الاعضاء بيمثلو ايه فى المنتدى

بسم الله الرحمن الرحيم :

الموضوع طبعا باين من عنوانه وهو الاعضاء بيمثلو ايه فى المنتدى

طبعا احنا عارفين ان اى منتدى علشان يكون ناجح لازم يكون فيه اعضاء لان بأختصار المنتدى من غير اعضاء مشرفين بس مش هيبقى حلو وكمان مش هيبقى مشهور اوووى

ولازم كمان المشرفين الى هما مسؤولين عن المنتدى يكون قلبهم على المنتدى بمعنى انهم يحاولو يشوفو ايه الى بيسعد الاعضاء و يخليهم يدخلوا المنتدى و يكون فيه اقبال عليه و يعملوا الحاجة دى

لان اكيد الشئ دا هيخلى المنتدى عليه اقبال كبير جداااا و هيكون مشهور و طبعا هيوصل لرقم 1 على المنتديات كلها ودا طبعا الى المشرفين نفسهم يحققوه

وانا واحد من الناس دى الى نفسى فعلا المنتدى دا يكون مشهور جداااا ويكون رقم 1 و يكون عليه اقبال كبير جدااا لان بجد المنتدى ده جميل جداااا وكل الاعضاء و المشرفين الى فيه كويسين جداااا و جمال جداااا الى اعرفهم ولى لسة محصليش الشرف انى اتعرف عليهم

لكن لحظة واحدة



ازاى المنتدى دا هيكون رقم 1 و يكون مشهور و
المشرفين تحقق كل ال احلام الى كانوا مستنيين انها تتحقق
و هما نسيين اهم حاجة




تعالو كدا نشوف المشرفين ناسين حاجة ولا لا


ايوا اكيد ناسيين
ناسيين ان الاعضاء هما قلب المنتدى
وان من غير القلب دا الجسم بيموت
وان القلب دا اهم حاجة
لما يكون تعبان لازم نعالجة زعلان لازم نصالحه


الاعضاء زى مثلا
ازازة بارفان رحتوا جميلة جدااا
بس ليه الازازة رحتها جميلة لان البارفان فيها وبعد
البرفان ما يخلص الا زازة بتترمى
اهو الاعضاء زى البارفان كل ما يقلوا كل ما المنتدى
يبقى قدامى خطواط على الهبوط
و فى الاخر المنتدى هيبقى كأنه ما كان
و يضيع المجهود الى المشرفين كانو بيعملوه علشان المنتدى يكون
احسن المنتد يات


.
.
.
.
.

طيب لحظة واحدة كداااا

ايه الى هيخلى الاعضاء تقل



تعالى انا هقولك
لما بأختصار المشرفين يتجاهلوا رغبات الاعضاء
مش كدا و بس
يحرموا الاعضاء من حاجة هما بيحبوها
لا وكمان ايه
يفرضوا رأيهم على الاعضاء كأن الاعضاء دول مالهمش لازمة خااااالص
و كمان ايه
طلباتهم تتجاهل وكأنهم محتاجين واسطة علشان يوصلوا لفوق
عارفين بيفكرنى الكلام دا بأيه بحاجة الواحد مش بيحبها و المشرفييين كتبوا مواضيع كتيييييير فيها
بحال البلد الى المواطن يقول رأيه ولا كانه بيقول حاجة علشان طبعا المسؤولين مش موافقين على طلباتهم
والنتيجة هجرة الناس من البلد لبد تانية توفرهم الى هما عايزينة
ودا طبعا الى هيحصل ان الاعضاء هتسيب المنتدى
و تشوف واحد تانى يقدر طلباتهم ومايعاملهمش بتجاهل خااااالص


طيب ما احنا لسة قايلين الاعضاء دول بيمثلوا ايه
راجع كدا تانى معايا
عرفت بقى ان انتا غلطان
.
.
.
.
.
برضوا مش عايز تعترف بغلطك
يا جماعة احنا قلبنا على المنتدى
لان المنتدى دا فعلا قدم حاجات كتييير جميلة للاعضاء واحنا خايفين عليه




shetos_ love

please
شوفوا ايه الى الاعضاء محتاجينه و نفذو طلباتهم
لان بجد لو احنا مش بنحب المنتدى ده
مكناش قولنا ايه الى احنا محتاجينه علشان المنتدى ده يبقى رقم 1

وان شاء الله نوصل بيكم للى احنا محتاجينه و عايزينه


انا اسف جدااا طولت عليكم بس انا بحب اقول رأى بصراحة كاملة



وسع و سمعنى احلى تصقيف بقى







لحظة واحدة قبل التصقيف



احب اقول ان المنتدى من غير المشرفين يعتبر
قلب من غير روح
والجسم ميقدرش يستغنى عن الاتنين

وطبعا الى قولته ده ما يقلش من قيمه المشرفين خااااااااااااااااااااااالص
لان طبعا الدولة ما تمشيش من غير الحكومة
الى لازم تمسك الدولة صح
و تريح مواطنيها

