هل طيبه القلب= ضعف الشخصيه

السلام عليكم ورحمة الله وبركاته

هل طيبة القلب = ضعف الشخصيه !! ؟؟

موضوع قراته و أعجبني وحبيت ان نتناقش فيه هنا ..

في الماضي كانت الطيبة .. ميزه .. يتميز فيها الانسان ولكن

ما نراه اليوم .. هي نقطه سيئه لو أصبح الانسان يملكها ؟؟

هذاا الواااقع....

صفه محموده في الانسان بل مرغوبه

والانسان طيب القلب محبوب من الجميع ..

القضيه :

أصبح الانسان طيب القلب في وقتنا هذاا شخص ضعيف و (مجنووون )

على حد قولهم ..

وأصبحت الطيبه توصف بالضعف والتخلف .. لمااااذاا !! ؟؟

لإنه يتصف بالسمااااحه والشفاااافيه ..

وأصبح الناس للأسف يستغلون طيب القلب .. لقضاء مصالحهم

ولتجاوز النظام ..

`` محاور النقاش ``

- هل للطيبه حدود !! ؟؟

- ما رأيك بطيب القلب وبماذا تصفه بالضعف والتخلف .. أم

تصفه بالسماحه والشفافيه !! ؟؟

- كيف تتعامل مع طيب القلب ؟؟

-هل أصبحت الطيبه عيب ؟؟

- هل أصبحت طيبة القلب = ضعف الشخصية ؟؟

- كيف يمكن لصاحب القلب الطيب أن يتعامل مع من حوله حتى

لا يصفونه بضعيف الشخصية؟؟

- متى تكون طيب القلب .. ومتى تكون شرس الطبااايع !! ؟؟

الموضوع ناقص تكملة أقلامكم الراائعه وأفكاركم النيره وحواراتكم

الهادفه .. فلا تحرمونا هذه المتعه

مشكور يا مان على الموضوع الجميل دة بجد موضوع رائع وعلى فكرة انا كنت بعانى من المشكلة دى لدرجة انى كنت بفضل غيرى على نفسى وكنت اقضى مصلحتة قبل مصلحتى لكن الطيبة فى الزمان دة ما بتنفعش والحياة علمتنى امتى اكون طيب وامتى لا وعلى فكرة انا اصطدمت بحاجات كتير خلتنى معنديش ثقة فى حد وشكاك جدا وفى رايىء الخبرة فى التعامل بتعلم الانسان ازاى يقرا اللى قدامه مجرد ما يتكلم معاه
وعلى فكرة الانسان طيب القلب المتسامح صعب انه يكرة او يكون عكس انه طيب القلب الا لما يصطدم بحاجات فى الدنيا هى اللى هتعلمه لانه مش هيقتنع بالكلام ان فلان وحش مثلا لكن صعب اقولك امتى تكون طيب وامتى لا .والمشكلة ان فى زمنا دة طيب القلب بيقولوا علية عبيط واهبل وبيضحكوا علية

مشكور يا مان موضوع رائع

طيبة القلب صفة جميلة جدا لكنها للاسف في زماننا هذا صعبة التحقق لان بعض المواقف تفرض عليك التخلي عن هذه الصفة
و فعلا هناك اناس كثيرون يعتبرون طيب القلب ضعيف الشخصية او ساذج
لهذا يجب علينا دائما ان نفصل بين المواقف التي نستطيع فيها التعامل بتلقائية و بطيبة قلب و المواقف التي تتطلب منا التجرد من تلقائيتنا و التعامل بحزم
مشكووووور اخي توتي على الموضوع الجميل دة

موضوع فعلا يستاهل النقاش

لان معظمنا بيتعرضله

وهوه ان فيه كتير قيم ومبادى ساعات بنلاقى نفسنا المفروض نغيرها علشان نعرف نمشى فى الدنيا

لدرجه ان ساعات نقف مع نفسنا ونبدا نششك ان الصح غلط وان الغلط هوه اللى صح

وللاسف اصلا بقى دلوقتى لما تقول فلان ده طيب يبقى كانك بتقول ده اهبل

انا عن نفسى لما حد يقولى انتى طيبه وهاديه بحسانه بيشتمنى اصلا واتنرفز عليه..ليه؟

لان فعلا بقيت الطيبه والحنان وحب الناس ده هبل فى الزمن ده

والبنى ادم لازم يكون جامد ومفيش عنده اى قيم او مشاعر علشان يعرف ياخد حقه ومينضحكش عليه

بالنسبه لاسئلتك بقى::

