش بخاف من حد:twisted:

بس جامد السؤال ده على فكرة ...وجديد

اللى بعده
12-

اقتباس :: شخص لا تريدينه و اتصل بكى و لم تريدى ثم اتصل بكى بعده مباشرة برقم آخر وأجبتى ما موقفك ؟

عااااادى جدا.. هاخلقله مليون عذر.. ابسط حاجه هاقول كنت نايمه او كنت باكل او مالحقتش ارد عليك...مش هاغلب يعنى .. هاعرف اخلع..:lol:

13-

اقتباس :: ماذا يعني - لكى - هذا الاسم moon_light ؟

الصراحه الصراحه يعمى انا لما جيت اعمل الايميل كنت عاوزة اسميه مروة او مرموره .. بس مكنش نافع وكل ما اختار اسم يطلع موجود
علشان كده جه فى بالى مون لايت وده اسم كافيتريا انا وصحباتى علطول بنتقابل فيها..بس

14-

اقتباس :: كيف ترين الصداقة ؟

الصداقه افعال مش اقوال.. انا بالنسبه لى الصداقه دى تتعدى الاخوة يعنى انا بعتمد على صحباتى وعلاقتى بيهم يمكن اكتر من علاقتى باخواتى فى البيت

اسئلتك كتير اوى يا حاج دودى.. قطعت نفسى:roll:

15-

اقتباس :: هل ترين اختلافا بين الاقناع واعطاء الرأي ؟

طبعا اكيد فيه اختلاف:scratch:
الاقناع انى مش بس بقول رايى ..لا انا باحاول اقنع اللى قدامى بيه يعنى عاوزة الغى رايه او الحاجه اللى بيكون مقتنع بيها واستبدلهاله برايى انا
اما اعطاء الراى فمعناه انى بس بقول رايى مش مهم بقى اكون متفقه او مختلفه مع الطرف التانى

(ايه الكلام الكبير ده):scratch: :scratch:

16-

اقتباس :: هل يمكن أن تجدى الجهل والمعرفة في مكان واحد ، أم ، إن حضر أحدهما ، غاب الاخر ؟ أم أن لديكى كلاما آخر ..

ايه السؤال الجامد ده,, انت شكلك دماغ اوى يا دودى:afro:
بص بقى انا لازم اتفلسف عليك.. اصل انا مقدرش ماتفلسفش الصراحه:study:
كلمه الجهل او كلمه المعرفه دى كلمه مطلقه .. يعنى ايه؟؟يعنى لازم ننحدد جهل بايه او علم بايه
ممكن الاتنين يكونو موجودين مع بعض.. ازاى؟؟؟؟
مثلا انا مجال دراستى يؤهلنى انى اعرف معلومات كتير عن الادويه والامراض وكده.. بكده يكون عندى علم
وفى نفس الوقت انا مادرستش الكمبيوتر.. وبعتبر نفسى ام جهل فى البرمجيات بتاعته وحاولت كتير معاه بس مش عارفه..بكده انا جاهله فى النقطه دى
وبكده يبقى الاتنين متجمعين.. فهمتنى ولا ايه...:scratch:

فيلسوفه مش كده.... طول عمرى:lol:

ما علينا .. نكمل..

17-

اقتباس :: هل تعطين دون أن تأخذ ؟

بصراحه لا...وانا بفضل دايما انى اعطى من غير ما استنى انى اخد اصلا

18-

اقتباس :: هل للثقة في النفس حدود جغرافية ؟

بصراحه غالبا يعنى ثقتى فى نفسى الحمد لله من غير اى حدود جغرافيه او تاريخيه..بس ساعات تحصل مواقف ممكن اتهز فيها بس الحمد لله برجع لقواعدى سالمه...

ياااااااااااااااااااااااااه مش مصدقه .. اخيرا خلصت عليك يا دودى
:cheers:

نتبدي بقى نغلس على مون لايت شويتين
ماهو مش معقول تبقى هنا ومنغلسش يعني
طب تيجي ازاى دي.

بس الاجابة بصراحة ولا تحتمل اكثر من معنى وبلاش فلسفة هههههههههه.

