عصام الحضرى
تاريخ كبير أو صغير عريض أو رفيع ماليش دعوة أنا
كل اللى أنا أعرفة أنى حبيت الأهلى من يوم ماشفت الأهلى
وقرينا عن حراس مرمى وشوفنا عظماء وقفوا فى العرين الأحمر
لكن زى عصام ما شوفتش
كل اللى أعرفه عن تاريخة أنه واحد معجون بمية الأهلى
كبر مع الأهلى والأهلى هو اللى كبرة
حبناه لأنه معشوقنا مش ممكن نشوف جون الأهلى من غير الحضرى
كان نفسى دايما بجد أمير ياخد الفرصه وفى الأهلى مش بره لأنه جون كويس جدا
بس كنت بقول بس يقف على الحضرى لالالالالالا
ده الحضرى تاريخ
طب فين التاريخ ده؟؟؟؟؟؟؟؟؟؟
خده سيون وطار
بجد أكبر غلطة فى حياتك يا حضرى بدون أى داعى
تفتكر كسبت إيه بسيون
كسبت النظرة دى مننا
بجد وربنا عالم أنا مش قادر أصدق لحد دلوقتى اللى بيحصل معقول!!!!
أمال فين الأمن والأخلاص بلاش فى الكورة
فى حياتنا
لما واحد يضحى ب12 سنه من عمرة وجنبهم كده أكتر من 60 مليون أهلاوى دول اللى جوة مصر بس والرقم ده على الأقل من لسان الحضرى نفسه
لما كل ده يهون أمال إيه اللى يتصان بعد كده
بجد بجد
مش عارف؟؟؟
صدقنى يا حضرى أنت دخلت فى سكة أتجاه واحد
يمكن تقدر ترجع وياريتك تعملها ده لمصلحتك
بس حتى لو رجعت رصيدك قل كتييييييييييييييييييير
وكل اللى قالو الحضرى أنا شايفها مبررات
وعشان أكون منصف وماظلمهوش
ممكن نقول عليها أن الأسباب اللى قالها هى الدوافع اللى شجعته وقوت قراره ده من وجهه نظرة هو
وأى حد شايف أن الحضرى معاه حق انا مستعد أرد عليه بدون ماندخل فى جدال
عشان بتحب الحضرى لأنى انا كمان كنت بحبه أوى أوى
بس دلوقتى صورته أتهزت جوايا قوى قوى!!!!
ياخسارة يا حضرى يا خسارة يا أخى
فاكر اللى فى صورة ده يا كابتن نفسك لما تخلص نفتكرك بالخير كده
ولا عاوزنا ما نفتكرش غير سفرك "هروبك" لسيون السويسرى
الأهلى هو اللى فى القلب
