تتزوج عن حب...ام زواج تقليدى...شاركنا برأيك....رأيك يهمنا

الجواب باين من عنوانه عاوزه اعرف ارائكم يا منساويه
بتفضل الزواج عن حب و الا الزواج التقليدى؟و ليه؟
و لو عن حب هيكون ازاى؟
و لو تقليدى ليه بتشجعه؟؟؟؟

أولا: الحب مش حرام..لو بس اترجم بطريقه صح

ثانيا: الحب شعور نبيل طاهر و مشاعر ساميه..و أمر طبيعى جدا انه يحص..عادى يعنى

ثالثا:الحب قبل الزواج امر وارد جدا و يحدث وبصراحه ضرورى انه يحصل اصلا..و مش عاوزين نهرب من نفسنا

رابعا:ده نقاش...نقاااااااااااش ها.. ومش مكان
لتبادل التهم و الاستهزاءات و السخريه...فأتمنى ان تتم المناقشه هنا
بعقلانيه و منطقيه و هدوووووووء و لين.. واللى هيلاقى جواه رغبه للاستهزاء او السخريه...فليستعذ بالله من الشيطان الرجيم و يشرب
كوباية لمون هيكون كويس ان شاء الله...و بعدين يضع مشاركته الميمونه
هنا...تنور

يلا سلام بقى
و عاوزه اعرف ارائكم

انا راى واختلاف الراى لا يفسد للود قضيه طبعااااااا يا موون

ان الزواج التقليدى احسن وبينجح فى اغلب الاحياااان بس مش معنى كده نلغى الحب
اكيد هايجى بعد الزواج وهايبقى احلى بحسن العشره والتفاهم بين الطرفين
المهم فى الاول انه يبقى فى قبول وتفاهم بين الطرفين واكيد احتراااااااااااام وثقه

انا فى رايىء ان زمن الحب مش موجود خلاص وخصوصا فى الظروف اللى احنا بنمر بيها كشباب يعنى دلوقتى بقى صعب جدا ان شاب يتجوز اللى بيحبها لان قدامه مشوار طويل على ما يكون نفسه
وطبعا هتكون اللى بيحبها اتجوزت وعندها 3 عيال كمان طبعا اللى اتجوزها دة حاجة من الاتنين يا اما مولود وف بقه معلقة دهب زى ما بيقولوا اوربنا كرمه وكون نفسة بوظيفة حلوة جايبها عن طريق الواسطة .

من الاخر جواز صالونات بشكل اجبارى مش اختيارى وممكن يكون فى علاقات حب طبعا بس نسبتها قليلة

دة مجرد رأيى محدش يتضايق

شكرا ليكى يا مون دايما مواضيعك متميزة وتخلينى اتكلم كتير

شكرا لمروك يا بنت مصر ويا شو تايم

وكده فيه رايين بيشجعو جواز الصالونات

بس المشكله انه مش ناجح معظم الوقت

لانها مقابله والتاينه وبعدين بيلاقو نفسهم مخطوبين

وياما حظهم يطلع كويس ويكتشفو فى اثناء الخطوبه انهم مناسبين لبعض او مش مناسبين

يا اما الاكتشاف الخطير ده ميحصلش غير بعد الجواز لان فى الغالب كل طرف اثناء الخطوبه بيبقى مبين احلى صفاته

لكن بعد الجواز بقى خلاص..بتتشال كل الاقنعه

اومال نسبه الطلاق عاليه جدا دلوقتى ليييه؟؟؟؟

انا ده راييى

وبرضه زى ما شو تايم قال::ان دلوقتى صعب علاقه الحب تكمل للاخر بسبب ظروف الشباب الصعب بس اذا مكنش الحبيب والحبيبه يستحملو ظروف بعض،،يبقى بينهم حب ازاى اصلا

موضوع حيوى جدا يا مون لايت بصراحة

انا معاكى ان الحب قبل الجواز شيء جميل جدا جدا وانه بيعيش اكتر من اى طريقة زواج اخرى

بس لو بصينا لارض الواقع هنلاقي ان العملية بدأت صالونات على الاخر بسبب الظروف اللى اتكلم عنها شو تايم طبعا والظروف المنيلة بنيلة .