1- ما هى مواصفات فارس احلامك ؟
2- لماذا خُلقت المرأة بكل هذا الجمال؟
3- من هي توأم روحك ...؟؟
4- متى تشعرين بالوحدة ؟
5- ايه اكتر حاجة ندمتى عليها في حياتك؟
6- اكتر حلم كان نفسك تحققيه في حياتك واتحقق بالفعل ؟
7- و اكتر حلم كان نفسك تحققيه في حياتك وولكنك فشلتي في تحقيقه؟
8- بتحبي مين اكتر بابا ولا ماما وليه ؟
9- ايه عيوبك ؟ وايه مميزاتك اللى انت شايفاها في نفسك؟
10- ايه الحاجة اللى نفسك تبقى موجودة في شخصيتك ؟
11- مثلك الاعلى مين ؟ وليه؟
12-لو ربنا سهلك واتجوزتى وظبطتي جوزك بيخونك مع اعز صديقات هتعملى ايه؟
13- لما تتجوزى نفسك تجيي كام واد وبنت واسماؤهم ايه ؟
14- هل اعتراف الشاب لحبيبته بحبه يعتبر عيب او خطأ بالنسبة للفتايات؟
15- ما ردة فعلك عندما يقول لك حبيبك : أحبك نعم أتزوجـــك لا ..؟؟

عموما قربنا نخلص اهو

16- نفسك فى ايه دلوقتى حالا؟
17- لو اردتِي ان تعيشي في دنيا جديده وفق ماتريدينه..صفيها لنا؟
18- وهتاخدى مين معاكى فيها ؟
19- ايه اغلس سؤال لحد دلوقت ؟
20- ايه السؤال اللى كان نفسك تتسأليه ؟ وجاوبي عليه ؟

باى دلوقت واكيد هرجع

ايه يا هاني مالك داخل سخن قوي كده ليه
كل دي اسئه

دا انا مش لاقي كلام اقوله دا انت خلصت علي الاسئله ياعم
يلا مش مشكله

علي العموم انا هشكر مون لايت عي الكلام الجميل اللي قالته علي المنتدي

واحب اقولك انك بجد من الناس اللي زودتي حلاوة المنتدي

حظى حلو بشكل غير عادى

امبارح كنت بكتب الرد على نوودى ولسه ببعته النت فصل......

اكتبه تانى عادى ..

طبعا يا نووودى بشكرك جدا جدا على مقدمتك الرقيقة دى

اقتباس :: بالراحة عليها ايه كل الاسئلة دي

انا مكسوفة اسأل عشان الاسئلة كثيرؤ بس لازم اسأل اعمل ايه بقا اسأل صح

طبعا تسالى وولا يهمك هوه انا عندى اغلى من اعضاء المنتدى

[quote]يالا نبتدي[/quote]
يالا بينا ونبدا سوا ونقول.....

1-

اقتباس :: - عمرك كرهت حد من قلبك

بصراحه .. ايوه . لانى لما بحب حد بحبه من قلبى اوى .. فطبيعى جدا انى لما بكره حد بكره من قلبى برضه

2-

اقتباس :: عمرك صرخت في وش مامتك

بتحصل ساعات بس بضايق من نفسى اوى بعدها .. وبروح اصالحها وابوس راسها

3-

اقتباس :: عمرك صرختي في وش باباكي

لا مبتحصلش.. بس ممكن ابرطم بالكلام بس اصلى مش بعرف اسكت

4-

اقتباس :: بتتحكمي في اعصابك و الا الغضب بيسيطر عليكي

بصى هوه انا بتنرفز بسرعه جدا جداا .. بس لما بكون فى الشغل بقدر اتحكم فى انفعالاتى واسيطر على غضبى ده لان مينفعش اتنرز على حد فى الشغل..
بس للاسف بقى كله بيطلع عليهم فى البيت ... اقل حاجه اتنرفز منها واتعصب وازعلهم منى
بس غصب عنى .. اعمل ايه يعنى

5-

اقتباس :: هادية و الا لأ

هوه اى حد بيشوفنى بيقول عليا هاديه اوى بس ده علشان انا ملامحى بتدى احساس بكده
بس لما بيعرفونى كويس بيقولو هو انتى اللى كنا بنقول عليكى هاديه
الصراحه انا مش شايفه انى هاديه خاااالص....

