حب نص كم

حب نص كم 0.0.0.0

ياريت فيه كلمه تعبر ع اللى انا حاسس به غير بحبك
(لانى فى الحقيقه مبحبكيش)

اول مره اقول كلمه بحبك لواحده
(وتصدقنى ودا لانك هبله طبعا)

انتى كنتى اجمل واحده فى الحفله امبارح
(بس ابقى اعملى عمليه تجميل فى ودانك ومناخيرك وبقك)

حنتجوز طبعا يا حبيبتى بس ادينى فرصه 6 شهور
(وبعدها مش هتشوفى وشى)

باحس دايما انى مسئول عنك
(فى الحاجات اللى متكلفش فلوس)

بتبقى حلوة اوى وانتى بتبكى
(بس فاهم دموعك كويس ومش هتجوزك)

انا مستاهلكيش
(وهتكتشفى بعدين الحقيقه دى بنفسك)

ازاى كنت عايش من غيرك قبل كده
(اكيد احسن من دلوقتى وع العموم قربت ارجع اعيش من غيرك تانى)

طول الليل بحلم بيكى
(اللهم احفظنا من الكوابيس)

كلمه منك واقاطع كل الناس
(الا ميمى وسوسو وتوتو و .....)

ماالقمر الا انعكاس لوجهك حبيبتي
( في الليالي المظلمة )

لما اشوفك يروح مني الكلام وانساه
( من الصدمة )

عنيكي احلى مافيكي
(لما تلبسي نظارة الشمس)

شفايفك زي الفراولة
( بتاعت الصوبات )

تتجوزيني ياحبيبتي
( يارب تقول لا )

أنا نفسى أفهم حاجه .... ليه الموضوع بيوصل متلخبط كده ؟؟؟؟؟؟

الأرجو الإفادة

انا عدلتلك الموضوع وظبطه

انا مش عارفه بينزل كدا ليه

بس لما تيجى تنقل موضوع نزله على wordpad على جهازك

وظبط الخط واللون الاسود وبعدين انقله فى المنتدى

دا اللى اقدر افيدك بيه واللى بعمله

ممكن تسال حد تانى

0

ميرسى يا جميل على التوبيك دا

واوعى تكون بتعمل كدا مع البنات

أنا بشكرك جدا جدا بجد ع اللى إنتى عملتيه

وعلى فكرة بدون مبالغه هيا دى حقيقه الشباب ( معظمهم )

موضوع جميل فعلا

وفعلا هى دى حقيقه الشباب

كله بيتسلى والبنات بتبقى عارفه انها بيتضحك عليا بس هما بيحاولوا يصدقوا نفسهم

وانا شوفت يا جماعه اكتر من مره شباب اعرفها وقعت بنات مع ان البنات كانوا عارفين الحقيقه

ولكنهم للاسف نفسهم يحبوا وخلاص

ميرسى على التوبيك الجميل ده

بصراحة التوبيك روعة فعلا كل الشباب كده والمشكلة ان البنت بتكون عارفة الحقيقة وبتضخك على نفسها وعلى عقلها

علي فكرة توبيك رائع

هوا في شباب بتعمل كدا بس مش كلهم

وفي بنات بتعمل كدا

ومن غير زعل كنت واحد منهم بس مع الي يستاهلوا بس

والحمد لله ربنا تاب عليا

ههههههههههههههههههههههه

التوبيك رائع جميل جداوفعلاهمه دمت الشباب بس اكيدمش كلهم