نفسي بجد حد يساعدني في مشكلتي ويقولي اي حل

انا حكايتي حكايه مش عارفه ان كنت مظلومه في الدنيا ولا ايه وكتير بحس اني مخنوقه ومكتئبه واحس ان خلاص مش عايزه اعيش واحس ان كل حاجه مقفوله في وشي مع اني بدعي ربنا باستمرار اولا من ناحية اصحابي لقيت اني ماليش حظ في اصحابي ومعظمهم طلعوا غدارين وعرفت دا متأخر مش عارفه دا جهل مني ولا ايه بس مشكلتي لما بحب حد قوي حتي لو فيه حاجه وحشه بحس انه احسن حد في الدنيا ولقيت انهم كلهم بتوع مصالحهم وبس ومفيش حد بيحب حد وان انا اللي ساذجه وغبيه واكتئبت وقلت مش عايزه اصحاب تاني وعمري ما هأمن لاي حد ابدا واللي يعيش ياما يشوف دا بالنسبه لاصحابي تاني حاجه انا بيتقدملي ناس كتير قوي بس كتير منهم مش مناسبين ليا واللي يسأل مثلا ونكون هنوافق عليه مش يجي تاني مع ان بيوصلنا كلام من معارفهم ان هوه اللي عايزني ومحدش فرض عليه حاجه مع ان اتقدملي ناس مراكز بس ما ارتحتش ليهم وعمري ما هوافق اللي اكون عايزه وارتاحله من اول ما اشوفه واهم شئ القبول ولسه ما لقتش ده والتأخير مش مهم بالنسبه ليا بس الناس بيحسسوني كتير اني صعبانه عليهم لان كل اللي اصغر مني اتجوز علي فكره انا عندي 23 سنه الصراحه كلام الناس بيضايقني وبعده بحس اني مخنوقه والاكتر لما الكلام اللي يضايق يكون من الاقارب الصراحه انا نفسي اكون مخطوبه ودا من زمان بس لسه مش لاقيه اللي في بالي لاني مش هوافق علي اي حد لاني عمري ما حبيت وحقيقي نفسي الاقي اللي احبه ارجوكوا حد يرد عليا لاني حاسه اني هموت

اولا بعد الشر عليكى من الموت

انا هحاول اقلك حل بس يارب ينفع

اول حاجة : اعرفى ان ربنا خلقنا فى الحياة علشان يحطنا فى اختبار (الحياة) فلازم نرضى بكل حاجة فى حياتنا مهما كانت وحشة او حلوة
ومن نحيت اصحابك كويس انك عرفتيهم على حقيقتهم دلؤقتى احسن مكنتى دخلتى فى مشاكل وربنا اكيد كتبلك انك تبعدى عنهم
ومن نحية الخطوبة اكيد ربنا شيلك اللى انتى بجد مستنياه طووووووووول عمرك
وحتى لو حد جالك وانتى قلتى موافقة وبعد كه مجاش تانى ايد ربنا بعدك عنه علشان اكيد كان فيه حاجة وحشة

واوعى تيأسى ابدا

( لا يأس مع الحياة ولا ياحياة مع الياس )

وحطى فى اعتبارك ديما ان ربنا بيختبرك

والحل انك تقربى لربنا اكتر بكتير وانشاء الله ربنا هينورلك طريقك وحياتك

وربنا يوفقك فى حياتك

ويارب اكون ساعدتك فى حاجة وان شاء الله لكل مشكلة ليها حل

ربنا يوفقك فى حياتك واضحكى للدنيا تضحكلك

1111111111111