الشباب عايزين اية من الحكومة !!!!!!

بسم اللة الرحمن الرحيم
اولا برحب بكل اعضاء مانوس وشباب مانوس اللى بيثبتوا انهم مش اى شباب وانهم شباب فاهمين اوى

وعلشان كدة قلت اعمل موضوع سياسى شوية:
"الشباب عايزين اية من الحكومة تعملة"
كل واحد هيدخل يقول هو عايز اية من الحكومة بتاعتنا واية اللى نفسة يحصل فى مصر الايام اللى جاية

ميرسى يامنوس على الموضوع

انا نفسى فى حاجات كتير

أولا : مصر تتغير وتبقى حكومتها حكومة كويسة بتخاف على مصالح الشعب مش مصالح نفسها

ثانبا : يبقى فى وظايف للشباب عشان فى عاطلين كتير

ثالثا : التعليم يتطور شوية عشان المناهج مملة فى الكليات
كفاية كده

تحاول الحكومة تتفاهم مع شعبها
انا من راى كمان يغيرو منهاج الثانوية العامة لو قللوها وخلو المفيد بس ممكن حد ينجح شوية بدل الدمار الى فى الثانوية ده بتبقى حالات طوارئ فى البيت الثانوية

thx 3ala el modo3

اولا انا باشكرك يا اسلام على الموضوع ده

اما الى انا عاوز الحكومه تعمله ياريت يتقوا الله فى البلد دى ويعرفوا ان هم مش هيدوموا البلد هى الى هتفضل وهما الى هيرحلوا بس مش هيخدوا معاهم حلجه غير عملهم لو كل واحد فى الحكومه وضع ده امام عينيه بلدنا هتبقى احسن بلد انشاء الله

كل اللى عاوزوا من الحكومة انهم يتقوا ربنا فى الشعب ويرحموا شوية اقتصاد البلد ومصادر الاموال اللى محدش بيعرف بتروح فين وربنا يستر علينا

انا عاوزاهم ينضفوا ضمايرهم شويه

كل واحد بيعمل حاجه يوقف ضميره قبل ما يعملها

عاوزين شبابنا يشتغل مش قاعدين على القهاوى ليل نهار

عاوزين ننام واحنا مطمنيين مش انعدام تام للامان

عاوزينهم يرحمونا من المناهج للى زى الزفت

اول مانخلص الامتحانات ولا كأننا اخدنا حاجه

وساعات بننساها قبل ما ندخل الامتحان

عاوزين وعاوزين وعاوزين 000000000

مهما نقول يا مانوس محدش هيسمعنا محدش هيحس بينا

وربنا يسترها بعد ما نونو ماما يمسك الحكم كمان

ميرسى مانوس توبيك بجد هااااايل

هيودينا فى داهيه بس ههههههههه

والله يا مستر مانوس انا شايف ان الشباب عايز من الحومه وظيفه كويسه وبلد نضيفه

وحكومه محترمه تتقى الله فى اهلها

ميرسى ليك :roll:

]فى فيلم عايز حقى الناس كانت عايزة تبيع البلد على شان الفلوس والحكومة رفضت ودلوقتى الحكومة باعت البلد وراحت الناس والفلوس

انا عاوز اتنين فول و واحد طعميه

ramy99 كتب:: انا عاوز اتنين فول و واحد طعميه

يا بخت الحكومة بيك :scratch:

انا مش عايز حاجه من حد انا عايزهم بس يدفعو الفلوس الى عليهم ويسبونا فى حالنا مش كل شويه يقولك بطاقتك ومش بطاقتك وقلة الذوق الى بيعاملونا بيها دى ماتحصلشى تانى

وميرسى يا حكومه

ميرسى يااسلام توبيك جميل جدا بجد واللى عاوزينه انهم يرحمونا فى رفع الاسعار هنعمل ايه بعد كده مش هنلاقى ناكل هنلاقيها من مصاريف الدراسه ولا المصاريف الشخصيه :?: :silent:

موضوع جميل جدا ورايي ان احنا عاوزين حاجات كتيره جدا
1- يقللوا الاسعار
2-يخففوا المناهج من كل سنة عشان احنا كده بنذاكر عشان الامتحان بعد كده بح
3-يوفروا فرص عمل للعواطليه

ياريت يتقوا الله فى البلد دى

زائر

منوس ع فكره كل موضيعك هادفه وانا بحبك جدا

شكرا

الشباب عايزين اية من الحكومة !!!!!! U115e-hYkY21495

انا عن نفسى عايز اشوف الحكومه بتولع ادامى كدا واحد واحد

انها تسيب الناس فى حالها مش عاوزين شغل ولا حاجة هيا كدة كدة
خربااااااااااااااااااااااااااااااااااااااااااااااااااااااااانة

xxxxxxxxxxxxxxxxxxxxx

انا عاوزه منها تبطل شغل القرع بتاعها

كفايه كووووووووووووووووووووووووووسه
ويخلوا عندهم احساس بالشعب شويه
هما يكلو حمام وفراخ واحنا الفول دوخنا وداخ

وكفايه كدا احسن يتقبض عليا

thank u

اولا مشكور على التوبيك ده يا مانوس

تانى حاجه الناس كلها بتقول ان الحكومه وحشه وفيها فيها ... بس لما يكون اهل البلد كمان يستغلوا الناس وكمان يساندوا الحكومه فى اللى بتعمله يبقى محدش يعتب على الحكومه .

*بالنسبه لموضوع الشغل والوظايف الناس بتقول وخصوصا الشباب بيقولوا ان مفيش شغل فى البلد بس انا بقول ان اللى عايز يشتغل هيشتغل وكمان لو الواحد متخرج ومعاه شهاده عاليه هندسه ولا حتى طب ولا اى مؤهل عالى عايز يشتغل بيه ويقعد على الكرسى اللى بيلف والمكتب اللى محطوط عليه لاب توب ورق وسكرتيره خصوصيه والكلام ده .. انا معا اللى عايز كده بس مينفعش تغمض وتفتح عينك عشان تلاقى ده لازم كل حاجه تيجى بالتدريج ايا كان التدريج بطئ او سريع المهم ان يكون فيه سلالم نطلع عليها ... وكمان مش عيب لما واحد يشتغل فى اى عمل حر حتى اذا كان فى بيته ممكن يعمل ده ..، اعمال كتيييييير ممكن تتعمل ومن السهل انها تتسوق ، كل واحد مننا تقريبا عنده موهبه وعنده افكار ، ليه الواحد مايستغلش الحاجه دى فى انه ممكن يكسب منها او يستنفع منها زى ما بيقولوا ولو معندكش الفكره او الموهبه ليه ماتتعلمش من اى حتى ولو كانت بفلوس ولو محدش معاه تمن الفلوس دى ممكن يستغنى عن الحاجه الغير ضروريه زى انه يقعد على قهوة زى ما soma قالت ولا انه يعمل بيها حاجه مالهاش لازمه ده ممكن حتى يستلف من صاحبه ده لو داقت بيه الدنيا يعنى .. المهم انه يدور على الحاجه اللى تساعده فى انه ينمى موهبته او حرفته عشان يقدر ييوصل للى هو عايزه

ممكن واحد يقولى انه ماينفعش ابقى انا معايا مؤهل عالى واشتغل شغلانه مالهاش لازمه او مش مجالى او مش فى المود بتاعى بس هو لازم تعمل كده وتجرب وتفشل وبعدها تنجح ومش كل الناس لازم تقعد على الكرسى اللى بيلف والمكتب ويبقى قدامه ورق وكده

لو كل الشباب والناس بقوا كده يبقى محدش هيعمل باقى الشغلانات اللى فحياتنا ايا كانت صغيره او كبيره.