اقتباس :: كفاية كدة دلوقت لنا عودة

يااااه بس كده يا ندى
شايفين البنات زى النسمه ازاى

ال البنات زى النسمة ال

والله لأطحنك

1أنا لما عرفت إنك من دمنهور والكافيتريا موووووووون لايت المنتدى كله عارفها

هههههههههههههههههههههههه

مــاهـو طمـوحك فى الحياةـ ..؟

ومــاهـو حلمكـ الـذي تتمنــى تحقيقه ..؟

هـل ترى بــأنـ الحـلمـ مشــابه للطمــوح .. أمـ ان هنـاكـ إخـتلافـ عنـ سؤالي الاول والثــاني ..؟

مـا أكثر المواضيع الــذي تجذبكـى للمشاركهـ فيهــا ..؟

مـا اصعبـ موقفـ مــر عليكـى ..؟ وكيفـ كـانـ تصرفكـى فيــه ..؟

منـ هـو قدوتكـى بالحيــاه .. ؟

ومنـ هـو ظلكـ الـذي لا يفــارقكىـ ..؟؟

أمرتـ عليكـى لحظه تمنيتـى أنـ يعــود المـاضي فيهـا ..؟؟ أشـرحى لي كيفـ كـانتـ هذه اللحظه..؟ ومـا كـانـ سببهــا ..؟؟

في اي مدرسه تعلمت الذوق والادب والاخلاق ؟؟

مساحة من بياض الورق هي لك عرفى بها عن نفسك .. ؟!

أمنية حلمتى بها و تحققت .. ؟!

أمنية حلمتى بها و لم تتحقق .. ؟!

هوايتك المفضلة و لماذا .. ؟!

صديقتك المفضلة وصديقك المفضل.. ؟!

عطرك المفضل .. ؟!

أكلتك المفضلة .. ؟!

شئ لا تستغني عنه .. ؟!

أجمل مرحلة دراسية .. ؟!

شاعرك / شاعرتك المفضلين و أجمل كتابتهم .. ؟!

هطول المطر بماذا يذكركى .. ؟!

شروق الشمس ماذا يوقظ فيكى .. ؟!

أين تجدى الحب الكبير .. ؟!

مدينة لا تفارق خيالك .. ؟!

كيف تقودى الآخرين لحبك .. ؟!

صفه تحبها و صفه تكرهها .. ؟!

كلمة تحبها .. و كلمة دائماً ترددها .. ؟!

ماذا يضحك .. وماذا يبكيك .. ؟!

أحب الناس الى قلبك " من الأعضاء " .. ؟!

ثلاث تذاكر من تأخذ معك " من الأعضاء " .. ؟!

كلمة أخيرة " بعد التعب " .. ؟!

اهلا بيك يا هيثم

والله انا مكسوفه منك

ينفع كده تدخل وتخرج من غير ما اعمل معاك اى واجب:lol:

عموما انا مستنياك ومستنيه الاسئله بتاعتك:cheers:

اهلا اهلا هانى تانى
وايه كل الاسئله دى
يالا معانا بقى لغايه اخر السنه ونحتفل بليله راس السنه سوا

اقتباس :: نتبدي بقى نغلس على مون لايت شويتين
ماهو مش معقول تبقى هنا ومنغلسش يعني
طب تيجي ازاى دي.

لا طبعا ماتجيش.. ياخبر .. ازاى
اتفضل

اقتباس :: بس الاجابة بصراحة ولا تحتمل اكثر من معنى وبلاش فلسفة هههههههههه.

لا بقى معلش... انا مقدرش ما تفلسفش.. ازاى بقى.. ماينفعش خاااالص

ونبدا اول حاجه

1-

اقتباس :: ما هى مواصفات فارس احلامك ؟

انه يكون طيب بس مش عبيط ,, ويكون هادى ويكون طبعا بيحبنى جدا جدا .. ويكون محارم ومتدين واخلاقه مايختلفش عليها اتنين.. بس

2-

اقتباس :: لماذا خُلقت المرأة بكل هذا الجمال؟

علشان طبعا تعرف تضحك عالرجل وتخليه يعمل كل اللى تؤمر بيه..امال هتضحك عليه ازاى؟؟؟

3-

اقتباس :: من هي توأم روحك ...؟؟

دودو..هيا صحبتى من ايام الكليه.. على الرغم انها اصغر منى بس هيا توام روحى فعلا

4-

اقتباس :: متى تشعرين بالوحدة ؟

لما بكون بعيده عن صحباتى ومش لاقيه حد اكلمه.. خصوصا لما اكون مسافرة وقاعده لوحدى..

