MaNoS
:::: MansawyDiaby ::::
المشاركات : 1130
العمر : 37
ساكن فين؟ : فى مانوس علطول
بتشتغل اية؟ : (كنت)طالب فى كلية التربية
السٌّمعَة : 20
نقاط : 134
تاريخ التسجيل : 11/09/2006
 | موضوع: موسوعة ( مانوس) للنكت اكتر من الف نكتة هتضحك للصبح  الإثنين 5 فبراير 2007 - 4:03 | |
|
1- بخيل اخذ ابنه الى السوبر ماركت، اخذ الولد بسكوت وشوكلاته قال يابابا
بحبه قال الاب بوسه ورجعه
-----------------------------------------------
2- انزلقت سيارة تاكسي على منحدر شديد فصاح السائق برعب: لا أستطيع
ايقاف السيارة فرد الراكب البخيل: أوقف العداد بسرعة
-----------------------------------------------
3- مرة واحد نذل راح عا المقابر وحط شريط الحياة حلوة
-----------------------------------------------
4- واحد اخذ الدواء قبل ميعاده ليه؟؟؟ علشان يفاجئ الجراثيم
-----------------------------------------------
5- مجانين حط لهم الدكتور أغنيه ... قامو يرقصو الا واحد !! قال له
الدكتوور ليه مش بترقص قال اصل انا العروسة
-----------------------------------------------
6 - مرة ديك بيقول لفرخة تتجوزيني عرفي قلتلة ده بابا يدبحني
-----------------------------------------------
7- مهندس كمبيوتر، حلل دمه، طلعت فصيلته Hp
-----------------------------------------------
8- مرة واحد بيحلم كل يوم بماتشات كتاكيت... راح للدكتور... فقاله هديلك
حقنة دلوقتي ومش هاتحلم بيهم تاني خالص... قاله
خليها بكرة يا دكتور علشان النهاردة ماتش النهائي
-----------------------------------------------
9- واحد بتاع فيديو جيم مات كتب علي قبره جيم أوفر
-----------------------------------------------
10- زرافة و فيل وأسد وفأر وثعلب وارنب ماشيين في الغابة ، وقعوا كلهم في حفرة إلا الزرافة ،قالولها :جيبي لنا حبل. قالتلهم :ما فيش. قالولها :إحنا جعانين عايزين ناكل .قالتلهم: ماعرفش أجيب لكم أكل. قالولها: والعمل؟ قالت لهم: كلوا أضعفكم ..... قام الفأر نط مفزوع وقال لهم : اللي حيقرب من الأسد حيعرف شغله
==============================================
مرة حرامى دخل على واحد مسطول البيت قالو هات فلوسك و الا هقتل مراتك قام الرجل
قعد يضححححك...الحرامى قتل مراته وقاله هات الفلوس قبل ماقتل ابنك الرجل قعد يضححححك....الحرامى قتل ابنه و هكذا لغايه لما خلص عالعيله و بيقول للمسطول ايه يا عم مش عايز تدينى فلوسك ليه؟؟؟؟قاله اطلع من دول يا ابرهيم يا نصر
==============================================
واحد صعيدى بيهرش تحت باطة لقا كلبة والدة !!
==============================================
واحد سكران كان بيعاكس وحدة وحشة اوي بالليل فكان بيقول لها يا وحشة يا وحشة راحت ملتفتة ليه وقالت له
يا سكران راح قايل لها طب أنا سكران حفوق بكرة .. وانتي ؟؟
==============================================
عيلين صغيرين ماشيين فالشارع لقوا قطة فالاول قال للتاني أنا هاخد القطة دي أربيها التاني قالوه ماينفعش كدة تجيبلك أمراض اغسلها الأول تاني يوم جه الولد بيعيط و بيقول لصاحبه القطة ماتت و أنت السبب أنت اللي قولتلي اغسلها صاحبه قاله ماتت و أنت بتغسلها قاله لا ماتت و أنا بعصرها
==============================================
محشش جابوه للقاضي قاله لو قلتلى 10 حاجات بتعملها من ساعة ما تصحى لغاية ما تنام وتكون تبدا بحرف الالف حسيبك؟ قاله المسطول: اجيبها واحرقها وافرطها والفها و اولعها واعمرها وامخمخ انسطل اطفيها انام
==============================================
مساطيل ركبوا أتوبيس بدورين اللي فوق سال اللي تحت انتوا ماشيين بسرعة كام؟ قالوا
80 وانتوا ؟ قاله: إحنا السواق مجاش
==============================================
واحد بيسأل خطيبته : حد قبلي لمس يدك ؟ سكتت قالها : زعلتي قالت
لا : بأعدهم
==============================================
مرة اتنين صعايدة كان معاهم معزة فراحوا يركبوا القطر فا كمسرى القطر قالهم ممنوع
الحيوانات تخش القطر واحد من الاتنين الصعايدة قال نربوطها ورا القطر ربطوها وركبوا ومشى القطر فابعد ما وصلوا لقوا المعزة مبتتحركش فواحد من الاتنين قال ايوة قشرى قشرى ده انتى راكبة ببلاش
==============================================
عملوا جائزة مليون جنيه للي عنده 10 عيال.واحد عنده تسعة قال لمراته أنا كنت
متجوز عليكى ومعايا ولد أروح أجيبه ونكمل العشرة ونكسب الجايزة.راح ولما رجع ملقاش العيال سأل مراته فين العيال قالتله كل عيل أبوه جه خده
==============================================
واحد قال لابنه روح ولعلى السيجاره من ولاعه نزل متلقاش ولاعات فطلع لابوه فابوه اله
ولعها من كبريت نزل متلقاش كبريت فطلع لابوه قله متلقتش كبريت اقه انت فقر اطفى الشمعه الى جنبك ونام
==============================================
مرة واحدة ست بتقول لجارتها الحقيني يا أم محمد بعت جوزي يجيبلي
ملوخية راح مخبوط بأتوبيس ... يالهوي وعملتي إية .. عملت بامية وامري لله
-----------------------------------------------
خبيث دخل أحد المطاعم وطلب طبق فول، وبعدما أنتهي من آكله سأل
الجرسون: كم تريد ثمناً للفول، اجابه: 13 قرشاً..مد الخبيث يده في جيبه وأخرج
ال13 قرش ورماها على الارض.. وتكرر المشهد 3 أيام متتالية. وفي اليوم
الرابع دخل المطعم ومش معاه فكة فاعطى الجرسون ربع جنيه(25) قرش وقال
له واحد فول، طبعا الجرسون حب ينتقم منه فاحضر الباقي(12)قرش ورماهم
على الارض وقال له خذ الباقي، فاخرج الخبيث قرش من جيبه ورماه فوق ال( 12)
قرش وقال للجرسون كمان واحد فول لو سمحت
------------------------------------------------
طفل صغير سال امة ازاى انا جيت الدنيا قالت له حطيت شوية سكر تحت
السجادة لاقيتك جيت ... راح الطفل حاطط شوية سكر تحت السجادة... يومين و
لاقى صرصار فقال له لو مكنتش ابنى كنت قتلتك غوور فى ستين داهية
------------------------------------------------
واحد قال لخطيبته أنتي لبن أنتي قشطة أنتي حليب أو أقلك ؟ أنتي البقرة
كلها
------------------------------------------------
غبى شاف مقهى انترنت مكتوب عليه الساعه بــ 3 جنيه .... دخل يسأل
هي ضد المية ؟؟
------------------------------------------------
اتنين سكرانين ماشيين...فواحد قال للتاني:لما أموت ابقى اشرب لي الكاس
بتاعي ....فصاحبنا مات ، وبعد كام يوم التاني راح البار وطلب كاسين... قاله:
ايوه بس انت لوحدك.... فحكى له على الموضوع .....وبقى كل يوم يشرب
كاسين...لحد ما فى يوم طلب كاس واحد ........الراجل قالوه اشمعنى...قاله:
اصل انا بطلت اشرب
-------------------------------------------------
مرة اربع صعايدة داخلين امتحان فجلهم سؤال فى الامتحان وهو كام
عدد ارجل المعزة فكلهم سألو صاحبهم حسنين وما كنش بيرد عليهم فالما خلص
الامتحان قالولو انتا ما قولتيلناش لية قالهم المراقب كان جنبى ومعرفتيش اطلع
المعزة
-------------------------------------------------
صعيدى راكب تاكسى السواق نزل يحيب علبة سجاير لاقاة خلع عصاية
الفتيس سالة لية خلعتها قلة شفتك عمال تلخلخ فيها قلت لما اشلهالك علشان متتعبش
-------------------------------------------------
تلاته اندال اتفقوا يشوفوا مين اكتر نداله الاول شاف راجل عجوز
عايز يعدي الشارع مسك ايده و سابه في نصف الشارع واتاني عداه وضربه
التالت ضحك وقال انا اكتر نداله الراجل ده يبقي ابويه
-------------------------------------------------
واحد بلدياتنا كان قائد فى الجيش و قدامه أربع صفوف عساكر ....واحد
من العساكر عطس..القائد سأل أول صف مين اللى عطس محدش رد فتح عليهم
النار قتلهم كلهم
و بعدين سأل الصف التانى مين اللى عطس محدش رد ..راح فاتح النار عليهم
و إدور على الصف التالت قام واحد خاف و قاله انا اللى عطست ياباشا...قاله
القائد يرحمكم الله
-------------------------------------------------
=============================================
اتنين مساطيل سايقين عربيه واحد بيقول للتانى حاسب هنخش فى الشجره والتانى منفض اله حاسب ياعم والتانى
ولا فى دماغه يا عم حاسب المهم خبطو فى الشجره الاولانى اله مش التلك حاسب هنخبط فى الشجره التانى رد عليه اله ايه يا عم مش انتا الى سايق !!
