فى الجااااااااااااااااامعة

اذيك يا قمر عمله ايه عايز اقولك حاجه
= طيب
-باقولك بحبك
= أوكى عرفت خلاص
- يابنى ادمه انا بحبك بجد
= طب وانا اعمل ايه.؟
-حبينى زى مابحبك
= انا باعتبرك اخ وصديق ومابافكرش فيك غير كده
- انتى متحجرة الاحساس والمشاعر..تلاقى فيه حد تانى فى حياتك
= وهو لو انا ما حبيتكش يبقى بحب غيرك؟؟ تفكير غريب جدا
- ارجوكى ادينى الفرصة..افتحى قلبك لحبى وجربى, ماتظلمنينيش..لو ماحبيتينيش انا هاموت نفسي
=لا وعلى ايه..خلاص ياسيدى ..اعتبرنا مرتبطين مؤقتا
- هاعيشك ملكة متوجة على عرش حياتى كلها..أنا ليكى وملك ايديكى..احلمى وأحلامك أوامر
-----------------------------------------------------------------------------
فى البيت
= معقول يكون فيه حد ممكن يحبنى الحب دا كله؟؟طب أنا رافضاه ليه؟مش ممكن تكون سعادتى معاه؟انسان رائع..رقيق..حساس وبيحبنى
أنا هاحبه زى ماهو بيحبنى..لأ..أكتر ماهو حبنى
---------------------------------------------------------------------
على التليفون
-عازمك النهارده على الغدا والسينما
= افندم؟؟
- ايه..كلامى غامض؟
= انا اسفه..ماقدرش اخرج معاك مادام علاقتنا مش رسمية
- اتنين بيحبوا بعض ومن حقهم يتشاركوا اللحظات الحلوه مع بعض..دى خروجة بريئه.. عاوز نكون على راحتنا مع بعض
= مش هاينفع
- يبقى انتى مش بتحبينى
= طب قولى انت..لو انا اختك..هاترضى انى اخرج مع واحد تانى غريب؟
-( بغضب) لأ طبعا..دانا كنت قطمت رقبتك
= امال عايز تخرج معايا ليه؟
-آآ.. دى حاجه ودى حاجه تانيه
= هو انا مش بنت ناس برضه وليا أخ؟؟
- أنا مش هاثق فى أى حد تانى..لكن انا عارف نفسي وانتى عارفانى
= المبدأ واحد.. أخويا برضه ما يعرفكش
- انتى بتثبتيلى دلوقتى انك مش بتحبينى..متشكر قوى على الجرح اللى سبتيه جوايا
= وهو يا كده يا إما مش بحبك؟
- انتى مش واثقه فيا..وانا بحاول اعمل المستحيل عشان أسعدك..ليه ياربى عذبتنى بالحب؟ليه خلقتلى قلب وعلقته بانسانه قاسيه مش مقدره حبى؟
= خلاص خلاص..أنا اسفه..بس اوعدنى انك مش هاتكررها تانى
- خليها لوقتها..هاستناكى قدام السينما الساعه 6 بالليل
-------------------------------------------------------------------------------------
فى البيت
= معلش..تضحية صغيره مش هاتضر حد..ماكانش لازم اكسر قلبه واقابل حبه بقسوه
هو اللى عملته ده صح ولا غلط؟..بلاش أفكر كتير..هو بيعمل كده عشان بيحبنى وعايز يسعدنى..هدية بسيطة منه مش لازم ارفضها
ماحدش بقى بيحب الحب ده كله فى زماننا ده
--------------------------------------------------------------------------------------
فى السينما
= انت مش قلتلى انه فيلم خيال علمى؟؟..دا طلع فيلم رومانسي
- حبيت اتفرج عليه انا وانتى..قصته رائعه..وكأنها اتعملتلنا
= ومالقيتش مكان أحسن من اخر صف فى القاعه؟
- أعمل ايه بس..جينا متاخرين والصفوف قدام كلها محجوزة
= الصاله شبه فاضيه..كلامك مش مريحنى
- ارجوكى بقى..احنا هانقلبها خناقه ولا ايه..عيشي معايا اللحظه
= ايه ده؟..ايه السفاله دى..ابعد ايدك عنى..انت بتعمل ايه؟
- انا بحبك قوى..صعب أتحكم فى نفسي وكل جمالك ده قدامى..نفسي أشوف شعرك..اقلعى الايشارب
= انت اتجننت؟..والله لو ما لميت نفسك هافضحك فى السينما كلها