5-

اقتباس :: ايه اكتر حاجة ندمتى عليها في حياتك؟

الحمد لله انا مش بندم على اى حاجه عملتها ..لانها كده كده خلاص حصلت
بس دايما بحاول انى اتعلم من الغلط ده علشان ماعملهوش تانى

6-

اقتباس :: - اكتر حلم كان نفسك تحققيه في حياتك واتحقق بالفعل ؟
7- و اكتر حلم كان نفسك تحققيه في حياتك وولكنك فشلتي في تحقيقه؟

السؤالين زى بعض لان حلم حياتى لسه ماحققتهوش

8-[quote] بتحبي مين اكتر بابا ولا ماما وليه ؟[/quote]
بحب الاتنين اد بعض بالضبط
(عاوز توقعنى فى الغلط انت ...)

9-

اقتباس :: ايه عيوبك ؟ وايه مميزاتك اللى انت شايفاها في نفسك؟

عيبى انى بتاثر بالكلام اوى.. يعنى لسه فيه درجه من درجات العبط مش عارفه اخلص منها
وعيب كمان انى بتنرفز بسهوله اوى
ميزتى بقى الاصرار.. يعنى لما احط حاجه فى دماغى يبى لازم اعملها ولو هاموت بسببها
وده ممكن نعتبره ميزة وعيب مع بعض

10-

اقتباس :: ايه الحاجة اللى نفسك تبقى موجودة في شخصيتك ؟

انى اقدر ادارى مشاعرى..وما اخليش العاطفه هيا اللى تتحكم فيا

11-

اقتباس :: مثلك الاعلى مين ؟ وليه؟

المفروض السؤال يبقى مثلنا الاعلى مين بعد الرسول عليه الصلاة والسلام.. علشان طبعا كلنا نفسنا نبقى زيه وبنمشى على خطاه
بس بعد ككده انا معنديش مثل اعلى

12-

اقتباس :: لو ربنا سهلك واتجوزتى وظبطتي جوزك بيخونك مع اعز صديقات هتعملى ايه؟

ياخبر اسود.. يخونى؟؟؟
طبيعى جدا انى هاقتله وهاقتلها من غير تفاهم اصلا

13-

اقتباس :: لما تتجوزى نفسك تجيي كام واد وبنت واسماؤهم ايه ؟

ايه ده بقى.. انا مابحبش اقاطع
ربنا يسهل وقتها

14-

اقتباس :: هل اعتراف الشاب لحبيبته بحبه يعتبر عيب او خطأ بالنسبة للفتايات؟

لا طبعا طالما فى حدود الادب والاحترام يبقى ده مايقللش منه فى حاجه

15-

اقتباس :: ما ردة فعلك عندما يقول لك حبيبك : أحبك نعم أتزوجـــك لا ..؟؟

لا.. اكيد انا مش هاحب حد اصلا بالاخلاق دى
انا طيبه وعارفه ان ربنا هيسترها معايا

اقتباس :: عموما قربنا نخلص اهو

قربنا ايه بس.. ده انا نفسى اتقطع ولسه قدامنا مشوار

16-

اقتباس :: نفسك فى ايه دلوقتى حالا؟

نفسى اروح دريم بارك.. بجد

17-

اقتباس :: لو اردتِي ان تعيشي في دنيا جديده وفق ماتريدينه..صفيها لنا؟
18- وهتاخدى مين معاكى فيها ؟

نفسى تبقى دنيا مفيهاش كدب خالص وهاخد كل الناس اللى بحبهم وباثق فيهم

19-

اقتباس :: ايه اغلس سؤال لحد دلوقت ؟

مفيش ولا سؤال على فكرة..كلها اسئله عاديه ماعدا جوزى اللى يخونى مع صحبتى ده تصدق اتخنقت منه قبل ما اعرفه اصلا

20-

اقتباس :: ايه السؤال اللى كان نفسك تتسأليه ؟ وجاوبي عليه ؟

ليه هوه انت خلاص مش لاقى اسئله تسالها وعاوز تغش منى كم سوال؟؟؟؟

اقتباس :: باى دلوقت واكيد هرجع

باى ياسيدى ورحمه الله وبركاته
واتفضل فى اى وقت بس ابقى هات معاك حاجه تتشرب علشام انت مشوارك بعيييد اوىى

اهلا ايهاب
الدور عليك هاه...

