moon_light
مشرفة
المشاركات : 4100
العمر : 41
بتشتغل اية؟ : اهو شغل وخلاص..
منساوى ولا منساوية ! : 
السٌّمعَة : 0
نقاط : 1
تاريخ التسجيل : 13/05/2007
 | موضوع: بتروّش فين مع الشلة ؟؟  الإثنين 7 يناير 2008 - 19:55 | |
| بتروّش فين مع الشلة ؟؟كل منا له شلة من المقاطيع ,الذين لا هم لهم في الحياة, سوى إضاعة وقتك الثمين !
هذه
الشلة لا تنشط إلا حين يكون وراك حاجات مهمة تعملها.. وقت الامتحانات
مثلا.. عندك واجب  .. متابع فيلم أو برنامج في التليفزيون..كده يعني ..!
ساعتها
هاتلاقي تليفون جالك من واحد صاحبك بيقولك ان الشلة كلها مستنياك و احمد
رجع من السفر مخصوص و انك واحشهم جدا و لازم يشوفوك.. أو – لو كان رزل-
هاتلاقيه تحت بيتك قاعد يزمر  و يعرّف المنطقة كلها إن الشلة في انتظار
سيادتك و انك لازم تلبس و تنزل حالا...!
ساعتها هاتضطر للنزول مرغما - طبقا لمبدأ التدبيس – و تبدأ رحلة الترويش مع الشلة ...
الترويش مع الشلة هنا لن يخرج عن واحدة من الترويشات التالي ذكرها :
الترويشة الأولى: القهوة !
خروجة القهوة من أكثر أنواع شيوعا في عصرنا الحاضر.. تلاقي صحابك جم خطفوك من البيت عشان تروح تقعد معاهم على القهوة ..
في
القهوة النشاطات المتاحة هي أن تشرب شيئا ما كان من الممك ن أن تشرب مثله
وانت قاعد مستريح في بيتكم, و الكلام في مواضيع مالهاش لازمة غالبا لأنها
هاتكون شكوى أو سب أو لعن شخص أو جهة ما.. صباح الإحباط يعني !! 
لكن
لو شلتك مالهاش وجهات نظر في الأحداث المحلية و العالمية هاتلاقيهم قاعدين
يتابعوا مباراة الموسم ( إللي عمرك ما سمعت عنها غالبا !) أو – لو كانوا
ضايعين- هاتلاقيهم بيتفرجوا على كليبات في قناة الأغاني.. و كلها حاجات
كان ممكن تعملها في بيتكم أساسا من غير خروج و بهدلة...
لو كانت دماغهم عالية بقى هاتلاقيهم بيلعبوا بحماس غريب البطولة العالمية بتاعتهم و هي :
بطولة
دورة الاستميشن : هاتلاقيهم قاعدين يلعبوا بالكوتشينة لعبة ( الاستميشن )
ذائعة السيط.. و لو كانت شلتك واقعة هاتلاقيهم بيلعبوا (ترنيب).. و طبعا
بيكملوا الدور اللي ابتدوه من سبع سنين مثلا.. تلاقي الكوتش بتاعهم راح
مطلع ورقة متطبقة من محفظته, و يقعد يفرد فيها لحد ماتلاقيها بقت في حجم
مفرش السفرة.. و يبدأ يراجع الجداول و مين كسب و مين خسر .. عشان تبتدوا
الدور الجديد و كل الأمور واضحة...
لو كنت لعيب ترنيب أو استميشن
هاتتعامل.. لكن لو كنت مالكش في الكوتشينه من أصله , فهاتقعد و انت حاسس
انك مالكش اي تلاته لازمة في القعدة دي , و هاتلعن اليوم اللي اتعرفت فيه
على مدمني الكوتشينة دول!
الخروجة التانية : كوفي شوب !
و
طبعا زي ماحنا عارفين الكوفي شوب بيختلف عن قهوة السكرية اللي بتقعد عليها
.. فيه شوية قهاوي بتكتب على اليافطة كوفي شوب على سبيل التضليل.. و فيه
شباب بتلبس يا معلم و تروح داخلة.. لكن الكوفي شوب بيختلف كليا و جزئيا عن
القهوة زي مانت عارف ..
