سومة ضيفة حلقة هذا الاسبوع

السلام عليكم و رحمة الله تعالى و بركاته
انتم عارفين طبعا مين ضيف الاسبوع لانة باختياركم
لكن هقدمة ليكم مرة تاني
احلى سومة في المنتدى
احلى عضوة
عضوة نشيطة جدا
عضوة محترمة و محبوبة

و انا اكيدة انه سيكون احلى اسبوع في الدنيا مع احلى سومة

الف شكر ليكى يانودى وبشكر اعضاء المنتدى ويارب اكون عند حسن طنكم

على فكرة يا نودى انا ازى هاعرف الاسئلة

بصي يا قمري
انتي تكون متابعة الموضوع و كل عضو عاوز يسأل اي سؤال هيخش و يعمل رد على الموضوع و يكتب السؤال او اللأسئلة الي عاوز و انتي تخشي و تعملي رد بردة و هكذا
و ممكن على فكرة يخش اي عضو اكثر من مرة لو عاوز او عندة اسئلة تانية
يا رب اكون وصلت الفكرة

بالتوفيق يا سومة

اعرضي لنا كدة بطاقتك الشخصية
اسمك سنك جنسيتك ديانتك مؤهلك
عرفينا بنفسك فى اربع كلمات بس؟
مطربك المفضل ؟مطربتك المفضلة ؟ممثلك المفضل؟ممثلتك المفضلة؟
ايه الاكلة المفضلة عندك؟
ايه لونك المفضل؟ هوايتك؟
اغنية بتحبيها وليه؟
عندك اخوات؟
بتكرهي ايه؟ وبتحبي ايه؟
من برج اية ؟؟
هل انت عصبية ؟؟
بتحبي مين فى الاعضاء؟؟
اتعرفتي على المنتدى دة ازاى؟؟
بتقعدي على الانترنت كام ساعة ؟؟
بتحبي افلام الرعب والقتل ولا ؟؟

وكفاية عليكي كدة فى الاول

ماشى يا هانى انا هرد على الاسئلة
1- سميرة 2- 20 3- مصرية 4- مسلمة 5- بدرس فى كلية تجارة
2- انا بحب الحياه
3- كا ظم الساهر عبد الحليم حافظ - اصالة نصرى- شرين عبد الوهاب
عادل امام-احمد السقا_محمد هنيدى- منى زكى -نور- حنان ترك
4- بجد المحشى الكرنب
5- لونى المفضل الزيتى _ هواياتى الشعر - الاستماع الى الاغانى - النت
6- اغنية بحبها فى اغانى كتير بس انا بحب الاغانى الرومانسية
7- عندى 4 اخوات
8- انا بحب الحياه - وبكرة التطفل وبكرة الانسان السلبى
9- من برج العقرب
10- انا مش عصبية وبحاول احل مشكلى بكل هدواء
11- كل الاعضاء كويسن وانا بحبهم زى اخواتى
12- اتعرفت على المنتدى وانا بعمل بحث على النت دخلت على المنتدى ومواضيع عجابتنى
13- انا بقعد على النت يعنى ممكن 3 ساعات اواقل
14 لا انا بحب الافلام الرومانسية

اعرضي لنا كدة بطاقتك الشخصيه

لو كنتى انتى الى اختارتى حياتك زى (اسمك,,,جنسيتك,,,اسرتك,,,دراستك,,, عمللك,,شكلك,,بلدك)
كنتى حبيتى انك تبقى ازاى؟؟؟

ايه اكتر حاجه عملتيها واتحديتى الكل عشانها والاخر طلعتى غلطانه؟؟؟؟؟وايه هى وانت طلعتى كان عندك حق؟؟؟وكان تصرفك ازاى فى الحالتين؟؟؟؟؟

لو كان عندك امنيه واحده وكانت محققه كنتى اتمنيتى ايه؟؟؟؟؟؟وليه؟؟

ايه اكتلر موضوع عجبك فى المنتدى؟؟وليه؟؟

وياريت تقوليلنا كل حاجه عنك؟؟؟

كفايه عليكى كده

ماشى يا حموا
- سميرة 2- 20 3- مصرية 4- مسلمة 5- بدرس فى كلية تجارة
2- انا احب انى اكون نفسى
3- اكتر حاجة عملتها بجد فيش لانى احب اعرف راءى كل اصحابى
4- امنيتى ان اعيش فى سلام واهم حاجة انى ادخل الجنة لما اموت
5- كل مواضيع المنتدى جميل حقا وهوا منتدى جميل وكل الاعضاء جمال
6- انا احب الحياة واحب ان اعيش فى سلام
يارب الايجبات تكون مقنعة بااااااااى