انا عموما باؤيد ان الزواج عن طريق الحب بيبقى ناجح

وبرضو من هكدب عليكي ان فيه جوازات صالوناااااات ناجحة جدا جدا جدا جدا

انا عموما رأيي ان الجواز دلوقتى بقى اى حاجة والسلام

المهم انها جوازة وخلاص

نايس توبيك يا مون لايت

شكرا على مرورك يا هانى

ومينفعش خالص باى حال من الاحوال اننا نقول جواز وخلاص

لان جواز وخلاص دى بتبقى نهايتها حاجه من اتنين

يا اما الطلاق

يا اما بيقولو نستحمل علشان العيال

وفى الحاله دى بتبقىالنتيجه ان الاطفال بيتربو بين اتنين مش طايقين يبصوا فى وش بعض

فتخيل هتبقىالتربيه شكلها ايه؟؟؟

انا شايفه انه حتىلو جواز صالونات بلاش الاستعجال ونستنى حتى لحد ما ناخد على بعض او نبدا نحب بعض علشان يبقى فى امل فى علاقه ناجحه

هوا يا اتجوز عن حب يا مش متجوز

الاختيار صعب اوى يامون لايت

لان باختصار ظروف الشباب بقيت صعبة اوى

بس انا فى حياد بين الرايين

يعنى اكيد نفسى اتجوز عن حب بس داه لو الظروف ساعدتنى

وفى نفس الوقت ممكن اتجوز جواز تقليدى بس لازم تكون بينا على الاقل تقبل وارتياح وتكافؤ

مش زى ماهانى بيقول جواز وخلاص لان مينفعش قرار حياة يتخد على مبداء جواز وخلاص

مشكورة يامون على الموضوع

موضوع يجنن يا مون

انا بصراحة بفضل الجواز عن حب لانى مش متخيلة انه ينفع اتنين يتقابلوا مرة او اتنين وبعدين يبقوا فى بيت واحد مع بعض اعتقد انها صعبه اوى لكن لو فى حب اكيد الاتنين هيقفوا جنب بعض ويستحملوا ظروف بعض وهيحبوا حياتهم مهما كانت صعبة

موضوع جميل يا مون
بالنسبالي صراحة مش بتصور نفسي مجوزة حد مش بحبة و لا بتصور نفسي مجوزة بطريقة تقليدية مش معقولة صراحة
و اتمنى اني اجوز عن طريق الحب ان شاء الله
و اكيد الشباب الي مش بيشتغل هيشتغل بس المهم يكون فيه حب حقيقي و رغبة انهم يكونو مع بعض .

ميرسيه يا مون على الموضوع الجميل

اولا موضوع جاااااااامد ..

انا رأيي ان مش هتفرق بالنسبالي جواز عن حب أو جواز تقليدي أهم حاجة تكون محترمة وتعرف ربنا عشان دي هتبقى أم عيالي في يوم من الايام .. وتاني حاجة لازم تكون أمورة عشان تملى عيني ومبصش بره .. sdrtaeQF

ميرسي

طيب افرض حبيت وحدة مش امورة اوي يعني او حتى مش امورة خالص؟؟؟؟؟؟؟؟؟هتبص برة؟؟؟؟؟؟‍‍‍‍‍‍‍‍‍‍‍‍‍‍‍‍‍

المهم .... انا بفضل الجواز عن حب و لو لابد يعني لازم تكون فترة خطوبة كبيرة عشان لو محبتهوش هكنسل على الموضوع ........ بس حاليا انا بكلم في حاجة ممكن تحصل بعد حوالي اربع او خمس سنين ....فسبحان مغير الاحوال يعني

نجاح الجواز اهم من ده كله

ان كان علي حب او تقليدي
المهم يكون فيه احترام وتوافق
وبعدين يفضل لو كان فيه حب وان مكانش الباقي كفاية

موضوعك جامد يامون لايت من رائى الشخصى ان جواز عن حب افضل بكتير جدا من جواز الصالونات وده لحاجه مهمه جدا ان الاتنين بيكونوا حافظين بعض وكل حاجه عن بعض فا ده بيقلل نسبه المشاكل بشكل كبير وكمان جواز الصالونات حاجه بايخه اوى بتحسى ان الطريقه عامله زى قانون العرض والطلب فقط لا غير .

انا رائى ان اى انسان يتمنى ان يتزوج عن حب بس واقعنا هذا لاينفع فية الحب فالزواج التقليدى احسن

انا رأيى ان الجواز عن حب هوه الى بيستمر وبينحج حتى عشان يكون الاتنين متفاهمين مع بعض

ويقدروا يكملوا حياتهم

بس لو جينا لزمنا ده فالمتبع حاليا جواز الصالونات لان دايما قصص الحب بتفشل ومالهاش طريق للنجاح

تقبلى مرورى

» زواج الفواكه ..هل هو مثل زواج الأقارب??
» جمالك يهمنا
» من تتزوج ؟؟؟؟؟؟؟؟؟؟؟؟؟؟
» لا تتزوج من هؤلاء ..............................
» هل تتزوج من مطلقة