تعالوا نتخيل المستقبل الجديد للأنترنت فى مصر هايكون أزاى

طبعا بعد القرار الغير حكيم والذى صدر من الدكتور الجاهل والحاصل على شهادة الجهل الكبرى فى أدارة الإتصالات فى مصر هانشوف العجب بأذن الله قريب

هابتدى اتخيل

نظام الدفع

أدفع بعد ما تحمل اللى على كيفك والفاتورة هاتسجلك كل تحميلاتك ماشى

التخيل الأول

تررررن ترررن .......التليفون بيضرب:اللوو مين

_ حضرتك أحنا شركة الإنترنت وحضرتك عديت الأتنين جيجا اللى من حقك تحب تسحب رصيد جديد

_ أيه بتقول أيه أنا لسه مانزلتش حاجه والله الفيلم اللى حاولت أنزله طلعت صورته بايظه حتى أسألى الواد ابنى
ولغيته كمان

_ أحنا مالناش دعوه يافندم حضرتك حر فى اللى بتنزله صورته وحشه ولا كويسه أنا ماليش دعوه

_ طيب مكن أرجع الفيلم و أدفع الفرق

_ ترجع الفيلم أزاى يعنى هو اللى نزل بيرجع يابابا

_ أنا والله هاجى لحد عندكم أنا عندى هارد 160 جيجا ممكن تاخدوا منهم 80 جيجا تعملوا منهم شغل حلو أوى وتدفعولى فى الجيجا 5 جنيه بس

_طيب وال 80 التانين يا باشا

_ لا مؤخذه 80 التانين ده حاجات خاصه يا باشا أنت فاهم بقى ههههههه

_ماشى ماشى هاتصل بسيادة الدكتور المحترم وهو هايعمل معاك صفقه قريب بس خد بالك الدكتور بيحب الحاجات الخاصه ههععهههعع هععع

التخيل الثانى

تررن ترررن :اللو شركة الإنترنت تحت أمر حضرتك يا فندم

_ والله يا جماعه أنا بحاول أعمل داونلود من الصبح ومش عارف

_ أه حضرتك يا فندم تعديت المسموح لك به

_ أه أزاى أنا كنت مسافر من الشهر اللى فات

_ أزاى حضرتك العداد عندنا بيقول أن حضرتك حملت 100 جيجا ب 1000 جنيه مصرى أما الدفع أما الحبس يا بيه

_ أزاى الكلام ده مستحيل أزاى

_ تحت أمر حضرتك يا فندم عند حضرتك سؤال تانى

يغلق الرجل السماعه و هو يضرب كفا بكف و يصرخ يا عالم يا هوووو أزاى الكلام ده أنا كنت مسافر

فيأتى أبنه الصغير بجواره ويقوله يابابا أحنا قبل ما نسافر حماده جارنا شفته بيلعب فى بوكس التليفون فى الشارع و أول ماشفنى خاف و راح جبلى شيكولاته وقال لى أوعى تقول لباباك حاجه يا توتى

فيرمى الرجل أبنه من جواره ويجرى مسرعا ليرى سلك التليفون الذى خرج من البوكس ليدخل بيت حماده ومن بيت حماده تم تشبيك التليفون فى سلك يدخل له الى منزله

يخبط الرجل على بيت حماده

فيقابله حماده و هو ضخم الجثه عريض المنكبين_ أيه فى أيه أنت بتخبط كده ليه (خدوهم بالصوت)

فيرد_ تليفونى فى بيت حضرتك

حماده_ أيه سمعنى تانى تليفون مين يا سيد فى بيت مين

يرد وهو على وشك الإنفجار كاظما ضربه_ تليفونى فى بيت حضرتك

فيرد حماده _ربنا يسهلك يا جدع انت شوف انت رايح فين

يذهب الجل لشكوة شركة التليفونات المصريه للزفت _ الللووووو انا الخط بتاعى مسروق

_ يعنى حضرتك يا فندم بتلاقى الخط بتاعك مشغول

_ لأ بس السلك بتاعى فى بيت واحد مجرم مش قادر عليه

_ لما الخط بتاع حضرتك يا فندم يبقى مشغول حضرتك أبقى أشتكى

_ أيوه بس... بس أصل أنا مشترك فى النت و....

_ أحنا مالناش دعوه بالنت يا فندم تحت أمر حضرتك

التخيل الثالث

بخمستاشر وبس يالا تعالى بس بخمستاشر وبس يالا تعالى بس

يقف رجل ينادى ببيع الأفلام والبرامج فى الشارع وهو يصرخ هكذا

تقترب منه و تسأله_ هل لديك أسطوانات CBT CCNA

يفتح الرجل فمه _ أيه

يكرر الرجل كلامه مره أخرى ولكنه يكتشف أنه مهما قال فلن يفهم الرجل شيىء

فيضطر الرجل للجلوس على الإنترنت و أن يدفع للدكتور الوزير مقابل كل جيجا عشره جنيه

فيقوم الرجل بتحميل عشرة أسطوانات دى فى دى سعة الإسطوانه الواحد جيجا ونصف يعنى الراجل دفع فى 15 جيجا 150 جنيه مصرى

ويقول الحمد لله الواحد عرف يحصل العلم من على الإنترنت

فيأتى له زميل ليسأله_ مش معاك أسطوانات بتاعة CCNA

فيرد_ معايا ب 200 جنيه لو عاوز يرد الرجل كتيير أوى

الرجل_ مش كتيير والله ده حق التكلفه يا غالى والله حق تعبى وحق ال 15 جيجا اللى حرقت فلوسى و دمى و نزلتهم

الزميل مضطر _ماشى يا باشا كتر خيرك برضه

وهكذا حتى يصبح سعر الإسطوانات الف جنيه وكله علشان الغالى

التخيل الرابع

قريب بأذن الله هاحكيه

وعلينة من ده باية بلاش نت احسن

والله فعلا عندك حق

دة هيكون حقيقي و الا تخيل بس

هههههههههههههههههههههههه
ميرسي يا هيثم على الموضوع

هههههههههههههههههههههه

والله يا ندى شكلها كده هيطبق
المنتدى امانه فى ايديكى لو اطبق النظام ده عندنا فى مصر

لو فعلا النظام تم
هاتبقى فعلا مشكله كبيره
وربنا يستر بقى

» لغه المستقبل .. ادخل واتعلم
» أزاى تبقى أب روش طحـــــــــن
» ياللا نتخيل
» التفكير فى المستقبل
» خدمة العملاء في المستقبل