مدرس رياضيات اتجوز واحده صايعه خلفوا ولد شبه منحرف
دكتور مصري و دكتور ياباني و دكتور أمريكي ف مؤتمر عن زراعة الأعضاء الأمريكي قال "احنا كان عندنا ف أمريكا واحد ما بيشوفش جبنا قطة و دبحناها و خدنا عنيها و زرعناهم للراجل". اللي واقفين قالوله: "ياااه؟ و بيشوف كويس؟" قال لهم "يوووه ده بيشوف اللي ورا الشمس دلوقت!" قام الياباني قال "احنا كان عندنا واحد كبده تعبان فجبنا قطة و دبحناها و خدنا كبده و زرعناهاله" قالوله "يا سلام؟ و بيشتغل كويس؟" قال لهم "أمال..ده بيهضم الزلط دلوقت" المصري قال "إحنا بقى كان عندنا واحد مخه بايظ رحنا شيلنا مخه و حطينا بداله جزمة" قالوله "إيه؟؟ مش معقول! و لسة عايش؟" قال لهم" ده رئيس وزرا عندنا دلوقت"
مرة اتنين مجانين الأولاني قال للتاني "تيجي نلعب لعبة الجزار؟ أنا الراجل الجزار و انت جاي تشتري" قال له ماشي و وقف قدامه و قال له "عندك حاجة ساقعة؟" الأولاني قال له "إيه ده يا عم دي لعبة الجزار، إنت باين عليك مش عارفها، بص انت خليك الجزار و انا جاي اشتري منك" و وقف و قال له "عندك لحمة يا عم؟" التاني قال له "جبت القزايز الفاضية؟"
راجل بخيل حاطط بيضة مسلوقة ف خزنة كل يوم يجيب عياله و يفتح الخزنة و يدي لكل واحد لقمة ينقنق فيها و هما باصين ع البيضة. المهم ف يوم الراجل سافر و غاب كام يوم، لما رجع قال لعياله "كنتوا بتعملوا إيه و انا مسافر؟" قالوا له "كنا بنبص ع البيضة من خرم المفتاح بالدور" قال لهم "يا ساتر! إنتو ما تاكلوش عيش حاف أبدا؟؟؟"
مرة واحد بيعدي الشارع مع صحابه خبطته عربية مات. نقوا واحد منهم عشان يقول لمراته فراح لها فتحت له الباب قال له: "جوزك ضيع كل فلوسه ع القمار" قالت له: "إلهي ينشل البعيييد!" قال لها: "و باع البيت" قالت له: "إلهي يبيعوا عنيه!" قال لها: "و اتجوز عليكي على فكرة" قال له: "إلهي يدخلوا عليا شايلينه" الراجل قال: "بس..خشوا يا شباب..."
مرة واحد صاحب مزرعة دخل ف يوم عشة الفراخ لقى ولا فرخة بايضة الرجال اتجنن، قام ماسك فرخة و مديها بالبونيات و ناتف ريشها و بعدين دبحها، و قال للفراخ "شايفين؟ اللي مش هتبيض بكرة هيحصل لها كده" الراجل جه تاني يوم يشيل كل فرخة يلاقي تحتيها قفص بيض، "خمس بيضات..ست بيضات..عشر بيضات..بيضة..إيه؟ بيضة واحدة!" مد إيده يخنق الفرخة لقاها بتقول له "إرحمني..أنا دييييييييك!"
واحد راح للدكتور قال له "يا دكتور انا عندي مشلكة فظيعة جدا، بانسى بسرعة" الدكتور قال له "المشكلة دي عندك من إمتى؟" قال له "مشكلة إيه؟"
بخيل سألوه "لو كنت بردان تعمل إيه؟" قال "أقرب من الدفاية"، قالوا له "و لو زاد البرد؟" قال "أقرب أكتر"، قالوا له "و لو زاد البرد أكتر و أكتر؟"، قال "أقرب أكتر و أكتر"، قالوا "و إذا البرد زاد أكتر و أكتر و أكتر؟" فقعد يفكر شوية و قال لهم "أشغل الدفاية"
مرة اتنين بلدياتنا في الجيش فالصول بيسأل الأول: "إيه ده؟" قال له: "البندجية يا افندم"، قال له: "لأ دي وطنك دي أمك"، فراح للعسكري التاني قال له: "ايه دي؟" قال له: "دي أم هريدي يا افندم"
مرة واحد صعيدي عالم بيعمل تجربة علي ضفدعة، قام قطع الرجل الأولى و قال لها "نطي" فنطت، فكتب ملاحظة "عند قطع الرجل الأولى للضفدعة فإنها تنط". قطع الرجل التانية و قال لها "نطي" فنطت، كتب ملاحظة "عند قطع الرجل الثانية للضفدعة فإنها تنط". قطع الرجل التالتة و قال لها "نطي" ما نطتش فكتب ملاحظة "عند قطع الرجل الرابعة للضفدعة فإنها تفقد حاسة السمع".
عريس وعروسته في يوم الفرح وهم داخلين القاعه وماسكين ايد بعض العروسه فجأه سابت ايده وطلعت تجري قال لها "على فين؟" قالت له "بسرعه بسرعه عشان نلحق مكان."
