ما شعور الفتاة عندما يراها الخاطب وبعد كده يقول متعجبنيش ؟!

شكرا اوي علي الموضوع دة هو فعلا هيبقي موقف صعب جدا علي البنت لان البنت بطبعهان حساسة وممكن تتعقد بس انا شايفة ان الولد الي يعمل كدة ويوكل مامتة انها تقول كدة هو انسان ضعيف ومش عندة احساس وبيفتقد لحس الذوق
شكرا اوي موضوع حلو بجد

طب بص انا عايزة تتكلم معايا بصراحة هية تعجبك الي تخرج وتروح وتعرف شباب هية دي الي تتخطب وتنفع يعني انتي رائيك انها لازم تكون عارفها قبل الجواز ولا الي محترمة ومحافظة علي نفسها وتربيتها وثقة اهلها بيها ومستنية ربنا يرزقها بواحد يعرف يقدرها ويحافظ عليها البنت عاملة زي الجوهرة ربنا محافظ عليها عشان لية تشوة شكل الجوهرة دي بمعرفتها بحد انا حابة اقولك يعني ملخص كلامي انا هبقي زيها بردة لاني واثقة ان ربنا عمرة مهيبعتلي حد وحش ولا يجرحني كدة واذا جة واحد زية يبقي اختبار من ربي وانا راضية بحكم ربنا
متشكرة اوي علي ردك

ولا اللي انتي قولتي عليها دي تعجبني يا سوسو معقول في شاب محترم يحب يروح يتجوز بنت اساسا مكنتش بتهتم بسمعتها ولا الكلام عليها , انا اللي مجبنيش في البنت اللي ببترفض دي انها ملهاش هدف ولا شخصية مستقلة تقول انا برضو ليا اللي انا عاوز اختاره ذي ما العريس ده بيجي وبيشوفها ,اشمعنا هو اللي يقول لا دي مش عجباني انا بس اللي مضيقني استسلمها بالطريقة دي
اكيد طبعا اي واحد يتمني ان يتقدم لبنت كويسة هادية محترمة ليها شخصية محافظة علي نفسيها كويس عشان ليها هدف متدين طبعا عارفة تقالدها وعارفة ايه اللي يصح وايه اللي ميصحش
ومقصدتش طبعا النوع الهايف اللي بيقضيها وخلاص , وطبعا لو اللي اتقدم ده كويس مش هيقول دي مش عجباني او مش عاوزها بس مدام قال كدة يبقي ده بيدور علي الظاهر
واظن انك فاهمة كلامي كويس
يارب تكوني فهمتي قصدي يــــــــــــــــــــــــــــــــــــــــارب
تحياتي ليكي ولكل انسان وانسانة محترمة

انا مش قصدي انها تبقي مسلوبة الرائي طبعا لازم تقول اة ولا اذا هو مش مناسب لها انا بس اعتراضي علي كلامك انك بتقول عاملة زي واحد يشوف غسالة او بيزور معرض تحياتي ليك ولاعضاء المنتدي

انا بجد بشكرك يا هاني علي موضوعك ده بس انا راي ان مازال في موضوع الجواز التقليدي الايام ديه بس انا لو حصلتلي وهي حصلتلي كتير بس من غير محس ولا اعرف انا كان ردي لا طبعا وعمري مهرتبط بحد غير لما احس اني حبيته ومرتحاله ونفسي اسالك سؤال يا هاني وكمان لكل الولاد اللي في المنتدي ؟؟؟؟.

ان لو هو راح علشان يخطب بنت والبنت ديه رفضت بعديها بمده هيحس بايه يعني حطو نفسكو مكان البنت وشوفو هتعملو ايه وانا مستنيه اشوف هيبقي ردكم ايه

مشككووووووووووررررررررررررررررررررررررررررررر

هههههههههههههههههههههههههههههههههههههههههههههههههههههههه

احلى حاجه فى الموضوع ده الردود والله يا شباب احلى حاجه

يا جماعه فى مثل بيقول (لولا اختلاف الازواق لبارت السلع ما فى بنات بترفض الرجاله عادى يعنى اهم حاجه ان الواحدة تكون واثقه من نفسها وتكون عارفه ان لسه نصيبها مجاش وان الشخص دة مش نصيبها ليه بقى تاخدها على اساس انها مش مرغوب فيها
عادى والله انا عن نفسى انا هاخدها بهزار
خليكوا فريش يا جماعه الحياة مش مستهله

موضوع هاااايل جدا والله
واللى خلانى اكتب له بجد انى اتحطيت الاسبوع ده فى نفس الموقف وانا اساسا رافض الفكره بس قريب ليا عاوزين اروح واعد مع واحده هما شافوها علشان يمكن نعجب بعض وانا رافض الفكره من الاساس علشان فالنفرض هيا معجبتنيش شخصيتها ولا كلامها ولا طريقتها ازاى اجرحا واقول لها كل شىء اسمه ونصيب مهى هتبقى معروفه انها معجبتنيش وبصراحه والله انا محتار ومش عارف اعمل ايه وفى نفس الوقت مش عاوز احرج اهلى مع حد و اطلعهم صغيرين انا الانسانه الىل هتجوزها لازم اكون عرفها قلبى هوا الىل اختارها نكون اتكلمنا عرفنا بعض
ومشكور جدا على موضوعك

والله الموضوع ده كويس جدا وخاصة ان الموضوع ده وارد ان يحصل سواء مع الشاب او الفتاه

بس تتخيلو ده يحصل ليه هل من عيب فى الشاب او الفتاه او النظره الهامشيه بالنسبه لمواصفات العريس او العروسه اللى كل واحد فينا بيكون راسمها للانسان اللى حيرتبط بيه وخصوصا ان كلنا او اغلبنا مع الاختلاط فى التعليم والحياه بيشوف اشخاص كتير وبيبتدى ان يكون الفكره عن الشخص اللى بيحلم يرتبط بيه وبعد ده كله يلاقى نفسه قدام الجواز التقليدى اللى الاغلبيه ماشيه بيه الاهل بيشوف له عروسه بنت حلال بيروح وعايز يلاقى اللى هو عايزه ومن غيرما يفكر يعرفه او يتكلم معاه بيكتفى انه يأخذ الانطباع الاول ويدى كلمته بس المفروض البنت مش تقعد ساكته وتستنى الرد المفروض انها تبدأ معاه مناقشه حتى علشان يعرف الشخصيه اللى قدامه
اسف للاطاله بس الكلام فى الموضوع ده كتير ......والله الموفق