انا اسف كتبت موضوعى فى الاخبار السياسية علشان يكون في اهتمام لان دا برضو من ضمن الاخبار السياسية هههههههههههههههههههه

وياريت اسمع رأى الاعضاء و المشرفين بحرية كاملة جداااااااااااااا

شكرااا جدااا ليكم

ازيك يا حودة

بص يا حودة انا مش شايف انك بتقول حاجة غلط بصراحة بغض النظر عن انك كتبت الموضوع ف الاخبار االسياسيةهههههههههههههه
كلام مبظبوط بصراحة بس هوة فية حاجة اتطلبت وما اتنفذتش ولا فية شكوي
مش عارف !!!!!!!!!! يمكن!!!!!!!!!!
ع العموم انا حبيت اقولك وحشتني يا مان اوي

ازيك يا حودة

بص يا حودة انا مش شايف انك بتقول حاجة غلط بصراحة بغض النظر عن انك كتبت الموضوع ف الاخبار االسياسية

ايه الاعضاء طلبته ومتنفذ يا حوده؟؟؟؟؟؟؟

السلام عليكم ورحمه الله وبركاته

اولا انا بحييك على الموضوع ياشيتوس

تانى حاجه الحمد لله المنتدى هنا عمره مااخر طلب لحد

يمكن حكايه رجوع الشات هيه الى مزعله اعضائنا

وزى ماانا رديت على اسامه قبل كده

الشات لسه مااتقررش سواء كان هيرجع ولا لا

لان الموضوع ده فى ايد اداره المنتدى

الى هما ربنا يكون فى عونهم لانهم بيادوا الخدمه العسكريه بتاعتهم

وان شاء الله هنشوف الموضوع ده فى اقرب وقت

بسم الله الرحمن الرحيم :

اولا شكرااا جداااا لكل الى دخلوا و قالوا رأيهم

وانت يا محمد فعلا انت واحشنى جدااااااااا والله

.

.

.

.

و شكرااا جدااا يا اسراء

بجد الموضوع تحفة بيكم وبى رأيكم انتوا

.

.

.

وانتى يا همسة امل

انا تحت امركم فى اى حاجة طبعا

.

.

.

نيجى لى اونلى حبيب قلبى

انت واحشنى جدااا والله

ويارب فعلا الموضوع يكون عجبك

انا فعلا عارف ان الادارة عمرها ما اخرت طلب للاعضاء ودا

طبعا الى مخلينا متمسكين بيكم وبى المنتدى لان المشرفين كلهم بدون استثناء زى

العسل بجد والله مش كلام وعمرى ما شوفت حاجة وحشة منهم خالص

واحنا لما بنطلب طلبات كمان منكم و بنتقل عليكم طبعا دا من عشمنا فيكم

لاننا بنقدر فعلا ان احنا عزاز عليكم جدااااااااا

اينعم ازا كان حبيبك عسل ما تلحسوش كله بس هنعمل ايه بقا ربنا موقعكم فى

اعضاء مصدعين دماغكم هههههههههههههههه

.

.

.

اما توتى

انا ليا الشرف طبعا انك ترد على موضوعى

خصوصا انى محصليش الشرف قبل كدا انى اتعرف عليك وان شاء الله

دى تبقى بداية صداقة بنا ان شاء الله

.

.

.

.

.

.

نيجى بقى للعسل سوما الانسانة الجميلة جدااااااااا

انا طبعا بكلامى دااا مش بلغى اى حاجة عملتها الاداة خاااالص

انا بس بتكلم على وجهة نظر الاعضاء فى حاجة عملتها الادارة

و طبعا دى حاجة من حق الاعضاء انهم يناقشوا ما بنهم قرارات الادارة





اما بخصوص ان الى بيربطنا الشات بس فا دى وجهة نظر غلط جدااااا

لان بأختصار لو الاعضاء الموجودين دول لو كان الى بيهمهم الشات و بس

كانوا بمجرد ما الشات ما اتشال كانوا خرجوا من المنتدى خااااااااالص

او مبقوش يدخلوا ولا يمارسوا اى نشاط لحد ما الشات ما يرجع تانى

لكن الى حصل العكس ان احنا فضلنا فى المنتدى

مسألتيش نفسك ليه يا سوما

علشان احنا بنحب المنتدى ده بجد مش مجرد شات و خلاص

لو على الشات فى مواقع كتير جدااااا بتوفر الشات و منتديات كتيييير برضو بتوفر الشات ده

لكن احنا متمسكين بى المنتدى ده دون سواه

عارفة ليه لاننا برضو متمسكين بشعار المنتدى

البيت ده بيتك

و طبعا الواحد لما بيكون فى بيته لازم يقول رأيه

غير كدا مش هيعتبر بيته خاااالص

واحنا يوم ما قولنا رأينا فى حكاية ان الشات اتشال قولنا رأينا

معتمدين على وجهة النظر دى الى المشرفين والى اسلام مانوس عودنا عليها

.

.

.