اقتباس :: ايه يا هاني مالك داخل سخن قوي كده ليه
كل دي اسئه

دا انا مش لاقي كلام اقوله دا انت خلصت علي الاسئله ياعم
يلا مش مشكله

قوله والنبى
ده كانى كنت قاتلاه قبل كده وبياخد بتاره

ماعلينا

اقتباس :: علي العموم انا هشكر مون لايت عي الكلام الجميل اللي قالته علي المنتدي

واحب اقولك انك بجد من الناس اللي زودتي حلاوة المنتدي

الكلام اللى قلته ده بجد على فكرة انا بشكرك اوى على كلامك ده

اخيرا جاتلى الفرصه واخدت بتارى من هانى

ابقى ورينى هاتدخل بقى وتسال تانى ازاى....

وطبعا استاذ دودى باشا داخل برزمة اسئله مش عارفه اقراها من كتر ما هيا كتيرة

ايه ياعم كل ده

هاجاوبلك عليهم حبه حبه.. وربنا يدينى الصحه وطولة العمر كده والحق اجاوب عليهم كلهم

اقتباس :: ال البنات زى النسمة ال

ايه ياعم دودى انت هتخبط من اولها ولا ايه.. خلى بالك البنات اغلبيه فى المنتدى هنا و.. وبعدين انا بالذات المفروض تقلق منى.. انت ماقريتش مواضيعى ولا ايه

اقتباس :: والله لأطحنك

انا مابتهددش على فكرة وعادى يعنى..انا هاطحنك برضه فى الاجابات

اقتباس :: أنا لما عرفت إنك من دمنهور والكافيتريا موووووووون لايت المنتدى كله عارفها

مش مستريحالك على فكرة

ما علينا .. شويه جد بقى ونبتدى مع التعذيب.. قصدى الاسئله

1-

اقتباس :: مــاهـو طمـوحك فى الحياةـ ..؟

ومــاهـو حلمكـ الـذي تتمنــى تحقيقه ..؟

هـل ترى بــأنـ الحـلمـ مشــابه للطمــوح .. أمـ ان هنـاكـ إخـتلافـ عنـ سؤالي الاول والثــاني ..؟

هجاوب التلاته فى واحد ده
انا حلمى هوه نفسه طموحى وهوه انى اترقى فى شغلى وانى ابقى عندى اسرة ناجحه
يعنى اجمع بين انى اكون زوجه وام ناجحه جدا فى بيتى وفى نفس الوقت ناجحه جدا فى شغلى... ربنا يقدرنى يارب

2-

اقتباس :: مـا أكثر المواضيع الــذي تجذبكـى للمشاركهـ فيهــا ..؟

المواضيع الخفيفه و الترفيهيه وزى ماحضرتك شايف كده انا مشرفه القسم الترفيهى

3-

اقتباس :: مـا اصعبـ موقفـ مــر عليكـى ..؟ وكيفـ كـانـ تصرفكـى فيــه ..؟

اصعب مواقف كنت بتعرضلها فى حياتى هيا ايام امتحانات العملى
عمرى ماهنسى يوم امتحان العملى بتاع الجراحه.. دخلت امتحن ومجهزة نفسى بقى البالطو والجوانتى والحوار ده.. وبعدين دخلت خير اللهم ما اجعله خير لقيت انى المفروض هامتحن على كلب ميت وبطنه مفتوحة والمفروض ان حضرتى تتكرم وتتفضل تفتح جزء فى المعدة وبعدين تخيطه تانى... طبعا حضرتى وقفت متنحه ابص للكلب وللدكتور ومفيش اى كلام راضى اساسا يطلع من بقى... والدكتور يقولى هاه اتفضلى وانا مفيش كلام بس بهز راسى ان لا مش هاعمل كده.. يقولى احنا مش بنهزر اتفضلى يا دكتورة اعملى العمليه وانا برضه اهز راسى لا وزمايلى بقو واقفين يضحكو على منظرى.. وبعدين صعبت على المعيد راح قايلى بصى امسكى المشرط والابرة بس وحوسيهم وحوسى ايدك دم ووريها للدكتور وهوه هايديكى الدرجه... بيحلم طبعا
فى النهايه طبعا وصلنا لطريق مسدود كل واحد مصمم على موقفه وطبعا معملتش العمليه وخليته يسالنى شفوى بس وقلتله العمليه بتتعمل ازاى بس شفوى بس طبعا.... مين دى اللى تلحوس ايديها علشان خاطر اخد الدرجه... هاه مش انا طبعااااا

