عندك مشكله ومش لقيه حل 0000 تعالى هنساعدك

عندك مشكله ؟؟؟؟؟؟؟؟؟؟؟؟؟؟؟؟؟؟

مش عارفه تسألى مين ؟؟؟؟؟؟؟؟

قلقانه من حاجه او متضايقه ؟؟؟؟؟؟؟؟؟

طيب فى حاجه شغلاكى ؟؟؟؟؟؟؟؟؟

عندك استفسار عن حاجه معينه ومش عارفه تسألى مين ؟؟؟

انا اقولك حطيلنا مشكلتك او استفسارك و اكيد كلنا هنساعدك و هنحاول نلاقى الحل المناسب لمشلكتك او نرد على اى استفسار ليكى
و ياريت بلاش السلبية او الخجل او تقولى مقدرش اكتب
عبرى عن نفسك وقولى اللى فنفسك

يلا بقى ياريت الاقى مشاركة مفيش حد معندوش مشكلة و انك تكتبى مشكلتلك و مشكلة حد تعرفيه او اى استفسار انتى بتسفادى مرتين
مرة بتلاقى حلول للمشكلة ورد للاستفسارات
المرة التانية بتكسبى ثواب فكل اللى عندهم نفس المشكلة و بيلاقوا الحلول و بسيتفيدوا من طرحك للمشكلة
عايزة مشاركة فعاله

$$$$$$ شروط المشاركه $$$$$

1_اكتبى كل اللى نفسك فيه من غير كسوف طالما فحدود الادب
2-طبعا الولاد تشارك معانا عادى فالحلول و لو فى مشكلة لواحدة يعرفها ممكن يحطها
3- اى رد غير لائق يتم حذفه

الموضوع مثبت لمدة محددة لو ملقيتش مشاركة هلغى الفكرة بس صدقونى لو الفكرة دى نجحت هنساعد ناس كتير و هتبقى حاجة جميلة

انا بحب واحد جدا واهله مش موافقين نهائى على جوازنا عشان المنطقه اللى انا ساكنه فيها مع انها والله منطقه نظيفه وكويسه اعمل ايه وها رافضين نهائى اسيبه ولا اعمل ايه وفى نفس الوقت اتقدملى واحد واهلى شايفينه كويس وهيقدر يسعدنى اعمل ايه مع ان اللى بحبه كمان قالى مش قادر اكمل معاكى عشان اهلى مش موافقين ايه الحل

توبيك جميل جداااااااااااااااااااااااااااا ياسوما
ايوه كده يابت اسعدينا بموضوعاتك الجامده
وربنا يوفقك

مافيش انسان يرتبط بانسان مش شايف انة مهتم بية وممكن يبيع اهلة واى انسان فى الكون عشان الانسانة الى بيحبها بس ياريت الاهل يبعدوا عن اى اتنين بيحبوا بعض

وبجد لو هوة مش عاوز يكمل معاكى اياكى تفكرى انك تكملى معاة لان مش يستاهل والله

بجد حاجة صعبة
بس ممكن يكون حلها فى ايديكو انتتو الاتنين
يعنى لو ممكن تقابلو اهلو انتو الاتنين وعرفوكى كويس ده ممكن يغير لاامور شوية لو انتى فعلا انسانة كويسة وبعدين هو فى الاول وفى الاخر هيرتبط بالانسانة اللى بيحبها مش بالمكان

بجد حاجة صعبة
بس ممكن يكون حلها فى ايديكو انتتو الاتنين
يعنى
لو ممكن تقابلو اهلو انتو الاتنين وعرفوكى كويس ده ممكن يغير لاامور شوية
لو انتى فعلا انسانة كويسة وبعدين هو فى الاول وفى الاخر هيرتبط بالانسانة
اللى بيحبها مش بالمكان

المشكله دي بتاعت واحده صحبتي

هي بتحب واحد جداااااااااااااااااااااااا والمفروض انه هو كمان بيحبها بس اكتشفت بالصدفه انه حاطط صور البنت اللي كان بيحبها الاول في فولدر لوحده علي الميل بتاعه ومش حاطط صورها هي(يعني لسه بيفكر فيهااا)
هي دلوقتي مش عارفه تعمل ايه ياتري تقوله ولا تكبر دماغها وتفوت؟؟؟؟؟؟

لا لازم تقولو وتشوف رده ايه وبلاش تكبر دمغها لو هي بتحبه بجدولو هو يهمها وممكن الصور ده كان مسجلها من زمان ونسي يمسحها

مشكلتى كبيره جدا جدا
انا بحب واحد وهو بيموت فيا واتعاهدنا نكون لبعض من ثانويه عامه ودلوقتى انا معاه لحدالبكاليوريوس بس كل اصحابى اتخطبوا واتجوزا وهم شايفنى مرتبطه بقالى كتير المهم فى الموضوع ان مامته مش عايزه تيجى الا لما يشتغل ويخلص انابجد زهقت من طول الارتباط وبرضه مقدرش ابعد عنه

بصي ميهمكيش خليكي معاه ده لو انتي بتحبيه
متستغنيش عنه

يعنى انتى استنيتى معاه من الثانويه ومش قادره تستنى لما يشتغل

لا خليكى معاها واصبرى بدل اهلك مش معترضين

ميرسى يا جماعه على مروركم ومشاركتكم

اولا سوما احيكى على الفكرة

بصى انا عندى واحده صحبتى بتحب واحد وهو ميعرفش وهى معاها الميل بتاعه ونمرة تيلفونه
والى مصعب الحكايه ان ولاد عمها الاتنين صحابه الروح بالروح تعمل ايه