اما حكاية ان الاعضاء بتخش علشان الشات بس او فى كتير منهم

فا دى طبعا حاجة بتبقى حسب رغبة العضو

واحنا طبعا مش واقفين عند العضو الى داخل علشان الشات بس

لان احنا الاعضاء الى بجد والى خايفين على المنتدى بجد احنا الى هنخلى المنتد ده يبقى احسن منتدى

و طبعا منتدى مانوس مدى الحرية الكاملة لاى عضو جديد ازا كان عايز يشاركنا برأيه و يعمل مواضيع اهلا و سهلا بيه

عايز يخش علشان الشات بس

برضو اهلا و سهلا بيه

لاكن احنا هنفضل نعمل فى مواضيع و تقدم مقترحت زى ما احنا

.

.

.



اما حكاية ان لما الشات اتشال

المنتدى مجهودة زاد

لان الشات كان الوسيلة الوحيدة الواصلة بين الاعضاء

وان الاعضاء يتكموا مع الناس الى بيحبوهم فعلا

دا طبعا جانب المواضيع الى بنقدمها

واكيد المواضيع زادت لان المواضيع دى هى الى بقت الوسيلة لتواصل الاعضاء

و لو لاحظتى هتعرفى ان عدد قليل الى بيشارك فى الموضوعات

الناس الى دايما كانوا عاملين شغل فى الشات و قريبين من بعض

و طبعا مجهودهم مقلش ولا حاجة لانهم برضوا كانوا بيقدمولنا مواضيع فى وجود الشات

ولو لاحظتى الاعضاء دلوقتى و الاعضاء فى وجود الشات

هتعرفى مين الى كان بيخش علشان الشات و مين بيخش علشان

المنتدى بكل ما فيه شات و غيره

.

.

.

اما حكاية ان اسلام مانوس ماردش على موضوع اسامة

طبعا محدش يقدر يقول حاجة ابدااااااااااا الله يكون فى عونه احنا كلنا

عرفين انه فى الجيش

وكمان اكيد اسلام مطمن و متأكد ان المشرفين هيسدوا مكانه فى غيابه

وهى دى مهمة المشرفين انهم يعوضوا غياب اسلام

ربنا يرجعوا بالسلامة

.

.

.

اما بخصوص ان مفيش حد بيسأل على اسلام

طبعا كل كلمة قولتيها صح جدااااااااااااا

لان الاعضاء المفروض بجد يسأله على اسلام ومش اسلام وبس

لا كل المشرفين الى فى الخدمة العسكرية

ونسأل على بعض

لان زى ما احنا متمسكين بشعار

المنتدى ده بيتك لازم نعمل بالكلمة دى

و نسأل على كل واحد متغيب

اسلام و كل واحد فى الخدمة العسكرية

لان دا واجب علينا

.

.

.

وانا بالنيابة عن كل الاعضاء بتكلم وبرسل

لى اسلام وكل المشرفين باقة ورد كبيييييييرة جدااااااااااااا

و مستنيين رجوع اسلام علشان نعمله مفجأة خاااااصة وان شاء الله انا هعملهاله



شكراااا جداااااا ليكم ولكل اللاعضاء و المشرفين الى شاركوا معانا الموضوع

موضوعك مميز يا حودة وشكرا ليك يا حبي

وبجد سومة جابت من الاخر

.
.
.
.
.
.
كلمة اخيرة
انا الى خلانى اتجرئ و اكتب الموضوع دا و اقول راى
ان المنتدى و المشرفين ادولنا حق اختيار النظام الى احنا عايزينه
بدليل لما المنتدى شكلة اتغير والوانه وكل حاجة
المشرفين طلبوا من الاعضاء انهم يقولوا رأيهم
و فعلا المشرفين خدوا برأى الاعضاء
و رجعوا النظام القديم
ودا الى خلانا نقول رأينا فى موضوع الشات
.
.
.
.
لو حد من المشرفين او الاعضاء
قال ان احنا غلطنيين
يبقى ما يقولناش احنا يقول
للادارة انها هى الى غلطانة
غلطانة لانها اتدلنا حرية الرأى و عودتنا على كداااا
.
.
.
ودا طبعا الى مش هيحصل لان مفيش حد من الاعضاء
او المشرفين هيقول كدااااا
لان دى ميزة ان الادارة تخلينا نقول رأينا بصراحة
و تاخد بيه
مش عيب يبقى ضد الادارة والمنتدى
شكراااااااااااااا جدااااااااااا
ياأحلى اعضاء ويا أحلى منتدى
.
.
.
ربنا يستر بقى لانى كداا
شكلى هاخد استمارة 6 من المنتدى
و مش هشوفكم تانى
هههههههههههههههههههههههههههههههههههههه

لا يا عم متقولوش كده

قول انا وانتا

هههههههههههههههههههههه

احنا طبعا مقدرين الى اسلام فيه

وانا عرفت انه كان تعبان

وبقوله ألف سلامه عليك

وبشكر اونلى على متابعته الموضوع معانا

وكل الاعضاء الحلوه دى طبعا

واحنا فى انتظار اننا نسمع خبر كويس منكم انشاء الله