=============================================
واحد كسلان أتحكم عليه بالإعدام بدفنه في حفره فقالوا له نفسك في أيه قبل الموت قاله
نفسي أشرب قالوا له قوم أشرب قال لسه حقوم اردم يا جدع
=============================================
مرة واحد قهوجى اشترى تاكسى طلع الكراسى برة
=============================================
مرة اتنين صعايدة ميتين من الجوع واحد قاله عاوز تاكل قالوا ايوة قالوا تعال معايا قالوا
لالالالا روحت انت .. قاله تعالى بس و مكلش دعوة .. قاله ماشى.. راحوا اكبر مطاعم فى مصر راح نده على الجرسون طلب كل حاجة لحم وملوخية ويبص تحت الترابيزة لقى فار قتل الفار وحطه على الملوخية وزعق انتم عاملين ملوخية بالفران انا هبلغ عنكم وخلاص من الحساب راح لزميلوا قالوا انا عملت كدة .. يلا بقى قلدني .. راح التانى يعمل زيه و طلب كل حاجة وعند الملوخية الجرسون قالوا معنديش ملوخية.. الصعيدى قالوا ابة امال احط الفار دة فين !!
=============================================
مرة البوليس كبس على ناس بيشموا ومعاهم ولد صغير فالظابط بيقولة
ويا ترى الشمام الصغير اسمة اية؟ قالة كنتالوب
=============================================
---------------------------
شحات بيكلم بنت تخينه قوى ، وبيقول لها : أرجوكى انا بقالى يومين ماكلتش لقمة عيش واحدة ...ردت البنت: أنا بحسدك على إرادتك ، مين الدكتور اللى بتعمل عنده الرجيم الهائل ده ؟
---------------------------
مرة واحد غبى واقف في الشارع و بيتكلم في المحمول و عمال يزعق و يقول: بس دوري تاني ، دوري كويس. ام واحد معدي في الشارع جه قال له: في إيه ؟؟؟؟ راح واخد المحمول منه وبيسمع ... لقى .... (الرقم الذي طلبته غير موجود في الخدمة)!!!!
---------------------------
لية الديك عندة زكام ؟علشان متجوز فرخة مجمدة
---------------------------
بتقول الزوجة لزوجها : مبروك هنبقي ثلاثة فى البيت ... الزوج بسعادة : حاجة جاية فى السكة؟؟؟ قالت له : لأ ماما هتعيش معانا
--------------------------
واحد كسلان جداً ...بيقول لصاحبه : مش انا اشتغلت . قال له مبروك اشتغلت فين ؟؟ قال له في مطبعه... اقعد علي الورق علشان ما يطرش
-------------------------------
مرة مجموعة مساطيل بيكتبوا محاضرة مع دكتور كل مايمسح السبورة يقطعوا الورقة .
-----------------------------
مرة واحد نزل بسين طلع بصاد --- مرة واحد راح عزة رجع سلوى مراته قالتله :عزيت؟ قالها :لا على السمن
-------------------------------
معلم لغة عربية قال : وقفت السيارة فى المكان الممنوع ...ثم سأل أحد التلاميذ أن يعرب كلمة السيارة فقال التلميذ: فاعل مرفوع بالونش
--------------------------------
مرة 3 أطفال راحوا محل لعب واحد بيقول للراجل: عمو عمو عايز بلونة. الراجل جاب السلم وطلع جاب له بلونة ونزل فسأل التاني: وانت عايز ايه؟ .قال له بلونة .. قال له ماقلتش ليه وانا فوق!! المهم طلع جابهاله وهو فوق سأل الولد التالت: وانت كمان عايز بلونة؟؟؟ قال له لأ... فنزل الراجل وقال له : امال عايز ايه؟. قاله عايز بلونتين
-------------------------------
مدرس حساب سأل طالب لو كان علي أبوك دين 1000جنيه و مطلوب انه يسدده علي 10 أقساط ها يدفع كام في كل قسط؟ رد الولد مش هايدفع ولا مليم ... فقال المدرس : اقعد يابني ده انت مش فاهم الدرس كويس... فرد الولد : ده انت إللي مش فاهم بابا كويس يا أستاذ
----------------------------
واحده ست مسكت حرامى فى المطبخ ،فقالت لابنها روح إنده ابوك من على القهوة.... جه ابوه ، ولما فتح المطبخ لقي الحرامي صغيّر فقال له انت اسمك ايه؟ قالوا كريم ،فقعد يضرب فيه لحد ما عجنه .... تاني يوم الست بتفتح باب المطبخ لقيت حرامي قالت لابنها روح يا وله نادي ابوك من على القهوة جه الراجل ولما دخل المطبخ لقي واحد طول بعرض ....... بص لمراته وقال لها امال فين كريم ؟!!!
-------------------------
صرصار ندل عزم 4 اصحابه علي الغدا ولما اتجمعوا كلهم ... شد عليهم السيفوووووون
-------------------------
واحد بيقول لصاحبه تيجى نركب اتوبيس؟؟ قال له : يا عم لأ ، احنا نجرى جنب الاتوبيس ونوفّر النص جنيه .... فرد وقال له طب منجرى جنب تاكسى ونوفّر خمسة جنيه
----------------------------
واحد يهودي قام من النوم الصبح وطلب من مراته تحضر الفطار، فقالتله عايز تفطر إيه يا أبو كوهين، قالها هما بيضتين مسلوقين، واحد ليكي والتانية ليا، وإعمليهم لغاية ما أطلع على السطوح أظبط الإيريال.... وإوعي تنسي هما بيضتين ، المهم طلع على السطوح إتزحلق ، وقع من عاشر دور، وهو بيقع زعق بعلو صوته " بيضة واحدة بس يا أم كوهيييييييييييييين "
-------------------------
كان فى مسابقة بين ثلاثة أشخاص , المسابقة كانت إنهم يعدوا البحر ويطلعوا الجبل و يقتلوا الغوريلا و يتجوزوا الأميرة ... اول واحد غرق فى البحر ، ثانى واحد عدا البحر لكن وقع من فوق الجبل.... أما الثالث (كان غبى شوية) عدا البحر وطلع الجبل وقتل الأميرة ..... و أتجوز الغوريلا
------------------------
مرة واحد بيقولوا له .... مراتك ماشيه مع كهربائي المنطقه .... قال لهم ده ولا كهربائي ولا بيفهم حاجه في الكهربه !!!
