مش مهم

مش مهم تكون عيون;

لونها اخضر

مش مهم يكون جمالك

زى بدر الكون منور

الاهم انك يا غاليه

فيكى شىء تانى شاغلنى

غير عبيرك

غير حنان عمرى ما شوفته ف حد غيرك

شىء واخدنى غصب عنى

يحتوينى

يزرع الاحلام ف دربى

يمسح الدمعات ف عينى

يحتوى خوف جوه نبضى

يفرش الفرحه ف سنينى

صدقينى

بصى جوه حروف كلامك

هتلاقينى

متخافيش لو حد لامك

بصى اكتر

هتلاقكى جوه منى

كل معنى بيه بعبّر

كل آهه من حنينى

اسمعينى

هتلاقينى ف قلب صوتك

جوه احزانك...... سكوتك

ويّا فرحك

ويا غضبك

حتى خوفك

هتلاقيكى وهتلاقينى

يبقى حقى لما بلسانك اغنى

أو اقولك.....

إنك انتى حته منى

أيوه انتى حته منى

حلوة كثير
تسلمي يا اميرة

متشكرة جدا علي مرورك

كلام جميل اوي تسلم ايدك والى المزيد

مشكور ة جدا ياسوسن علي مرورك وردودك الجميلة

حلـــــوه اوي الكلمات دي بس باين انها من واحــــــــــــــد لوحـــــــــــــــدة مش من وحـــــــــده لواحـــــــــــد

مشكورة جداااااااااااااا علي مرورك