الكوفي شوب الراقي بيكون فيه
(minimum charge)
زي
ما سيادتك عارف.. عشان كده معظم صحابك مابيفضلوش يدفعوا 150 جنيه في قعدة
إلا لو كان في في شلتكم – عدم المؤاخذة – بنات ! عشان المنظرة بقى و
الحركات دي زي مانت فاهم ! الغريب إنك تلاقي الواحد منهم سالف منك خمسة
جنيه و ذلّك عليهم.. و ييجي في قعدة يعمل فيها فييس و يروح رامي 300 جنيه
على الطرابيزة ,حسابه و حساب المدام و ييجي عشرين جنيه بقشيش .. حاجة تغيظ
يا جدع  !!
الخروجة التالتة : نركب خيل !
دي خروجة بقى لو مبدأك في الحياة : ( أوديكي فين يا صحة ؟!) 
تطلع
مع الشلة كده بعد نص الليل أو حتى قبل الفجر بشوية .. تنزل على نزلة
السمان جنب الهرم و تروح لسايس خيل هناك تتفق معاه.. لو ماكنتش تعرفه يبقى
البا هايضحك عليك و يدفعك زيادة بس مش مهم .. أهي خروجة و السلام!
يفتح
لك الاسطبل و يخرج لك حصان تعيس يملأ العماص عينية و هو يسبك في قرارة
نفسه لأنك اضطررته للاستيقاظ من هذه التعسيلة العميقة , لمجرد أن ترضي
نزعة سادية بلهاء ألا و هي ركوب حصان بالليل .." إيه الهيافة دي ؟ عليّ
النعمة لاوريك ! " و الكلام هنا للحصان في قرارة نفسه !
طبعا يجري
الحصان في الظلام و أنت ترى ظل الأهرامات أو شروق الشمس حسب توقيت رحلتك..
و بما ن الحصان مستحلفلك فغالبا هاتقع من عليه أو هاتتسلت منك حاجه مهمة :
الساعة – الموبايل – النظارة.... و آدي ديقني لو عرفت تلاقي حاجه منهم على
رمل الصحراء في الظلام.. كان غيرك اشطر !
هاترجع بيتكم منهك القوي مكسر و عضلات رجليك بتوجعك ( مش عارف ليه .. هو الحصان اللي كان بيجري و لا انت ؟)
الخروجة الرابعة : النادي ! 
و
دي أفضلهم بصراحة.. تروح تلعب لك دورين اسكواش مع الواد حمدي إللي كل مرة
يغلبك و يحرجك قدامهم.. أو دور بنج بونج او تنس.. و بعدها تشربلك عصير
برتقال مع البنت إللي بتحبها و تستحلفله المرة الجاية و ينتهي اليوم..
فيه
نوع تاني برضه من الشلل الرياضية .. إللي هم بيروحوا يأجروا ملعب يلعبوا
فيه كرة قدم ( لازم يكون فيهم واحد بيلعب حافي ,مش عارف ليه !) لو مفيش
نادي متاح... لكن المشكلة هنا هي إن الملعب إللي بتأجروه مابيكونش ملعب
أساسا..أرضيته بتكون أسفلت أو طوب (يعني إللي هايقع هايتشلفط) أو أرضية
تراب ( صباح العفرة يعني !)
الخروجة الخامسة : الأكل ! 
فيه ناس بتخرج عشان تاكل .. بس كده !
تكون
لسه متغدي غدوة من الآخر.. و قاعد مأنتخ قدام التليفزيون و لا على بالك..
يعدي عليك الشباب و ياخدوك من حالة الصفاء الذهني اللي انت عايشها و بعد
ماتنزل يقولولك : رايحين ناكل !!
تضطر تروح معاهم محل تيك أواي
شهير و تطلبوا لكم كام سندويتش على كام فرايز على كام كباية حاجة ساقعة
الصودا طايرة منها.. و تقعدوا تاكلوا و تتكلموا عن موضوع ما , و خلاص على
كده!
