عمرك حسيت انك ولا حاجه؟؟؟

السلام عليكم ورحمه الله وبركاته
اولا الموضوع جميل ولو مكنتيش انتى هتطرحيه انا كنت هعمل كده بس انتى سبقتينى بقا

انا بحس كتير انى ولا حاجه وانى الدنيا دى ملهاش لازمه

بس اقولك ده ليه ؟

اولا علشان مفيش هدف اوصل اليه
ثانيا علشان ظروف الحياه الصعبه ال احنا مش قادرين عليها
ثالثا شخصيه الانسان نفسه لو كان طموح او مكتئب .

هو صعب الرد عليه ياسيد اكشن عشان كل واحد مننا بيمر بيه
بنحس اننا ولا حاجة

الصراحه هو سؤال صعب بس انا ردي ان ممكن الواحد غصب عنه بيتحط في الموقف ده حتي لو مكنش عايز كده بس الظروف اللي بتحسسه بكده يعني مش حوار الثقه بالنفس انا بجد واثقه من نفسي اوي بس في وقت بيبقي مش واثقه بسبب الظروف وبرجع تاني ارجع ثقتي في نفسي

فعلا هو موضوع حلو وانا فعلا بحس كتير اني فقد الثقة في نفسي وفي الاخرين لكن بحاول ارجع لطبيعتي اتماسك بس دة بسبب ظروف كتير بتوصل الانسان لكدة
وانا بشكرك يامون علي الموضوع دة
وتحياتي ليكي ولاعضاء المنتدي

اولا بقعد فترة نفسيتي تعبانة وبعدين بقعد افكر في الموضوع الي وصلني للحالة دي وبحاول اتماسك ودة بمحاولة التقرب من ربي بمجرد ان امسك كتاب ربي نفسيتي بترتاح وبعدين بقدر بعد كدة افكر بشكل كويس وتدريجيا برجع لطبيعتي
شكرا ليكي يامون