يلا نفكر مع بعض لنساعد انفسنا

السلام عليكم ياشباب
انا بس كنت عايزه افتح موضوع وعايزه كل الشباب والبنات يشاركو فيه
طبعا اكيد كل شاب وايضا فتاه تعانى من البطاله ومعروف طبعا ان الظروف البلد الاقتصاديه معروفه
بانها تعجز اى شاب بانه يتشجع ويعمل حاجه
لكن احنا كشباب عايزين نشتغل وعايزين نعيش حياتنا ونكون مستقبلنا
فياريت نشارك بعض فى الاراء والافكار ازاى نقدر نعمل حاجه
وازاى نقدر نخلق فرص عمل كل واحد يفكر ايه الى ممكن يعمله اى شاب بانه يخلق شغل مع الظروف دى
واكيد احنا لما نفكر مع بعض ونفكر مع بعض اكيد هنقدر نخلق ولو واحد من مليون فرصه عمل لاى شاب
ياريت تشاركونى فى الموضوع ده[/size]

اولا بشكرك يا اية على الموضوع
و انا شخصيا بفكر لو خلصت جامعة مش اقعد في البيت يعني ادور على شغل في بنوك او شركات المهم اني مش اقعد و ممكن اتعلم حجات تانية في الوقت الي لس مش لقيت فيه شغل زي مثلا الديكور او الرسم المهم حجات اقدر اعمل بيها مشروع و لو صغير يعني مش يكلف كثير في الاول بس اكيد بمجهود يمكن يكبر و لو ربنا سهل و لقيت شغل فهكون مستفيدة من الاتنين
ربنا يوفق الجميع
ميرسيه مرة تانية

ميرسى على مشاركتك ياجميل
وحلو اوى انه يكون تفكيرك عملى بس انا راى مدام انتى حابه انك تتعلمى رسم او ديكور زى ماقولتى كده فالافضل ليكى انك ممكن انك تبداى تدرسيهم مع دراستك العاديه او انك تزودى نفسك بكورسات تفيدك اكتر وهتختصرى وقت وربنا يوفقك

وياريت تقدرى تفدينى وتفيدى الشباب بافكار تانيه يقدرو يعملوها
انا عن نفسى فكرت انى ازود نفسى مع دراستى وهى علم نفس بكورسات لغات لكن الصراحه ملقتش افكار تانيه فياريت نفكر مع بعض
واتمنى ان الكل يشارك معانا

انا الحمد لله خلصت دراسة وقررت انى اخد راحة سنة واحدة واشتغل بعد كده
ودلوقتى بفكر اشتغل بس المشكلة ان كل واحد فينا محتاج شغل على قدر قدراته
وطموحه فربنا يوفق الجميع ونجد ما نسطيع ان نستنفذ كل طاقتنا فيه

ميرس على مرورك الجميل
وربنا يوفقك وتلاقى الشغل الى نفسك فيه