4-

اقتباس :: منـ هـو قدوتكـى بالحيــاه .. ؟

على فكرة هانى كان سائل سؤال زى ده وقلتله ان الرسول قدوتنا وبنحاول اننا نمشى على خطاه... بس ..بعد كده معنديش قدوة

5-

اقتباس :: ومنـ هـو ظلكـ الـذي لا يفــارقكىـ ..؟؟

هوه ظلى دى صعبه شويه الفترة دى ... بس عامه صحبتى انتيمتى دودو ممكن اعتبرها ظلى بس لما بنبقى فاضيين او نازلين شغل سوا غير كده بنقضيها تليفون ونت

6-

اقتباس :: أمرتـ عليكـى لحظه تمنيتـى أنـ يعــود المـاضي فيهـا ..؟؟ أشـرحى لي كيفـ كـانتـ هذه اللحظه..؟ ومـا كـانـ سببهــا ..؟؟

طبعا كتير بتمنى انى ارجع صغيرة تانى واكيد كنت هاختار اختيارات غير اللى اخترتها
وطبعا ايام الطفولة ما تتعوضش.. مش كده

7-

اقتباس :: في اي مدرسه تعلمت الذوق والادب والاخلاق ؟؟

فى مدرسة بابا وماما.. البيت يعنى

8-

اقتباس :: مساحة من بياض الورق هي لك عرفى بها عن نفسك .. ؟!

كل الاجابات والمسلسل اللى بحكى فيه من الصبح ده ولسه هاعرف نفسى.. ياراجل حرام عليك

نكتفى بهذا القدر دلوقتى
وهادخل بكره اكمل .. اوك
سلام مؤقت

ادينى رجعتلك يا مون والمرة ديه مش هخرج من غير اسئله
يله نبتدى
بسم الله الرحمن الرحيم
انا هسئلك ايه رايك فى المشرفين والمراقبين والمدير والنائب
ومش عايز اجابات دبلومسيه
manos
free2months
dody4all
nooodi
hany_dawood2010
هيثم مرعى
mido_2007
eng_eslam
اميرة شمس الدين
ehab_adel
اسطورة من الاحزان
amr_tones
بس كفايه
جاوبى على دول
وبعدين نبقى نكمل سلاااااااااااااااااااااااام
هرجعلك تانى

ادينى رجعتلك يا دودى
واكمل معاك.. احنا كنا وقفنا فين؟؟؟

اوك...... نكمل بقى

9-

اقتباس :: أمنية حلمتى بها و تحققت .. ؟!

حلمت انى اخلص دراسه واشتغل.. والحمد لله اتحققت

عقبال باقى الاحلام يارب...:cheers:

10-

اقتباس :: أمنية حلمتى بها و لم تتحقق .. ؟!

لا دى مش هاقدر اقولك عليها بقى.. توب سيكريت:lol!:

11-

اقتباس :: هوايتك المفضلة و لماذا .. ؟!

بحب جدا السفر والرحلات والبحث على النت عن كل حاجه.. وزمان كنت بحب القراءة بس دلوقتى اى حاجه بحب اقراها بجيبها من عالنت:study:

12-

اقتباس :: صديقتك المفضلة وصديقك المفضل.. ؟!

صديقتى المفضله هى انتيمتى دودو
وصديقى المفضل.. بصراحه مش بقتنع بموضوع الصديق المفضل ده
زملاء بس اه لكن اصحاب.. لا

13-

اقتباس :: عطرك المفضل .. ؟!

ليه السؤال ده؟؟
عموما انا مش عارفه انت هتعرفه ولا لا
هو اسمه passion dance

14-ما هى اكلتك المفضله؟؟

السؤال ده اتسالته قبل كده مش كده
ما علينا بحب جدا البيتزا

شفت بقى فكرتنى انى لسه ما اكلتش.. هاكل وارجع اكمل تانى

سلام مؤقت

كنا بنقول ايه.....

اه

15-

اقتباس :: شئ لا تستغني عنه .. ؟!

الضحك والهزار والاشتغالات:lol:

16-

اقتباس :: أجمل مرحلة دراسية .. ؟!

الجامعه طبعا ..

17-

اقتباس :: شاعرك / شاعرتك المفضلين و أجمل كتابتهم .. ؟!

انا بصراحه ماليش فى الشعر خاااالص:study:

بس زمان قريت كم قصيده كده لايليا ابو ماضى كانو عجبينى بس طبعا مش فاكراهم

18-

اقتباس :: هطول المطر بماذا يذكركى .. ؟!

