(ما تيجي نرقص)
هو ده موضوعنا اللي عايزين نناقشو
دلوقتي انا بوجه سؤال للبنات
لو انتي تعرفي شخص
بتحبيه
او
مجرد صديق
او
بتعتبريه اخ اكبر
او
مسؤولك في العمل
او
أي شخص بتحترميه جدا
أيا ً كان نوع علاقتك بيه
وجيتي في مرة
ورايحة مناسبة اني كنتي مدعوة فيها
حفل زفاف .. او خطوبة او عيد ميلاد او راس سنة
ولقيتي الشخص ده على انغام الموسيقى
عمال يديها رقص x رقص
وانا ما اقصدش الرقص الصعيدي اللي بالنبوت او الدبكة السورية
انا اقصد بيرقص على واحدة ونص
رقص شرقي يعني زي ما بنشوف في الرجالة في الافراح
انتي دخلتي الحفل لقيتيه شغال رقص لما قال يا بس
السؤال اللي النقاش حيدور عليه ....
عايز اعرفك نظرتك للشخص ده حتكون ايه ؟؟؟
هل حتختلف قبل وبعد ؟؟؟
هل الموقف من وجهة نظرك انه مجرد تعبير عن فرحته ؟؟؟
وللا من الواجب عليه انه يعمل كده ويجامل صاحب المناسبة للتعبير عن حبه ليه ؟؟؟
وللا التصرف ده بالنسبة ليكي حيأثر في نظرتك اتجاهة ؟؟؟
ولو حيأثر .. ايه مدى التأثير ؟؟؟ هل تأثير نسبي .. وللا تأثير جذري ؟؟؟
اعتقد الردود حتكون مهمة للشباب عشان كده احنا محتاجين الصراحة في الرد
عشان الكل يعمل حساب كل هزه تطلع هههه
سؤال للشباب
هل توافق على الرقص الشرقي للرجل ..؟؟
ولو كان في واحد على درجة انه قدوة بالنسبة ليك ؟؟
هل صورته حتهتز قبل وبعد ؟؟؟
وهل انتا توافق على السلوك ده وبتعتبره انه واجب عليك لصاحب المناسبة ؟ وانك لو ماعملتش كده يبقى انتا بتعبر عن عدم فرحتك واهتمامك بحجم المناسبة ؟
مستني مشاركاتكم
وتحياتي للجميع
*أبو بدر وملك*