هناك بعض الآراء التي ترجح أن الخروجة دي يجب أن تليها
الخروجة رقم 1 بتاعة القهوة.. يعني تاكل لك الأكلة المتينة و بعد كده تطلع
عالقهوة تحبس.. ماينفعش تطلع بعدها على كوفي شوب طبعا لأنه فيه أكل أساسا
يا ذكي!
الخروجة السادسة : سواح و ماشي في البلاد سواح !
لازم
واحد صاحبكم يكون معاه سيارة تعمل عمل التاكسي الخصوصي بتاع الشلة..
الصاحب ده بيكون الشوفير الخصوصي بتاع الشباب .. يعدي عليهم واحد واحد و
يفضل سارح في الشوارع و معلي صوت الكاسيت على الآخر.. ممكن شريط (عمرو
دياب) أو سي دي (بريتني) الجديد .. أو حتى أغنية ( البانجو مش بتاعي )  لو
كنتم شباب فاهم الترويش غلط !
مشكلة الخروجة دي هي صاحب السيارة
نفسه.. ممكن يكون طيب و ابن حلال و هنا مفيش مشكلة.. الازمة بقى انه يطلع
ناصح.. هنا ممكن يدفع الشباب فلوس البنزين.. أو تطلع دماغة ناشفة و يروح
الحتت إللي على مزاجه هو , و اللي مش عاجبه ينزل في نص الطريق غير مأسوف
على شبابه !
الخروجة دي مالهاش لازمة لكن أهميتها إنها تغيير مناظر و خلاص...
الخروجة السابعة : التمشية !
في حالة عدم وجود سيارة ممكن الشلة يفضلوا ماشيين في الشوارع كده و خلاص .. لكن الخروجة دي زي ماحنا شايفين مالهاش لازمة
هي دي الخروجات اللي بتتخرج اليومين دول... مفيش حاجة غير كده.. 
لو
كنت بتروش مع شلتك في أماكن غير دول ياريت تقول لنا عشان زهقنا من
الخروجات دي بصراحة !!
;كل واحد بقى يدخل يقول بيروش مع شلته فين
وفى انتظار اقتراحتكم.......  
عدل سابقا من قبل في الأربعاء 16 يناير 2008 - 19:58 عدل 1 مرات | |
|
هيثوووووم
ادارة منتدى مانوس
المشاركات : 5590
العمر : 36
ساكن فين؟ : رشيد
بتشتغل اية؟ : طالب
السٌّمعَة : 4
نقاط : 26
تاريخ التسجيل : 10/01/2007
| | موضوع: رد: بتروّش فين مع الشلة ؟؟ الإثنين 7 يناير 2008 - 20:49 | |
| هههههههههههههههههههههههههههههههههههههههههههههههه يخرب عقلك يا مووووووووووووون ايه ده فعلا دا اللى بيحصل بالظبط هههههههههههههههههههههههههههههههههه | |
|
moon_light
مشرفة
المشاركات : 4100
العمر : 41
بتشتغل اية؟ : اهو شغل وخلاص..