----------------------
واحد نازل من بيتهم شعره منكوش صاحبة بيقولولة شعرك منكوش قالهم "منكوش" دعوه
----------------------------
دكتور بيطري بيقول لمراته انا بهيم في حبك قالتله وانا ماقدرش ارفسلك طلب
-----------------------------
واحد اهلاوى و قع اكسر .... جابوا له اتنين مقاولين
------------------------
بيقولوا لجحا ... الحق يا جحا تعبان دخل غرفة مراتك ...فقال لهم : سيبوه يستاهل
------------------------
مرة فيل اتجوز نمله وبعد ايام زهق منها فقالها انتي طالق
فقالتله والفيل اللي في بطني !!!
=-=-=-=-=-=-=-=-=-=-=-=-=-=-=-=
واحد مسطول ماشى في الشارع لقي عمود نور مكتوب عليه شقة للإيجار راح قعد يخبط على العمود، لغاية لما جاله مسطول تانى قال له أنت بتعمل إيه هنا قال له: أصلي لقيت مكتوب شقة للإيجار، قمت قعدت اخبط بس محدش رد علىّ قام التانى قال له: غريبة مع إن الجماعة منورين النور فوق
=-=-=-=-=-=-=-=-=-=-=-=-=-=-=-=
واحد كريم أتحرق بيته لما جت المطافى حلف عليهم ما يعملوا حاجه لحد ما يشربوا القهوة
=-=-=-=-=-=-=-=-=-=-=-=-=-=-=-=
مرة واحد مسطول قاعد بيحشش مع مراته لغاية ما نسيوا نفسهم وفجأة حد خبط عليهم فقامت مراته قالت جوزى!!، فقام جوزها ونط من الشباك
=-=-=-=-=-=-=-=-=-=-=-=-=-=-=-=
واحد بلديتنا .. ركب مع تكسي، ركب زوجته قدام علشان السواق ما يبصلهاش في المراية
=-=-=-=-=-=-=-=-=-=-=-=-=-=-=-=
شباب بيدرسو في امريكا..... مات ابو واحد منهم واحتاروا ازاي يقولو ليه الخبر ده ..... واحد منهم جلف قال : انا هاقله .... راح للشاب الى مات ابوه ..... وقال له : امتى آخر مرة شفت ابوك ؟ قاله : من شهرين ..... قاله الجلف : ابقى قابلني ان شفته مرة ثانية
=-=-=-=-=-=-=-=-=-=-=-=-=-=-=-=
بلديتنا رايح يتعالج في أمريكا، سأله الطبيب عن الكوي اللي في بطنه: وات إز ذس ؟
قال بلديتنا : ذس إز ... تش ...أح
=-=-=-=-=-=-=-=-=-=-=-=-=-=-=-=
واحد عنده بيتين ... واحد ساكن فيه والثاني احتياط ... عارفين ليه !!؟ ... علشان لو حد قال له يخرب بيتك
يروح يسكن في البيت الثاني
=-=-=-=-=-=-=-=-=-=-=-=-=-=-=-=
صاحب محل دخلت عنده وحده حلوه .... وكل شوية تقول له : بكام ده يا حج ... بكام ده ياحج .... اخيرا زهق منها و قالها : شوفي انا ماحجيتش لكن عملت عمرة .. علشان كذا تـقـدري تـقــولي .... ياعــمــري
=-=-=-=-=-=-=-=-=-=-=-=-=-=-=-=
فيه واحد راح للشيخ يفسر له حلم وقال : انا حلمت اني لابس بدلة لونها بني فاتح وجالس في مكان فيه عشب قال الشيخ : تفسير الحلم ..... انك ثور الله في برسيمه
=-=-=-=-=-=-=-=-=-=-=-=-=-=-=-=
ثلاثة أخوات نا يمين في غرفة ومشغلين المروحة علي خمسة...دخل أبوهم بالعصايا وقال يا كلاب ثلاثة والمروحة على خمسة و هات ياضرب بالعصايا
=-=-=-=-=-=-=-=-=-=-=-=-=-=-=-=
| |
|
MaNoS
:::: MansawyDiaby ::::
المشاركات : 1130
العمر : 37
ساكن فين؟ : فى مانوس علطول
بتشتغل اية؟ : (كنت)طالب فى كلية التربية
السٌّمعَة : 20
نقاط : 134
تاريخ التسجيل : 11/09/2006
| | موضوع: تاااااااااااااااابع الإثنين 5 فبراير 2007 - 4:15 | |
| - فى واد كل يوم ينزل للكشك اللى تحت بيتهم ويقوله عندك جبنة يرد عليه البقال أيوة يقوله الواد طب هات حلاوة .... فضل الواد كل يوم يسأل البقال حاجة ويشترى منه حاجة تانية خالص ... فالبقال زهق من الواد فأول ما شاف أبو الواد فكلمه وقاله : الواد ابنك ده ماعندوش ثبات فى كلامه لو جالى تانى وقالى كده انا هاضربة علقه جامدة اوى ... فرد أبو الواد وقاله : أنت عندك عصاية فرد البقال وقاله أيوة عندة ... فرد أبو الواد وقاله : لو شفته تانى أبقى أضربه بالشبشب .....
2- خمسة صعايدة مسميين نفسهم الفرسان الثلاثة .
3- سواق تاكسى قاعد على السرير دخلت عليه مراته وردت الباب وراها فقالها : افتحيه واقفليه تانى ....
4- واحد صعيدى وقع على السلم فراح للدكتور وكشف عليه فقاله اشترى المرهم ده وحطه فى مكان الوقعة ..... راح الصعيدى ودهن السلم ......
5- شوية مجانين اللمبة بتاعت السقف اتحرقت فراحوا جابوا لمبة جديدة واتفقوا انه واحد يمسكها كويس والباقى يلفوا السقف
مرة حلاق و ابنة بيتفرجوا على متش كورة فقال المذيع :وشطها بمشط
رجلة و جت فى المقص فقال ابن الحلاق : بابا دول بيلعبوا فى العدة
--------------------------------------------------
مرة 5 دخلوا كلية الهندسة اثنين طلعوا مهندسين وثلاثة مدينة نصر
--------------------------------------------------
زوجه جبانة قوى كل يوم وهيه نايمة جنب جوزها تقولهاالحق يا عبده أنا سامعه
صوت فى حرامى فى البيت جوزها تعب قوى مش عارف ينام وكل يوم على كده
قام قلها ياستى ماتخافيش الحرامى لما بيروح يسرق ما بيعملش صوت تانى يوم
صحته من النوم الحق يا عبده أنا مش سامعه صوت فى حرامى فى البيت
--------------------------------------------------
واحد ركب اوتوبيس شاف واحده قاعده راح بصلها فبصتله ,
ضحكلها ضحكتلو غمزلها غمزتلو راح شاورلها على المحطه , فنزلت ....راح قعد مكانها
---------------------------------------------------
تلاته عمالين بيحششوا فى مزرعه فراخ طب عليهم البوليس استخبوا فى تلات شوله
جه الظابط شاط الشوال الاول برجله قام الحشاش الاول عمل نفسه بط و قعد يكاكى
راح الظابط سابه و راح عالشوال التانى و شاطه قام الحشاش اللى جوه قعد يدن و يقلد
صوت الديك الظابط سابه و راح عالشوال التالت برضه شاطه
برجله الحشاش التالت متكلمشى..شاطه تانى بس بالجامد برضه متكلمش قعد
الظابط يخبط فيه طلعله الحشاش يقوله بطاطس بطاطس انت مبتفهمش
----------------------------------------------------
مره واحد تاجر كتاكيت ماشي بالعربيه وفيها كتاكيت وقفته لجنه تموين
وقال له المفتش: الكتاكيت دي بتأكلهم ايه؟ رد عليه وقال له : درة يا بيه.....
