عاوز تموت شهيد ؟
يا تركب طيارة............ ... يا تركب عبارة
عاوز تموت م الجوع ؟
يا تشترى شقة............ ....يا تشترى عربيه بالقسط
عاوز تموت م الحسرة ؟
يا تتفرج ع الفاترينات فى ستى ستارز.....يا تروح زيارة لمارينا
عاوز تموت م الغيظ ؟
يا تتفرج ع النشرة الجوية ..... يا تتفرج ع القنوات المحلية
عاوز تموت م الزهق؟
يا تستنى الإشارة لما تفتح .... يا تستنى دورك فى الطابور فى التأمين الصحى
عاوز تموت م الهبل ؟
يا تخش ع النت .......... يا تسمع نجوم الأف ام
عاوز تموت مخنوق ؟
يا تروح مصلحة حكومية ......... يا تقرا الجريدة اليومية
عاوز تموت مفروووس ؟
يا تركب تاكسى ............ ياتركب دش
عاوز تموت مرعوووووب ؟
يا تستنى نتيجة الثانوية العامة ....... يا تستنى نتيجة التحاليل عند الدكتور
عاوز تموت مشهور ؟
يا تتجوز رقاصة ............ يا تنصب على بنك
عاوز تموت مليونير ؟
يا تعمل فيديو كليب............ . يا تلعب كورة
عاوز تموت ورا الشمس ؟
يا تشغل مخك ............ يا تفتح بؤك
عاوز تموت منكد ؟
يا ترشح نفسك فى الانتخابات ....... يا تخش ف إتفاقيه الجات
عاوز تموت م الحزن ؟
يا تفكر دايما ف أحوالك .......... يا تحط الحكومة ف بالك
عاوز تموت م الضحك ؟
يا تتجوز اتنين ......... ياتشتغل مع المجانين
عاوز تموت ف حالك ؟
اعمل نفسك دايما مش واخد بالك
