عاوز تتعلم الرخامة في المواصلات ! يبقى لازم تدخل

السلام عليكم

ازاى تبقى رخم في المواصلات وتتعلم الرخامة بأصولها
فيه ناس بتقول على الرخامة رزالة
عادى برضو
المهم انك تستحمل النقد دا
عشان الناس تحبك

واحدة واحدة معايا بقى إن شاء الله هخليك

أرخم واحد فى الدنيا دى

نبتدى الحصة

ازاى تبقى رذل فى المواصلات 3W4

لو راكب فى باص أو ميكروباص وجنبك حد نايم
اوعى تسيبه نايم >> ازعل منك والله
كل شوية اقعد قول وصلنا عشان يصحى مخضوض
و لو عمل اهبل صحيه وقوله مش انت نازل هنا بيتهيألى
لو مش نايم متسيبوش فى حاله برضه >> عيب عليك متجيش RYDRY

ركز على سؤال واقعد اسألهوله كل شوية زى أنت نازل فين طب انت دفعت ولا لأ
لو قاعد هو جنب الشباك جوه وقالك عدينى قوله رجلى منملة مش قادر وخليه ينط زى القرد
أو قوله ماتنزل من الشباك RTE

لو انت فى أتوبيس وقاعد على كرسى وجنبك ناس واقفة استمتع بقى وخدك وقتك
اتمطع بقى وقول ياسلام على الراحة الواحد مكنش عارف هيعمل أيه لو مش قاعد

طب ولو العكس بقى
اقعد اسأل كل واحد انت نازل فين
واقعد قول بصوت عالى ياجماعة محدش نازل قريب أصل انا عايز اقعد
طول مانت واقف قول كده لحد مايقعدوك

لما الكمسرى يجى ياخد منك الاجرة اسأله على تمن كذا مكان
يعنى قوله هو لغاية الحتة الفلانية بكام طب لغاية الحتة دى بكام
اسأل على تمن كل الاماكن اللى تعرفها لحد مايقولك ياعم خلصنى رايح فين
قوله مانا عشان ابقى عارف بس وتقل فى العيار يمكن يسيبك ويمشى

طب ولما لما يدى حد تذكرة
قوله ورينى كده لو سمحت واقعد اتأمل فيها
لحد ما صاحبها يزهق ويشدها منك ASW4

فى مفتش بقى ساعات بيطلع يفتش على التذاكر وبيطلع على السريع كده وينزل
أنت بقى اوعى تديهاله علطول كده >>> أزعل منك والله
دور عليها ساعة حط ايدك فى جيوبك مية مرة هيقولك خلص يا استاذ قوله ثوانى كانت معايا والله
واقلع الجذمة ودور فيها وفى الاخر طلعها من بوقك بعد مايكون هو مات من الملل
وقوله مش قولتلك انها كانت معايا sdrtaeQF

كفاية كده بقى حرام المفروض تنزل قبل الناس ماتموت منك

REY3W

أستنى رايح فين أنت نازل عادى كده ولا كأنك رذل ولا حاجة

وأنت نازل هيبقى فى ناس واقفة أعمل نفسك مش عارف تعدى
وحاول تجاهد على قد ماتقدر وتضيع الوقت اللى تقدر عليه
لحد الناس ماتشيلك وترميك بعد ماتكون جبتلهم السكر ورفعت ضغطتهم

كده إنتهت الحصة الأولى
واللى عنده أى إضافة مفيش مانع
أهو معلومة ونستفيد منها كلنا

درس خصوصى مجانى أهو للى عايز يتعلم

ياريت بلاش رخامة في الردود sdrtaeQF

thanx ya big master بجد مش عارفه من غيرك كنا عملنا ايه ايوه بقى ...كده الواحد يعرف يركب المواصلات ويمارس هوايته فى الرخامه ولاتغليس على خلق الله... بس بجد احلى حته عجبتنى

اقتباس :: لو انت فى أتوبيس وقاعد على كرسى وجنبك ناس واقفة استمتع بقى وخدك وقتك
اتمطع بقى وقول ياسلام على الراحة الواحد مكنش عارف هيعمل أيه لو مش قاعد

جامده بجد..تسلم كيبوردك..

moon_light كتب:

thanx ya big master بجد مش عارفه من غيرك كنا عملنا ايه ايوه بقى ...كده الواحد يعرف يركب المواصلات ويمارس هوايته فى الرخامه ولاتغليس على خلق الله... بس بجد احلى حته عجبتنى

اقتباس :: لو انت فى أتوبيس وقاعد على كرسى وجنبك ناس واقفة استمتع بقى وخدك وقتك
اتمطع بقى وقول ياسلام على الراحة الواحد مكنش عارف هيعمل أيه لو مش قاعد

جامده بجد..تسلم كيبوردك..