فقال له المفتش انتو ما بتفهموش حاجة الكتاكيت دي بتاكل علف........ وراح عمله
غرامة 1000 جنيه.... راح مشي التاجر بالعربيه وهو في الطريق وقفته لجنه تموين تاني
وقال له المفتش انت بتأكل الكتاكيت دي ايه قال له بأكلهم علف يا بيه فقال له المفتش
انت ايه يا أخي انت ما بتفهمش دي بتاكل درة وعمل له
غرامه 1000 جنيه وبعد شويه وهو ماشي وقفته لجنه تموين تاني وقال له
المفتش انت بتأكل الكتاكيت دي ايه قال له يا بيه انا كل يوم الصبح ادي كل
كتكوت جنيه وهو ياكل اللي هو عايزه
-----------------------------------------------------
واحد دخل مجمع استهلاكى وسأل عن الفراخ فساله الموظف عايز فراخ صاحيه
ولاّ مدبوحه؟؟ قال مدبوحه ، قال له اطلع الدور الثانى.......طلع وسأل عن الفراخ المدبوحه
فقال الموظف عايزها مقطعة ولاّ صحيحة ؟؟ فقال له مقطعه ، قال له اطلع الدور الثالث .....
وقابل موظف اخر وسأله عن الفراخ المدبوحة ومقطعه فقال له عايزها متكيسة ولاّ لأ ؟؟
قال له متكيسة فقال له اطلع الدور الرابع .....
طلع الدور الرابع وقابل موظف اخر وقال له عايز فراخ مدبوحة ومقطعه ومكيسة
فرد الموظف وقال له مافيش فراخ بس ايه رأيك فى النظام
------------------------------------------------------
مرة اتنين ماشيين ف الصحرا... طلع عليهم اسد... راح واحد منهم رمي عليه
طوبة وطلع يجرىىىىىى... وبص وراه لقي صاحبه واقف ما بيجريش... قال
له مش بتجري ليه؟ قال له واجري ليه؟ هو انا اللي ضربته؟؟؟؟؟
------------------------------------------------------
بخيل واقف فى البلكونة... ابنه جاى من بعيد يقول له بابا بابا بابا ... قاله:
يا ابن الكلب بابه واحده كفاية
------------------------------------------------------
قال بخيل لأبنائه : من ينجح منكم سأريه سيارة الأيس كريم
------------------------------------------------------
سودانية لبست فستان أحمر وقالت لزوجها دلعني
قال لها: يا فحم إنت يا مولع !!
------------------------------------------------------
مرة واحدة بترغى فى التليفون بالساعات فمرة اتكلمت ساعة واحدة بس فجوزها قالها
خلصتى بسرعة لية قالتلة اصل النمرة طلعت غلط
------------------------------------------------------
واحد و هوا بيموت بص لمراتة بصه رومانسيه و قالها لما اترفدت كونتي معايا
و لما عييت وقفتي جنبي ولما فلست برضوا كونتي معايا و دلوقتى لسا جنبي مسك ايدها بحنيه
و قالها مش عارف ليه حاسس انك نحس
------------------------------------------------------
قال في حمار يشاهد سباق خيول أم زعل على حالو وقال
ياريتيني كملت دراستي
------------------------------------------------------
واحد راح محل للهدايا علشان يشتري هدية..عجبته هدية معينة..سأل البائعة قال بكام ديه؟
قالت ب1000 جنيه..قال لا غالية..ممكن تخليها ب500 و اديكي موبايلي ؟؟ قالت موافقة
قالها طيب هاتي الهدية و خدي ال500 جنيه اهم..قالت فين الموبايل..قالها 0101234567
-------------------------------------------------------
في شلة مجانين في مستشفى المجانين قررو يهربو
فكان في ثلاث حواجز علشان يطلعو على الشارع... الحاجز الاول
في ظابط و الحاجز التاني في ظابط والحاجز الثالث في ظابط
فقررو يقتلو الظابط الاول ويهربو والظابط الثاني
ويهربو والثالث ويهربو. بالليل هربو المجانين من
الغرف و جم على الحاجز الاول شافو الظابط قتلوه وهربو
جم على الحاجز الثاني قتلو الظابط وهربو وجم على
الحاجز الثالث ماشافوش الظابط والباب مفتوح فقالو ارجعو
يا شباب فشلت الخطة
-------------------------------------------------------
مره في أمريكي و فرنسي و صيني حبو يجربوا صدى أصواتهم عند
شلالات نياجرا........الأمريكي قال هلوووووو الصدى قال هلوووووووو ووووو ووووو ..
الفرنسي قال بونجور الصدى قال بونجوور ووو ووور..
الصيني قال شنج لونج هنج.. الصدى قال : هـــــــــــــــاه بتئول اِيه
-------------------------------------------------------
واحدة بتقول لجوزها : ياراجل قولى كلمة حلوة . . . راح قايلها : بسبوسة
قالتله : قولى كلمة تهزنى . . . قالها : زلزال
قالتله : قولى كلمة تحسسنى انى مراتك . . . قالها : روحى وانت طالق . . .
-------------------------------------------------------
واحد صعيدي رجع من السفر بعد غيبة بيسأل عن ابنه الصغير
قالوله ان القطر داسه قال لهم تااااااني
--------------------------------------------------------
مره واحد صعيدى سافر مصر إتسرقت المحفظه بتاعته بلغ عنها
فقال له الظابط حاضر حجيبهالك من تحت الأرض طلع الصعيدى بره لقى الناس
بتحفر لخط المترو فقال لهم الهمه يارجاله هى سوده وفيها سوسته
طالب فقد الأمل في الأختبارات بان يأتي بكلمه صحيحه , فقام بتكرار عباره واحده على جميع أوراق دفتر الأجابه وهي :الأجابه خلف الورقه , ثم كتب في الصفحه الأخيره بتدور على ايه ياأستاذ ؟
==================
اتفق احد التلاميذ الكسالى مع زميله على أن يكتب له أجابه الأسئله في ورقة خارجيه , ويعطيه اياه اثناء الامتحان , وبالفعل نجحت الخطه , ولكن عند تصحيح الأوراق وجد المدرس عبارة في آخر ورقة الطالب الكسول : اذا شافك المدرس قطع الورقه ...
==================
اثناء احد الامتحانات قام احد التلاميذ بالغش فنقل قاعدة الرسم الهندسي من الكتاب . ومع العجله كتب الهامش انظر الشكل رقم (....)
==================
طالب اخر خلط بين طول قطر الدائره , وطول محيطها فرسم دائره كبيره لم تستوعبها ورقه الاجابه , فكتب للمدرس :"باقي الدائره مرسومه على التختة"
==================
طاب كسول جدا وكان المدرس دائما يحثه على المشاركه والتفاعل لكن بدون فائده , وذات مره سأل المدرس سؤال فرفع يده بسرعه فشعر المدرس بالسعاده ,
فقام الطالب وقال :أستاذ تسمح لي اروح لدورة المياه .
==================
كان أحد الأساتذه يتميز بصلعة كبيره ملساء , وذات يوم بينما كان يحك صلعته بكلتا يديه قال له طالب متفلفس :"ياأستاذ،يقولون ان علاج الصلع هو ان تجعل بقره تبوس رأسك "فما كان من الأستاذ الا ان حنى رأسه ، وقال :"اتفضل ...بوس"
==================
سأل المعلم احد طلابه :مامعنى كلمة سبيل؟ فقال:تعني طريق.ثم سألأ طالبا آخر:مامعنى كلمة سلسبيل؟ فأجاب:طرطريق!!
