ضيف حلقة هذا الأسبوع : ادخلو و تعرفو

السلام عليكم و رحمة الله و بركاته

مرت أول حلقة من ضيف الأسبوع و كانت سومة منورة الحلقة

هذا الأسبوع أخذنا بعين الاعتبار اقتراحات بعض الأعضاء بأن نستضيف اسلام مانوس و انا منهم حيث كنت سأقترح ان يكون اول ضيف في حلقات ضيف الاسبوع و طبعا اسلام غني عن التعريف و مجهوده في المنتدى يتكلم بالنيابة .

و لهذا لن يكون هناك استفتاء هذا الأسبوع و سيكون اسلام ضيفنا .

فأهلا باسلام في حلقة هذا الأسبوع و يا رب تجاوب على كل الأسئلة

كل الأسئلة خليك فاكر ههههههههههههههههههههه

تحياتي نودىىىىىىىىىىى

انا متشكر جدا ليكى يانودى على كلامك الحلو دة ويارب اقدر ارد على اسئلتك

بس انا عارف انكم هتتوصوا بياجاتلى تهديدات من دودى

العفو يا اسلام
انا مهما قولت مش هوفيك حقك
بس انا شايفة انك مرتاح اوىىىىىىىىىىىىى و مفيش أسئلة ههههههههههه
مينفعش كدة أبدا

جاوب على الأسئلة دي
بس تحط السؤال و تجاوب عليه مش تجمع و تطرح و تضرب و يطلع العدد صفر :D

اسمك
سنك
دراستك
سنة كام
عدد اخواتك
ترتيبك كام بين اخواتك
المغني المفضل عندك
المغنية المفضلة
الممثل المفضل
الممثلة المفضلة
الأكلة المقضلة
هواياتك
صديقك المقرب
صديقتك القريبة

كفاية عليك كدة دلوقت
بس راجعة طبعا لس عندي كثير عاوزة اعرفة

بالتوفيق يا ادمن :D

اسمك : اسلام محمد منسى القبانى

سنك : 5/10 اللى جاى هكمل 20 سنة

دراستك : كلية التربية جامعة الاسكندرية فرع دمنهور قسم اللغة العربية

سنة كام : الفرقة الثالثة

عدد اخواتك : 3

ترتيبك كام بين اخواتك : الثانى

المغني المفضل عندك : عمرودياب طبعا

المغنية المفضلة : شرين

الممثل المفضل : احمد حلمى واحمد السقا

الممثلة المفضلة : منى ذكى

الأكلة المقضلة : الملوخية

هواياتك : الكمبيوتر والنت

صديقك المقرب : كل صحابى لانى بحبهم كلهم

ماعنديش سؤال محدد ليك تقريبا عرفنا كل حاجه بس اانا حابه اشكرك على مجهودك الرائع والمتواصل بالمنتدى ومواضيعك الجميله وافلامك الاجمل بس للاسف حاولت انزل اكتر من مره فيلم من افلامك ومااشتغلش وانت حاولت انك تساعدني وترد على استفساراتي بس ماعرفتش اشغل الافلام ياترى في حد شغل اي فيلم ونفع معاه

منور يا منسى الحلقه
وعايز اسئلك
الا عب المفضل ليك
احل هدف شوفته فى حياتك
كم مرة دق الحب على بابك

ايه الاخبار يا اسلام
منور و الله
عندي شوية اسئلة كمان معلش
بتحب دلوقت و الا لا ؟
مرتبط و الا لا؟
هل الحب الحقيقي موجود؟ في نظرك طبعا
هل اعجبت بفتاة و انت تحب اخرى او بمعنى اصح مرتبط باخرى؟ لو نعم كان رد فعلك ايه؟

بصراحة فيه اسئلة تاننية كثير بس مش هثقل عليك لما تجاوب على دول

سلام مؤقت

اقتباس :: "المصرى"

منور يا منسى الحلقه
وعايز اسئلك
الا عب المفضل ليك
احل هدف شوفته فى حياتك
كم مرة دق الحب على بابك

