مغامرات ايام الخطوبة ههههههههه

السلام عليكم

ايام الخطوبة

إذا حاولت تبوسها تبقى راجل قليل الادب ، و اذا ما حاولتش تبقى مش راجل اصلا

إذا غازلتها تبقى خلبوص و ما لكش أمان ، و إذا ما غازلتهاش تبقى اعمى وما عندكش نظر

إذا زرتها كتير تبقى تقيل و لحوح ، إذا ما زرتهاش كتير تبقى مش مهتم بيها

إذا كنت بتلبس شيك تبقى بتاع مناظر و مقطع السمكة و ديلها ، و إذا ما لبستش شيك تبقى معفن

إذا جبت لها هدايا كتير تبقى بتحاول تشتريها بفلوسك ، و إذا ما جبتش تبقى بخيل و جلدة

إذا غرت عليها تبقى قفل ، و إذا ما غرتش يبقى دمك بارد أو ما عندكش دم اصلا

--------------------------------------------------------------------------------

في الخطوبة و شهر العسل : هو بيتكلم و هي تسمع

بعد سنة جواز : هي تتكلم و هو يسمع

باقي سنين الجواز : الإثنين بيتكلموا و أمة لا إله إلا الله تسمع

--------------------------------------------------------------------------------

يوضع الأطفال و خاصة أخو العروسة الصغير أحيانا كحرس قضائي لمرافقة المخطوبين عندما يخرجون و يتشكل فهمهم لهذا النمط من العلاقة من حب و خطوبة بصورة تختلف عما نتخيل و تحدث المغامرات و هذا حوار بين طفلين

عمو ، عمو ، هو ليه دايما لما نخرج بتبعتني أجيب شوكولاته و مش بتشتريها لى انت زى ما بتعمل لما تزورنا بالبيت؟

لماذا يمسك المخطوبين ايدي بعضهما بشدة ….. علشان الدبل ما تقعش

تعرف منين ان الولد و البنت اللي قاعدين في المطعم مخطوبين ….. حيفضلوا يبصوا لبعض لغاية ما الأكل يبرد

ايه المقصود بالمشاعر المتناقضة … تشوف المدرسة بتولع و الكورة الجديدة بتاعتك في الفصل

ليه البنت بتتعلق في دراع خطيبها …. يمكن بيتمرنوا علشان الزفة

ايه رأيك في الحب …… متهيأ لى انه حاجة عبيطة ، بس يمكن اجربه لما اكبر

ازاي تخلي واحدة تحبك ….. اقول لها ان بابا هو صاحب مصنع شيبسي

ايه الحب …. مش عارف بالضبط ، سمعت انك بتضرب بسهم او حاجة كده ، بس الباقي ما بيوجعش

هي مش حكاية حلاوة شكل ، طيب ما هو انا حلوة و كل الناس بيتهبلوا على ، بس ما اتجوزتش لغاية دلوقت .. طفلة 8 سنوات

حلوة بجد

وخد دي عندك

اذا كلمتها في التليفون كتير تبقى رغاى واذا مكلمتهاش تبقى مش معبرها

اذا مسكت مسكت ايديها تبقى مش مؤدب واذا ما مسكتش تبقى مبتعرفش وخيبة

ومش بعيد ابعت اخوها يشتري لي علبة سجاير ماركة ام سعيد او بيض ارانب

موضوع حلو وبجد يضحك بس المفروض هوة يشوفها عاوزة اية وهوة يعملة والمفروض فى نقاش
وكل حاجة اقولتها تنقلب تماما على الرجل ايضا
وميرسى على الموضوع

ههههههههههههههههههههههههههههههه
يا نهار ابيض هوة لا دة نافع ولا دة نافع

» صور مغامرات رهيبة جنونية
» كلمات حب بشكل تانى ههههههههه
» اسماء الزوجات في موبيلات ازواجهم ههههههههه
» اجمل دبل الخطوبة عقبالكم
» نصائح للبنات بعد الخطوبة ههههه