منساوى ولا منساوية ! :
السٌّمعَة : 0
نقاط : 1
تاريخ التسجيل : 13/05/2007
| | موضوع: رد: بتروّش فين مع الشلة ؟؟ الإثنين 7 يناير 2008 - 20:58 | |
| مانا عارفه ان ده اللى بيحصل
هوه انا قلت حاجه غير كده
انا عاوزة الجديييييييييييييييييييييد بقى | |
|
Hany_Dawood2010
مانوسى سوبر عضو
المشاركات : 16476
العمر : 39
ساكن فين؟ : في بلد الكوسة
بتشتغل اية؟ : ؟؟؟
السٌّمعَة : 0
نقاط : 0
تاريخ التسجيل : 04/02/2007
| | موضوع: رد: بتروّش فين مع الشلة ؟؟ الإثنين 7 يناير 2008 - 22:05 | |
| - moon_light كتب:
مانا عارفه ان ده اللى بيحصل
هوه انا قلت حاجه غير كده
انا عاوزة الجديييييييييييييييييييييد بقى
اولا اكيد دا اللي بيحصل يا مون لايت
عشان يستحيل طبعا اخرج اروش
واقوم اغلط واروح مكتبة مبارك العامة ولا الاوبرا
ال يعني الواد مثقف اوى ثانيا : فى خروجة اسمها خروجة قبل الفرح او ليلة الفرح تعدى عليك الشلة وتقولك النهاردة ليلة فرح اخو محمد وتنزل من البيت عشان تروح مكان فى الشارع كله ناس وكراسى وحشيش واغانى وناس بترقص وتزرغت وتتوجع دماغك عشان تعمل واجبثالثا : فيه خروجة ممكن تعدى عليك الشلة عشان تنزل تلعب معاهم جيمز على النت ورك او ممكن بليستيشن 2
بس بصراحة اجمل ترويشة فيهم طبعا : ترويشة النادى لكذا سبب اهو منها رياضة ومنها نشاط
عموما يا مون لايت انا حاجز الملعب يوم الاربعاء الساعة 11 بس مش هبقى حافي طبعا
اى حد من المنتدى يحب يشرف >> انا معرفهوش طبعا
عشان فريقي كامل العدد | |
|
love_voice62
مانوسى سوبر عضو
المشاركات : 1030
العمر : 34
ساكن فين؟ : فى الدور التانى
بتشتغل اية؟ : طالب
السٌّمعَة : 0
نقاط : 30
تاريخ التسجيل : 24/09/2007
| | موضوع: رد: بتروّش فين مع الشلة ؟؟ الإثنين 7 يناير 2008 - 22:50 | |
| r=white]]أنتى عرفتى الخروجات ديه منين
و فيه خروجه تلاقى كل واحد معاه فلوس محيراه ينزل يشترى هدوم (معنى هدوم هنا يعنى تى شيرت واحد ممكن كوتشى ممكن بنطلون ) المهم تلاقىنا لسه نازلين أمبارح علشان نشترى تلاقى واحد النهارده ياخدك وتنزلوا تانى عادى يعنى مع أننا كنا لسا فى نفس المكان أمبارح بس نعمل أيه ماينفعش نقول لأ[/size] | |
|
M.I.D.O
مشرف
المشاركات : 4852
العمر : 37
ساكن فين؟ : ((((( الاسكندريه )))))
بتشتغل اية؟ : Accountant
السٌّمعَة : 0
نقاط : 0
تاريخ التسجيل : 16/09/2006
| | موضوع: رد: بتروّش فين مع الشلة ؟؟ الثلاثاء 8 يناير 2008 - 3:49 | |
| هههههههههههههههههههههههههه
يا دماغك العاليه يا مون
طبعا كل الخروجات الى فاتت شائعه وكل يوم تقريبا بتحصل واحده منها
وفى برضه خروجات غريبه زى الاتى
الخروج لتاجير البدال فى البحر ونقعد نلف ساعتين فى البحر او ناجلا لنش
فى خروجه تانيه للصيد واليوم يعدى كله ومفيش غير سمكه واحده وجايبنها من البيت كمان
ده الى انا فاكره دلوقتى
موضوع جميل يا مون وتسلم كيبوردك
احلى سلام | |
|
phantom
مانوسى سوبر عضو
المشاركات : 2785
العمر : 41
ساكن فين؟ : فى دنيا فانيه
بتشتغل اية؟ : موظف غلبان
منساوى ولا منساوية ! : 
السٌّمعَة : 3
نقاط : 136
تاريخ التسجيل : 02/05/2007
| | موضوع: رد: بتروّش فين مع الشلة ؟؟ الخميس 28 فبراير 2008 - 18:44 | |
|
والله الصراحه هما مش شله واحده هما تلاته
واحده من ايام الدراسه والتانيه من الشغل والتالته بقى من الجيران وناس من الحته اللى انا قاعد فيها ودى المسيطره بس والله مش كلها كلام فاضى احيانا بيكون مشوار مهم زياره لصديق ممكن مناسبه سعيده او حزينه يعنى والباقى انتى عارفه القهوه او بقى نقضيها مشى بلاش كلمة لف معناها مش اللى هو واحلى سلام لاحلى كلام
| |
|