اللاعب المفضل : محمد ابو تريكة والكابتن على فرشة مدربك يا هيثم

احلى هدف : بتاع ابو تريكة فى كاس العالم من ضربة ثابتة

كم مرة دق الحب على بابك : مينفعش يدق غير مرة واحدة

NoOoDi كتب:: ايه الاخبار يا اسلام
منور و الله
عندي شوية اسئلة كمان معلش
بتحب دلوقت و الا لا ؟
مرتبط و الا لا؟
هل الحب الحقيقي موجود؟ في نظرك طبعا
هل اعجبت بفتاة و انت تحب اخرى او بمعنى اصح مرتبط باخرى؟ لو نعم كان رد فعلك ايه؟

بصراحة فيه اسئلة تاننية كثير بس مش هثقل عليك لما تجاوب على دول

سلام مؤقت

بتحب دلوقت و الا لا ؟ : مينفعش الانسان يعيش من غير حب بس مش مرتبط

هل الحب الحقيقي موجود؟ : هو موجود لكن نهايتة مش سعيدة بجكم الظروف اللى احنا عايشنها يمكن انتى يا نودى مش من مصر لو كنت عايشة فى مصر كنت هتعرفى انة فى الغالب الانسان مش بيرتبط بالانسانة اللى بيحبها

ايوة اعجبت بس الاعجاب مش حب مثلا اعجبت بادها او جمالها

واى خدمة يانودى

ممكن أعرف يا إسلام إسم البنت اللى دقت باب قلبك مرة واحدة واللى قلبك مش حيدقى بعدها

ولو صعب عليك الأمر ممكن تكتب إسم الشهرة وأنا حفهم

وليه مش بتفكر تكلم بنات غيرها وتحب غيرها وتعيش حياتك بدل اللى عامله ده

والمفروض إن الإنسان بيحب على طول موافقنى ولا لأ ؟

وعلى فكرة إيه الأخبار مع تامر أصله اليومين دول هارى ريكو إبتسامات ونظرات وأنا بفكر أعيش معاه موافقنى ولا لأ؟

ممكن أعرف يا مانوس بجد مين الصديق المضل والمميز فى محل إقامتك بالتحديد؟

هل لأمريكا سيطره على المنتدى؟

إيه رأيك فى الأعضاء الجدد والمشرفة الجديدة سومة ؟

متى يبدأ الحب فى حياتك؟ وأول مرة قلت بحبك وحستها بجد وأول لمسة إيد رعشت قلبك قبل جسمك ؟

هل الحب ضروري ؟

هل من الممكن أن يعيش الإنسان و يموت من غير حب ؟

أيهما أعنف فى حبه .. الرجل أم المرأة ؟

أيهما أكثر إخلاصا فى الحب .. الرجل أم المرأة ؟ ورد فى قصة حبك؟

و لماذا يتعذب المحبون ؟

هل الخناق أو الشجار ضرورى بين المحبين ؟

عاوز كمان أعرف رأيك فى الحب ونظرتك إليه بصراحة ؟

هل من الممكن ان نكتم احاسيسنا تجاه من نحب ؟؟؟

هل هناك فتاة تتلذذ بعذابها ؟

هل صار الحب فى هذا الزمان سلعة تباع وتشترى ؟؟؟

هل التفكير فى الغير يمكن ان يقتل الحب ؟؟؟

هل من الممكن أن تكون المثالية مبرراً للتضحية بمن نحب ؟؟؟

وعلى فكرة حظك حلو كل الأسئلة اللى كنت محضرهالك على العموم كل حبة أنساها وإنت عارف ظروف النت اللى عندى ؟ بس لو لحقتك فى أخر يوم فى الإسبوع هتشوف المرار والويل يا مانوس ؟

وعلى فكرة مجهود رائع يا ندى

وأعتذر عن التواجد حتى 19 - 3 - 2007 وحجيلكم بهدية عيد الأم
لكل البنات إستنوا الهدية

ممكن أعرف يا إسلام إسم البنت اللى دقت باب قلبك مرة واحدة واللى قلبك مش حيدقى بعدها

ولو صعب عليك الأمر ممكن تكتب إسم الشهرة وأنا حفهم : ( مش هينفع )