==================
قرر احد التلاميذ الهرب من المدرسه في منتصف اليوم ,فقام بالتسلل الى احدى نوافذ الدور الرضي ,وقفز منها الى فناء المدرسه،ثم اسرع راكضا الى السور، وقفز منها الى اعلاه ثم قفز الى الارض،ليقع على .....
في نفس تلك اللحظه كان هناك احد المدرسين الذين يدخنون وقت الفسحه بعيدا عن العيون,و..(طراخ) فوق رأس المدرس الذي اصيب بضيق التنفس، وفقد الوعي ،وتم القبض على الطالب بتهمة اشتباه في الشروع بالقتل الخطاء.
==================
طالبان توأم في الابتدائي قام المدرس بوضع علامه بالقلم الأسود في وجه احدهم من اليمين والاخر من اليسار حتى يفرق بينهم.
==================
وايضا طالبا توأم احدهم مشاغب والاخر هادئ ومره اراد المدير معاقبه المشاغب فقام بضرب الهادئ .فجلس يبكي وعرف المدير انه ليس هو فاعطاه هديه وعاقب الثاني.
مره واحد عنده هدف في الحياه .. حسبوه تسلل
-------------------------------------------------------
مره فيه قطتين..الاولى بتقول للتانية ميو..والتانية ردت و قالت ميو..قالت القطة الاولى ميوميو قالت لها
القطة التاينة متغيريش الموضوع يا شاطرة
-------------------------------------------------------
مره 3 رجالة.واحد اخرس وواحد اطرش وواحد اعمى...قال الاخرس للاطرش:شوف العربية ديه
قال الاطرش:اه يلا بينا نلحقها..قال الاعمى مش مشكله انا لقطت الرقم
-------------------------------------------------------
اثنين فشارين قاعدين تحت جبل عالي قال الأول للثاني:شايف النملتين اللي على راس الجبل؟؟
رد الثاني:اللي فاتحه عينها ولا اللي مغمضه !!
-------------------------------------------------------
واحد راح لزيارة ولده في المستشفي فوجد مكتوب على باب المستشفى ادفع فقال : لا خلاص بعدين ازوره
-------------------------------------------------------
القاضي : أين تسكن؟؟ المتهم : مع زوجتي .. القاضي : وأين تسكن زوجتك؟؟ المتهم : معي
القاضي :وأين تسكنان؟؟ المتهم : مع بعض
-------------------------------------------------------
بمناسبة عيد الام المبارك اهنئكم برمضان جعله الله زواجا سعيدا وامطار خير وبركة, وكل عام وانتم بخير.
المرسل: محشش منزل اعلان طلب وظيفة
-------------------------------------------------------
جورج قرداحي روًح على البيت لاقى زوجته حامل، سالها: بمين استعنتي ؟
قالتلو : بصديق قالها: الحمدلله مش بالجمهور
-------------------------------------------------------
واحد مسطول ماشى في الشارع لقي عمود نور مكتوب عليه شقة للإيجار راح قعد يخبط على العمود،
لغاية لما جاله مسطول تانى قال له أنت بتعمل إيه هنا قال له: أصلي لقيت مكتوب شقة للإيجار، قمت قعدت اخبط
بس محدش رد علىّ قام التانى قال له: غريبة مع إن الجماعة منورين النور فوق
-------------------------------------------------------
واحد كريم أتحرق بيته لما جت المطافى حلف عليهم ما يعملوا حاجه لحد ما يشربوا القهوة
-------------------------------------------------------
في واحد نام متأخر ........ فاته الحلم
واحـد صـدع راسـه حـط عـلـيـه جـبـس
واحد ابنه طلع من الاوائل ,,,, شفره زي القنوات الفضائية
ميكانيكي أشترى سرير ....... نام تحته
واحد ضاق خلقه ........ اداه لأخوه الصغير
مدرس كيمياء رزق بولد .... فسماه سامي أكسيد الكربون
واحـد بـخـيـل ...ابـوه مـات بـكـى عليه بعـين واحـدة
واحد بيدور على وظيفة
وسمع عن وجود وظائف خالية
وذهب في الموعد المحدد وكله أمل في الحصول على الوظيفة الخالية .. وهناك سألوه
· قالوا له : متى يكون حاصل ضرب 3*3 =10؟
فقال : عندما تكون الإجابة خاطئة
· قالوا : ما هو الشي الذي له أكثر من جناح ولا يطير؟
قال : الفندق
· قالوا : ما هي الكلمة المكونة من أربع حروف إذا أكلت نصفها تموت ، وإذا أكلتها كاملة لا يصيبك شيء؟
قال : سمسم
· قالوا : من هو الرجل الذي يستطيع أن يقف على الأرض ورأسه فوق النجوم ؟
قال : الضابط
· قالوا : ما هو أكبر عدد من المواليد يمكن أن تضعه النعامة ؟
قال : النعامة تبيض ولا تلد
· قالوا : ما هو الشيء الذي بدونه لا تستطيع أن تحصل على الوظيفة في هذه الشركة ؟
قال : الواسطة
· قالوا : وهل معك الواسطة ؟
قال : لا
قالوا له : ورينا عرض أكتافك
| |
|
MaNoS
:::: MansawyDiaby ::::
المشاركات : 1130
العمر : 37
ساكن فين؟ : فى مانوس علطول
بتشتغل اية؟ : (كنت)طالب فى كلية التربية
السٌّمعَة : 20
نقاط : 134
تاريخ التسجيل : 11/09/2006
| | موضوع: تاااااااااااااااابع الإثنين 5 فبراير 2007 - 4:19 | |
|
اتنين مساطيل اعدين يحششو في المقابر ومرت جنازة فواحد بيقول للتاني هي جنازة مين دي يا محمد؟ فرد علية دي جنازة الشيخ محروس فقال الاولاني يا حول الله
وتاني يوم وهما اعدين في نفس المكان مرت جنازة فنفس الشخص سال بيقول للتاني هي جنازة مين دي يا محمد؟ فرد عليه دي جنازة الشيخ محروس فقال الاولاني يا حول الله
وتالت يوم وهما اعدين في نفس المكان مرت جنازة فنفس الشخص سال بيقول للتاني هي جنازة مين دي يا محمد؟ فرد عليه دي جنازة الشيخ محروس
فرد عليه هي الدنيا ملطشة معاه كدة لية
مرة واحد قابل واحد اخنف فسالة قالة "انت بتشتغل اية؟" فرد علية الاخنف وقالة "فننان" قالة "يعنى بتغنى" فرد الاخنف "فننان" فرد الاخنف "فننان" قالة الراجل "يعنى اية بتمثل؟" يعنى فرد الاخنف قالة "لا فننان يعنى بحت العيش فى الفن"
************************************************** **************************
مرة واحد غبى واقف في الشارع و بيتكلم في المحمول و عمال يزعق و يقول: بس دوري تاني ، دوري كويس. ام واحد معدي في الشارع جه قال له: في إيه ؟؟؟؟ راح واخد المحمول منه وبيسمع ... لقى .... (الرقم الذي طلبته غير موجود في الخدمة)!!!!