*الناس بتحب الوظائف الحكوميه على اساس ان فيها مميزات وكده بس حتى اذا جاتك الوظيفه الحكومية دى اللى انت عاوزها مع ان البلد دلوقتى تقريبا كلها اتخصخصت ايه المانع ان يكون فيه شغلانه نكسب منها .

والله فيه فى البلد شغل بس ده للى عايز يشتغل .واحنا ممكن نساعد بعضنا نعمل مشاريع ونكبر بيها ونكبر بالبلد .

* فيه ناس بتكفي عيشتها وبتكون سعيده وراضيه باللى مقسوملها حتى ولو قليل بس المهم انها بتعرق وتتعب وبتبوس ايديها وش وظهر وتشكر ربنا على النعمه عشان كده ربنا بيرزقها من اوسع ابوابه

واول حاجه تعملها عشان ربنا يرزق بوظيفه كويسه او اللى انت عاوزها ارفع ايدك وادعى ربنا ومتنساهوش وقت لما يناديلك اكييييييد هو وحده اللى يقدر يحققلك امانيك ولو اتاخرت او مجتش يبقى هو عايز كده عشان فيه حاجه احسن هتجيلك بعدين .

*** فيه حاجات خليها حلقه فودنك او فبالك :

* ما تنساش ربنا فى اى وقت مهما كانت الظروف .

* ادعى ربنا فكل وقت وخصوصا فى صلاتك وانت ساجد .

* توكل على الله ولا تتواكل وتقول: (مهى هتيجى) .

* احمد ربنا على اللى قاسمهولك فهو مهما كان خير ليك .

* حاول تدور وتفكر على الحاجه اللى تساعدك وتساعد بيها غيرك من غير ما تضر الطرفين .

* احلم واتمنى بس قصاده اعمل واجتهد .

* ساعد نفسك بنفسك ومتستناش الحاجه تجيلك لحد عندك .

* فكر دايما ازاى تقدر تسعد نفسك وترضى ربك واهلك فنفس الوقت .

* خليك طائع لوالديك .

* لاتترك صلاتك لكى تنعم بحياتك .

* احترم من له الحق ان يحترم .

* ذو العقل يشقى فى النعيم بعقله .. واخو الجهالة فى الشقاء منعم .

معلش انى طولت عليكوا فموضوع الشغل والوظايف وكده بس لان ده هو اللى ممكن نحله بادينا وهو اللى الكلام عليه كتير و محدش يفتكرنى انى مع الحكومه ولا حاجه انا كمان زى اى حد متضايق من حال البلد بس ده هو اللى حاصل هنفضل نقول عايزين عايزين و مانتحركش ..!!!

لازم نتحرك ونعمل ونجرى ونسعى مش يبقى كلام وبس ومنستاش حاجه من الحكومه طالما الحاجه اللى بنعملها مش عيب ولا حرام ومش مخالفه للقانون يبقى لازم نعملها ما فيش واحد لوحده ممكن يغير حاجه اكيد الكتله تعمل حاجه

فيه حاجات بالنسبالى فى البلد مش عاجبانى زى حال التعليم والمناهج بتاعته .

وكمان الناس اللى فوق دول مصلحتهم الاولى والاخيره هى الفلوس وازاى يلموها .

وان فيه حاجات مهمه بالنسبه للشعب بيسيبوها ويتدخلوا فى الهايف اللى مالوش لازمه بمعنى اصح بيكبروا دماغهم .

كمان زيادة الأسعار مثلا الناس محتاجين للفلوس اللى بيضيعوها فكلام فاضى وفجيوبهم بس نقول ايه يارب ارحمنا برحمتك

وعلى العموم هى مستوره ونقول الحمد لله على كل حال.

رد الحكومه انه هما هيعملوا ايه ولا ايه هما بيضيعوا فلوس البلد والناس اللى ليها الحق انها تاخدها على حاجات ماتستاهلش .وسايبين المهم .

