ياترى هتتجوزى مين فيهم؟؟؟....خاص للبنات فقط

7 طرق لاكل الزرج و منها تعرفي على زوجك ...1-

إذا كان عادي يعني لا بياكل بسرعة ولا ببطء ولا دايمًا شبعان ولامفجوع على طول..
يبقى شخص معتدل في عواطفه وقراراته ويبقى ده آخرالرجال المحترمين..

كلبشي.. واستعجلي الزفاف والحياة هتبقى بمبي

2- إذا كان بيحب الأكل زي عينيه.. وأول ما يدخل من الباب وقبل ما يقوللك ازيك يقول لك ريحة التقلية تجنن ياروحي إنتوا عاملين ملوخية على أرانب.. أموت أنا.. ويقعد ياكل ويحشر لحد ما يغمى عليه..
يبقي انسان طفس.. وهوائي.. وطايش
وأوعي تتجوزيه أحسن ياكلك وانتي نايمة....؟

3- أما إذا كان مش مهتم بالمرة.. لايقولك ده
حلو ولا ده عادب ولا مالح ولا مستوي ولا لسه ني ولا بيعلق أي تعليق.. وعمره مايقولك جعان أو شبعان
يبقى إنسان مالوش لزمه.. وزي قلته..

وأنصحك بدل ما تتجوزيه إتبنيه..

4- أما إذا كان بياكل زى مايكون حد بيجري ورااااه وساعة الأكل بيجيله حالة صرع معوي.. ويقوم من ع الأكل قبل أي حد تاني
يبقى متسرع.. ومتهورفي اتخاذ قراراته وممكن بعد الجواااز يكتشف إنك لست ملهمته..ولست فتاةأحلامه ولستِ حلمه..
ويروح مطلقك بالتلاتة..

إخلعي إنتي بدري أحسن لكرامتك.

5- أما إذا كان بياكل على مهله.. ويمزمز.. ف كل صنف لوحده.. ويسأل عن كل صنف إيه مقاديره ومعمول إزاااي ويقعد يستطعم ف الأكل من العصرللمغرب
حاسبي منه يا اختي ده النوع اللي له مخ.. وبيوزن الأموربطريقه تفقع المرارة.. ولو في يوم طلبتي منه يقولك كلمة حلوة هايقولك مش عاملحسابي ويقعد يفكر 3 سنين وبعدين يقول لك بحبك ويقعد يشوف وقعها عليكي إيه
نظااااام شلل رعاش بدري.... بدري

إخلعي يا أمي

6- أما إذا كان بيقعد يقطع ف الأكل زي مايكون ف خناقة ويخبط فطبقه من الغل.. ويقطع حتة اللحمة زي ما يكون بيدبحها.. ويتفتف.. ويتكلم.. طول ماهو بياكل لما يغرق وشك أكل..
ده شخص عصبي جدًاااا.. ومع أول خناقة هايروح مناولك بالكرسي ف راسك أوبالسكينة ف عينك يعمل لك عاهة مستديمة وبعدين.. يهدى.. ويقول لك:
"سوووري ياروحي هي جت فيكي.. معلش"

""معلش برَّه يا حبيبي وخد الباب ف أيدك""

7-أما إذا كان دايمًا قرفاااان دايمًا مش عاجبه العجب ولا الصيام في
رجب.. يع.. الملوخية تقيلة.. ياي.. السمنة كتيرة على وش الشوربة..
ياساتر.. دا محشي ولاصوابع مووووز.. أووووف.. الرز محصويل.. يامَّه
المكرونة معجنة..

إذا كان كده توكلي على الله وهاتي أحمى ساطووووورعندك
وأنا أعرف لك واحد محاميهايطلعك منها زي الشعرة م العجيييين

والأحسن من ده كله..... مالها القعدة ف بيت
أبووووووووكي

ههههههههه
مستنيه ردودكم يا بنااااااات

جامد اووى الموضوع دة و مشكورة على المعلومات الجمدة دى

ههههههههههههههههههههههههههههههههههه
الله يخرب عقلك يا مون ههههههههههههههه
امال هنجوز مين ما هو كل الرجالة طلعو مينفعوش

تسلمي يا قمري على الموضوع الجميل جداااااااااااااااااااااااااااا

تحياتي نوودىىىىىىىىى

شكرا لولى ونودى على مروركم وعلى المشاركه
على فكرة يا نودى انتى ماخدتيش بالك ان فيه نوع واحد بس ينفع اللى هوا الاولانى ده وربنا يارها معانا كلنا

انتي زي العسل

شكرا ليكى بوسى ويارب يكون الموضوع عاجبكم كلكم
وبرضه اى خدمه يابنات

دمـــــك شربات اوى وســـــكر بس انا كنت عاوزة اسالك سؤال
انت متجوزة او مخطـــــــوبة
هههههههههه

دمـــــك شربات اوى وســـــكر بس انا كنت عاوزة اسالك سؤال
انت متجوزة او مخطـــــــوبة
هههههههههه

دمـــــك شربات اوى وســـــكر بس انا كنت عاوزة اسالك سؤال
انت متجوزة او مخطـــــــوبة
هههههههههه

ههههه
شكرا ماريا على مشاركتك بس انا مش عارفه ايه سبب السؤال؟؟؟؟؟
عموما انا لسه single
بس برضه عاوزة اعرف سبب السؤال

يابنات انتم لقين عرسان
ارضوااااااااا
عشان تتجوزوااا

انا عن نفسى مش مستعديه لكدا اعد في بتنا احسن من البهدله دي

مش كدا والا ايه ...................؟ بس الاول دا يعني افكر

المعتدل طبعا احسن و هيبقى مريح

» 10نصائح للبنات لجعل الاولد تدوب فيهم
» مفاهيم زمنا ياترى صح ولا خطا ؟
» يا ترى انت/ى مع مين فيهم؟؟؟؟؟؟؟؟؟؟؟
» الاصدقاء الستة في حياتك!!, مين صحبك فيهم
» ياترى يابنات الكلام دة بينطبق عليكوا