بيفكرنى بالكليه
اصل احنا كانت الكليه عندنا على النيل
وكانت ساعه المطر بحب جدا اقعد عالمرسى واشوف المطر وهو بينزل فى الميه
منظر شاعرى جداا جداا

19-

اقتباس :: شروق الشمس ماذا يوقظ فيكى .. ؟!

بحس بالتفاؤل اوى وبراحه نفسيه غريبه:flower:

20-

اقتباس :: أين تجدى الحب الكبير .. ؟!

اكيد عند بابا وماما لانهم بيبونى بدون مقابل .. والنوع ده من الحب عمرى ما هلاقيه غير عندهم بس

21-

اقتباس :: مدينة لا تفارق خيالك .. ؟!

الامارات.. مارحتهاش بس نفسى اروحها

22-

اقتباس :: كيف تقودى الآخرين لحبك .. ؟!

بالمعامله الطيبه.. والابتسامه الحلوة باستمرار.. وانى اخليهم يحسو بحبى واحترامى واهتمامى بيهم:GJY:

23-

اقتباس :: صفه تحبها و صفه تكرهها .. ؟!

بحب البساطه اوى.. وبكره الكذب جداااااا

24-

اقتباس :: كلمة تحبها .. و كلمة دائماً ترددها .. ؟!

حسبنا الله لا اله الا هو عليه توكلنا وهو رب العرش العظيم

و لا اله الا انت سبحانك انى كنت من الظالمين

25-

اقتباس :: ماذا يضحك .. وماذا يبكيك .. ؟!

بصراحه كل حاجه بضحكنى.. على طول مع نفسى
وببكى اوى ساعه الفراق خصوصا الفراق النهائى ( الموت يعنى بعد الشر علينا كلنا)

26-

اقتباس :: أحب الناس الى قلبك " من الأعضاء " .. ؟!

كلهم الحقيقه غاليين عليا اوى

27-

اقتباس :: ثلاث تذاكر من تأخذ معك " من الأعضاء " .. ؟!

انت ماقلتش تذاكر لايه
اصلها لو للسيرك مش هاروح معاكم اصل:rendeer:

ا. ابقو روحو انتو من غيرى

28-

اقتباس :: كلمة أخيرة " بعد التعب " .. ؟!

تعبك راحه يا خويا

انا مش مصدقه اصلا انى خلصت
جاوبت على 3 اجزاء زى افلام الرعب الاجنبى:affraid: .. ايه رايك

رجعت تانى ودلوقتى بقى مع الاستاذ الكبير اوى هانى مراقب المنتديات

اقتباس :: ادينى رجعتلك يا مون والمرة ديه مش هخرج من غير اسئله

طبعا ما ينفعش ياهانى المرة دى كمان تخرج كده,, لازم نعمل معاك اى واجب

اقتباس :: انا هسئلك ايه رايك فى المشرفين والمراقبين والمدير والنائب
ومش عايز اجابات دبلومسيه

ياسلام... حريف اوى يا هيثم
سؤال فى الجون
ماشى
وازاى يعنى مش عاوز اجابات دبلوماسية
عاوزنى اخبط فى الناس يعنى ولا ايه
عامه من غير دبلوماسيه فى الاول بقول ان كل من المشرفين والمراقبين والمدير والنائب هنا بيتميزو بخفه دم غير عاديه.. نظام يعنى ما جمع الا اما وفق.. بالاضافه كمان للنشاط الواضح والملحوظ ليهم كلهم
وطبعا ده اللى خلى المنتدى يوصل للمستوى ده

طبعا ماينفعش امسك واحد واحد بقى اتكلم عليه لان حتلاقينى بكررر نفس الكلام تقريبا على كل حد.. صح ولا غلط
مش ساعات بتحس ان كلنا شبه بعض....؟؟

انا كده جاوبت ..بس خلاص

» (فراشة المنتدى) هي ضيفة هذا الأسبوع ادخلوا و أسألوها !!!!!!!
» سومة ضيفة حلقة هذا الاسبوع
» حصــريــا :: احلام حقيقيه :: VCD Quality :: نسخة Rmvb :: روابط مباشرة
» الدخول اجباري.. حلقات ضيف الأسبوع
» ضيف حلقة هذا الأسبوع : ادخلو و تعرفو