البلد فيها حاجات حلوه ومحدش ينكر اللى الحكومه عاملاه البلد فيها الحلو وفيها الوحش بس الحلو ده ممكن نكبره بينا ونساعد الحكومه عليه زى ماقولتلكم قبل كده ان فيه ناس من الشعب بتساعد الحكومه على الوحش بس احنا كمان ممكن نساعدهم على الحلو .. كفايه ان احنا عايشين فى امان ونحمد ربنا على ده البلاد كلها فيها الحلو وفيها الوحش هى دى الدنيا مش لازم نحط الحكومه فدماغنا ..اعمل اللى انت عايزه بس يكون صح .. ، طول مانت ماشى سليم اكيد انت كده فى السلييم ..!!!!

انا اسف لو كلامى فيه غلط بس هو راى مش اكتر..

اى حد نفسه يناقش فى اى حاجه او اى موضوع او محتاج اى مساعده اخوكم فى الخدمه

اسف تانى مره لإطاله .....

اولا شكرا يا مانوس على الموضوع دة

ثانيا شكرا يا احمد على كلامك دة
بس معلشى انا مش معاك فى حجات كتير
انت مش عاوز الشباب تحلم بمكتب وسكرتيرة والكلام دة
وعاوز عادى الى قدمهم يشتغلوة حتى لو كانت شغلانه شريفه صح مش هو دة الكلام الى انت قاصدة
تفتكر شعور اب وام صرفوا على ابنهم او بنتهم دم قلبهم وعلموم يجى 16 سنه تعليم وحرقه دم وفولس ودروس عشان ابنهم او بنتهم يشتغلوا ايه اى حاجة كدة
معاك ان اى شغلانه ولو صغيرة مدام شريفه اكيد لازم كلنا نقدم ليها الاحترام
بس دلوقتى تقدر تقولى شعور اب وام ايه لما يبقى ابنهم خريج تجارة وواقف يبيع فى السوق لمون اقسم بالله كمان مرة فى واحد واقف على الشارع بتعنا بيبيع لمون خريج تجارة ياااااااااااااااااااااااه على الحكومه
هو دة الشغل
وبعدين الجوع والكلام دة كله سياسه
الشعب كله جعان مش لاقى ياكل هيفضوا يفكروا فى سياسه ولا اى حاجة من دى
ههههههههههههههههههههههههههههههههههه
مفتكرشى
ولو فكروا جوعوهم دول فضوا هما كدة عوزين الشعب كله يجرى ورى لقمه العيش وراه عيال وبيت عاوز ياكلهم ومش لاقى
تفتكر واحد كدة هيفكر فى ايه هيفكر فى سياسه بلد او حتى يقول اى حاجة من دى
هيا دى السياسه
وبعد كدة بنقول عوزين ايه من الحكومه
عوزين بشر تحكمنا بشر زى زمان وزى عهود زمان زمن الثورة والناس دى
زمن الخير والانسان هو الانسان
وبطلب كمان يتمنع الكوسه والقرع والكلام دة كله بقى خلاص زهقنا
نفسنا نجرب تانى طعم الحياه

شكرا تانى ليكوا ومعلشى على الاطاله

أنا من رأيى إن الحكومة تسيب الناس فى حالها

بـــس كـده

الواحد لو شاف هو عايز من الحكومة اية معتقدش ان الكلام ممكن يكفى انا اللى عايزة من الحكومة انها تمشى والشعب يختار حكومة تانية باتنخابات حرة ما يكونش فيها تزوير انا اعتقادى لو دة حصل مصر دى حتبقى حاجة تانية

» عايزين نقرب من بعض اكتر من كده
» معانا عضو جديد عايزين ترحيب جااااااااااااااااااامد
» غرائب وطرائف فى الحكومة المصرية
» برنامج ( حيلهم بينهم مع Only You) ادخلوا عايزين جمهور ومشاهدين كتيرررر جدا
» تصريح من الحكومة ......... تحديد 5 قنوات لكل مواطن