هى مقنعه بس على العموم عادى ليه؟؟؟؟؟؟؟
لان فيه اسئله تانيه كتير

ماشى يا حموا الف شكر

مبروك على المميز يا سومه

ممكن اطرح شويه اسئله

انتى مين احسن عضو طيب فى المنتدى؟

انتى بتحبى مين فى الممثلات العربيه؟

انتى عندك كام سنه؟

ممكن تعرفينى بنفسك؟

ممكن اعرف انتى ليه دخلتى معانا على منتدانا الغا لى مانوس؟
****************************

مشكور يا ميدوا
انا بحب منى زكى - نور - حنان ترك
انا عندى 20 سنة
انا سومة انا بحب الحياه
هوا متدى جميل ومتميز

ايه دة يا جماعة بالراحة شوي على سومة كل دي اسئلة :D

و الله يا سومة هما ثقلو عليكي بس انا كمان عندي أسئلة مينفعش مقولهاش

بالنسبة لسومة يعني ايه

حب
وفاء
سعادة
خيانة
صداقة
أم
أب
أخ
أخت

طيب كفاية دلوقت و هرجع بعدين اكيد

هاي سومه انا من اشد المعجبين فيكي وبمواضيعك وانا شايفه انهم سالوكي بكل حاجه عموما انتي بتقولي بتحبي مني وحنان ونور طيب ليه حاطه صوره مي عز الدين مع انها فنانه جميله بس ليه صورتها بالتحديد وشكرا

يعنى مش معقول تكون سومة هنا ومندخلش نهريها بالاسئلة ونتعرف عليها

يا سومة

مين مثلك الاعلى ...........؟؟؟؟؟؟؟؟
مين اللى غير وجهة نظرك تجااه مبدا معين بمعنى اقنعك بشئ غير ما تؤمني به.............؟؟؟؟؟؟؟؟

كلمينا عن الحب والغدر والخيانه والوفاء من وجهة نظرك الرومانسية............؟؟؟؟؟؟؟؟؟

عضو تشعري بقربه من تفكيرك..............وووعضو تشعري بأنه فيلسوف..........وووعضو تشعري بأنه فارس .........عضو تشعري بأنه مناضل..........عضو تشعري بأنه رومااانسى جدا.............اذكري كلا من الاعضااء السابقين.......؟؟؟؟؟؟؟

الاسئله كلها اجبارى وووونتظر اجابتك
اااه صحيح ايه سبب اختيارك لاسمك...............سومة......من هو طريقك للحب........؟؟؟؟؟؟؟؟؟

سومة ياترا دلوقتى بتفكري فى ايه؟؟؟؟؟؟سؤال رخم صح

ايه الشيء اللى اتمنيته ولكن كان حلم علشان تحققيه بعيد عنك زى بعد القمر يعنى شايف انه مستحيل ومازلتي تتمنيه؟؟؟؟؟؟؟؟؟؟؟؟

ليه لحد دلوقتى كيوبيد مجاش واصابك بسهم الحب .؟؟؟؟

يعنى لو زعلانين مع بعض قولى واحنا ننهى الخلاف معاه ؟؟؟؟؟؟ ليه بقي ها

عامه فى اسئله كتيييييييييييره بس جاوب على دول الاول

هااااااااى انا بحب نور ومنى وحنان جدا وبحب مى كتير بس نست اكتبها

مثلى الاعلى هو والدى
الحقيقة مفيش حد قدر الى الان ان يغير وجة نظرى
الحب شىء جميل بس للا سف مفيش حب-
الغدر و الخيانة من اسواء الاشياء فى الدنيا
الرومانسية هى اصل الحياة
1 نودى 2- دودى 3- محمد داود 4- اسلام منوس 5- المدير العام
اسم سومة هوا اسم بحبة

مجاوبتيش على سؤالي يا سومة
انا كدة هعيط :(
و كمان لس عندي اسئلة كثير
معلش بقا استحملي دي ضريبة التميز :D

مثلى الاعلى هوا والدى
الحقيقة مفيش حد قدر يغير وجة نظرى اللى والدى
الحب شىء جميل بس مفيش حب
الغدر و الخيانة شىء صعب بالذات لوكان من اقرب الناس ليك
الرومانسية جمييلة جدا جدا
الحقيقة كل الاعضاء احسن من بعض
اسم انا بحبة
مفيش حب