وليه مش بتفكر تكلم بنات غيرها وتحب غيرها وتعيش حياتك بدل اللى عامله ده

والمفروض إن الإنسان بيحب على طول موافقنى ولا لأ ؟ ( انت فاهم غلط الظروف هى السبب)

وعلى فكرة إيه الأخبار مع تامر أصله اليومين دول هارى ريكو إبتسامات ونظرات وأنا بفكر أعيش معاه موافقنى ولا لأ؟ ( مرحلة تامر دى كانت لعب عيال واهم حاجة فى الانسان كرامتة)

ممكن أعرف يا مانوس بجد مين الصديق المضل والمميز فى محل إقامتك بالتحديد؟( كل صحابى )
هل لأمريكا سيطره على المنتدى؟ ( اعترف انة امريكا لها سيطرة على العالم كلة الا مانوس اعضاءة هم المسيطرون الوحيديون على المنتدى )
إيه رأيك فى الأعضاء الجدد والمشرفة الجديدة سومة ؟ ( الاعضاء كلهم موز موز موز وسومة 100 % بس ناقصها التنسيق )
متى يبدأ الحب فى حياتك؟ وأول مرة قلت بحبك وحستها بجد وأول لمسة إيد رعشت قلبك قبل جسمك ؟ ( فى فلم دعاء الكروان مفيش كلام من دة حصل لسة )

هل الحب ضروري ؟ ( اكيد ) )
هل من الممكن أن يعيش الإنسان و يموت من غير حب ؟ ( مستحيل

أيهما أعنف فى حبه .. الرجل أم المرأة ؟ ( اعتقد الرجل لانة هو المسئول الاول فى نهاية الحب )
أيهما أكثر إخلاصا فى الحب .. الرجل أم المرأة ؟ ورد فى قصة حبك؟ ( او بيحبوا بعض اكيد عمرهم ما يخونوا بعض )

هل الخناق أو الشجار ضرورى بين المحبين ؟ ( لا )

عاوز كمان أعرف رأيك فى الحب ونظرتك إليه بصراحة ؟ ( الحب هو حاجة جميلة اوى بس ميكنش من طرف واحد ويكون نهايتة الزواج )
هل من الممكن ان نكتم احاسيسنا تجاه من نحب ؟؟؟ ( ممكن )

هل هناك فتاة تتلذذ بعذابها ؟ ( مستحيل اتلدذذ بعذاب واحد او واحدة )

هل صار الحب فى هذا الزمان سلعة تباع وتشترى ؟؟؟ ( لا )
هل التفكير فى الغير يمكن ان يقتل الحب ؟؟؟ (لا )
هل من الممكن أن تكون المثالية مبرراً للتضحية بمن نحب ؟؟؟ (احيانا )

كلمة اخيرة يا ويلك يا دودى لما الدور يجى عليك

يا اسلام انا مدربى اسمه محروس بهيه نجم رشيد فى الستينات انما على فرشه دها كان جعان اوى
وبحضرلك كام سوال كده على كيف كيوفك

ميرسيه يا اسلام على ردك على أسئلتي
ايه دة يا محمد بالراحة على اسلام انت كدة هطفشة من الحلقة :D

معلش يا اسلام استحمل و انا بقا عشان محمد تقل عليك مش هسألك :)

بس بجد مش قادرة امسك نفسي دماغي بيوجعني ههههههههههههههههههه
عشان كدة هسألك شوية أسئلة صغنونة
انت برضة مترضاش يجيني صداع 8)

1 -متى بتكون فى قمة حزنك ؟؟؟؟

2 - ما هى حكمتك فى الحياة ؟؟؟؟؟

3- ماهو هدفك فى الحياة ؟؟؟؟؟

4- اطرف واغرب موقف حصلك على النت ؟؟؟

5-مين برائيك العضو الكسول والعضو النشط فى المنتدى
( ياريت تحدد بالاسامى )؟؟؟

6- ما هي سلبياتك وايجابياتك ؟

7 - من اقرب الاعضاء لك؟؟؟والذي تكشف له اسرارك؟؟؟

8 -مثلك الاعلى بالمنتدى؟؟؟

كفاية كدة عشان صعبت عليا هههههههههههه

هرجع تاني اكيد ;)

