ماتيجى نحقق احلامنا

الحلم
هو هدف او غاية او امنيه نتمنى تحقيقها لكن لايمكن فى الوقت الحالى عشان كده بيقولوا عليه حلم لكن هو مش مستحيل وكمان الحلم ده ممكن يكون موجود بس مع اشخاص او ناس تانيه يعنى مثلا ممكن نحلم ان موقع جامعة اون لاين يكون الموقع الاول فى العالم طبعا ده شئ صعب فى الوقت الحالى بس هو مش مستحيل وهو موجود مع اشخاص تانية يعنى فى مواقع تحتل المراتب ديه
والاحلام بتاخد شكل الهرم يعنى كل ما بنكبر بتكبر وبتكتر معانا لحد ما نوصل لسن معين يقال انه مابين ال30 او الاربعين تبتدى تموت احلامنا وتنقص لحد ما تنتهى وكل ما نكبر يموت حلم عشان اصبح صعب التحقيق وعشان نعيش لازم نحلم والشخص اللى مابيحلمش بيقوله عليه معقد ويائس فى الدنيا .....
ياترى بعد الكلام ده انت عندك حلم ولا لأ وحلمك كبير ولا صغير وممكن يتحقق ولا لأ
ببساطه اي حلم يمكن تحقيقه بس ده بيتوقف عليك انت .عشان ربنا وعد انه لن يضيع اجر من احسن عملا لو كل واحد فينا بدء فى تحقيق حلمه وبأتقان اكيد ربنا مش هيضيع عمله وده فعلا الفرق اللى بينا وبين الغرب احنا وهما بنحلم زي بعض بس هما بيحاولوا يحققوا احلامهم واحنا نايمين وبنقول هى احلامنا ما بتحققش ليه
الاحلام انواع
فى ناس كتيير بتحلم بالمنصب والجاه والعربية الطويلة والناس تقولة سيادة الباشا وحضرت البيه وده موجود كتيير قوي فى الشعب الفقير الغلبان اللى مش عارف يعمل حاجة غير انه يحلم
وفى ناس تانية حلمها بسيط جدا انها تعيش مستورة وسعيده والضحكة متفرقهاش وده موجود برضه فى الشعب القنوع اللى بيرضى بأي حاجة
وفى ناس بتحلم بحاجات كتيير جدا ومن كتر احلامها مابتعرفش تعيش فى الواقع ولا حتى تحقق احلامها
وفى ناس ما بتحلمش فى حاجة فى الدنيا وبيقولوا اهو فى الاخرة تتعوض " عندهم زهد "
وده جزء من جزء من جزء من احلام البشر وكل الاحلام ديه والانواع ديه ممكن تكون فى كل واحد بس في حاجة واحده هى اللى بتختلف من فرد لفرد وهى

حلم العمر
وده بيقبى اكبر حلم ولما بيتحقق بيحس صحبه بمتعه كبيرة ونشوة الانتصار وبيفضل عمره كله يفخر بيه وممكن يستغنى عن احلامة كلها عشان يحقق الحلم ده عشان كده لازم نفكر كويس قوي قبل منحدد الحلم ده .... ياترى ايه هو حلم عمرك ؟؟ وياترى يستحق يكون حلم العمر ؟؟
احلامهم اتحققت
فى ناس كتيير ممكن يكونوا قريبن مننا او سمعنا عنهم حلموا واستطعوا تحقيق حلمهم مهما كان حلمهم ده صعب لكنهم عملوا فنجحوا
مثلا عندكم محمد الفاتح فاتح القسطنطنية لما كان طفل يحفظ القرأن سمع حديث النبي ( صلى الله عليه وسلم )من معلمه" يفتحها شاب ما دون العشرين " فقال لما لا اكون انا وظل يحلم انه فاتح القسطنطنية حتى فتحها
ومثلا الضباط الاحرار : حلموا ان مصر ترجع حره وانهم يقضوا على الاستبداد والملكية والتوريث واستطعوا ان يحققوا حلمهم
الجندي المصري : حلم بتحرير ارضه وعمل على كده فهزم القوة التى لا تقهر باسلحة ضعيفة ولكن بعزيمة قويه
ودول على سبيل المثال لا الحصر وفى كتيير جدا حققوا حلمهم .....
اخيرا
اللى عاوز اقوله ان مفيش حاجة اسمها مستحيل. طول معندنا عزيمة بتحقيق احلامنا هنحققها، ومفيش حاجة اسمها خسارة فانت لو خسرت بنسبة 70 %نجحت بنسبة 30% وزي ما بيقولوا يكفيك شرف المحالولة دلوقتى اسيبك عشان تحقق حلمك وخلى بالك لو لم يحقق اعرف ان انت السبب فى عدم تحقيقه


:lol!: :lol!: :lol!: :lol!: :lol!: :lol!: :lol!: :lol!:

انا خلاص تعبت منكم خلاص مالكمش احلام و حتي رردود
بس انا مش زعلان هسيبكو لحد ما تخلصو امتحانات بعد كدة هزعل منكم اوييييييييييييييييييييييي