معلومات ونصاح للبنات مهمه جداجدا اوعي تفوتي الفرصة!!!!!

السلام عليكم ورحمة الله وبركاته

نصايح للبنات

أولا : الولد بيحب البنت الرقيقة
رفّعوا صوتكم يا بنات
و أول ما تشوفى حاجه وحشة .. سورقى
(يغمى عليكى)
من كتر الرقة
عيطى كتير . العياط دليل على الاحساس المرهف . أوائيله .. نكدى عليه الليلة .

ثانيا : الولد بيحب البنت الرومانسية
سبّليله.
اسرحي كتير
كلميه عن القمر و حاجات من دى
.قوليله شايف القمر يا عتريس
لازم تكونى هيمانة و انتى بتتكلمى
. و يكون صوتك واطى ..
يادوب وشوشة

ثالثا : الولد بيحب البنت المؤدبة
قولى له انه اول واحد فى حياتك حتى لو كنتى متجوزة قبل كده و حامل فى توأم..
و لو سأل على انتفاخ بطنك قولى له كيس دهنى
و لو عارف و متأكد انه كان ليكي علاقات كثيرة زيه
ردي عليه : دى كلها اشاعات ده هما اللى كانوا معجبين بيا لكن انا ولا سألت فيهم كلهم

رابعا : الولد بيحب البنت الاستايل
style
كل ما تشوفى حاجه جديدة قلديها . يقولوا الموضة الشعر الاصفر .. اضربيه اصفر .. الموضه القصير .. قصّريه ..
مش مهم شكلك ايه .. ماتصدقيش اللى تقولك ما تخديش من الموضه الا اللى يناسبك ..
دى بتغير منك و مش عايزاكى تبقي على الموضة .
ملحوظة : لو مش عارفة ايه الموضة اختارى لك واحدة معينة او مذيعة و قلديها .. خليكى نسخة منها .

خامسا : الولد بيحب البنت الدلوعة
ادلعى ياختي انتي و هيّ . ما تبقوش دكر.

سادسا : الولد بيحب البنت الجذابه اللى بتكون محور اهتمام الآخرين

فهميه ان فيه تانيين كتير معجبين بيكى
و قولى له : ارجوك اوعى تغير انا حواليا كتير .
ولا بيهمنى أبدا منهم ايه يعنى اكون حلوة فى عينهم .
ألّفي قصص وهمية عن الأولاد الهيمانين فيكي و اللي انتى مدوخاهم بسحرك و جمالك .

سابعا : الولد بيحب البنت اللى بتحسسه برجولته و تحسسه بنفسه
ايه ده ! .. ايه العضلات دى كلها .. دى احلى عضلات شفتها فى حياتى .
. يا سلام !! ايه الشياكة دى كلها . انت أشيك ولد شفته فى حياتى .
مش مهم هو لابس ايه .. انبهرى و خلاص
يا سلام !! انت تقاطيع وشك حلوه بشكل
( حتى لو كانت ملخبطه )
و طول مانتى قاعده اشكرى فيه.. خليه كده قاعد نافش ريشه . و مزأطط ع الاخر .

ثامنا : اتمحكى فيه ( الزقي له )خليكى دايما معاه
كل شويه كلميه فى التليفون بأى حجّة . قابليه فى كل حته يروحها . إعملى عليه كمّاشة . بحيث مايعرفش يفلفص منك و لا يشوفش غيرك ادامه . روحى له الشغل
اكبسى عليه مع السكرتيرة .

تاسعا : عددى مواهبك
اكلك لازم مظبوط
قوليله انا ملحي فى الاكل لا كتير ولا قليل وبعمل شاى سكر زياده . وبلون البيض المسلوق .

عاشرا : رغم حبك الشديد للحرية والانطلاق

قوليله انت مالك وقتى وتفكيرى
مش عارفه اعمل حاجه الا انى افكر فيك
مليت عليّا ايامى شغلت ليّا الزمن

النتيجة :

لو الولد وقع فى دباديبك و قال عاوز يرتبط بيكى : اوعى تقولى ايوه
!
لااااا
..
اتقلى شوية . اعملى نفسك بتفكرى .. سهريه .. لوعيه .. بهدليه .. لكن ماتتقلّيش العيار ليطير منك.

لو الولد ما سألش فيك و لا عبرك . و لا أخد باله منك أصلا
يبقى بنت تانيه سبقتك ليه.

ملحوظة
:
كررى الخطوات من 1 - 10مع ولد تانى بعد جمع معلومات و عمل تحريات عنه و التأكد من انه فاضى . غير مرتبط
..

و ربنا يوفقك

:P :P :P :P

أبو بدر وملك

ايه يا جماعه

مش شايف ردود

هيا النصايح مش جايه على مزاجكم

هههههههههههههههههههههههههه
ايه يا ام ان
انت عاوزهم ينافقو
ههههههههههههههههه
طيب انا راضي زمتك انت يرضيك كدة
بص مهما عملت ومهما هو عمل
(الطّيبون للطّيبات )
تعمل مهما تعمل بقي

فعلا ياسيد انا مع رائيك الطيبون للطيبات وبعدين الحركات دي بقيت مكشوفة اوي والبنات الفاضية هية الي بتعمل كدة
ميرسي ليك موضوع حلو

ميرسى مافتكرشى ان فى بنات لسه بتسعمل الطريقه دى ههههههه ميرسى للتوبيك

مشكووووووووووور لمروركم

أبو بدر وملك

ههههههههه حلوة اوي ديه بس يا يبقى احلى لو كل بنت اتصرفت بطبيعتها لو اتصرفت بالي هيا حساه متهيقلي كده احسن بس مشكور على النصائح

» معلومات مهمه عن العدسات
» فن الاتكيت للبنات من ال ( ا-الى- ي) مهم و مفيد جدا للبنات
» اوعي تعاكس بنت ...!!. (صبح صبح )
» الحق ماضيغش الفرصة
» اتفضلو اخف برنامج الQuran_zu1 المصحف الرقمي جميل جداجدا