1 -متى بتكون فى قمة حزنك ؟؟؟؟ ( لما ازعل حد منى )

2 - ما هى حكمتك فى الحياة ؟؟؟؟؟ ( عامل الناس بمثل ما تحب ان يعاملوك )
3- ماهو هدفك فى الحياة ؟؟؟؟؟ ( نفسى اخدم الناس واصلح حال بلدى <وسعة دى > بس دا واللة هدفى )
4- اطرف واغرب موقف حصلك على النت ؟؟؟ (هو نفس الموقف بيحصلى كتير انى اكلم واحد على اساس انة واحد تانى خالص وفى الاخر يقولى انا مش فلان )
5-مين برائيك العضو الكسول والعضو النشط فى المنتدى
( ياريت تحدد بالاسامى )؟؟؟ ( كل عضو فى اى منتدى يستفيد من المنتدى وميفيدشى المنتدى يبقى اكيد عضو كسول اما العضو النشيط فى المنتدى بتاعنادة هما مش عضو واحد كذا منهم انتى يا نودى والعضوة نور والمصرى وهانى ودودى وحامو )

6- ما هي سلبياتك وايجابياتك ؟ ( سلبياتى: الانسان لايمكن انة يكتشف سلبياتة ولا ايجابياتة متهيالى افضل حد يرد على السؤالدة هما اصحابى )
7 - من اقرب الاعضاء لك؟؟؟والذي تكشف له اسرارك؟؟؟ (gogi والمصرى ودودى )

8-مثلك الاعلى بالمنتدى؟؟؟ (لسة ما اكتشفتش ميزة فى عضو يخلينى اتخذة مثلى الاعلى )

ويارب يكون الصداع راح انا مقدرش على صداعك

اهلا يا اسلام
رجعتلك تاني
معلش انت بتوحشني :D
عندي سؤال واحد بس
افترض انك احببت فتاة و هي ايضا احبتك بجنون فتزوجتها
اكتشفت وبعد مرور سنوات أنه كان لها ماضي أخفته عنك- ربما لانها كانت خائفة ان تخسرك و هي تحبك-، ومحت آثاره بطرق مختلفة قد تصل الى حد الخداع.

ماذا ستفعل حينها وما هو رد فعلك باعتبارك رجلا عربيا .. هل ستثور هل ستتعارك معها هل ستتركها .. هل ستاخذها الى اهلها وتحكي لهم خداعها لك .. هل ستصبح انسان شكاك ..

NoOoDi كتب:: اهلا يا اسلام
رجعتلك تاني
معلش انت بتوحشني :D
عندي سؤال واحد بس
افترض انك احببت فتاة و هي ايضا احبتك بجنون فتزوجتها
اكتشفت وبعد مرور سنوات أنه كان لها ماضي أخفته عنك- ربما لانها كانت خائفة ان تخسرك و هي تحبك-، ومحت آثاره بطرق مختلفة قد تصل الى حد الخداع.

ماذا ستفعل حينها وما هو رد فعلك باعتبارك رجلا عربيا .. هل ستثور هل ستتعارك معها هل ستتركها .. هل ستاخذها الى اهلها وتحكي لهم خداعها لك .. هل ستصبح انسان شكاك ..

بصى يانودى انا هجواب على سؤالك بسؤال وهو اية هو هدفها لما تقولى على ماضيها متهيالى

مفيش سبب يخليها تقول الا انها مش قادرة تخبى عليا لانها بتحبنى فانا هسامحها علطول بعد

تانيبها لانها اخفت عليا سنين وكمان ثقتى فيها هتبقى كبيرة مش هتقل ولاحاجة لانها اعترفت بشىء

