لـــــــــــــــــــــــــــــــيه

وانا بتصفح في الانترنت شدني موضوع كده قريتو هو عبارة عن اسئلة بنسالها لنفسنا من غير مانعرف احنا ليه بنسالها وحيبت اشاركم الموضوع ده الي هو في نفس الوقت علامة تعجب وكمان بيضحك هخلي التعليق ليكم

ليه لما نيجى نمشى فى المطر لظروف إستثنائية بنروح رافعين أكتافنا لفوق ؟ هية تعمل إيه يعنى ؟؟ ليه لما نحس إن إحنا دخلنا طريق غلط وإحنا سايقين العربية بنخفض صوت الكاسيت أو راديو السيارة ؟ ليه لما بتكون بطارية الريموت شبه فاضية ، بنضغط على الزراير جامد؟؟ ليه لما حد بيهادينا قلم جديد .. أول حاجة وإحنا بنجربه بنكتب اسمنا ؟؟ ليه بنقول هدية مجانية ..؟ مش المفروض إن الهدية تكون مجانية ؟؟ ليه لما نكون جوه البيت والسماء بتمطر بنسأل هو الجو بيمطر بره ؟ هى عمرها مطرت جوه ؟؟ ليه لما واحد يقولنا خلى بالك الحيطة لسه الطلاء مانشفش مانصدقوش ونمد صوبعنا نتأكد ؟ ليه الخدمة بتكون سريعة لما المطعم يكون مزدحم أكتر من لما يكون نص نص؟ ليه لما الواحد بيركن العربية فى موقف فاضى اللي جاي وراك بيركن جنبك ؟ ليه دايما لما حد بيجري يلحق الأتوبيس تلاقيه مبتسم أو بيضحك ؟ ليه بنفتكر إن لما ندوس على زرار الأسانسير كتير هاييجى بسرعة ؟ أو مثلا ليه لو واحد جه بعديك وأنت مستنى الأسانسير بيدوس على زرار الأسانسير ولا كأنك موجود ؟ ليه وإحنا بنأكل الطفل الصغير فى فمه بالملعقة .. بنفتح فمنا ؟؟ ليه دايما عندنا إستعداد تام إننا نصدق أى حد بيكلمنا فى ودانا .. أو بيوشوشنا ؟ ليه لما بنتصل بالتليفون .. دايما النمر الغلط مابتكونش مشغولة ؟ ليه لما بنصحى من النوم دايما بنحس إن كمية النوم ناقصها عشر دقايق؟؟ ليه الشخص اللي بيشخر وهو نايم دايما بينام الأول؟؟

منقووول

هوا كلو
ليه
ليه
ليه
مفيش اه او لا او نعم
مشكوره يا سلمى على موضوعك
لزيز اوى
بس اكيد فى كل واحد فينا فى سلوكيات غلط بس اتعودنا عليها

بصراحة كلامك رائع ومقنع واسئلة منطقية