************************************************** **************************
واحد غبى قوى حكموا عليه بالاعدام.. بعد ما علقوه فى المشنقه قعد يشاور ويخبط بأيده ورجليه ففكروه عاوز يقول حاجه مهمه.. ففكوه ونزلوه بسرعه.... فبص لهم وقال: ياجزم كنت هتخنق
************************************************** **************************
بعد بحث دام عدة سنوات وقف العالم أمام حشد كبير من الناس ومن بينهم علماء العالم :وأخيراً وبعد عدة سنوات إليكم ما توصلت إليه وضع العالم على منضدة أمامه عنكبوتاً ثم قال للعنكبوت : امش للأمام خطوتين ،ففعل العنكبوت ثم قال :ارجع للخلف خطوتين ، ففعل العنكبوت ذلك ثم أخذ العنكبوت وخلع يديه ورجليه كلها ، ثم وضعها على المنضدة مرة أخرى وقل : امش للأمام خطوتين ،فلم يفعل العنكبوت ثم قال مرة أخرى : امش للخلف خطوتين ،فلم يفعل ذلك أيضاً وهنا نظر العالم للجمهور بكل ثقة وافتخار وقال :أرأيتم ذلك ،هذا ما توصلت إليه ،بأن العنكبوت إذا فقد أرجله يفقد حاسة السمع
************************************************** **************************
مرة اتنين اصحاب بيقولو ابعض تصدق انا الخدام بتاعى غبى اوى فالتانى قالوه لا ده انا الخدام بتاعى اغبى فقالوه الاولانى تعالى نشوف فجه الاول ونادى الخدام بتاعه وقالوه خد الربع جنيه ده وروح اشترى ليه عربيه مرسيدس واليانى نادى الخدام بتاعه وقالوه روح النادى وشوفنى هناك ولا لآ فراحوا الخدامين و اتقبلو فى السكه فواحد منهم قال للتانى تصدق الراجل اللى انا بشتغل عنده غبى اوى تصور بعتنى اشتريله عربيه و ما يعرفش ان انهارده الحد والمحلات قافلة فالتانى قاله لا ده انا بشتغل عند واح اغبى من بتاعك تصور بعتنى النادى اشوفه هناك يعنى مش قادر يرفع سماعة التليفون و يسأل على نفسه
************************************************** **************************
بلديتنا عايز يعلم ابنه انجليزى راح ابتدائي منفعش، راح ثانوى منفعش، راح الجامعة منفعش، قال لازم اوديه انجلترا واجوزه واحدة من هناك عشان يعرف يتكلم انجليزى، راح فى الصباحية بيقولها "مستر هريدى موجود؟" قلتلوا "نجولو مين؟"
************************************************** **************************
واحد ندل قعد يتحايل على حبيبته علشان تخرج معاه لمده سنه ولما وافقت راح قال لابوها
************************************************** **************************
مرة حلاق بيعلم ابنه الحلاقة فدخل زبون المحل يحلق دقنه فقال لابنه "لو جرحت الراجل هاضربك" بدأ الابن فى الحلاقة فجرح الراجل فجاء الاب ليعطيه بالكف فابعد الابن نفسه فضرب الزبون، ثم اكمل الابن فجرح الرجل مرة اخرى وتكرر نفس الموقف، ثم جاءت المرة الثالثة وجرح الرجل فقال للولد "اسرع وخبا الجرح قبل ان يراه ابوك"
************************************************** **************************
مره واحد عنده مزرعه فراخ وكانت فشله جدا راح لمهندس زراعى قاله انا مش عارف ازرع الفراخ قاله ليه قاله زرعتها من رجليها مطرحتش زرعتها من جناحها مطرحتش زرعتها من دماغها مطرحتش المهندس قاله هات عينه من الارض
************************************************** **************************
مره واحد راح السرك وقرر انه يعمل حاجه مختلفه راح جاب نمله وقعد يدربها10 سنين علشان تقف على رجل واحده فراح رايح لولد صغير فى الشارع وقاله بص يا حبيبى النمله دى بتقف على رجل واحده فراح الولد مسك النمله وفعصها وقاله ايه ده يا عمو دى نمله فقرر انه يعيد التجربه وقال عيال صغيره ايه انا هاروح لولد كبير جاب نمله تانى ودربها 10 سنين وراح لواحد كبير فى الشارع وقاله بص النمله دى بتقف على رجل واحده فمسك النمله وفعصها وقاله ايه ده يا عمو انا مش قولتيلك من 10 سنين ان دى نمله
************************************************** **************************
مره واحد ماسك ثلجه ساعتين فاصاحبه بيقوله انتا ماسك الثلجه بقالك كتير قال له نفسى اعرف هى بتخر منين
************************************************** **************************
واحد رخم دخل أحد المطاعم وطلب صحن فول، وبعدما أنتهي من آكله سأل الجرسون: كم تريد ثمناً للفول، اجابه: 13 قرشاً..مد الخبيث يده في جيبه وأخرج ال13 قرش ورماها على الارض.. وتكرر المشهد 3 أيام متتالية. وفي اليوم الرابع دخل المطعم وما معاه صرافة فاعطى الجرسون ربع جنيه(25) قرش وقال له واحد فول، طبعا الجرسون حب ينتقم منه فاحضر الباقي(12)قرش ورماهم على الارض وقال له خذ الباقي، فاخرج الرخم قرش من جيبه ورماه فوق ال( 12) قرش وقال للجرسون كمان واحد فول
************************************************** **************************
واحد ساكن فى الدور التاسع وتحتيه بقال كل شويه الراجل صاحب البقاله ينده عليه ويقول له تليفون ليك وكل شويه الراجل يفضل يطلع وينزل يرد على التليفونات واحد صاحبه شافه فقال له ما تشتريلك موبايل احسن اام الراجل اشترى الموبيل واده للبقال وقال له اى حد يتصل بيه اندهلى
************************************************** **************************
مجموعة في مستشفي المجانين قرروا الهروب فالزعيم بتاعهم قال لهم الخطة بسيطة، ناخد معانا سلم عشان لو لقينا السور عالي نطلع السلم، و لو لقيناه واطي ننط من فوقه. فلما وصلوا لقوا ان المستشفي من غير سور قالهم ياللا نرجع الخطة فشلت!
************************************************** *************************
واحد راح لطبيب نفسانى وقاله "مشكلتى يادكتور انى باحس ان الناس كلها مش طايقانى ومخنوقين منى" الدكتور للممرضة "بسرعة المريض اللى بعده"
************************************************** *************************
أغبيه راحو يلعبو بلياردو، واحد منهم وقف فوق الطرابيزة وقال لهم انا الجوووون
************************************************** **************************
واحد غبى لقى قرد فى الشارع .فراح لعسكرى المرور وقاله اوديه فين . قاله وديه جنينه الحيوان فراح ورجع تانى يوم لعسكرى المرور والقرد معاه. قاله العسكرى مش قولتلك وديه جنينه الحيوان. فرد عليه الغبى ما انا وديده امبارح جنينه الحيوان النهارده هوديه السينما
************************************************** **************************
مرة مدرس بيسأل طالب : من اين ياتى البن ؟ رد : لااعرف فحب المدرس يسهلهاله قاله انتم بتجيبوا البن منين؟ قاله من عند الجيران!!
