اه يا غربه !!!!
انتي كربه ؟ ولا اسوه ودمع عين؟
ولا لوحه فدنيا جارحه؟ ولا فراره سنين؟
كنت قاعد كافي خيري واشق باديه الحديد
اما انام في وسط اهلي افرح بالصبح الجديد
كنت ارمضن ؛ كنت اعيد؛ ياما كنت هناك سعيد
جيت لغربه ؟ ولا كربه ؟ ولا اسوه ودمع عين؟
ولا لوحه فدنيا جارحه ؟ ولا فراره سنين؟
بس جيت .... وابتليت.... بمزاجي بهدلتي اشتريت
واتنسيت .... واتلاشيت ....جيت يا ريتني ما كنت جيت
اه يا غربه يا صحن شوربه بشفطه منك انكويت
منتي غربه وانتي كربه وبردو قسوه ودمع عين
اقول يا ربي ده كل زنبي اني قلت اجيب منين
قالوا لي سافر .. روح وهاجر وخد معاك قفتين
روح وحول ..بس طول .. اوعى تيجي بكسر عين
روح وشوف .. دور وطوف .. حتلاقي الباب علمسرعين
واديني جيت
اعيش في غربه.. زي تربه ..في بيت ومبني بطوب حزين
مهيه لوحه فدنيا جارحه وهيه فراره سنين
والله يا امه ليكي وحشه ..يا حببتي يا امه انتي فين
والله يابا الغربه وحشه ..من كوعي شربان الانين
من غيركوا زي ريشه هشه ..وللا حتى الريش متين
معاكوا انشاله اعيش في عشه.. مبنيه خوص او حتى طين
ولما جيت
ايه يعني ذودت المهيه .. صدقني يابا هيه هيه
ايه يعني الف ولا ميه .. ده كفايه صحبتكوا الهنيه
ان يوم رجعت ولا جيت.. متقلوش عني هفيه
انا كنت راجل من ضهر راجل بس مش ديه القضيه
القضيه
ان غربه زي كربه.... زي قسوه ودمع عين
زي لوحه فدنيا جارجه زي فراره سنين
غربه زي حدف طوب .... غربه كفاره زنوب
غربه ناس بدون قلوب. غربه مليانه بعيوب
لو اني عنك يوم اتوب
كانت ارتاحت عنيه
