الحب والموبيل

الحب والموبيل

انا هسأل كل واحد فيكم سؤال
دلوقتى
هل تحب ان تمتلك موبيل ؟

طبعا اللى هايقولك اه طبعا
ده انا موبيلى بكاميرا
ده انا موبيلى بكام الف
انا موبيلى فى كاسيت

بس تعالى نشوف كده الموبيل ده
هل هو فى صالح المحبين ام ضدهم



عندنا اتنين بيحبوا بعض
وعلى طول شغالين رنات
ده يرن لديه وديه ترن لده
وتلقيهم يكنسلوا او يقفلوا على بعض فى الرنات
عشان يعرفها انه معاها ومش مشغول عنها وسيب الموبيل يرن
وهى نفس النظام تقفل عليه لما يرن عشان تقولوا انا معاك طول الوقت ومش مشغوله
وياويل اى واحد فيهم لو ماكنسلش على التانى
يقولها انتى كنتى فين انا اديتك اكتر من ميسد
وانتى مكنسلتيش
انتى مشغوله عنى مبتفكريش فيا
والعكس صحيح
وبعدها بكام يوم
انا كنت برنلك ولقيت موبيلك مشغول كنتى بتكلمى مين
انطقى
تقوله ياحبيبى هو انا مش معرضه انى يجيلى تليفون او حد غيرك يرنلى
ماشى
انتى ياماما انا كلمتك امبارح كتير كنتى قافله الموبيل ليه
ياحبيبى كنت نايمه
والله نايمه برحتك بس انا مش مصدقك
وتحدث مشاكل بسبب هذا
عيشه تزهق صح
انا كنت واحد من دول



عندك بقى واحد ووحده قاعدين فى امان الله مع بعض يقوم يقولها او تقولوا
ورينى موبيلك كده ثوانى
وفعلا يشوف الموبيل ويفتح الرسايل
ويلاقى مثلا
اسم واحد ويفتح رسالته يلاقى مكتوب مثلا
بحبك حب البط للبطوط
وحب القرش للقرموط
وحب الفرخه للكتكوت
تلاقى الدنيا اتقلبت
مين ده ياهانم اللى كتكوت مين ده اللى بعتلك الرساله
ترد وتقول ده فلان ابن خالتى
اه طب بيبعتلك رسايل كده ليه
وتلاقى بترد عليه برسايل انتى كمان
وتحصل مشكله
ونتصالح
صاحبنا يلعب فى موبيلها تانى
ويفتح قائمه الاسماء
مين دودى ده ياانسه قوليلى
تقوله محمود قريبى ده متجوز متغيرش منه
يرد انا مبغرش انا انا انا.....الخ
وشويه تلاقى دودى او غيره بيرن
اه هى الحكايه كده
انتوا شغالين مع بعض رنات
ماشى مانتى بتروحى بتعملى اللى انتى عاوزاه
ويعنى بقى لو فى موبيل بكاميرا
تعالى هنا مين ده اللى انتى متصوره معاه
مين ده اللى انتى شايله صور كتير ليه على الموبيل
مين ده مين ده
والعكس طبعا صحيح
زى ماالولد بيقول كده البنت بتقول كده
بس المواقف دى بيقع فيها الصبيان اكتر
وتتقلب الدنيا
وهكذا



واحد صاحبنا من اياهم قاعد مع حبيبته
يجيلوا تليفون من بنت تانيه كان يعرفها
طبعا مش عارف يعمل ايه
لو ولد صدقونى هيرد عليها ويحاول يكدب ومش هيعرف
لو بنت حصل هى اللى جالها التليفون
ياهترد وتكدب ويبان
يا تكنسل ويبان برد
ياتقفل الموبيل
المشكله ان كله بيبان
بس الفرق فى ايه
فى ولد او بنت بيقدر يقنع اللى قصاده منهم اللى بيصدق ومن اللى بيعديها بمزاجه

انا كده خلصت وطبعا بجانب الميزات التى
اعطها لنا الموبيل
يكفى انه عندما اريد ان اتطمئن على اى حد يخصنى بقدر ويكون وسيله مريحه ليا
لكن السؤال الان
هو الاتى
بعد اللى عرفته تحب يبقى عنك موبيل ؟ وليه ؟

جاوب
.
.
.
.
.
مستر هيرو
.
.
.
.
.
.

1
لو اجابتك ايوه نفسى يكون عندى موبيل
عشان انا مش هتحصل المشاكل دى معايا
يبقى انت انسان صريح جدا وحبك صادق
من الطرفين

2
لو اجابتك ايوه عاوز موبيل عشان اعرف اللى بحبه بيخدعنى ولا لا
يبقى انت معندكش ثقه فى نفسك ولا فيمن تحب
والاحسن تسيبوا بعض لعدم توافر الثقه

3
لو اجابتك مش عاوز موبيل عشان محدش يكشفك
وانت تعرف اكثر من واحده
بيتهيألى انت كده عارف نفسك
متستهلش انك تحب اصلا

4
لو اجابتك مش عاوز موبيل عشان متتصدمش فى اللى بتحبه او خايف ان يطلع مش بيخدعك
يبقى انت معندكش ثقه فيمن تحب
ولا تعلم ان كانت تحبك او لا
ولن يكمل حبك ابدا

هذه الاجابات ليست خادعه لدراسه نفسيه
انما هى وجهه نظرى
عن تجارب[/size]

mr h£ro

الموضوع جميل جدا

واكيد عمرى ماستغنى عن موبيالى

لان ببساطة لازم تكون بينا ثقة

يغنى مش شرط العب فى موبياله

وهو يفتش فى موبيالى

لان لو هة عايز يخبى شيئ فهو قادر انه يدارى وانا برضوا كده

المفروض ان كل واحد يثق فى من يحبه

لان الحب اختيار فهو اختارك

لان الحب لا يعرف لغة النفاق

الحب هو وانت

بجد مشكور الموضوع رائع

انا شايفة ان المشاكل دى حلوة اوى وخصوصا مشاكل الموبايل

يعنى طبعا لما الواد الي بحبه يمسك موبايلي ويفتحلي تحقيق انا هبقي من جوايا طايرة من الفرح لانه بيغير عليا
و طبعا الكلام كمان بالنسبة للولد
انا متاكدة ان الولد هيكون سعيد جدا وحبيبته فاتحة له تحقيق

ومحدش يقول لا مش كده
وبعدين اى ولد عنده نمر بنات فى موبايله ومسجات كمان
المفروض اى بنت تعرف ده وتقتنع بكده كمان
مفيش مشكلة انه بيعرف بنات بس اهم حاجة هو بيحب مين

وانا شايفة ان كويس انه يعرف بنات وانا اعرف ده احسن ما يعرف بنات من ورايا ولما اعرف يحصل مشاكل
والموضوع بتاع الموبايل دى مشاكل عادية جدا وغيرة حلوة اوى بين اى اتنين مرتبطين

يارب تكونوا فهمتونى