************************************************** ***********************
مره واحد ندل فتح مصنع بيبسى وكتب على كل ازازه (رج جيدا قبل الفتح)
************************************************** ***********************
مره واحد سايق عربيه شاف يافطه مكتوب عليها ( خفف 100 ك) راح مخفف 100 ك لقى يافطه تانيه مكتوب عليها (خفف 50 ك) راح مخفف50ك لقى يافطه مكتوب عليها "اهلا بكم في مدينه خفف"
************************************************** ***********************
واحد غبى بيحلق دقنه التليفون رن عور نفسه علشان لما يرجع يعرف هو وقف لحد فين
************************************************** ***********************
مرة واحد مسئول بيفتتح حمام سباحة فالمدير قال له "ده المنط يا فندم 30متر، قوم نط يا مرزوق" فنط مرزوق . "وده يا فندم منط 50 متر قوم ياعوض نط" فنط عوض ."وده يا فندم منط 80 متر قوم يا نجيب نط" فنط نجيب، فقال المسئول "هايل ..هايل .." قام المدير قال "ولسه يا فندم لما نملى الحمام ميه"
************************************************** ***********************
واحد عنده أرق ونفسه ينام..قاله صاحبه "عد من واحد إلي 500 وهتنام..فأخذ يعد حتي وصل إلي 109 فشعر بالنعاس قام يغسل وجهه حتي يصل إلي 500
************************************************** ***********************
مرة واحد غبي راح للدكتور و قاله "كل منطقة في جسمي بتوجعني" كشف الدكتور عليه مفيش حاجة وجعته سأله تاني "فين المنطقة اللي بتوجعك"، قاله "هنا و هنا و هنا" و هو بيشاور بصباعه في كل مكان و قاله "بص يا دكتور حتي راسك بتوجعني" فاكتشف الدكتور إن صباع المريض مكسور
1_مرة واحد رخم درسه كان بيوجعه... راح للدكتور وقاله اخلعلي كل دروسي وسيبه لوحده زي الكلب
2_واحد اسود اتجوز واحدة سودة زيه.. جابوا ولد ابيض.. سموه مش ممكن
3_واحد صعيدى لقى مصباح علاء الدين قعد يدعك فيه لحد ما جاب للعفريت تسلخات
4_ندل قال لصاحبه الدنيا بقت مافيهاش خير جيت اسرق ابويا لقيت محفظتى فى جيبه
5_واحد صعيدى وهو راكب تاكسى السواق خبط راجل ماشى، قال للصعيدى انزل شوف الراجل مات ولا لسه ، نزل الصعيدى وقعد يقول للسواق تعالى ... تعالى ... تعالى ... بس، كده مات!
6_فار مسطول قال كل القطط تحت جزمتى لقى وراه قط اسود قال الا ابو سمره حبيبى
7_واحد اهلاوى ركب تاكسى واحد زملكاوى السواق قله سته اكتوبر قله لا سته واحد
8_
واحده ست مسكت حرامى فى المطبخ
فقالت لابنها روح إنده ابوك من على القهوة
جه ابوه، ولما فتح المطبخ لقي الحرامي صغيّر فقال له انت اسمك ايه؟
قالوا كريم ،فقعد يضرب فيه لحد ما عجنه
تاني يوم الست بتفتح باب المطبخ لقيت حرامي
قالت لابنها روح يا وله نادي ابوك من على القهوة
جه الراجل ولما دخل المطبخ لقي واحد طول بعرض
بص لمراته وقال لها امال فين كيموووو ؟؟؟؟
9_
اثنين اغبياء فى طياره معديه الاول قال انها طياره الرئيس
فقال الثانى انها مش طياره الرئيس
الاول والله دى طياره الرئيس
الثانى لا مش طياره الرئيس
فاتفقو اى حد معدى يسالوه فعدى واحد فسألوه دى طياره الرئيس
فقالهم يا اغبياء طياره الرئيس بيمشى وراها موتوسكلات
مرة طفل بلدياتنا راح للبقال فقال لة عمو عندك الشوكلاتة ام ربع جنية قال البقال
نعم عندى فقال الطفل طيب بكام
___________________
واحد اشترى موبايل فحب يعملها لمرآته مفاجأة راح داخل
البيت في السر واستخبى في الحمام واتصل بيها من الموبايل ولما ردت عليه قال لها ازيك يا حياتي أنا جاي في السكة قالت له :لأ اوعى تيجي دلوقت أحسن أبو سيد مستخبي في الحمام
_________________
مره واحد مسطول قاعد بيحشش مع مراته لغايه ما نسيوا نفسهم وفجأه حد خبط عليهم فقامت الزوجه وقالت جوزى.؟!.. فقام جوزها ونط من الشباك؟؟؟؟؟؟؟؟؟؟؟؟؟؟
_____________________
واحدة الدولاب عندها بيعمل صوت لما القطر بيعدى من جنبهم جابت نجار صلحو مرة و اتنين و تالت مرة قالتلو ولاهى مانتا ماشى الا لما القطر يعدى و اشوفو هيتهز ولا لا شوية و جوزها جة و النجار من الخضة استخبة فى الدولاب .... لما جوزها شافو قالو انت بتعمل اية هنا قالو النجار لو حلفتلك باية مش هتصدق انى مستنى القطر
____________________
واحدة راحت تخطب لابنها .. ام العروسة بتسألها ... وياترى ابنك بيدخن ؟؟؟ ردت عليها : لا لا لا الحمد لله ، ابنى ما بيدخنش..... الا اذا سكر
____________________
مره مدير شركه مارلبورو قابل مدير شركه كيلوباترا فقالو انا مره لقيت فى السجاره بتاعتكم خشبه ..
انتم بتستوردوا التبغ منين ...فرد عليه مدير شركه كيلوباترا متعجبا .....يعنى ايه تبغ!!!!!؟؟؟؟؟؟
________________
مرة واحد بلدياتنا عرف ان الجلد موضة مشى عريان
__________________
جماعة اغبيا عملوا أتوبيس بالعرض عشان يركبون كلهم قدام
__________________
واحد غبي مبيعرفشى يعوم وقع فى البحر مات محروق
____________________
كمسرى ماشى فى جنازة بيقول يا جماعة الجنازة فضيا قدام
_________________
واحد بلدينا اشترى موبايل، ركبله جهاز اظهار رقم الطالب!!!!
_________________
مرة واحد صعيدى بيدهن الحيطة.... قالوله طب حط جرنال تحتك... قال لهم : لا مش مهم انا كدا طايل
___________________
حشاش بيقول لصاحبه:
أنا حلمت امبارح أننا بقينا فنانين
أنت فنان تشكيلي ..... وأنا فنان أشكيلك
__________________
واحدة عاوزة زوجها يحبها من اول ليله قالته : اسكت .. مش انا حامل
_________________
بلدياتنا قتل مراته عشان رضيت تمسك إيده
__________________
ولد صغير بيقول لـ مامته .. بتضربينى ليه يا ماما .. هو انا بابا
__________________
مره واحد بلديتنا اتغاظ من مراته ولع فى نفسه وحضنها
_________________
مره واحد عداه العيب استنى العيب اللى بعده
| |
|
MaNoS
:::: MansawyDiaby ::::
المشاركات : 1130
العمر : 37
ساكن فين؟ : فى مانوس علطول
بتشتغل اية؟ : (كنت)طالب فى كلية التربية
السٌّمعَة : 20
نقاط : 134
تاريخ التسجيل : 11/09/2006
| | موضوع: تاااااااااااااااابع الإثنين 5 فبراير 2007 - 4:21 | |
| ======================================
مره واحد كان قاعد فوق السطح بيحشش ف طلع عليه واحد قاله الحق يا سيد بيتكو وقع
وامك وابوك ومراتك وعيالك كلهم ماتو قام باصصله وقاله ماتو والدمعه هتفر من عينه وقال لنفسه انا هعيش لمين ما خلاص كلهم راحو وقرر يرمى نفسه من فوق السطح فلما وصل للدور الرابع افتكر وقال ايه ده انا ابويا وامى ميتين من زمان وجه عند الدور التالت قام قايل لنفسه عيالى مراتى ايه ده هو انا اتجوزت اساسا جه بقى عند الدر الاول وقام مزعق وقايل لااااااااااااا ده انا مسميش سيد
======================================
