أدخلوا وقولوا رأيكم فى الشات الى اتحذف من المنتدى !

انا اول مادخلت المنتدى وملقتش الشات ..حسيت انى لوحدى فى المنتدى

بصراحة الشات بيعمل روح للمنتدى

اتمنى انه يرجع

مريسى يا اسامة على الموضوع بس طبعا ان الشات اتشال ودى حاجة رخمة جدا سورى فى اللفظ بس انا احب اقول للادمن اسلام ان كدة مينفعش وهيخسر المنتدى والاعضاء وانازعلانة جدا منة

انتوا على فكرة حتخسروا كتير لان الاعضاء حيمشوا لمنتديات اخرى تسمح بالشات لانه من الوسائل المهمة فى التعارف الحديث

على فكرة سندريلا قالت انها مش فرحانة ديه حاجة



الحاجة التانية اني كمان دخلت لقيت المنتدى فاااضي مفيهوش حد و ده اول مرة تحصل في تاريخ مانوس
بجد فيه ناس كانت بتدخل بس عشان الشات و انا كنت واحدة من الناس اللي بيدخلوه برضه و رأيي انه يرجع

بسم الله الرحمن الرحيم :

فعلا المنتدى نقصه حاجة من ساعت ما اتشال الشات
مش المنتدى الى كله كان بيخش يتكلم مع صحابه ونضحك و نهزر
يعنى انا واحد كنت بجد بتكلم مع كل الاعضاء البنات زى اخواتى و الاولاد زى صحابى بالظبط وانا ربنا الى يعلم كنت عامل ازاى الفترة الى فاتت مخنوق جداااا و مضايق و فعلا دخلت علشان افضفض مع صحابى العزاز عليا بس للاسف الشات كان اتحذف
ازا كان علشان المشاكل معلش ما هى دى وظيفة المسؤولين عن الشات انهم يحلو المشاكل
لو فيه مشكلة بين اتنين يخرج الاتنين من الشات و يتفاهم معاهم هما الاتنين و يحل سوء التفاهم الى بينهم
لكن مش يتحذف الشات و يحرم الباقى من ان هما يكلموا بعض لو على الاعضاء الاولاد عادى ممكن الواحد هياخد الاميلات و نكلم بعض عادى لكن البنات هيبقى صعب ان الواحد يطلب منهم طلب زى دا ولو طلب هيبقى محرج جدااااا
فا الشات كان مريح كل الاعضاء ومقربهم من بعض اكتر و يعرفهم على بعض

انا اسف طولت بس انا كنت بقول وجهة نظرى و بعدين مفيش حاجة اسمها اسلام مانوس هو المسؤول عن المنتدى لوحدة لان احنا كمان مسؤولين عنه و عايزينه يبقى احسن منتدى و طبعا حاجة زى حذف الشات دى هتخلى الاعضاء تقل مش تزيد

( انا اسف جدااا يا اسلام بس فعلا والله احنا كلنا مسؤوليين عن المنتدى مش انتا لوحدك ونفسنا نخليه احسن منتدى وشكرااا جدااااااااا )