حسن شحاتة يختار لاعبي المنتخب استعدادا لأمم إفريقيا

اختار حسن شحاتة المدير الفني للمنتخب الوطني المصري 32 لاعبا مابين لاعبين في الدوري المصري أو المحترفين خارجيا، استعدادا لنهائيات كأس الأمم الأفريقية التي ستقام بغانا في يناير القادم.

اللاعبين المختارين هم: عصام الحضري ومحمد عبد المنصف ووائل خليفة ومحمد صبحي، إبراهيم سعيد ومحمود فتح الله وطارق السيد وشادي محمد ووائل جمعة وشريف عبد الفضيل وهاني سعيد، والمعتصم بالله واحمد فتحي وحسني عبد ربه وحسام غالي ومحمد شوقي وحسن مصطفي واحمد شعبان والسيد معوض وأسامة محمد واحمد المحمدي ومحسن هنداوي واحمد سمير، محمد ابوتريكة ووليد سليمان وعمر جمال واحمد حسن وعماد متعب ومحمد فضل واحمد سلامة ومحمد زيدان وعمرو زكي.

هذا وقد قرر المدير الفني لمنتخب مصر الكابتن حسن شحاتة أن يبدأ معسكر الفريق يوم 26 ديسمبر علي أن تكون أولي تدريباته يوم 27 من نفس الشهر ثم يغادر الفريق إلي أسوان يوم 4 يناير لخوض مباراة ودية أمام ناميبيا في الخامس من يناير، ثم مباراة ودية أخري أمام مالي وستقام هذه المباراة في الإمارات يوم 8 يناير.

اولا شكرا يا هيثم على التوبيك

ثانيا: فين احمد بلال اهو احسن الف مرة من احمد سلامة دة

ثالثا: فين جمال حمزة انا بجد عايز جمال فى المنتخب خبرة و لية ماتشات معينة بتحتاجة

ثالثا: فين ايمن عبد العزيز الراجل اساسي فى فرقتة و بيلعب دايما و فورمة كويسة

رابعا:ابو كريم طلع و قال طارق السيد مش بيعرف يدافع و تانى يومة يضمة للمنتخب

خامسا:مين احمد شعبان و مين وائل خليفة و مين محسن هنداوى و مين وليد سليمان و مين احمد سلامة و مين معتصم سالم دة؟؟ الناس دى درجة تاتة ومتنفعش للمنتخب

سادسا: فين احمد السيد دة لازم يبقى موجود و يلعب اساسي كمان مش ياخد معتصم (معتصم مين و الناس نايمين هيا ناقصة بلانتيات)

سابعا:فين احمد حسن بتاع غزل المحلة اهو برضة احسن من سلامة دة

ثامنا: بركات لازم يضمة حتى لو كان راجع من اصابة

تاسعا:ربنا يسترها معانا كدة و نكسب ماتش واحد عشان التشكيلة دى مش هتصعد و لو صعدت مش هتمل كتيير

و اسف لو طولت عليكم

أولاً : شكراً يا هيثوووووم على الموضوع
ثانياً : انا متفق معاك يا استاذ EnG__EsLaM فى موضوع احمد بلال وجمال حمزة وطارق السيد واحمد شعبان ومحسن هنداوى واحمد سلامة ولكن بختلف معاك فى موضوع وليد سليمان ومعتصم سالم ووائل خليفة

وليد سليمان : لاعيب خفيف ومهارى وعارف طريق المرمى
معتصم سالم : مساك ممتاز وجاب جوان كتير ومهارى وبيعمل كل حاجة فى الملعب
وائل خليفة : حارس مرمى الطلائع وهو اقل حارس مرمى دخل فى مرماه جوان فى الدور الاول

واحب اضيف انه تم اختيار 32 لاعب هيسافر منهم 23 لاعب بس فممكن كل اللاعيبه اللى ملهومش لازمة يخرجوا من التشكيلة

مشكووووووووووووووووور

ربنا مع مصر

ان شاء الله هنكسب

thank u

شكرا

» ثورة بين لاعبي المنتخب بسبب تأكيد عمرو أديب قضائهم سهرة حمراء
» شحاتة يفتح باب المنتخب أمام ميدو وزيدان
» فضيحة المنتخب المصري بالفندق وحسن شحاتة يشتم عمرو اديب
» تبادل شتائم بين أديب و شحاتة و لاعبى المنتخب على الهواء بسبب بنات الليل !!
» حسن شحاتة يعلن اسماء اللاعبين المنضمين للمنتخب ...وعاشور فى المنتخب للمرة الاولى