- يبقى هاتفضحى نفسك اولا واخيرا..الناس شايفينا داخلين مع بعض وقاعدين مع بعض..انتى فاكره انهم مش فاهمين احنا دفعنا بقشيش زياده عند الشباك ليه؟؟
= انت دفعت لوحدك وانا رحت اجيب الفيشار, واتفاجئت لما لقيت رقم التذاكر بتاع القاعه دى والصف الأخرانى ده
- انا بحبك وباموت فيكى.. عايز اترجم الحب ده لواقع..أنا ملكك وانتى ملكى,روح واحده فى جسمين..خلينا نتعامل كجسم واحد
= اللى انت بتعمله ده حرام
- انا بحبك..وحبى ليكى هايفضل موجود دلوقتى وبعد ما نتجوز..هاتفرق ايه أكتر من ورقة مأذون؟؟انتى مش واثقه فيا ولا انتى مش بتحبينى؟
= حبك عاوزنى أكسر كل اللى اتربيت عليه
- الزمن دلوقتى غير الزمن..وانا وانتى شباب مثقف, وانا مؤمن باحتياجاتك زى مانتى عارفه ان ليا احتياجات
اكتر حاجه عجبتنى فيكى أفكارك الحرة المنطلقة وثقافتك العالية وشخصيتك المستقلة..لكن اللى شايفه دلوقتى واحده شرقية بفكر متخلف بترمى كل أفكارها ورا ظهرها لحظة الاختبار الحقيقى..أنا اسف على كل لحظة افتكرتك فيها بتحبينى بجد..انا حظى كده..كل ما أعمل حاجه أحاول أثبت حبى ليكى بيها تفسريها تفسيرات بشعه وتطلعينى أنا الغلطان فى الاخر
= أنا عارفه انك بتحبنى..وانا كمان بحبك...لكن...انا..مش
بحبك وبحب كل حاجه فيكى..انتى جميله قوى-
= انا حاسه ان كل الناس بتبص علينا
- ماتخافيش ..طول مانتى معايا مالكيش دعوه بحد..دى حياتنا وهانحب بعض بطريقتنا
----------------------------------------------------------------------------------
فى البيت
= تأنيب ضمير فظيع جوايا..انا ايه اللى عملته ده؟؟عقلى كان فين لما وافقت؟؟..يارب سامحنى أرجوك..ماقدرتش استحمل كل الضغط ده على اعصابى
-----------------------------------------------------فى الجامعة
- ها يا حبيبتى..تحبى نروح فين النهارده؟
= مش رايحه فى حته وكفايه بقى لحد كده؟؟
- ايه الكلام ده يا حياتى؟
= كفايه أرجوك..حاجات كتير قوى جوايا اتغيرت بسببك..بقيت مش أنا.. كلامك دايما هو اللى بيمشى حتى لو انا رافضاه
- كلامك ده اكبر دليل انك مش بتحبينى
= ارحمنى بقى من الكلمه دى..انت بتحطنى تحت ابتزاز عاطفى بشع وكل ما أحاول ارجع لنفسي تتهمنى انى مش بحبك .. انا عملت كل حاجه ممكنه عشان مش عايزه اخسرك..اتنازلت عن حاجات كتيره قوى..ضعفت قدام توسلاتك
- انتى اللى كنتى عايزه كده..كل مره ترفضى وتتمنعى, وبرضه فى الاخر توافقى..انا ماضربتكيش على ايدك وما اجبرتكيش على حاجه
= بعد كل الابتزاز العاطفى ده؟؟
- ماحدش يقدر يجبر حد على حاجه..كان عندك مطلق الحرية انك ترفضى
= مع كل الضغط ده..ماكنتش قادره افكر
- ماتحاوليش تلعبى معايا دور القديسة اللى الشيطان غواها..انتى تلاقيكى اصلا كده..كلكم كده وتستاهلوا اللى يجرالكم
= انت حيوان بتمشيه رغباته..
- انا عمرى ما ضحكت على نفسي ولا عليكى...بالعكس بقى..انا استحملتك كتير قوى..استحملت عندك وسخافتك ورفضك..وكل مره باقول بكره هاتعقل..دلوقتى أنا اللى باقولك مش عايزك..ولا عايز أشوف خلقتك تانى ولو بالصدفة
وماتحاوليش تحكى لأى حد على اللى كان بينا..لأن اللى هايتحرق بالنار فى الآخر هو انتى..هى دى سنة الحياه
باى ياى يا........ياللى عمرى ما حبيتك