قال تسلم كيبوردك قال المفروض
"" يسلم بجقك يا كبير """"
هو ده الكلام وإلا بلاش
رخامة صح صح
ياما نفسى أشوف فيك يوم حلو يا كبير ويبقى عطلة عشان ميبقاش حد فاضيلك وأجعد أرخم عليك براحتى

بصراحه بشكرك من كل قلبى عشان الرخامه ديه هوايتى
من و انا صغير
و انا بصراحه ليا حته رخامه فى اى باص بركبه
طبعا السواق و هو ماشى بيسأل مثلا حد نازل اخر فيصل مثلا
اقوم انا ارد عليه و اقوله
ايوه يا اسطه المترو معاك
طبعا بقول ايوه و استنا شويه لغايه مهيدى و ممكن يكون وقف و بعدين اقوله مترو
امال احنا بنتعلم الرخامه ديه ببلاش ؟
و فعلا بشكرك بجد

مووودى

هههههههههههههههههههههههههههههههههههههههه

بالصلاه على النبى لو جينا للرخامه فاحنا ملوك الرخامه والمزاولات

خد عندك

لو انتا راكب الاتوبيس وواقف وقدامك واحد قاعد بيقرا الجرنان

اوعى تسيبه يقرا ازعل منك

حط عينك معاه فى الورقه الى بيقراها وامسك طرف الجرنان عشان تشوف الحاجات الى فى الصفحه الى ورا

وتقول بصوت عالى لا حول ولا قوه الا بالله الراجل حيجيلوا فضول يعرف في ايه

حيبص ميلاقيش حاجه قول الناس معندهاش ذمه وبص وشاورله على الورقه حيقولك في ايه

قوله وزن الورقه خفيف والالوان مش مظبوطه حتلاقى تعبير جميل قوى على وشه

حيزهق منك ويقفل الجرنان

اوعى تسيبه ازعل منك

اكيد بعد الى انتا عملته ده حيقفل الجرنان ويطبقه

رخم عليه وقوله هوه الاهلى حيلعب امتى حيقولك مش عارف هوه الاهلى عنده ماتشات اصلا

قوله ايوه انا شفت خبر بيقول كده

حيفتح ميلاقيش حاجه قوله اه افتكرت انا شفتها على النت

كفايه كده للراجل يموت

مشكور يا هانى على الموضوع

احلى سلام

يا ميدو يا جاااااااااااااااااااااامد

MOOODI

هههههههههه أنا هههههه هاخرج من هنا هههههههههههقبل ما ههههههتبهتوا عليا gut

ههههههههههههههههههه
دروس جامده والله
مشكووووووووووور

هههههههههههههههههههههههه بجد تحفه ياهانى تسلم ايدك رخامة بجد جامدة اوى هههههههه

هههههههههههههههههههههههههههههههههه تسلم يا كبير

اصلى يا معلم

هههههههههههههه ميدو انت ملكش حل و الله

شكرا على الرخامة يا ............... ميدو

يا هانى حرام عليك هى الناس نقصه هم ورخامه الناس اساسا مشيه فى الشوارع بترخم على نفسها ............... بس حلوه منك يا هانى جميله فعلا.

الكلام دة للشباب مش للصبايا هههههههههههه
يارتنى اعرف ارزل دة انا كنت بهدلت الدنيا كنت بهدلت الولد اللى كان قاعد جنبى فى الاتوبيس وبيرزل عليا ههههههههههههههههه

ده العروف اللى بتعمله للناس يا رخم

علمت الناس الرخامه هما يعنى ناقصين
يبقى اللى بيرخموا بقى فى المواصلات تلاميذك يا معلم

ههههههههههههههههههههههههههههههه

موضوع جميل

تسلم ايدك ( الرخمة ) اقصد الحلوة على الكلام ده
وانا عاوز اخد حصة لوحدى من غير مجموعة

REY3W

ياسلا ياسلام هو ده ال بدور عليه كده الواحد يعرف يعيش ويتهنى بحياته مع الرخامه هههههههههههههههههههههههههههههه مشكوووووررررر gut

كدا اعرف ارخم اصل

فل حبيبى امال ايه اخبار المواصلات معاك اكيد الكمسرى عامل معاك مشاكل

هههههههههههههههههههههههه صدق اللى قال رخم تعيش
موضوع رائع يا هانى وعايزين بقى ازاى نتعلم الرخامة على فرن العيش ضرورررررررررررررررى
D5R

جامد يا بوووووووووووووب

شكراااااا

كفايه كده انا ورمت من الموضوع ومن الردود
اللى عايز يتفع مرارته يقرا الموضوع بتاعك
فعلا تسلم علىا لرخامه يا مان
وعلى الردود الرخمه
اللى بيركب اتوبيس اصلا ناس مش هيطيقو حد يرخم عليهم
الدنيا نفسها مرخمه عليهم فالرحمه ليهم احسن من الترخيم

شكرا

لالالالالالالالالالالالالالالالالالالالالالا
بجد تحفة ده انت كده هتجيب للراجل شلل خماسى
هههههههههههههههههههههههههههههههههه
gut

[
فى مفتش بقى ساعات بيطلع يفتش على التذاكر وبيطلع على السريع كده وينزل
أنت بقى اوعى تديهاله علطول كده >>> أزعل منك والله
دور عليها ساعة حط ايدك فى جيوبك مية مرة هيقولك خلص يا استاذ قوله ثوانى كانت معايا والله
واقلع الجذمة ودور فيها وفى الاخر طلعها من بوقك بعد مايكون هو مات من الملل
وقوله مش قولتلك انها كانت معايا sdrtaeQF

يا ما عملناه فى الثانويه
الله يرحم ايام زماااااااااان

» عاوز تتعلم الرخامة في المنتديات! يبقى لازم تدخل الجزء التانى
» مخننوق من حياتك يبقى لازم تدخل هنا
» نفسك تتفرج على تعليق صعيدي على الماتشات يبقى لازم تدخل
» بالله عليك لازم تدخل وتشارك
» كل اللى عاوز يبقى هيفا يدخل بسرعه