اقتباس :: هل للطيبه حدود !! ؟؟

طبعا ده اساسى..مينفعش تبقى طيب مع كل الناس ولازم تكون بحدود

والحدود هيا ان لو كانت الطيبه دى هتضيع حقك يبقى سورى بقى بلاش منها اصلا

اقتباس :: ما رأيك بطيب القلب وبماذا تصفه بالضعف والتخلف .. أم

تصفه بالسماحه والشفافيه !! ؟؟

بص هوه لو بيتصرف فى موقف عادى يعنى ممكن نقول عليه متسامح

لكن لو طيب مع حد بيستغله يبقى ضعف وتخلف

اقتباس :: كيف تتعامل مع طيب القلب ؟؟

هاتخنق منه الصراحه علشان مبحبش اشوف حد بيستغل طيبته دى

اقتباس :: هل أصبحت الطيبه عيب ؟؟

ايوه عيب لان معظم اللى بيكونو طيبين دول بينضحك عليهم علطوووووووول

اقتباس :: كيف يمكن لصاحب القلب الطيب أن يتعامل مع من حوله حتى

لا يصفونه بضعيف الشخصية؟؟

اقتباس :: متى تكون طيب القلب .. ومتى تكون شرس الطبااايع !! ؟؟

الطيب يتعامل مع اللى حواليه ازاى ؟؟ انه مايكونش طيب علطول..وميسمحش لحد انه يستغله او ياخد حقه لمجرد انه عارف انه طيب ومش هيقدر يزعله او يتخانق معاه

انه يكون شرس اشد الشراسه لمجرد ان حد اتجاوز حدوده معاه

انه يكون طيب مع الناس اللى تقدر الطيبه دى وتفهمها صح

ويكون شرس مع الناس اللى مش بترجم الطيبه دى صح

ده راييى وسورى عالمحاضره الطويله دى..بس ده لانى انا اصلا كنت بعانى من الموضوع ده

وشكرا ليك يا توتى على مواضيعك المهمه دى

شكراااااااا جدا على مروركم ده والله يا جماعه
وفعلا الطيبه حاجه جميله بس صعب الانسان يعيش بيها فى زمنا ده
وانا الحمدولله رغم ان طيبتى بتغلب عليا فى جميع تعاملاتى بس بقدر اعرف امتى استخدمها وامتى اكون حازم فى امورى

لا طيبة القلب ليست ضعفا للشخصية و إنما هي نقاء في الروح وصفاء في القلب

الموضوع عجبني بس طيبة القلب..مالهاش حدود انا شايفه كده بس للاسف لازم يكون لها حدود في الايام دى هي صفه حلوة...بس الناس باستغلالهم تصبح شئ تاني...والشخص طيب القلب انسان محبوب من الكل ومش شرط يكون ضعيف الشخصية ...وطيبة القلب مش عيب ولا ممكن تكون كده....واشوف في كل الاحوال طيبة القلب تعتبر شئ جميل حتى اذا استغلها الناس وعلى فكرة الانسان طيب القلب المتسامح صعب انه يكرة او يكون عكس انه طيب القلب الا لما يصطدم بحاجات فى الدنيا هى اللى هتعلمه

ميرسى ياتوتى مواضيعك هادفه وجميله جدا

ميرسى جدا يا سما

الموضوع ده جميل جدا
انا راى ان الى يزيد عن حده ينقلب ضده
سواء فى الطيبه او فى اى صفه تانيه
وان الانسان يجب ان يكون زكى فى استخدام طيبته مع الناس الى تستاهل ويكون مش طيب مع الناس الى مش تستاهل
وراى ان ده مش مقصور على زمنا ده اى زمان ومكان فى الناس الطيبه وكويسه وفيها الناس الى مش طيبه وخبيثه
فيبقى اكيد ان الطيبه ليها حدود
وفى راى ان لازم قبل مانتلكم على الطيبه فى الزمن ده لازم نحدد يعنى ايه طيبه اصلا يعنى امتى
نقدر نقول ان الشخص ده طيب ايه هى صفاته عشان نقول عليه كده
وبجد موضوع جامد اوى

ميرسى جدا على مرورك

» القلب هو القلب والقبر صندوق العمل
» عيد ميلاد العضوة الجامده جدا ( سوسو وبس )
» هل الطيبه تعنى ضعف الشخصيه؟؟؟
» هل تفضل ضعف او قوة الشخصيه فى المرأة ؟؟؟؟؟
» البطاقه الشخصيه لشله بنات مانوس