منقووووووووووول

ههههههههههههههه

الله ينور يا سلمى واضح انك بتعزينا اوى

مشكورة موضوع جميل

D5R

مووووووووووووووووووووووووضوووووووووووووع جامد وبيتكرر كل يوم

بس الشبان مش للدرجة دى يعنى

فيه بنات كده برضه

وفيه شباب كتير ميقدروش يقولوا الكلام ده

موضوع تحفه تحفه تحفه يا سلمى
وللاسف بقى بيتكرر كل دقيقه
بس على فكره
من الاول واضح انو مكانش حب
كان تسليه
الحب مش كلمه
الحب معانى وتضحيات

ميرسي ليك يا شو تايم
وميرسي لمرورك يا سكوفيلد
وشكرا لمرورك يا جريت
wae4

نايس توبيك
يا سلمي

بس مش كلوا كده
في و في

وربنا يحفظنا

زائر

موضوع جميل يا سلمى وتأريبا واقعي

وده بيحصل لما يتجمع إتنين

بنت عبيطه ............ وذئاب لا تأكل اللحم

موضوع جميل
بس مش كل الولاد كده

تسلمى بجد يا سلمى

موضوع اكتر من رووووعه

والاسطوانه كانت باينه من اولها

ربنا يحفظن ويحفظ كل بنات المسلمين

موضوع جميل

وبيحصل كل يوم ومش بس الولاد

فى بنات كده و اكتر

احلى سلام

موضوع جميل جداااااااااااااااااااااااااا

ياسلمى والنمط داه موجود بكثره

بس الولد بيكون واضح من الاول

انما نقول اية البنت اللى بتقنع نفسها انه بيحبها

الحب لم يكن ستارا لنخفى وراءه اسرارا

الحب العملة الوحيدة لدولة السعادة
الحب وجد لاسعاد الناس لا لشقائهم
هذا هو الحب

ميرسي ليك يا سلمى على التوبيك .. بس معقولة في ناس من غير قلب بالطريقة ديه انا لسه اصلي مرحتش الجامعة ديه ها تبقى نصيحة غالية عليا ربنا يحفظنا منهم

howa fe keda begad :D

اه فى كده بجد يا munshy

العموم شكرا لمروركم

والله من الاول كان باين انه ابتزاز لان اللى بيحب حد مش كل شويه يأنبه انه بيحبه اكتر ما هو بيحبه والكلام ده انا اللى انا اعرفه ان اللى يحب حد يخاف عليه ويحترمه ويحافظ عليه مش يخليه عرضه للقيل والقال وللشبهات

اهو الي حصل بقي يا فانتوم

انت اتعصبت كده ليه

العموم شكرا لمرورك نورت الموضوع

ههههههههههههههههههههههههه

جزاكى الله كل خير وبجد انتى فنانه

ربنا يكرمك يا عبد الرحمن

نورت الموضوع

انا لا اعتقد ان فى علاقة ممن تطور بالسرعة دية ومتهيلى البنت والولد غلطانين بس الغلط الاكبر على الولد

شكرا لمرورك

موضوع جميل يا سلمى بس مش كل الشباب

شكرا لمرورك

هههههههههههههههههههههه
ه..ايه السفاله دى..ابعد ايدك عنى..انت بتعمل ايه؟
موضوع جامد

انتى تلاقيكى اصلا كده..كلكم كده وتستاهلوا اللى يجرالكم

اكبر دليل انه معقد نفسيا من كل البنات
وده اكيد ناتج عن تجربه سابقه فى حياته جعلت منه شخص كل همه فى الحياه خداع الاناث
سلمى بصى ربنا خلق الانسان على فطرته ميعرفش الشر لكن جرح الانسان
للانسان هو الى علمه معنى كلمه انتقام وشر

(القلب الى بيجرحنا فى حاجه اكيد جرحاه وجرحنا بتفكرنا بالقلب ال جرحناه)

موضوع جميل بجد ياسمسمه وتقبلى مرورى wae4

ميرسي يا منار لمرورك الجميل