ايه اصعب شئ بيجرحك وتصعب نفسك عليكي؟

وايه اكتر شى بيضايقك من نفسك ؟

يوم فى حياتك عايزة تنسيه بس مش عارفة؟؟

يوم فى حياتك عايزة تفتكرية على طول ؟؟

احلى ايام ايامك عموما كانت انهى مرحله ؟؟

مين العضو الى بتحترمى مواضيعة وبتقريها كلها ؟؟

حاسة انك مأثرة فى المنتدى ولا واخد حئة معاكى ؟؟

بصراحة كدة فى مواضيع بتقريها وبتعجبك وبتمشى منغير متردى ؟؟

لما بتحبى تشكى همومك بيكون لمين ؟؟

قوليلى حسيتى ان صداقة النت اكفء من الصداقات الى برة النت ؟؟

ليكى هوايا معينه؟

ليكى رياضه محبببه ومتابعاها؟

الإجابة بصراحة

1- هل انتى مرتبطة؟؟؟

2- ايه رأيك فى الحب من طرف واحد؟؟؟

3-اية الحاجة اللى مش موجودة فى المنتدى وتتمنى انها تبقى موجودة؟؟

4- بتحبى يوم ايه؟

سومه
ايه مواصفات فتى احلامك

اولا انا سعيد جدا باختيار سومة لانها فعلا عضوة ممتازة جدا

ثانيا انا مش هسالهااى اسئلة انا هقولها على حكاية تبين ان كانت حكيمة فى قرارتها ولا لا

ودى القصة ( كان فى ملك جبار بيظلم ناس كتير وكان فى امراة عندها اخ واحد وزوج و ابن واحد

ولكن الملك الجبار خطف اسرتها كلها "الاخ والابن والزوج " وخيرها انها تختار واحد بس علشان

يعيش )

لو انتى مكانها يا سومة تختارى مين ؟

معلش طولت عليكى

السلام عليكم ورحمة الله وبركاته
كيف الحال ؟

شوية أسئلة بسيطة ياريت تجاوبى عليها بالترتيب وبلاش تزويغ وأنا لسه جايلك بالأسئلة المحرجة لكن المرة الجاية ؟

1- ما الشىء الذى تتمنى أن تراه كلما أغمضت عيناك ؟؟
2- لو كان لك طلب أخير قبل وفاتك ماذا سيكون ذلك الطلب ؟؟
3- مقلب إتعمل فيك وعمرك ما هاتنساه ؟؟
4- مقلب عملته فى حد وبرده عمرك ما هاتنساه ؟؟
5- ما هو الحدث الذى لم تتمنى ان يحدث ؟؟
6- وما هو الحدث الذى تمنيت ان يحدث؟
7- ما مدى تحكمك فى نفسك وأهواءك ؟؟
8- هل تساعدك نفسك على طاعة الله ؟؟
9- أم أنها تسوقك للمعاصى ؟؟ وإن كانت من الذى ينتصر إرادتك أم نفسك ؟؟
10- فى كل منا خير وشر ودائماً يوجد صراع فكيف ترى نفسك بينهما ؟؟
11- ما هو إحساسك عندما يقول لك شخص إنى أحبك فى الله ؟؟
12- ما هو إحساسك الآن على الكرسى ؟؟
13- هل أنت كسول ؟؟
14- هل للكسل أنواع ؟؟ إن كان ما هى أنواعه ؟؟
15- ما مدى كسلك ؟؟
16- هل تعتبر أن الكسل مرض ؟؟ وإن كان ما علاجه من وجهة نظرك ؟؟
17- هل يأتى هذا العلاج بنتيجة معك ؟؟
18- هل أنت صاحب إرادة قوية ؟؟ ولماذا ؟؟
19- ما هى دلالات قوة إرادتك ؟؟ أذكر لنا موقف يبين ذلك ؟؟
20- هل تعلم أن صلاح هذه الأمة بيدك أنت ؟؟
21- هل تعجبت من هذا السؤال ؟؟
22- من وجهة نظرك كيف ستفيد دينك من خلال مجال عملك ؟؟
23 - أحد الأعضاء توقعت منه أسئلة معينة وخالف توقعك ؟؟
24- هل وافقت أسئلتى توقعاتك ؟؟
25- هل تعرفت على أى من أعضاء المنتدى وتعرفت عليه شخصيا ومن هو أو هم ؟
26- ما رأيك فى حلقة ضيف الإسبوع الآن بعد أن تمت إستضافتك ؟

منورة يا سومة حلقة هذا الاسبوع
و الله كان عندي شوية اسئلة بس هسيبهم لحد متجاوبي على الاسئلة دي
معلش هما متقلين عليكي شوي بس عشان بيحبوكي

بالتوفيق يا قمري

» ضيف حلقة هذا الأسبوع : ادخلو و تعرفو
» الكل يدخل : ضيف هذا الاسبوع من يا ترى ؟
» هاني داوود ضيف حلقة هذا الأسبوع : الكل يدخل
» احلى بنوتة ضيفة هذا الأسبوع moon_light
» (فراشة المنتدى) هي ضيفة هذا الأسبوع ادخلوا و أسألوها !!!!!!!