عاوزين نعرف رأى الشباب ضرورى

هل فتاة الأنترنت لايفضلها الشباب؟؟؟

السلام عليكم ورحمة الله وبركاته

هل فتاة النت فتاه سيئة ولا يفضلها الشباب ؟

فتاة تكتب في منتديات الانترنت

أتت اليها أمها ووجهها يتهلل بالبشر تكاد أساريره أن تنطق فرحآ وقالت : بنيتي لقد جاء فلان وابنه لخطبتك

ألجم الفرح الفتاة وأخرس لسانها ونطقت عيناها ببريق السرور : الآن سيتحقق حلمي سأبني بيتا من السعادة وأربي جيلاً يكون قطعة مني
أربيه على ناظري يكون عونآ لي في الدنيا وذخرآ لي في الآخرة

لم تنم تلك الليلة فهي لاتحتاج النوم بعد ان تحولت أحلام نومها الى حقائق تداعب يقظتها

وافق أبوها على الخطبة وتمت الرؤيه الشرعية
سر بها العريس وسرت به
وابتدى الجميع يوزعون خطابات الدعوة لليلة الفرح الموعودة

ذهب العريس الى عمله
أخبر بعض اصحابه بأنه سيتزوج ابنة فلان
بارك له الجميع
وفي اليوم التالي جاءه أحد زملائه وقال له :الله الله انت اذن ستتزوج الكاتبة الفلانية التي تكتب في المنتدى الفلاني ؟؟
نظر العريس الى زميله متعجباً : عن من تتحدث وماهذا الكلام ؟
قال زميله : خطيبتك كاتبة في منتدى بالاسم الفلاني
قال : وما ادراك ومن اعلمك ؟
قال :اختي تعرفها وأسرت لها بذلك وهي تكتب باسم مستعار
أتريد ان نفتح المنتدى لنشاهد مواضيع خطيبتك ؟؟
قال العريس والعرق يتصبب : ولما لا ؟؟
فتح الزميل المنتدى واستخرج بالبحث جميع مواضيعها
ثم بدأ الاثنان في التصفح
فهاهي ترد على فلان وتشكر فلان وتتناقش مع فلان وتضحك من طرفة فلان
وهذا فلان يمدح ماتكتب ويثني على ماتقدم وهي ترد عليه بالثناء والشكر
احمر وجه الخطيب وخرج من المكتب واتصل ببيت خطيبته وقال لأمها هل تسمحين لي ان أكلم خطيبتي ؟
قالت أمها : لامانع .. أخذت البنت الهاتف وقلبها يخفق ويداها ترتجفان تخشى من سماع الكلام المعسول أو أن لاتملك القدرة على الرد وهو يحدثها عن بيت المستقبل
لكنه فاجاءها بسؤال واحد :
هل أنتي الكاتبة الفلانية في المنتدى الفلاني ؟؟
قالت : نعم أنا هي
قاطع حديثها وقال : آسف أنا لا أتزوج فتاة انترنت
وأطبق السماعة

حالة قد تمر يوما ما على فتى او فتاة
فما موقفكم ؟
- 1 -
ماهي نظرتكم الى فتاة الانترنت ( كما يطلق عليها ) واقصد بها الفتاة التي تستخدم النت ؟
- 2 -
هل يعني دخول الفتاة الى الانترنت ،،، والمنتديات خاصة ومخاطبة الجنس الاخر من خلال المواضيع والمشاركات ،،،، انها فتاة سيئة ؟
- 3 -
بنظركم ،، هل كل فتاة تستخدم النت لابد أن يكون لها صديق ؟
- 4 -
ترى ماهي بنظركم الحدود التي يجب أن تقف عندها الفتاة ،، حتى لايسيء استخدامها للنت اخلاقها ؟
- 5 -
ماهو الخط الاحمر الذي يجب ان تقف عنده الفتاة وتقول للانترنت وداعاً ؟
- 6 -
أنت كشاب تستخدم النت وتكتب بمنتديات ،، هل تسمح بمن تعولهم من زوجة أو أخت او ابنة أن يستخدموا النت تحت اشرافك أو بدون اشراف أو تمنعهم ؟

مـ نـ قـ و ل

السلام عليكم ورحمه الله وبركاته

أولاً موضوع جميل وشائك فى نفس الوقت

لأنه بيفتح موضوع كتيير مننا الأيام دى بيهرب من الإجابه عليه أو بيحاول يتجنبه

النت أو الكمبيوتر زيه زى أى حاجه تانيه فى الدنيا كلها

استخدمتها صح يبقى تمام ومفيش مشكله "وصح دى مش إللى فلان قالى لازم تعمله يا إما هتنضرب"

يا إما سيادتك تسوء فيها وتعيث فساداً يبقى بالسلامه

المشكله مش فى النت ولا التليفون أبو كاميرا إللى بيصور من ورا الحيطان ولا كل ده

المشكله إننا ما عندناش إرادة وجرأة إننا نواجه نفسنا الأول قبل ما نواجه كل المعطيات إللى حوالينا

ومش معنى دخول البنت للإنترنت تبقى كده خلاص بقت من البنات أستغفر الله العظيم "الوحشين دول"

ناس هتقولك يا عم إحنا فى مجتمع شرقى يعنى أنا كشاب أعمل إللى أنا عاوزه
إنما البنت دى لازم تتحبس وتتحط ورا 5000 حيطه

أنا شايف إن مش من حق حد من الإتنين إنوا يتجاوز حدوده عامه سواء كان على النت أو غيره إلخ إلخ ...