قد يدمر حياتها

ميرسيه يا اسلام على ردك
و بصراحة ردك عجبني جدا
تسلم

اكتر اغنيه بتحبها , ليه ؟؟؟

لما بتقابلك مشكله بيكون ايه تصرفك ؟؟؟

اكتر صفه بتحبها ؟؟؟

اكتر صفه بتكرهها ؟؟؟

اكتر شخص عزيز عليك ؟؟؟

اكتر شخص مبتحبهوش ؟؟؟

ما معنى السعادة بالنسبة لك ؟؟

ما هو الحب من وجهة نظرك ؟؟ وماذا يعنى بالنسبة لك ؟؟

حاجه عملتها وفرحان انك عملتها من جميع النواحى ؟؟؟؟؟؟

حاجه عملتها وزعلت عليها اوى ؟؟؟؟؟؟؟؟

ايه الى بيخليك تتعصب ؟؟؟؟؟

لو عرض عليك انك تختار بين الحب والمال ايهما تفضل ولماذا؟

إذا حدث لك ووقعت فى موقف محرج ( اى موقف) فماذا تفعل؟؟

ما الشىء الى تريد تبديله بداخلكـ ..؟ وما هوا الشى البديل؟؟

ايهما اصعب (الفراق - الوداع) وليه؟

اغنية بتحبها وليه؟

لما بتقابلك مشكله بيكون ايه تصرفك ؟؟؟

اكتر صفه بتحبها ؟؟؟

اكتر صفه بتكرهها ؟؟؟

اكتر شخص عزيز عليك ؟؟؟

اكتر شخص مبتحبهوش ؟؟؟

ما معنى السعادة بالنسبة لك ؟؟
ما هو الحب من وجهة نظرك ؟؟ وماذا يعنى بالنسبة لك ؟؟

حلم ضاع منك اية هو ؟؟

تقول لمين وبينى وبينك كدة عودت عينى على رؤياك ؟؟

اخر حلم حلمته وانت نايم ؟؟

وش اكثر شئ يعجبك في نفسك؟؟
2-لو جبتلك مارد يحقق امانيك وش بتختار (3امنيات فقط)؟؟
3-قد لبست جنزات؟؟؟والا دايم بالثوب؟؟؟
4-قد سويت شعرك (سبايكي)؟؟يعني حطيت جل بشعرك ووقفته كنك دجاجه مفجرين
بوجها قنبله>>>>مثال للتقريب..
5-عطنا بطاقتك الشخصيه...
6-منهو العضو اللى يرفع ضغطك؟؟؟

من هو العضو بالمنتدى اللي تشدك مواضيعه ؟

* كم رصيدك في هذه اللحظه من حب اعضاء مانوس ؟

* من هم اصدقائك اللي تتواصل معهم وتعرفت عليهم من المنتدى ؟

* ترشحت لمنصب المراقب العام للمنتدى ويش اهم ثلاث قرارات بتتخذها ؟

* ايش رايك في مشاركة العنصر النسائي معنا في منتديات مانوس ؟

* شغله تحس ان المنتدى بحاجتها وودك انها تكون موجوده ؟

* كم عدد الاصدقاء المضافين معك في ماسنجرك ؟

* هل للحب مجال في حياة مصداقيه ... وهل انت ممن يعترف بان الحب الاول هو اللالذ والاطعم ؟

* ايش تعنيلك الحياه بلا حب ... والحب بلا اصدقاء ؟

ممكن نسألك يا إسلام بتحب الطبخ؟

* ين اللى بيتخذلك قراراتك المهمة؟

* شعرت بالسعاده مع حبك الأول؟

لماذا إنت متعلق بيه لحد لوقت؟

* هو الحب بيختفى مع الأيام ولا بتزيد جراحه ؟

هل انتي مع طريقة المنتخب الجديده في اللعب 4/4/2 او الطريقه السابقه احلا اللي هي 5/3/2 ؟

إنت بتحب تشرب فى المج ولا الكبايه؟

* بتحب الكابتشينو بس مش أبو لبن ورغاوى ؟

* هل أنت شاعر ؟

* إيه رأيك فى أسئلة هانى ونووووووودى

اكتر اغنيه بتحبها , ليه ؟؟؟ (قبل الوداع و قصاد عينى لعمرو دياب)

