نكت الصعايدة

بسم الله الرحمن الرحيم

اقدم لكم بعض النكت عن اخوانا الصعايدة

اتمنى انكم تضحكوا من قلوبكم والنكت تعجبكم


**مدرس سال طال بلدياتنا ،لما تكبر
هتكون ايه؟قاله عجوز طبعا!!

**واحد بلدياتنا اتصل بالاستعلامات
قال لهم ادينى رقم المطافى
الموظف قاله:999
قال يعنى 3 تسعات؟
الموظف قاله:ايوه تمام
قال: طيب انا معنديش غير تسعة واحدة فى التليفون
قال له الموظف: والله إنك صعيدى
قال له:ياعفريت تلاقيك مركب كاشف

**بلدينا قال لصاحبه:بتشرب قهوة بالليل؟
صاحبه قال له:انا اذا شربت قهوة بالليل ما اقدرش انام
بلدينا رد: انا بقي عكسك إذا نمت ما اقدرش اشرب قهوة

**بلدينا بيفتح الثلاجة على مهله وببطء شديد ليه؟
عان يكتشف مين بيفتح النور

**بلدينا بيسأل صاحبه : هو الشيخ عبدالباسط عبدالصمد أخو الشيخ محمد متولى الشعراوى؟
قال له يا اهبل ..... ده مجرد تشابه أسماء

**واحد بلدينا كلما يخلف ولد يموت
اتفق مع مراته اذا جالهم ولد يسموه مبروك
يوم ما ولدت مراته ،طلعت الممرضه
بيسألها ها ؟ايه اللى حصل؟
قالت له الف مبروك يا حاج
رد قال:يا بوووى ....هاصرف عليهم منين دول كلهم؟

** واحد بلدينا ماشي على الرصيف
شاف واحد سأله:هو فين الرصيف التانى؟
رد عليه:الناحية الثانية
بلدينا قال:حاجه تدوخ!!....... والله انا سألت الناحية التانية قالوا لى هنا!!

**واحد بلدينا عايز يعمل عملية انتحارية،قام دخل مطعم وضرب نفسه بسكين
ثلاثة زباين ماتوا من الضحك!!!

**تلميذين من بلدياتنا وصلوا المدرسة متاخرين
سال الاستاذ واحد منهم كان بيعيط قوى:ايه اللى جابك متاخر كده
قال وهو بيعيط:اصل الشلن بتاعى وقع منى وكنت عمال ادور عليه علشان ماعييش غيره
فسأل التانى:طيب وأنت بقي كنت بتدور معاه برضه؟
قال:لا يا استاذ ،انا كنت دايس على الشلن برجلى!!

**واحد فى مأتم واحد بلدينا مات امباح ،بيسأل ،هو بلدينا مات بإيه؟
رد عليه اللى جنبه :حط إيده فى برميل مية نار
قال له :طيب وهو اللى يحط يده فى برميل مية نار يموت؟
قال له:لأ ، مهو لما مالاقاش إيده ....دخل راسه فى البرميل عشان يدور عليها!!

**بيقولك ليه بلدينا بيكون ذكى لما يطلع من الصعيد؟
علشان بيكون خارج نطاق التغطية

**بلدينا من سوهاج سمع فى النشرة إن فيه عاصفة جايه على سوهاج
كتب على مدخل المدينة:مرحبا بك فى اسيوط

**واحد بلدينا بيقول لواحد تانى :
عينى اليمين واجعانى قوى يابوى،وكل ما افتحها أشوف نقط سودا
قال له :طيب شفت دكتور عيون؟
قال له:يا بنى آدم باقول لك شفت نقط سودا

**واحد يابانى شغال فى مشروع فى قبلى ،قام فات على بقالة علشان عايز يشترى عشر علب بيبسي
قال لبلادينا: كوميهانى سيبة موفا كالاوبيسي
لدينا رد عليه:بتقول إيه؟ عايز عشر علب إيه؟

**بلدينا راح عند القصر الجمهورى وكلم العسكرى اللى هناك
قال له: أنا عايز اترشح لرئاسة الجمهورية
قال له العسكرى :أنت حمار ولا إيه؟
بلدينا قال له: ليه؟ هو شرط يعنى؟؟؟

**بلدينا ماشى فى جنازة
سأل اللى جنبه:هو المرحوم كان بيشتغل إيه؟
قاله:كان تربي
بلدينا قال:سبحان الله ...من حفر حفرة لأخيه وقع فيها

**واحد صحفى بيسأل بلدينا:نسبة البطالة عندكم قد إيه؟
بلدينا قال:والله الصعيد كله أبطال

**إيه اللى بيكون مكتوب داخل أحذية بلدينا؟
ورقة مكتوب عليها :أدخل الأصابع أولا

اتمنى ان تكون النكت عجبتكم وضحكتم من قلوبكم

لا تنسونا بردودكم