ضد نظام الإنترنت الجديد في مصر! ياريت كله يدخل ويشارك!!!!!!!

الخبر الأول للي مايعرفش..

طارق كامل وزير الإتصالات في مصر, أعلن من فترة إن الدولة بتواجه مشكلة في حساب عدد مستخدمي الإنترنت في مصر, اللي هو في حدود المليون مشترك, بسبب الوصلات, لأن الحساب عالميًا بيتم حسب عدد خطوط التليفون المشتركة في الخدمة, ولو كان خارج من كل خط تليفون 5 وصلات, فيبقى عدد مستخدمي الإنترنت حاليا خمس أضعاف, أيّ 5 مليون مشترك.
وقال في نفس الوقت إنه متفهم ومقدر إن سعر 95 جنيه لأقل فئة إشتراك وهو بسرعة 256 كيلوبايت/ث فوق إمكانيات الأسرة المصرية, فأعلن إنه بيفكر يقلل سعر الإشتراك للنصف قريبا..
واستبشرنا خير.. ونسينا إن الحدّاية عمرها ما حدفت كتاكيت!!
من يومين, فوجئنا بنظام جديد ومختلف تمامًا..
حسب النظام الجديد, قيمة الإشتراك الشهري 45 جنيه, متاح لك فيها أن تقوم بإستخدام الإنترنت مجانًا بأحد طريقتين:

1. 60 ساعة مجانية, بعدها تقوم بدفع 150 قرشًا مقابل كل ساعة زيادة.
   
2. تحميل 2 جيجا بايت مجانا, بعدها تقوم بدفع 10 جنيهات لكل جيجا بايت.
   الناس مستاءة جدًا..
   

والدكتور عمر البدراوي الرئيس التنفيذي للجهاز القومي لتنظيم الإتصالات بيحتجّ بإن المتوسط العام للإستخدام في كل دول العالم لا يزيد عن 2 جيجا بايت شهريًا, ولم يذكر لماذا لم تقم “كل دول العالم” بفرض نفس القيد على مستخدمي الإنترنت بها؟, وأعرب عن أن الزيادة تحدث عند تحميل الأفلام والموسيقى والأغاني, وأن هذا يستوجب دفع مقابل لهذه الخدمة!, وإن كنت لا أفهم من الذي “أوجَبْ” ذلك علينا ولم يوجبه على غيرنا!, لكن لم يتكلم الدكتور عمّن تستوجب عليهم مهنهم تحميل الموسيقى والأغاني, ولم يتكلم عن طلبة الماجيستير والدكتوراة وأساتذة الجامعة الذين يحتاجون 10 و 20 جيجابايت شهريًا, نسيت أننا دولة تشجع البحث العلمي!

اللى عنده رأي او اقتراح او خبر جديد عن الكارثة دي ياريت ما يبخلش علينا بحاجة

شكرا يا هانى على المعلومات بجد والله
ربنا يستر وياريته لو عندك اي اخبار جديدة او اي عضو عنده حاجة جديدة
ياريت ما يبخلوش علينا
عشان انا نفسي اتابع الموضوع
عشان نشوف هيحصل ايه