bitichrab sagayir wala la بتشرب سجاير ولا لا ؟

hi chabab izayokom 3amlin ih ana 7aba nifta7 7iwar bini w binkom w fi 2as2ila 7aba tigawboni 3aliha bisara7a :
fakart tichrab tagayir ?
w ili biychrab sagayir lih ya3ni ??
as2ila mowagaha li chabab w banat

انا هترجم عشان الاخوة اللى مش بتعرف تقرا الفرانكو

هاى شباب
ازيكم
عاملين ايه
انا حابة نفتح حوار بيني وبينكم وفي اسئلة حابة تجاوبوني عليها
بصراحة
هل فكرت تشرب سجاير قبل كدا؟
طب واللي بيشريب سجاير بيشرب ليه ؟
اسئلة موجهة للشباب و البنات

بصى يا برنسيس

بالنسبه للشباب 00 هما يقدروا يردوا عليكى اكتر منى

بس انا بحس انهم بيشربوها علشان بيعتقدوا انى بكده بتكتمل رجولتهم

مش عارفه بس بحس انهم بيتباهوا انهم بيشربوا سجاير

اما بقى بالنسبه للبنات 00

البنات بقت بتقلد كل حاجه جايه من الغرب

وبيعتقدوا انها قمه الروشنه انها تشرب سجاير

وشيشه تفاح بالرغم من انها عارفه انى دى مضره بصحتها

بس نقول ايه بقى البنات بتتحدى الشباب حتى فى شرب السجاير

المهم انك عرضتى موضوع مميز

تسلم ايديكى

و بجد برافو عليكى

بجد ده موضوع كويس

بس انا مش معاكي يا سومة في ان الواحد بيشرب سجاير عشان يبين رجولته الكلام ده مع الاطفال والمرهقيين انما تولي ايه في راجل فعلا وكبير او ربما يكون جد وليه احفاد وبيشرب سجاير

انا عن نفسي مش بشربها وبحمد ربنا ع النعمة دي وبتمني ان الناس كلها تبطلها

مع ان البلد هنا ليها حاجات غريبة يعني مثلا السجاير مصرح بيها رغم انها بتسبب الوفي

والمخدرات غير مصرح بيها عشان برضو بدمر الصحة وتسبب الوفي ايه الفرق انا مش عارف المفروض دي تقاس علي دي وتتمنع السجاير كلها انما هنقول ايه غير ربنا يهدينا كلنا

انا شكلي كدة خبط كتيير كفاية كدة

وشكرا علي الموضوع بجد

ما هو لما يشربها فى ايام المراهقه والطفوله على انها بتكمل رجولته

بيتعود عليها علشان كده بيفضل يشربها لحد ميكبر ويعجر

ولما تلاقى حد بيشرب سجاير بيبقا بيشربها من وهو صغير

مش بيشربها وهو كبير وعجوز ودا بيبقى فى اغلب الاحيان

بس يا سومة احنا في دنيتنا دي بنشوف العجب انا اعرف ناس كبار في السن مكنوش بيدخنو واول لما قالو يا تدخين ابتدو بالشيشة

يعني مش شرط ان الواحد لما يشوف واحد كبير بيدخن يبقي هو كان بيدخن في صغره او في شبابه

مش شرط والله

بس فى الاغلبيه بيدخنوا وهما صغيرين

دا اذا مكانوش كلهم

صح ولا لآ

merci awi awi liki ya soma w merci l sayed kaman

احنا من قمة جهلنا

انه مكتوب على علبة السجاير

ان التدخين ضار جدا بالصحة ويسبب الوفاة

وبرغم من كدا الاغلبية العظمى بتدخن سجاير

انا الحمد لله عمرى ما لمست سيجارة
بس انا شايف ان اغلب الشباب بيشرب سجاير لاعتقاده انها بتخلصه من العصبية
وتساعده على التركيز
وانا بأؤيد سومة ان اغلب اللى بيشربوها وهما صغيرين بيشربوها عشان يحسوا انهم كبروا خلاص
والدليل على كدا ان ننوس عين مامته بيخاف يشرب السجاير قدام اهله وبيشربها من وراهم
ومش عاوز حد يرد ويقول انه مش بيشرب قدام اهله عشان بيحترمهم
لان الكلام دا غلط جدا جدا
لو انت بتعمل حاجة صح
يبقى هتعملها قدام كل الناس من غير خوف
انما طالما بتدخن سجاير من ورا اهلك يبقى انت مقتنع مية بالمية انها حاجة غلط
ولا انتم مش معايا في كدا
دا غير ان السجاير هى البوابة الاولى لادمان مواد اخرى مثل الحشيش والبانجو والحاجات دي

البنات بقى بتشرب سجاير من خيبتها هي كمان باعتبار انها كدا مفيش فرق بينها وبين الولد
وان البنت زى الولد مهيش كمالة عدد

دا غير ان السجاير مضيعة للصحة والفلوس.

أضرار التدخين

* ازدياد ضربات القلب وانقباض الشرايين بما فيها شرايين القلب .
* زيادة التصاق الصفائح المسئولة عن الجلطات
* الإنفسيماء: وهو مرض يهدم تركيب الرئة.
* السرطان : وهو مرض خبيث ينتج عن موت الخلايا .
* يؤثر على التفكير والتذكر ويقلل النشاط.
* الصداع والدوار وضمور الأعصاب
* يغلب على المدخن المزاج العصبي والقلق والشرود.
* الإصابة بأوهام ووساوس وخواطر مقلقة.
* معدل الوفيات يرتفع بارتفاع عدد السجائر التي يدخنها المرء يوميا.

قال رسول الله صلى الله عليه وسلم " لا تزول قدما عبد حتى يسأل عن اربع : عن عمره فيما افناه , و عن علمه ما فعل به, و عن ماله من اين اكتسبه و فيما انفقه , و عن جسمه فيما ابلاه "

نفسي اسأل اللى بيدخنوا شوية اسئلة منها :-

* هل تسمي أو تذكر الله عندما تنتهي من السيجارة؟
* هل تقول الحمد لله عندما تنتهي من السيجارة ؟
* هل هناك مأكول أو مشروب غير الدخان تطأه بحذائك عندما تنتهي منه ؟
* هل يسرك أن ترى ابنتك أو ابنك يدخن؟
* هل من السنة أن تفطر في رمضان على سيجارة؟
* هل السيجارة من الطيبات أم من الخبائث؟
* هل إهداء السيجارة تعاون على البر والتقوى أم تعاون على الإثم والعدوان؟
* هل يوجد أي طعام أو شراب غير الدخان يكتب عليه أنه ضار بالصحة؟
* هل جهزت إجابتك عندما يسألك رب العالمين عن عدم التصدق على الفقراء بدل التدخين؟
* هل تفهم قول الله عز وجل { ويحل لهم الطيبات ويحرم عليهم الخبائث }؟

موضوع هايل وتسلم ايدك يا برنسيس

لا بجد في ناس كبر في السن ومش بيشرب السجيار ادام شخص اكبر منه في العائلة وده ليه لانه اكيد متربية تربية شريقة ويعرف اللي يصح وميصحش وبعدين ياخي انت عاوزهم يدخنو ادامهم عشان يسبتو ان ده صح , واذا بليتم فاستترو

عموما السجاير دي اساسا ملهاش لزمة انا مش عارف هما شربوها ليه م الاول خالص يالله ربنا يتوب عليهم منها

امين يارب

» شوفت دى بقى (مى عز الدين بتشرب سجاير) أدخل شوف