لما بتقابلك مشكله بيكون ايه تصرفك ؟؟؟ (لازم اقولها لحد صاحبى علشان يفكر معايا فى حل لها)اكتر صفه بتحبها ؟؟؟ ( الصدق )

اكتر صفه بتكرهها ؟؟؟ (الكذب والخداع والانانية )

اكتر شخص عزيز عليك ؟؟؟ ( امى وابويا )

اكتر شخص مبتحبهوش ؟؟؟ ( الشخص المغرور )

ما معنى السعادة بالنسبة لك ؟؟ ( السعادة فى راحة البال لما الاقى الناس مبسوطة منى )

ما هو الحب من وجهة نظرك ؟؟ وماذا يعنى بالنسبة لك ؟؟ ( جوبت علية قبل كدة مش شغلانة )

حاجه عملتها وفرحان انك عملتها من جميع النواحى ؟؟؟؟؟؟ ( ترك الحب )
حاجه عملتها وزعلت عليها اوى ؟؟؟؟؟؟؟؟ ( ترك الحب )

ايه الى بيخليك تتعصب ؟؟؟؟؟ ( الغباء )

لو عرض عليك انك تختار بين الحب والمال ايهما تفضل ولماذا؟ ( او واثق من الحب دة اختارة لانة هيعيش لكن المال مش بيعيش )

إذا حدث لك ووقعت فى موقف محرج ( اى موقف) فماذا تفعل؟؟ ( فى مواقف كتير الواحد بيتحرج فيها خصوصا انا لان انا نساى بنسى بسرعة ممكن اقابل واحد صاحبى ومش فاكر اسمة هو يسلم عليا وانا مش عارف اقولة اية فبجارية وخلاص )

ايهما اصعب (الفراق - الوداع) وليه؟ ( الوداع اصعب من الفراق لانك ممكن تفراق الشخص من غير ما يشوفك )

هااااااااى اسلام عندى سؤال ليك اية رايك فى الحب

اسلام انت قولت الى بتحبه انك بتحبه من اول ما حسيت بكده واذا كانت من اول مره ايه كان رده وهل كان هيختلف لو كنت استنيت ايه كان ممكن يحصل

ولو كنت انتظرت لحد ما تتاكد اتاكد بعد اد ايه

ومين الى بدا وقال بحبك انت ولا هى؟

وهل تم التوفيق بنكم؟

واذا كان ( لا) هل ده عيب (فيك ولا فيها ولا الظروف)؟
واذا كانت الظروف ليه مش حاولت انك تتحدى الظروف؟

كان عندك اد ايه(سنك) لما دق قلبك؟

مين الى انت كنت بتتمنى انه يكون معاك فى المنتدى ومش حصل نصيب؟
ومين الى انت بتتمنى انك تشيله من المنتدى بس خايف على زعله؟
ومين الى انت عايز تشيله من الاشراف بس مش عارف تحط مين مكانه فسيبه لحد ما تشوف واحد مكانه؟
ومين الى انت شيفه ممكن يكون صاحب منتدى ويكون اده؟
ومين من الاعضاء الى انت شيف فيه مشرف بجد وممكن تحطه مشرف؟

ياله يا اسلام كفايه دول لحد ما اشوف الرد ده الجزء الاول من الاساله
ومش عايز حد يزعل من الاساله ومن رد اسلام عليه د اذا كان ناوى يرد اصلا ومش يتهرب ويقول (كلهم ومش فى) كده يعنى

[img]والله يا انسة نودي بجد يعني حرام عليكي الي بتعملي في الرجال ارحمي شوية ارحمو من في الارض يرحمك من في السماء اهداو شوية بقي علي الرجال حراااااااااااااااااااااااااااااااااااااااااااااااااام

[/img]

انا شايف يا جماعة انة كفاية لحد هنا كلام عن الحب
e22

» هاني داوود ضيف حلقة هذا الأسبوع : الكل يدخل
» الدخول اجباري.. حلقات ضيف الأسبوع
» احلى بنوتة ضيفة هذا الأسبوع moon_light
» لولو بتقولكم ادخلو ضرورى
» ادخلو وشوفوا ذكاء الطلاب فى الامتحانات0000000