واحد غبى فى الجيش القائد اداله اغلى قنبلة فى العالم وقال له ارميها على الاعداء من فوق
الجبل اللى بين الجيشين ، قام الراجل طلع على الجبل ، ولاول مرة فكر وقال القنبلة دى غالية قوى طب ما بلدنا اولى بيها ورماها على جيشه
======================================
استاذ بيسأل طالب ايه هو اسرع حيوان في العالم الطالب: الفيل
الاستاذ:الفيل ياغبي ياحمار ياأهبل انت اسمك ايه يالا
قاله تامر قاله ابوك بيشتغل ايه قاله وكيل نيابه الاستاذ
قاله والله يابني هو ممكن يبقى الفيل بس لو شد حيله شويه
======================================
مره واحد صعيدى راح المغرب
رجع بعد العشا
======================================
واحد لبان اشترى عمارة مراته
طلعت تشيل القشطه من فوق السطح
======================================
مره واحد من الصعيد قرر انه يسافر امريكا . قبل ما يسافر اهله قالوا له
ان الاكل فى امريكا حرام خد معاك ثلاث زلع مش عشان تكلهم ومتنساش تسمى عشان الشيطان ميكلش معاك فسافر اول زلعه اكلهة من غير ما يسمى وتانى زلعه اكلهة من غير ما يسمى جه ياكل الزلعه الثالثه قام الشيطان طالع له وقاله ابوس ايدك تسمى انا صدري اتحرق من الاكل بتاعكم
======================================
عملو مسابقه لتلاته صعايده اللى هيقدر يتخللى عن لهجته الصعيديه ويتكلم عادى هياخد جايزه فحطوهم التلاته
جنب بعض وسالو واحد اسمها ايه دى قالهم مانده قالولو فكر شويه قالهم مانده مانده قالولو بره سالو التانى اسمها ايه دى قالهم دوافه قالولو ايه قالهم دوافه قالو فكر شويه قال دوافه دوافه دوافه قالولو بره سالو التالت اسمها ايه دى قالهم مانجه قالولو برافو ودى قالهم جوافه قالولو برافو وبنجبهم منين باه قالم من الدنينه قالولو بره بره بره كفاية
======================================
مرة واحد بيحلق .. الحلاق سأله : عايز ودنك اليمين؟ الزبون ضحك وقاله لأ... قام الحلاق
قطعها ورماها فى الشارع.. وبعدين ساله:عايز ودنك الشمال؟ الزبون صرخ وقاله اه.. قام الحلاق قطعها وادهاله
======================================
مره واحد كان عنده كتكوت شرس يحطه فى قفص الفراخ ياكل الفراخ يحطه فى قفص الارانب
ياكل كل الارانب يحطه فى اى حته ياكل اللى فيها اخر ما زهق منه راح رماه فى الصحرا وبعد يومين الكتكوت صعب عليه راح الصحرا يشوفه لقاه ميت وفوقه حوالى 50 نسر وصقر قالو انت مت يا اخى غور ريحتنا الكتكوت قام قاله يحرقك بوظت الكمين
======================================
مرة 8 صعايدة كانوا مسافرين القاهرة يزوروا واحد صاحبهم فراحو الموقف واختارو عربية بيجو وقالوا
للسواق احنا عاوزين نسافر القاهرة ... قاللهم بس انتوا 8 والبيجو 7 راكب قالوله مش مشكلة احنا هاننقى الجامد اللى فينا ونربطه فى البيجو وهو ياخدها جرى مع العربية
المهم السواق وافق وراحوا رابطين محمدين فى البيجو
السواق ماشى على 40 ومحمدين شغال جرى ولا بيتأثر
راح السواق مزود ل 60 ومحمدين برضه شغال
راح مزود لـ 80 لقى محمدين عادى جدا
راح مزود لـ 100 ومحمدين برضه مش حاسس
راح السواق بايعها بقى ومزود على 140 ومقفل العداد
لقى محمدين بينهج جامد وعمال يبربش بعينيه قوى
راح ضاحك قوى وقاللهم صاحبكم باين عليه جاب جاز خلاص
قالوله لا ياعم ده بيبربش يعنى بيقلب لك نور عشان تعديه ههههههه
======================================
واحد سافر الى ايطاليا واحد صاحبة أعطى له ورقة وقاله دي حتساعدك أول مانزل ايطاليا
اعطى الورقة لسواق التاكس قاله يخرب بيتك انا حنوديك في داهية ووداه قسم البوليس الضابط قرا الورقة وقاله وحوله على المحكمة والقاضي قرا الورقة أمر بترحيله وهو راجع ركب المركب قام القبطان قاله مالك زعلان ليه حكى له الحكاية قاله فين الورقة دي اعطاها له قم القبطان قرأها ورماها في البحر والى الآن منعرفش الورقة كان فيها ايه
========================================
سواق تاكسي قعدت جنبه بنت حلوة قوي قاللها : تعرفي تسوقي؟
========================================
واحد راكب عربية صغيرة جدا ماشى بيها فى شارع صغير و و احد تانى راكب عربية كبيرة جدا وكل واحد عاوز يعدى من الشارع حدثت خناقة كبيرة ..
المهم صاحب العربية الصغيرة بكل فخر قال لصاحب العربية الكبيرة:انت عارف العربية دى فيها ايه رد و قالوه لا قلوه العربية دى فيها عفريت قالو ورينى كده دعك العربية طلع منها عفريت كبير وقال:شبيك لبيك تطلب ايه قالو 2شاى و جاب الشاى المهم صاحب العربية الكبيرة أشترى العربية الصغيرة مقابل الكبيرة ودعك العربية بعد ما أشتراها و طلع العفريت قال صاحب العربية انا عاوز دهب وفلوس و عربيات زد العفريت:انا بعمل شاى بس
========================================
واحد مسطول ماشى فى الشارع قابل واحد قاله ازيك يا محمد انت اتغيرت اوى يا محمد عنيك ووشك وشكلك
اتغير قوى يا محمد رد عليه وقاله انا مش محمد قاله ياه وكمان غيرت اسمك
========================================
واحد باشا الزمن دار عليه وافتقر حب يشتغل اشتغل بتاع فجل وجرجير
وقف فى السوق وهو لابس الطربوش وبيقول فجل يا حوش جرجير يا كلاب
========================================
مره ابو العربى دخل القسم فالظابط بيحقق معاه قال له
ازاى يا ابو العربى تعمل كده فى الراجل دا انتا كسرت له رجل و قطعت له ايد وجبت له شرخ فى دماغه رد ابو العربى يا باشا انا كنت ماشى بالعربيه بتاعتى بسرعه و سعادتك عارف عربيتى مش فيها فرامل فا انا قعدت ادى للراجل ده كلاكسات و اقلب له فى نور وهو اللى ما بعدش عن العربيه فدخلت فيه غصب عنى رد الظابط لا لا لا لا انتا كده عندك حق هو اللى غلطان انا ها اساله سال الظابط الراجل قال له انتا ازاى ما بعدش انتا مش عارف ان عربيه ابو العربى مش فيها فرامل رد الراجل والله يا باشا انا معملتش حاجه انا كنت قاعد فى الدكانه | |
|
mr.paolooo
مانوسى نشيط
المشاركات : 366
العمر : 37
ساكن فين؟ : مصر
بتشتغل اية؟ : طالب بكليه الهندسة
السٌّمعَة : 0
نقاط : 0
تاريخ التسجيل : 18/02/2007
| | موضوع: رد: موسوعة ( مانوس) للنكت اكتر من الف نكتة هتضحك للصبح الأحد 18 فبراير 2007 - 20:23 | |
| ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
مشكور على المجهود الرائع | |
|
الذئب البشري
مانوسى جديد
المشاركات : 193
العمر : 36
ساكن فين؟ : في ادغال مصر
بتشتغل اية؟ : الافتراس
السٌّمعَة : 0
نقاط : 0
تاريخ التسجيل : 23/03/2007
| | موضوع: رد: موسوعة ( مانوس) للنكت اكتر من الف نكتة هتضحك للصبح الخميس 29 مارس 2007 - 22:29 | |
| [img] هههههههههههههههههههههههههههه
والله يا اسلام انتا زي العسل انا قلبي اتنفض من الضحك ربنا يبسطك كمان وكمان [/img] | |
|
[/img]