بصى يا بنت الوادى 000

انتى بتقولى ان هو صاحب ولاد عمها الروح بالروح

لو هى قامت باى خطوه زى انها تكلمه او تبعتله ميل

ممكن تتطور الامور والعلاقه الجميله بين الاصدقاء دول تتدمر

وكمان بعد دا كله ممكن ميكونش هو كمان بيبادلها نفس الشعور

يبقى بلاش تدمر حاجات كتير حواليها وبرده ممكن قلبه ميكونش ملكها

متخليهاش تعمل حاجه وتندم عليها بعد كده

خليها تفكر كويس ولو من نصيبها اكيد هيجيلها

ميرسى يا قمرايه ع مرورك ومشاركتك الجميله

ربنا يخليك ياقمر

ان شاء الله ابقى انصحها

تمام ياسوما
بجد توبيك جميل
انا بقول لبنت الوادى طالما هى صحبتك يعنى اكيد من نفس سنك
يعنى احتمال كبير متكونش بتحبه ولا حاجه
هى ممكن شافت واحد شكله مقبول فاعجبت بيه مش حبته
لان السن اللى انتوا فيه ده هتشوفوا اى حد هتقولوا انكوا حبتوا(يامامريت بيها الحكايات الفاشله دى هههه)
بس والله لما تكبر شويه هتضحك على نفسها من اللى كانت بتعمله
يعنى هى لسه صغنونه يعنى قدمها العمر طويل ان شاء الله
وفعلا لو من نصيبها اكيد هيجلها
وزى ما قالت سوما
متخلهاش تعمل حاجه وتندم عليها
وبجد يا سوما تسلم افكراتك

مش لازم نتكلم عن مشاكل الحب وبس ولا ايه
مفيش غير مشاكل الحب .
شكرااا يا سوماا على افكارك
wae4

لا مش لازم مشاكل الحب بس

اى مشكله بتواجهها اى بنوته

بس يا اميره اكتر حاجه بتشغل البنت او اغلب مشاكلها

فى الفتره اللى احنا فيها دى او فى سننا دا

بتبقى اغلبها بسبب الحب

توبك بجد يستاهل ميرسى ياسوما

انا بقى مشكلتي مع اختي الصغيرة.. هي بتحب واحد وان كان عادي بالنسبالي و بكلمه بس حصل بينهم شوية مشاكل و حصلي انا كمان شوية مواقف معاه .. ودلوقتي هم رجعو بس انا لسه مش واثقة فيه ( فكل الولاد عموما) .. اعمل ايه... انا خايفة علاقتي معاها تتأثر خصوصا اني معدتش بحب اسألها عنو وخايفة لا تبعد عني . . وتلجأ لغيري عشان تفضفضلو

اختك الصغيره ؟؟

انتى عندك 15 سنه امال هى عندها قد ايه ؟؟

المهم يعنى

الاول حكايتك انتى ,, مش بتثقى فى الاولاد كلهم دى ,,

تعرفى المثل اللى بيقول صوابع ايديكى مش زى بعض

برده الاولاد مش كلهم زى بعض

زى ما فيه الوحش فيه الحلو , لو موثقتيش فيهم مش هتجربى الحب

حتى لو هينتهى بالفشل برده هتخرجى بحاجه

هتتعلمى حاجه او يبقى ليكى ذكرى حلوه تفتكريها لما تتضايقى

اما حكايه اختك فمش تسيبيها حتى لو مش طايقه الولد ده

هى اكيد علشان بتحبه شايفه حاجات انتى مش شايفاه

اسألهيا دايما عن اخبارها

وحاجه كمان عازه انبهك ليها

اوعى فى يوم تحكيلك حاجه وتروحى تقوليها لحد

حتى لو حد عادى انه يعرف ,

علشان لو فقدت ثقتها فيكى هتخبى عليكى حاجات كتير

وربنا يخليهالك

ثااااانكس يا سوما... ربنا يخليكي ليا
وعلى فكرة اختي الصغيرة عدها 13 سنة
صحيح صغير بس عقلها كبير اوي

The Queen كتب:: انا بقى مشكلتي مع اختي الصغيرة.. هي بتحب واحد وان كان عادي بالنسبالي و بكلمه بس حصل بينهم شوية مشاكل و حصلي انا كمان شوية مواقف معاه .. ودلوقتي هم رجعو بس انا لسه مش واثقة فيه ( فكل الولاد عموما) .. اعمل ايه... انا خايفة علاقتي معاها تتأثر خصوصا اني معدتش بحب اسألها عنو وخايفة لا تبعد عني . . وتلجأ لغيري عشان تفضفضلو

انا هقلك انا على حاجة ممكن محدش يقلهالك غيري ...

لو مش واثقة فيه ... متخليش اختك تحبه او حتى تكلمه ... لاننا لما بنفقد الثقة في حد مبنأمنلوش على اي حاجة امال بأه لو كانت الحاجة دي اختنا و من اهم الحجات في حياتنا ..؟؟

ياريت تكوني فهمتي اصدي وتكوني عرفتي انا عايز اوصلك ايه ..؟؟

» ايه كان حلمك بالحياة 0000 ؟؟؟؟
» 0000 الجميل 000 و 000 الاجمل 00000>
» لديك 1 رساله جديده 0000
» كلمات تختلف معانيها من شخص لآخر 0000!!!
» كاريكاتير على اللاعيبه 0000 جامد مووووووووووت