بالنسبه لموضوع الخط الأحمر إللى لازم نقف عنده شباب وبنات

فمن رأيى إنه إن ماكانش موجود من جوا الواحد يعنى من نفسه

يبقى والنبى لما تحطله 100 بابا وماما وتيته وجوزها جنبها أو جنب البيه المحترم

برضه إللى فى دماغه هو إللى هيعمله طالما انه مش مقتنع إلا بيه أساساً

يعنى إللى متأكد انه مش من حقه يعمل حاجه معينه لأى سبب من الاسباب حرام بقى عيب - ما ينفعش - المهم انه يكون مقتنع من جواه بكده

عمره ما هيعمله إلا إذا كان مجنون ولا حاجه .

بالنسبه للسماح لزوجتى أو أختى باستخدام الإنترنت فطبعاً هسمح لهم باستخدامه ومن غير ما اكون لازق جنبهم طول النهار" واحد يقولك شوف يا جدع الواد إللى ما عندوش دم "

أحب أقولك إنك لو ما عندكش ثقة فى إللى قدامك وعارف هو تربيته ايه وأخلاقه ايه بالظبط ودول اختك ومراتك يبقى لا مؤاخذة يعنى -------------.

***************************************

عندك حق يا رامي انا مع رامي في اللي قاله لو اهلي ما عندهمش ثقه فيا ما كنوش خلوني ادخل ع الانترنت وكمان الانترنت بقت لغه العصر تقدري تكلمي اي حد اما ع اللي بيعملوه البنات ومش بس البنات كمان الاولاد فدول لازم يراعوا ضميرهم ويعرفوا ان لو ماما وبابا مش شيفنهم يبقى ربنا شايفهم اللي اقوى من بابا وماما ده رأيي

thnxxx 3 al topic da

dodo
###########
كنت بقول من بعد حبيبي الدنيا ازاي تتعاش كنت بعيش طول عمري عشانه واموت لو لحظه ما جاش كنت بشوف في عنيه الفرحه واقول لدموعي بلاش

شكرا رامى و دودو

لمروركم

بص انا هقوله حاجه صغيره الى اى انسان بيطلبه فى اي بنت البنت برده بتتطلبه زى الشاب مابيحلم ببنت جميله اموره هى برده ليها طلبات واى حاجه في حدود المعقول مش عيب ولا غلط اهم حاجه يبى في توسط وزى الشاب ما بيحب يخرج ويقضى وقت على النت البنت برده من حقها بس مادام مخرجتش عن المعقول يبى كله اوك

كلام رامى رائع وصح وعلى فكرة مفهاش حاجة ان البنت تشترك على منتدى وتكتب فيه وتناقش فيه السباب بدل مواضيع تستاهل ان الواحد يتكلم فى الموضوع ولا هو لازم علشان بنت كاتبه موضوع يبقى اللى يرد تبقى بنت ولا اية

وهو يعنى انت موش موافق انك ترتبط مع واحدة كانت بيتقعد على النت وانت اصلا لما بيتكون على النت لما بتصدق انك تكلم بنت على النت ولما تدخل منتدى وتلاقى موضوع ممكن تكون بنت كتباه وبيترد تبقى عادى بالنسبة ليك وانت لما لقيت البنت اللى مرتبط بيها بيتلك ولاد من على منتديات يعنى موش بيتشوفهم ولا بيتكلمهم على الموبيل دة يا دوب كلام على النت وكتابة وقرايه بس موش اكتر تبقى غلط بالنسبة للى هترتبط بيها وحلوة بالنسبة ليك لما ترد على موضوع وتناقش موضوع وتكون اللى كتبه بنت
ومتقولش ان مفيش حد دلوقتى ميعرفش حاجة فى النت وزى ما قالت دودو بقى لغة العصر يعنى اكيد انت مشترك فى المنتديات وبيتكتب وتناقش برضة

ولو فى راى تانى يبقى البنات تقعد على النت تتفرج على الصور الممطربين والممثلين وتنزل اغانى وبس ولو اغنية الرابط بيتها مخفى ولازم تكتب رد على الرابط يظهر ويبقى بلاش الاغنبة علشان لما تيجى ترتبط بحد موش يلاقى ليها اى حاجة تخصها على النت علشان موش ينهى العلاقة

وانا اسف لو طولت عليكوا

شكراااااااا لمروركم الجميل

wae4

موضوع شيق يا سلمى فا لا تعليق

و الله يا سلمي العرسان دلوقتي بيهربو من اي واحدة المشكلة مش فانها فتاه انترنت او غير كدا هو تقريبا مش عايز يتحمل المسؤليه

شكراااااااا لمروركم

انتي ليه يا سلمي مكتبتيش موضوع عن الجواز العرفي اي خدمة بغششك مواضيع علشان تعمليها بس متقوليش لحد انا بعمل ثواب وبرميه البحر

» مقارنه لااااااااااااااااازم تدخلها كل البنات وتشوفها ضرورى
» كلمه نقولها و لا نعرف معناها!!!
» عايزة نغمة ضرورى
» لولو بتقولكم ادخلو ضرورى
» يا جماعه انا عاوز مانوس ضرورى